الطب و الطبائب - USMLE

حابب النهاردة اكلمكم عن التجربة الجامعية الطبائب مليان شباب كتير صغيرين لسه في اول مراحل الكلية, حابب اقولكم الحياة اكبر من الماتش و اليو ورلد و step 1 و 2, عيش التجربة الجامعية بتاعتك, عيش جرب شوف انزل متقيسش كل شئ بفايدته للطريق و تنسي نفسك اعمل حاجات انت بتحبها عشان تعرف تكمل في الطريق, اهتم بنفسك لما تكون مبسوط سعيد هتلقي نفسك عندك طاقة و جهد تمشي في الطريق دا الحاجات الصغيرة البسيطة اللي بيبقي نفسك تعملها بس تلقي نفسك تقول لا عشان اصل مش هتفيد الماتش او لا مش هعرف اذاكر, محدش بيذاكر 24 ساعه في وقت كتير ضايع في لا شئ فبدل ما يضيع في لا شئ انت حتي مش هيبسطك اعمل و اتعلم و انزل و شوف الحاجات اللي نفسك فيها الواحد اتعلم دا متاخر في رحلته في الكلية و لكن من بعدها الدنيا بقت الطف, اعمل ذكريات في الكلية, عيش الوقت دا مش بيتكرر تاني, و هتمتحن و هتوصل باذن الله بس اوصل و انت مرتاح مش حارم نفسك, لما تعمل حاجات بتحبها ممكن اصلا تفتحلك فرص انت مكنتش تفكر فيها اصلا, فمتخليش منظور محدود بهل هتفيد في الماتش او لا, و بعدين محدش هيبدا بالتجارب التقيلة في الحاجة غالبا الا لما تعمل حاجات صغيرة و تبدا تتعرف عشان يتاح ليك حاجات اكبر يعني اللي بنحاول نذكركم بيه و نفسي ان فترة الكلية لا تعوض, فاغتنمها كويس طارد اهتماماتك شوف اصلا هل حابب الحاجة دي بجد بعد ما جربتها و لا لا؟ عشان قدام ميبقاش عندك ندم يا ريتني عملت او حاولت او اتعلمت او لو بس كنت جربت كنت هبقي جامد في الحاجة دي, مفيش فرصة احسن من دلوقتي و عشان كدا بنقولكم دايما في المذاكرة اعتمد مبدا الminimum viable effort انك تحدد مجهود يومي تزيد عنه متقلش بسيط تقدر تعمل بصورة دايمة بحيث توصل لهدفك و فنفس الوقت يكون عندك وقت تعمل الحاجات اللي بتحبها, الحياة كبيرة اكبر من كل دا, عشان تبقي شخص متعدد اهتمامات تعرف تتكلم مع اي حد و تسمع و تحكم و تتعلم : ) بكل حب, الطب و الطبائب