ـم

ضمّني والله إن قلبي ملاه الجفاف ‏وعطني من السوالف مايبلّ الحشى ‏ناظر عيوني بتلقى لبحرك ضفاف ‏أنت أول بشر داخل هدبها مشى ‏ استحليتني ماهو بحدّ الرهاف ‏بشعورٍ غمر قلبي إلييين أنتشى ‏أذكر اني قبل أعرفك كنت أخاف ‏ومن بعد مابكيت بحضنك .. لا حشى

ليه أسجل عن أنواع الطباع إنطباعي ‏والبشر ماتبي تسمع وش نقول عنها ‏ملّت الناس من ديكورها الإجتماعي ‏و إنتقادات يدفع كل واحد ثمنها ‏النصايح لها وقت و طريقه و داعي ‏كل مازدت جرعتها تسمم بدنها

‏عودتك اني في رضاي وفي زعلي ‏انك المبدأ دون كيف ودون ليه ‏اقول اسف لاجل ما تزعل علي ‏وانا ماني بـ اسف انا يؤسف عليه

مرّني عامين بين احساسي و ظلّ اغترابي ‏وأنت طرقي عجول وشاعرك راعي طويله

حبيبي أنت يا سبّة شقاي وعلّتي ودواي ‏دخيلك لاتمادى في جفاك وتقتل أزهاري ‏دخيل الشعر واحساس الشعور وعزوتك واعداي ‏دخيلك وين أولّي عن عذابك واهجر أسواري ؟ أمانه لا غزتك الذكريات ومرّتك ذكرياي ‏تذكّر من هدر دمع الفراق إن جاب لك طاري ‏كتبتك يلعن أسلاف القصيد وتنكسر يمناي إذا إني ما قدرت أرضي غرورك بأصدق أشعاري ‏سرى ليل المواجع والتحف صمتي صهيل الناي ‏على لحن الفراق أكتب حروفي واعزف أوتاري ‏أفجّر للحزن صمت المواجع وإن ضمنت بكاي أغنيها على لحن انكساري واسر يا ساري

جديد الغلا ياليت لو تمسح الأرشيف ‏فالأرشيف كذبه بإسم الأشواق تنهكني ‏الأحباب قبلك في حياتي سحابة صيف ‏تبرّيت من ماضي مع الغير يشبكني ‏إذا كنت تجهلني أخذ مني التعريف ‏“ أنا درب ما تقدر بوجهين تسلكني “ ‏أنا لك حقيقه ماهي بشك ولا زيف ‏ولغيرك سراب يبطي بيوم يدركني

مانشدت الشمس عن حزن الغياب علمتنا الشمس نرضى بالرحيل

أنت الملاذ أنت الطريق أنت الجهات ‏أنت الشعور اللي ماكنت اتصنّعك ‏أنت أول أحبك تهجّتها الشفات ‏أنت اللي لاسولفت قلبي يسمعك ‏أنت الوحيد المستحل الذكريات ‏ما كنّ عندي ذكريات إلّا معك !

‏مرّيت مثل الشقى المُلقى على ما أدري ‏متهيّب من الكلام ومن تفاصيله ‏يغفر لي الله كثر ما شلت في صدري ‏اللي ما ودّي أعلّم به ولا أشيله

كل ما ادخل مع باب الغلا و التغلي ‏اطلع بـ ذنب ولا اطلع بـ مطلع قصيده

الشاعريه ، تبطّء مشيتي في الحياه حتى وأنا هاوي الوقفه وتطويلها مافيه عابر يمر ، الا وعيني وراه مافيه كلمه تقال ، الا ومصغي لها كني على رعاية العالم موصّى وصاه ولا موصّى على الكلمه وتعليلها أوّل خطأ في حياة الشاعر الانتباه وأخطاءه الباقيه تلقى مداخيلها لو الشعر يوهم الشاعر بـ طوق النجاه في النفس حاجه ما ظنّي يقدر يشيلها

أنا من مقتبل عمري أقول ان الهوى مهجور ‏الين آمنت في حبّك وصرت أخالف طبوعي ‏تعال بـ كل ما تملك مدام إحساسنا منثور ‏مصير الحب له عقد ٍبيانه يسعد ربوعي ‏على وضح النقا جيتك بياض ٍ يفهق المستور ‏محال أمشي على دربٍ يميل لخطوة رجوعي ‏وإذا ما الله عطاك الحب تراك بجنتي معذور ‏ولكن لا وقع قلبي طلبتك تمنع وقوعي

ذكرياتك لو بسولفها واعدّد كل موقف ماخذ بقلبي مجاله الشعور اليا تجاهلته تجدّد لو شعورك مع مرور الوقت داله ودي ارسل لك رساله واتردّد الكرامه بيني وبين الرساله !

يا فتنة العيد شمسي والضحى والبكور ‏غابو عن الصبح .. لاكن وجهك اللي شرق ‏عيدك مبارك وأنا عيدي غرام وشعور ‏مايوصفه شعري اللي لباب قلبك طرق

وش العيد وليال الهوى والشعر لولاك يافرحة ملذات العمر واجمل اعياده

شفّافة الاحساس شبيهة النو في وصفك احتاج اقتبس واتأول مخلوقةٍ من طين مثل البشر او أنتي اساساً ماي عذب وتحوّل صوتك يرد الروح ويغير الجو سحابةٍ رحّب مطرها و حوّل وجسمك لو يمر العمر مثل ماهو سبحان من وزّن وعزّل وطوّل الوجه مع الايام يصغر ويحلوّ أول حلو والليله أحلى من أول

أنت يا أبو عين جذابه ومبسم توتي ما عجزت عينك وهي تامر علي وتنهى ! خيرتني غيبتك بين الحياة - وموتي قلت نفسي ودها ترتاح وتطمنها بالوصال اللي يبدل رجفتي بثبوتي وينفض غبار الليالي السود ويزينها ما بقى من كلمة أحبك مكان بصوتي كيف راح أقولها وشعوري أكبر منها ؟