خواطر أمومة 💕🌷🍬

Открыть в Telegram

أُمُومَة | 🌟💗 هُنا حيث تبدأ الحكاية وتُروى بالحنان.. 🪞💕 أُشارك خواطري التربوية.. 🌱🪴 📌 | محتوى القناة؛ https://t.me/khawater_omouma/4 🌟| القناة بإشراف: دُعاء مُحمد عفيفي. 🌻

Больше

Саудовская Аравия11 379 Семья и дети2 611

5 933

Подписчики

Нет данных24 часа

-177 дней

-2130 день

1 162

Просмотры поста

Нет данных24 часа

Нет данных48 часов

19.58%

Коэффициент вовлеченности

Нет данных

Постов в день

Ads index

beta

Загрузка данных...

Похожие каналы

Нет данных

Возникли проблемы? Пожалуйста, обновите страницу или обратитесь к нашему support-менеджеру .

Входящие и исходящие упоминания

---

Привлечение подписчиков

август '26

+11

в 1 каналах

июль '26

+46

в 1 каналах

Get PRO

июнь '26

+33

в 0 каналах

Get PRO

май '26

+32

в 0 каналах

Get PRO

апрель '26

+54

в 0 каналах

Get PRO

март '26

+31

в 1 каналах

Get PRO

февраль '26

+61

в 0 каналах

Get PRO

январь '26

+44

в 1 каналах

Get PRO

декабрь '25

+73

в 0 каналах

Get PRO

ноябрь '25

+83

в 0 каналах

Get PRO

октябрь '25

+107

в 1 каналах

Get PRO

сентябрь '25

+207

в 1 каналах

Get PRO

август '25

+35

в 1 каналах

Get PRO

июль '25

+62

в 2 каналах

Get PRO

июнь '25

+143

в 1 каналах

Get PRO

май '25

+6 075

в 5 каналах

Дата	Привлечение подписчиков	Упоминания	Каналы
26 августа	0
25 августа	0
24 августа	0
23 августа	0
22 августа	0
21 августа	+1
20 августа	+2
19 августа	0
18 августа	0
17 августа	+2
16 августа	+1
15 августа	0
14 августа	0
13 августа	0
12 августа	0
11 августа	+1
10 августа	0
09 августа	+1
08 августа	+1
07 августа	0
06 августа	0
05 августа	0
04 августа	+1
03 августа	0
02 августа	+1
01 августа	0

Посты канала

Repost from N/a

للبنات الحوامل، د. محمد إسماعيل عامل playlist بيتكلم عن الحمل ومراحل الحمل وبيتكلم عن كل إسبوع، طبعا إنت كدا كدا بتتابعي مع الدكتورة بتاعت وبتستفسري منها براحة، ممكن تتابعي بردو السلسلة دي كزيادة معرفة. https://youtube.com/playlist?list=PL17pHoLRN1ciA45mY4T64o2LkdXH8-3YN&si=ZBvXHzxkEUbHDGZp كذلك بردو د. باكينام عاملة محتوى جميل جدا جدا، بتتكلم فيه من أول ما تولدي وأكل الطفل وكل ما له علاقة، عاملة playlist اسمها ام جديدة تقريبا، المحتوى مفيد اللهم بارك https://youtube.com/@moms911?si=-JShsuWg7qH9zhdc كذلك بردو د. محمد دسوقي المحتوى بتاعه جميل جدا https://www.youtube.com/live/l9OJSp4nvwE?si=RlnGKEiv86Z8k1D- ورقة وقلم بقى واكتبي وافهمي الدنيا، عشان تكوني فاهمة وعارفة، خصوصا لو مشوفتيش تجربة لحد حوليك بشكل شخصي حمل وولادة ورضاعة وكل الكلام دا. #مشاركات_للتعلم

2	كالعادة، ❤ التنبيه اللي بتكلم فيه كل سنة، وهو إن الفترة دي مش فترة قلب البيت والترويق، الفترة دي فترة عبادة يا عيون قلبي، عندنا السنة كلها نعمل فيها اللي عايزينه، لكن منجيش يا بنات في مواسم الطاعات نضيعها في الترويق والتنضيف والنيش والدولاب والحوائط.. كذلك البنات الحوامل، بالله مش ناقصيين يجرى لك حاجة إنت وطفلك، مش لازم نروق ونمسك البيت ونشيله من تحت لفوق. مش لازم حقيقي يا عيوني. راعي إنك حامل، وعشان محدش يقول طب ما هي الرياضة عادي، في فرق بين الرياضة المخصصة للحوامل وفي فرق بين إنك تنهكي جسدك في تنضيف وترويق ملهاش لازمة حقيقة، اكتفي فقط بإنك تعملي الأساسي كدا ومن على الوش، مش لازم تنضيف عميق، نكتفي بالحاجات البسيطة اللي بتفرق في إن منظر البيت يكون مرتب وجميل. وكذلك الأم الجميلة اللي عندها أطفال لسى بترضع، الطفل أول فترة من حياته طبيعي جدا يكون لازق فيك وعايزك إنت ومش عايز غيرك، دا طبيعي، عشان كدا بنقول إن لازم في بداية حياة الطفل على الأقل أول سنتين تكوني مع الطفل أكبر فترة ممكنة على مدار اليوم، مينفعش فكرة إنك تسيبي إبنك اللي مكملش سنتين بالعشر ساعات، هو عايزك إنت ومحتاجك إنت، ف شيء طبيعي جدا إن الطفل يكون لازق فيك وإنت مش عارفة تروقي وتنظمي البيت، لا بأس نتقبل الوضع ونوسع صدرنا، نكون مرنين يا عيون قلبي. ونراعي إن دا في النهاية طفل ودي من سمات المرحلة العمرية بتاعته عادي، هو مفهوش حاجة غلط إنه عايز يفضل لازق فيك. ف نراعي دا ومش لازم نمسك البيت نقلبه، نكتفي فقط بالأساسيات اللي تخلي منظر البيت مرتب وشيك وجميلة شبهك كدا وشبه طلتك الجميلة. ❤ الضيوف مش هتكون معاك وإنت حامل وتعبانه بسبب المجهود اللي عملتيه، ولا الضيوف هتكون معاك وابنك عمال يزن ويصرخ إنك تشليه ومش راضي يسيبك وعايز يفصل لازق فيك، ف قومتي إنت ضغطتي نفسك واتعصبتي على الطفل وكرهتي نفسك وكرهتي التنضيف وكرهتي كل حاجة، ف ليه دا كله من الأول يا قلبي! مين قال لازم نمسك البيت من أوله لآخره ونهلك نفسنا ونضغط نفسنا عشان العيد! وبعد كدا ندخل العيد واحنا مش قادرين اصلا، العيد فرحة وسعادة وبهجة، وسعادتنا بالعيد هتكمل لما نكون راضيين ومتقبلين الوضع اللي إحنا فيه ف رفقا بنفسكم يا بنات، سيبك من الضيوف، الضيوف مش عارفة ظروفك ولا عارفة انت بتمري بإيه خلال اليوم، ف اكتفي بالحاجات الأساسية، لو الطفل صاحي، ممكن تلفي البيبي راب وتحطي الطفل فيها وتشوفي الحاجات اللي ينفع تتعمل وإنت شايله الطفل كدا أو لما ينام شوية وإنت عندك القدرة إنك تروقي كدا كام حاجة ف قمسي الدنيا واعملي دا ممكن نشوف لو حد يساعد معانا أو تشوفي عاملة تيجي تساعد أي شيء المهم متجيش على نفسك وعلى صحتك وتضغطي نفسك لأجل لا شيء حقيقي.. عايزين العيد يكون سعيد وجميل علينا .. ❤ #خواطر_أمومة	2 128
3	+1 دي قوالب تانية عدلت عليها، تقدروا إنكم تطبعوها من أي مكتبة عادي، أو لو هتعرفي ترسمي ف تفنني وابدعي.. #أنشطة_ #خواطر_أمومة	1 791
4	بصوا بردو عملت لكم القالب دا، بما إننا عارفين إن ذكر الله في هذه الأيام من أعظم العبادات.. فـ ممكن نطبع القالب دا، أو تكتبي إنت بإيدك وتسيبي فراغات، بحيث الطفل يلون مكان الفراغات وطول ما الطفل بيلون نقول له يردد التكبير بصوت عالي ونعرفه فضل الذكر في الفترة دي، وحتى لو طفل صغير مش فاهم خليه بردو يردد.. #أنشطة_ #خواطر_أمومة	1 598
5	+2 كذلك بردو دي فكرة تانية لنفس النشاط، نجيب كرتونة ونرسم عليها، ونفرغ فيها من النص، والجزء اللي من النص دا نحط فيه لزق، بحيث إن الجهة اللي بتلزق تكون ناحية الطفل، ف لما يحط القطن، القطن يلزق علطول، طبعا عن تجربة القطن مش هيفضل لازق، 😂🤣 لانهم بكل بساطة اطفال في النهاية، ف هيفضل يحرك ايده، مش هيضغط كويس على القطن بحيث يلزق وهكذا، او ممكن يمسك الكرتونة أو الورقة ويقعد يحركها بعشوائية عادي جدا بدون سبب بس اهو حاجة يتسلوا فيها شوية، ممكن نقعد نقلد له صوت الخروف لو هو سنه فوق السنتين مثلا وهيكون مستوعب إننا نبدأ نتكلم معاه عن مناسك الحج ونشرح له أو نبدأ نتكلم معاه عن الأضحية وأحكامها وهكذا، ف هيبقى شيء جميل إننا نبدأ معاه واحدة واحدة.. #أنشطة_ #خواطر_أمومة	1 627
6	+1 من الحاجات اللي ممكن نستغل بيها الفترة دي هي إننا نعمل أنشطة للأطفال لها علاقة بعشر زي الحجة.. منها مثلا نشاط زي الخروف دا، أهو حاجة يتسلوا بيها ونريح إحنا شوية 😄 النشاط دا سهل وبسيط، هتحتاجي بس إنك ترسمي شكل الخروف زي الرسمة كدا وتسيبي مسافة في النص، وتحطي سمغ فيها، بحيث إن الطفل يقدر يحط القطن عادي، لو مش متوفر قطن، ممكن ورق أبيض نقطعه على هيئة كور كدا. #أنشطة_ #خواطر_أمومة	1 643
7	- يتعلم علي هذه الأيام البيع والشراء، وتفضل يا عمو وشكرًا لك، وهذه فلوس، ندفعها ثم نمتلك الأشياء، لا نأخذ شيئًا ونذهب دون أن ندفع ثمنه.. إحم، آاااه. أقول: احرص يا صغيري أن تعرف ثمن الشيء قبل أن تضعه في سلة مشترياتك، واسأل نفسك: هل معي ما يكفي؟ هذه بكم يا عمو؟ أربعة؟ علولي معه كم؟ هيا نعد، واحد اثنان ثلاثة أربعة خمسة، سيأخذ عمو أربعة فقط، كم يبقى معك يا علولي؟ واحد فقط، أحسنت.. آمل أن تكون علاقتك بالأرقام والرياضيات ماتعة يا علي! تغريه سلة المشتريات، يضع أشياء كثيرة فأقول: هذه أشياء جميلة لا نستطيع شراءها كلها، يمكنك اختيار كتاب أو قصة ولعبة واحدة! يختار لعبة مناسبة لعمر تسع سنوات، أفكر كيف سأشرح له، فأقول هذه تناسب الأولاد في هذا الطول وأرفع يدي فوق رأسه بمتر تقريبًا، وأقول: عندما تلمس يدي دون أن تقفز سنشتري هذه اللعبة. ما رأيك في هذي؟ يقول: لا، عاوزها، فأكرر ما قلته. يقول: هشتري قصة بفلوس. فأشجع الفكرة. عندما عدنا إلى البيت، بدأت موجة من سوء السلوك، فقلت: علي أنت جعان؟ قال: أوي! قلت: الجوع شعور مؤلم تشعر به في بطنك هنا، أو في رأسك هنا، أو تشعر بالغضب مثل السيد غضبان.. عندما نشعر بالجوع يا علي نطلب من ماما طعامًا ونأكل، فنصير أحسن.. ويختفي الغضب! والآن هيا نحضر الطعام.. أخبز فطائر سريعة التحضير، يساعدني، وعندما نخرج أول فطيرة من المقلاة يقول: واو! أحسنتِ! :)) بعد دقائق، يقف متعجلًا يريد طعامه، فأقول: الصبر يا علي، الصبر.. الصبر يعني أن تنتظر قليلًا بعد أن تطلب شيئًا، تنتظر وأنت هادئ، ماما ستحضر الطعام فور أن تنتهي من إعداده لا تقلق. أفكر في نهاية كل يوم كيف يعرفني هذا الصبي على الأشياء وكيف يجبرني بنعومة على تعريفها لنفسي قبله.. وأراجع ما أريده له، وأقول: لكن هذا لن يقف أمام ما يريده لنفسه:)) وأسأل الله أن يرزقني السعة في البال والصحة والمال لأجل عينيه، وأخيه.. وبيت نحن فيه معًا! وأتصبر.. وأقول: لا بأس علينا! لأن الناس لا تفهمنا ولا تفهم عنا.. في أكثر الأوقات! يقولون للصغير: اجلس مكانك يا علي! (يكرر الجملة منزعجًا) ويقولون لي: لا تخليه يجري لحاله، امسكي يده! safety شوي! فأقول: إن شاء الله. ولا يجلس علي مكانه أبدًا لأن الدنيا كلها مكانه. أؤمن بهذا. - إيمان أيمن	2 125
8	Нет текста...	1 692
9	ممكن طلب؟ ممكن لما تشوفوا ولادكم تبتسموا في وجههم! فعل يبان بسيط بس حقيقي تأثيره في نفسية الأطفال كبيرة جدا وبقول عن تجربة، ابتسامة بس كدا حتى لو لثواني، مجرد بس ما تشوف ابنك او بنتك ابتسم في وجهه، وبعدها بص الناحية التانية لو عايز تكمل تكشير 😃 لو الابن صحي من النوم، نبتسم ابتسامة حلوة كدا في وجهه، لما يجي من الحضانة أو المدرسة، نبتسم في وجهه، قبل ما يخرج من البيت، نبتسم في وجهه، شوفناه في البيت عادي كدا، نبتسم في وجهه اتعودي وعودي أولادك وجوزك إن إحنا بنبتسم لما بنشوف وجه بعض سواء الأطفال أو الزوج والزوجة مهما كنت بتعملي إيه لو ابنك جه لك، معلش كلفي نفسك وابتسامة كدا بسيطة في وجهه كلنا عندنا ضغوطات، وكلنا عندنا مسؤوليات، بس حقيقي ابتسامة لمدة كام ثانية، بتأثر في نفسية شخص كبير، فـ ما بالك بطفل صغير بيتبسط من أقل حاجة. عودوا ولادكم على الحنان والود واللطف، وننبه الأب على حاجة زي كدا كمان، وخصوصا لما يكون جاي من الشغل، ابتسامة بسيطة حتى لو لثواني، أفضل بكتير أوي من التكشير والعبوس. إحنا ككبار أصلا، لما بنقابل حد ونلاقيه مكشر في وجهنا وباصص بقرف، الواحد بيتقفل وبتيجي له وحشه في قلبه ومبيبقاش عايز يتكلم مع الشخص. ما بالك بطفل صغير. حقيقي الموضوع بيفرق، تخيلي لما الطفل ديما يشوف أهله مكشرين في وجهه، إنطباع الطفل عن نفسه هيبقى عامل إزاي! لو مش متعودين نتعود، حتى لو هنعمل 80٪ فقط، بس على الأقل يبقى دا الغالب على أجواء البيت. ممكن يفلت مننا مرة مفيش مشكلة، بس خلي الغالب والأكثر هو إننا بنبتسم في وجه بعض حتى لو لمحنا بعض في طرقة البيت، وعودي كمان الولاد يعملوا كده مع بعض، وهم هيتعلموا إنه لما يشوفوا اخواتهم يبتسموا لهم لو لقوا فعلا الأب والأم بيعملوا كدا، عشان الطفل في بداية حياته بيتعلم بالقدوة أكتر بكتير من التلقين عارفة إن الدنيا ضغوط سواء كان على الأب أو كان عليك، بس حقيقي ولادنا ملهومش ذنب! ابتسامة بسيطة نستقبل بيها ولادنا هتفرق في نفسيتهم، اتعودوا من والطفل لسى بيبي صغير إنك تبتسمي في وجهه إنت وباباه، يبدأ الطفل يكبر وهو متعود على الابتسامة منكم، سواء في البيت أو حتى برا البيت لو شوفتوهم، فـ يحس نفسه مقبول ومحبوب منكم.. #خواطر_أمومة	2 317
10	الأمومة مهمة صعبة.. جميلةٌ وممتعة ومليئة بالضحكات والبهجة.. لكنها كذلك تأخذ طاقة المرأة وتشغل وتملأ الذهن إلى حد كبير.. وصعبٌ جداً أن تنجح الأم وهي تترك أمومتها على هامش الحياة، صعبٌ جداً وهي تعطيها بقايا الوقت وفتات الجهد والطاقة والتخطيط والتنظيم.. تجد إحداهنّ تركز بنسبة تزيد على ١٠٠٪ في جداول عملها ومهامها وماذا ستلبس للوظيفة والتدريب المطلوب لها وغيرها، ثم تجدها تؤجل الحديث مع أولادها والنظر لمشاكلهم والإنصات لهم أو حتى توكيل أحدٍ بما ينقصهم.. تجدها تلبس أجمل الثياب وتمشي أفضل مشية وتتكلم بكل لباقة وذوق وانتباه في مكان العمل، ثم إن عادت للبيت رأي أطفالها منها وجهاً لا ترض أن يراه أحدٌ خارج البيت.. التربية تحتاج الوقت و الانتباه والتيقظ، تحتاج الصبر والطاقة اليومية، تحتاج الحلم والأناة والحكمة، فيها أسئلة كثيرةٌ لا تتضح في وقتها، معادلاتٌ أشد تعقيداً من الرياضيات بل وربما مساحيلة الحل، ودخولها مع عدم جود مساحةٍ في النفس لها ينتج التوتر والغضب والانفعال ولوم النفس والأبناء.. وفي الواقع فإن الأم مضطرة اليوم لتقبل أنها المسؤولية عن التربية في الحياة اليومية بسبب اضطرار غالب الرجال للعمل لساعاتٍ طويلة لتأمين لقمة العيش.. وهذا هو الواقع.. الأمومة اليوم تحتوي ما يزيد عن عشرين مهمةً في نفس الوقت، ولذلك فإنها مهمةٌ تحتاج التفرغ والدعم الكثير.. قد تكون المرأة مضطرة للعمل أو ربما تحبه أو تبتغي به وجه الله، لكن الحذر الحذر من عمل الأمهات بدوام ٍ كامل، ومهمٌّ جداً أن تبقى الأم متيقظة لأثر عملها على أمومتها (وحياتها الأسرية عموماً)، ومن المهم أن تستعد لتغيير ساعات العمل في أي وقتٍ إن رأته بدأ يسرقها أو ينخر في أمومتها أو زواجها.. وإن كان هناك اضطرار للدوام الكامل فينبغي فهم تدارك آثاره بتوكيل المعلمين والمربين الصالحين بسد الفراغ عوضاً عن الأم، وبإحاطة الأبناء بالصحبة والمحاضن الصالحة التي تسد الثغر، وبتنظيم الوقت والتنازل عن الكثير من الترفيه لإعطاء الأولاد حقهم وحاجاتهم، مع السعي للوصول للدوام الجزئي أؤ تخفيف ساعات العمل قدر الإمكان.. والله المستعان.. - تسنيم راجح	1 987
11	المكياج دا بتاع البنات الوحشة اللبس دا متلبسوش واحدة محترمة البنت المحترمة متضحكش كدا وغيره وغيره من العبارات التي تحمل نفس المعنى، والغرض بيبقى إننا مش عايزين البنت الصغيرة تعمل حاجة حرام أو غلط برا البيت زي إنها تحط ميكب زي إنها تلبس لبس ضيق أو ملفت أو تضحك في الشارع أو تحط برفان. فـ بيبقى غرض الأهل إنهم خايفين على بنتهم، لكن على حقيقة الأمر واللي بيحصل، إن بسم الله إحنا بنكره البنت في أنوثتها، فـ تكبر البنت وتتجوز وهي شايفة إن المكيب حرام ومفيش بنت محترمة تحطه، حتى لو جوا البيت، تكبر البنت وهي شايفه إن حتى في البيت مينفعش البس لبس كاشف أوي للدرجة دي، واظن المعظم كان شاف تعليق البنت اللي حصل من فترة لما علقت على لبس معين في جروب بنات، وقالت نصًا البنت المحترمة متلبسش اللبس دا حتى لو لجوزها، وكان تعليق البنت حقيقي مش سخرية، أو دا بيظهر في البنات اللي تقول لك الرقص عيب وإزاي بنت محترمة ترقص لجوزها، وأصلا بعيدًا بقى عن الزوج، فـ فعلا البنت بتبقى بعيدة عن أنوثتها خالص بسبب المفاهيم اللي اتغرست في دماغها من وهي صغيرة (برفان لأ، ميكب لأ، عناية بنفسك لأ، ضحكت متطلعش، وغيره) وبيبقى رد الأهل أصل إحنا خايفين إن البنت تشوف نفسها فـ تظهر جمالها برا البيت، أصلها لما تهتم بنفسها هتبقى جميلة فـ تظهر جمالها دا برا البيت، فـ بنقوم كبتين فطرة الأنثى اللي جواها خوفًا مش أشياء واهية وغيبيات لا يعلمها إلا الله، فـ الشاهد، الحمد لله إن كتير من الأمهات بقى عندها وعي، حتى لو كانوا الأهل ربوها تربية غلط، فـ تفتكر إن دا كان المتوفر ودا كان الصح بالنسبالهم، فـ تحمد ربنا على فرصة التعلم وإن ربنا يسر ليها ومنّ عليها إنها تتعلم وتفهم أكتر عن التربية، فـ متعملش اللي اتعمل فيها مع ولادها، فـ يا بنات، إعادة تعريف مفهوم الزينة لبناتنا مهم جدًا جدًا، مينفعش تقولي للبنت مش هتهتمي بنفسك أو المكياج دا بتاع البنات الوحشة، كل دا غلط، الأصل إننا بنربي البنت على فطرتها عادي، بنعلم البنت عن المكياج وعن العناية وعن اللبس، وبنبدأ واحدة واحدة ولما يبدأ سنها يكبر واحدة واحدة، فـ نبدأ بقى نفهمها على حسب قدرتها على الفهم، إن الحاجات دي بتتعمل في البيت، وقدام المحارم وهكذا، وواحدة واحدة واحدة لما سنها يبدأ يكبر، نبدأ نفهم البنت إن حتى قدام المحارم مش كل حاجة ينفع نعملها، فـ حاجات مش بيشوفها غير الزوج (لبس ضيق مثلا، لبس فوق الركبة، ضحكة عالية، حركات الإغراء والغنج الشديد، وغيره بقى) فـ البنت تتربى إن الحاجات دي من فطرتها عادي، لكن لها حدود، فـ تفهم البنت الحدود من غير ما تكره فطرتها أو تكبتها أو تشوف إنها عيب وغلط وقلة أدب، طب ما إحنا بنخاف إن البنت تشوف نفسها وتفسد لقدر الله وتعمل الحاجات دي برا البيت، غلط يا بنات، دي بجد حاجات غيبية، الأصل إني بربي بنتي على فطرتها وبعزز فيها فطرة الأنوثة وكذلك بربيها على عقيدة صحيحة ودين صحيح، وأفهمها إن في حدود وإن مرجعنا ديما بيكون الوحي (القرآن والسنة) ما دون ذلك بقى مش بتاعتك، هي بتبقى أقدار، الأصل إنك هتربي ولادك على عقيدة صحيحة، ما دون ذلك بتسلمي أمرك لله، لإن كلها أقدار صلاح ولادك أو فسادهم في المستقبل، هي أقدار أهم حاجة إننا ننشغل في وقت تربيتهم إننا نغرس فيهم الدين الحنيف، نربيهم على عقيدة سليمة، نربيهم إن مرجعنا ديما هو الوحي، ولازم نمشي عليه. لكن إياك تنشغلي بالمستقبل والشيطان يتسلل لك ويقعد يخوفك ويقول لك طب افرضي الولد طلع فاسد لما يكبر طب افرضي طب افرضي سيبك من كل الوساوس دي وركزي في اللحظة الحالية، وسيبي أمرك على ربنا.. أهم حاجة إن أربي بنتي على الأنوثة واهتم بفطرتها ومكتمهاش، وفي نفس ذات اللحظة أنا شغالة من الجهة المقابلة بتربية دينية صحيحة. فـ يبقى أنا ربيت بنتي على فطرتها وأنوثتها وعززت فيها فطرتها وفي نفس ذات اللحظة كنت شغالة معاها في توضيح لها حدودها في هذا الشيء.. #خواطر_أمومة	2 977
12	بعض الأهالي لما بتكون عايزة ولادها يلتزموا بعادة جديدة بيستخدموا مبدأ التلقين. عايزين ابنهم ياكل خضار، فـ نبدأ نكرر على الطفل ونجبر الطفل إنه ياكل خضار ولما يحصل رفض والطفل يرفض حاجة زي كدا، الأهل يروحوا لحد فاهم في التربية ويطلبوا منه إنه يساعدهم في إن الطفل يأكل خضار ويكإن الشخص اللي فاهم في مجال التربية هو ساحر وقادر يغير الطفل. بصوا يا أمهات يا جميلات، الطفل في بداية مرحلتة العمرية لحد لما يقرب كدا من سن البلوغ، هو حرفيا بيتعلم بالنظر وبالمشاهدة وبالقدوة، مش بالتلقين خالص والله، افضلي قولي للطفل كل حضار من هنا لبكرا، هو مش هياكل خضار غير لما يشوف نموذج يقتدي به، معلش متبقيش قاعدة تقولي للطفل لازم تأكل أكل صحي وعشان صحتك وأصل دا مضر وأصل دا بيجيب سوسة في الأسنان وفي الآخر يشوفك إنت ووالده قاعدين بتاكلوا شبسيات وحاجات مليانة مواد حافظة من برا، هو الطفل هيفهم من فين، هيحس بتناقض، منين بتقولي له الحاجة دي وحشة ومضرة، ومنين إنت وباباه بتاكلوا الحاجة دي. فـ قاعدة في التربية، الطفل بيتعلم بالقدوة والمشاهدة والنظر عايزة إبنك يكون راجل ومليان صفات رجولية كدا يبقى لازم القدوة بتاعته يكون كدا، والقدوة هي أبوه عايزة بنتك لما تكبر تكون بنت فاهمة معاني الأنوثة والعناية بنفسها يبقى لازم يكون في قدوة والقدوة هي إنت فـ الطفل لما يشوف دا بعينه بيبدأ يلقط ويتعلم لإن الطفل في بداية عمره مش بيتعلم بالتلقين خالص صدقوني افضلي قولي له لما بنيجي من برا بنغسل رجلينا وبنحط الحذاء مكانة، وإنت وباباه مش بتعملوا كدا افضلي قولي للطفل إن مينفعش يتعصب وإنتم في البيت علطول بتتعصبوا افضلي قولي للبنت الصغيرة إن أد إيه القرار في البيت دا جميل ونعمة إنها تكون ربة بيت دي جميلة، وإنت كل شوية تنفخي وتتعصبي وتبرطمي من الغسيل والمواعين والبيت وقالبة بوذك 24 ساعة في النهاية الطفل مش هيسمع الكلام، معلش هيسمع كلامك إزاي! إنت مش بتعملي بيه أصلا. هي قاعدة في التربية الطفل لازم يشوف قدوة، وقدوته هم الأب والأم عايزين الطفل ياكل خضار، ناكل إحنا كمان خضار. عايزين الطفل يكون حنون بأخته ويحتويها، يبقى لازم الأب يكون حنون مع زوجته ويحتويها.. التربية مش سهلة، محتاجة صبر ومحتاجة شخص قلبه سليم. عشان في النهاية الطفل دا هياخد منك وهتكوني قدوته، لذلك بنقول ديما التربية بتبدأ من إصلاح نفسك أولا قبل أي شيء. فـ على قد ما لذة الأمومة حلوة والفرحة اللي بتحسيها من أول ما تعرفي إنك حامل، على قد ما لازم تكوني مدركة إن وراء هذه اللذة الجميلة مسؤولية كبير، دا لو إنت عايزة فعلا شخص ينصر هذه الأمة.. #خواطر_أمومة	2 955
13	- سلسلة علمتني أمي [فن تربية الأولاد] لـ أ. عزة محمد رشاد سلسلة تشمل جوانب عديدة في تنشئة الأبناء والتي تهتم: - الجانب التعبدي - الجانب الخلقي - الجانب الإيماني وكيفية زرعه بقلب الطفل - كيفية التعامل مع مشكلات الأطفال - كيفية تنشئة الأولاد على حب الصلاة والعبادة - كيف نأمرهم وكيف ننهاهم - كيف نعدل بينهم - كيف نجعلهم يحترموا آبائهم ومواضيع أخرى.. السلسلة مثمرة وينفع بها ذوي الأبناء الصغار والكبار. وأنصح بالسماع لـ د. عزة فيما يخص أحكام النساء والفقه وشروحات الحديث وكذلك عن النفس البشرية والابتلاء.. https://youtube.com/playlist?list=PLVKctv0tJF7lhtFd0bc28L8eCZdHp0mOA&si=Tldtirpt-w_8MYD4 #ترشيحـات #خواطر_أمومة	2 337
14	سلسلة تربية الأبناء للدكتور محمد خير الشعال في الغالب الكل عارف السلسلة دي ولكن النسبة الأكبر هيكون محدش سمعها، ف استعينوا بالله واسمعوا السلسلة واستغلوا المتاح عشان مش ديما هيبقى متاح. نظموا وقتكم ولو إنت لسى لم تتزوجي عادي جدا إنك تبدأي تتأهلي في الجانب التربوي بدون التقصير في أي فرض عليك، وخصوصا إن موضوع التربية دا هيكمل معاك طول العمر، يعني إنت مش مجرد سمعتي حلقة ولا سلسلة وخلاص كدا، لأ دا مكمل معاك طول العمر وكل مرحلة مختلفة عن اللي قبلها وهكذا. ف نستعن بالله وبلاش كسل، وكفاية تأجيل في السلاسل اللي حاطها سواء للتأهيل للزوج ( ودا مهم إنك تسمعيها حتى قبل ما تتخطبي عشان تعرفي تختاري صح) أو التربية أو غيره، ومنتظرين الوقت المناسب يجي، وبالمناسبة الوقت المناسب مش هيجي. ف نصيحة بجد استغلوا كل دقيقة وبلاش كسل وتضيع وقت على الفاضي. - هي من ضمن أفضل السلاسل المقدمة للأسرة المسلمة. الشيخ بيتكلم عن أهمية التربية والمراحل والتربية الإيمانية وغيره من الأشياء النافعة جدا اللي تكلم عنها الشيخ جزاه الله كل خير. https://youtube.com/playlist?list=PLMPqxr1nu2Zc_vfl_Kinxm2sJwUMjRucs&si=OdHGfuc6naE7l9T1 #ترشيحـات	169
15	نفسك في ابن يكون قرة عين ليك بار بك ابدأ إنت إنت بنفسك كأب اللي بتقدم السبت علشان تلاقي بقية أيام الأسبوع الابن ما بيتولدش من بطن أمه بار، لكن بيتربى على البر لما يلاقي أب يسهل له طريقه البر مش مواعظ هتكررها على ودانه كل شوية… البر إحساس الأب بنفسه بيزرعه بأفعاله علشان يحصده بكرة الحنية هتجيب حنية الاهتمام بيولد اهتمام الجفاء هيجيب جفاء القسوة بتطلع قسوة الولد اللي بتربيه النهاردة على الخوف والرعب وكسرة النفس، ممكن يطيعك خوف بس مش هيقدر يحبك مهما حاول الولد اللي بتبخل عليه دلوقت بوقتك ومشاعرك وحنانك وفلوسك، متنتظرش بكرة يبقى في ذرة عاطفة ناحيتك حتى لو قام بواجبه معاك الأب اللي بيخلي البيت مكان مريح للابن مش سجن وأنت سجانه، وبيتكلم مع ابنه من غير قسوة، هو اللي بيزرع البر الحقيقي. مش لازم كل تصرف غلط يقابله عقاب، ساعات كلمة بحكمة وعقل بتعلم أكتر من ألف توبيخ وتهزيئ. الولد اللي كل مرة يغلط فيها يلاقي قسوة وإفراط في العقوبة، مش هيشوف في البر غير سيف على رقبته. لكن اللي يغلط ويلاقي استيعاب، وتوجيه من غير إهانة، هيقرب منك، وهيفهم إن البر مش خضوع، لكنها امتنان وشكر لأب قدم له كل اللي يقدر عليه. ابنك البار هو اللي يحس باهتمامك وكأن مفيش في الدنيا أهم منه عندك، يسمعك وإنت بتدعيله وحريص على مصلحته، ووقت ما يحس إن أبوه أقربله من أي حد، البر عنده هيبقى عادة مش محتاج أي مجهود. هو اللي دايما حاسس بحبك غير المشروط ليه، دايما "فخور بيه"، و"في ضهره"، وده مش مرتبط بحفظ قرآن ولا دخول كلية معينة ولا وظيفة بعينها، ولا فلوس، ولا زواج، إلخ.. يعرف ويتأكد إنك بتحبه علشان هو ابنك وبس. وقبل ده وبعده الولد بيتعلم من اللي بيشوفه مش اللي بيسمعه، فخليه يشوفك بار بأبوك وأمك لو أحياء أو أموات… وساعتها البر مش هيتطلب، البر هييجي لوحده بدون كلام كتير… هو بيشوف البر عملي كل يوم قدامه. #تربية_الفحول عمر الروبي	2 009
16	بحب منشورات فاطمة، جميلة ومفيدة اللهم بارك (احيانا بتخلف معاها في بعض الأشياء) لكن في المجمل منشوراتها نافعة وهتستفادوا منها بإذن الله 💕 دي الصفحة اللي بتنزل عليها منشورات التربية.. 🌸 https://www.facebook.com/share/1JVJPtonEo/	2 430
17	العند :)) المشكلة الأصعب على الإطلاق والي أغلب الاستشارات الي بتجيلي لتكون بسبب العند مبدئيا دي شوية نقاط ، نفعتني شوية في نقطة العند دي مش هقول العند أختفى ، عشان دي سمات مرحلة في عمر ابني ، مهمة لتلبية احتياجاته في المرحلة دي ، لكن بتساعد إنها أولا العند ميتحولش لسلوك ، ثانيا بتقلل المناقشات اليومية :)) ١. أولا حاجة الخيارات المحدودة زي قصة الصورة دي مسافرين ، فبطلع قبلها طقمين أو ٣ بأقصى تقدير ، وبقوله تحب تلبس أنهي طقم ؟ دا بيوصل للطفل إيه ؟ الخيارات المحدودة بتحسس الطفل بالتمكين ، بتخليه يحس إنه له رأي ، عنده إرادة ، مسموع وله قرار خاص به .. فبيساعده يتعاون أكتر لكن الأوامر وحشر الطفل في خيار واحد طول الوقت بيزود عنده العند ونوبات الغضب وبيخليه حاسس أنه مهمش ومش متشاف ، ودي مشاعر بتخليه يزود نوبات الغضب والعند بيتحول لسلوك ، عشان الاحتياج الي عنده متمش تلبيته بشكل صحيح حاولوا قدر الإمكان ، نعطي الطفل خيارات محدودة مش مفتوحة يعني مش بنقول تحب تلبس ايه ؟ تاكل ايه ؟ تخرج فين ؟ لا بنقوله تخب تلبس دا ولا دا تاكل كذا ولا كذا ؟ تخرج المكان الفلاني ولا المكان الفلاني ؟ تغسل سنانك الأول ولا نقرأ القصة الأول ؟ نكتر من الأسئلة الفضولية بدلا من الأوامر يعني بدل نا نقول قوم نام نقول الساعة دلوقتي ٨ ، دا وقت بنعمل فيه إيه ؟ ٢ حاجة بتقلل مشاكل العند جدا هو الروتين ، الروتين لما بيكون هو الي متحكم في اليوم بيقلل المشاكل اليومية والمقاومة ع المهام البسيطة يعني لما بنعود الطفل من بدرس على بعض العادات الي بتتعمل كل يوم في أوقات محددة ، ونعمل لوحة اسمها قائمة مهام ونخلي الطفل كل ما يتم مهمة يعلم علامة صح أو يحط استيكر ، مرة مع مرة ، خلاص هيتعود على المهام اليومية بدون ما تفضلي فوق دماغه طول اليوم ٣ حاجة ، نغير رؤيتنا لسلوك الطفل ، يعني نقلع النظارة الي بتخلينا نشوف السلوك بشكل سلبي .. طول ما أنتِ شايفة السلوك بشكل سلبي هو قاصد يعند معايا هو قليل الأدب دماغه ناشفة لازم يتكسر دماغه عشان يسمع الكلام مش هتقدري تساعدي الطفل لكن لما بتشوفي إن دا طفل عنده احتياج أنه يحس بالاستقلال والإرادة ، حابب يحس إنه له رأي وأنه مسموع و متشاف ، هتقدري تساعديه فعلا بدون ما تكسريه وبالمناسبة ، مش من مصلحتك إن الطفل يتكسر ولا إنه يبقى بلا إرادة ولا رأي ، الطفل الي عنده رأي وإرادة ، دا طفل بنطمن عليه لما بيبدأ يخرج للحياة ، بيبقى صعب حد يمشيه في الغلط ، بيبقى صعب يكون ضعيف الشخصية أي حد يمشيه أو يمشيه في طريق غلط لكن الأطفال الي عندهم قوة إرادة بيكون كل الي محتاجينه شوية مرونة وقوانين وقواعد يلتزموا بها بس وأخيرا ، لازم برضو الطفل يفهم إن البيت له قواعد وقوانين والحضانة لها قواعد وقوانين والمدرسة لها قواعد وقوانين ولازم يدرب ويتمرن على احترام القواعد دي زي ما بنديه اختيارات محدودة وبنسيبله مساحة لرأيه برضو هيفضل في مساحة غير قابلة للنقاش ولازم رأي الأب والأم يمشي بدون خيارات ، بس دا بندربهم عليه واحدة واحدة فاطمة محمود	2 325
18	Нет текста...	1 745
19	- كتاب نافع.. 🌷 الكتاب بيتحدث عن أثر الأجهزة والرقميات اللي بقت محيطة بنّا على عقل الطفل وسلوكياته.. تكلم عن الفوائد والأضرار ونصائح لتحقيق التوازن. الكتاب لطيف ومش كبير خالص.. دا ملخصه على قناة أخضر.. https://youtu.be/lYM6h4Cip0Y #ترشيحـات	2 688
20	النصيحة الدائمة اللي بنصحها لأي أم عندها ولد؛ اجعلي ابنك يكون ملازم لوالده، خليه يخرج معاه، ويتعلم إنه يكون ديما في وسط مجالس الرجال، مش الطبيعي إن الولد يفضل قاعد في البيت للدراسة وفقط، الدراسة الأكاديمية مش هي كل الحياة، خلي الولد يخرج ويختلط بالرجال ويتعلم إنه يتحمل المسؤولية ويكون مسؤول خليه ينزل يجيب طلبات البيت، خليه ملازم لوالده وبيروح معاه أي مجالس رجال سواء كان زيارة أو مناسبة أو عزاء إلخ... مهم جدا إن الولد يخرج ويتعلم من وهو صغير المسؤولية ويفهم إن هو راجل، في بعض الشباب بسبب إنها كانت متدلعه ومش شايله مسؤولية من وهم صغيرين، تبصي عليهم تلاقيهم مش عارفين يتصرفوا وبيضحك على عقلهم من أقل كلمة، وكذلك مجالس النساء، لا أنصح إن الولد يكون معاك في مجالس النساء (بتكلم على سن كبير يعني 7 سنين فيما فوق)، لإن كثرة جلوسة في مجالس النساء هياخد من طباع النساء. كل دا غلط، الأصل والطبيعي للبنت إنها تقعد في البيت، والطبيعي والأصل للولد إنه يخرج ويختلط بالرجال ويتحمل المسؤولية ويكون ملازم لوالده في كل مشوار، ولو نقدر نخليه يشتغل من سن صغير هيكون جميل جدا، لإن كل دا بيفرق بشكل كبير في تكوين رجولته، عشان كدا دور الأب مهم جدا في التربية بالذات للولد، لإن الولد من الطبيعي يكون ملازم لوالده ويتعلم منه معاني القوامة وتحمل المسؤولية، فـ عشان كدا اختاري راجل صح، متتجوزيش لمجرد الجواز وخايفه إنهم زي ما بيقولوا قطر الزواج يفوتك، اختاري صح عشان دا هيكون ابو أولادك، هو اللي هيعلم ولادك معاني القوامة، وهو اللي هيعلم بناتك بردو معنى القوامة لإن هيكون بالنسبة لهم دا أول رجل في حياتهم، فـ لو هو معاني القوامة عنده متلغبطة ومليانه أفكار لا ترضي الله، فـ دا هيأثر على ولادك وهيأثر على بناتك.. - خواطر أمومة https://t.me/khawater_omouma	3 222

Посмотреть все записи