រដ្ឋបាលខេត្តកំពង់ចាម

នៅព្រឹកថ្ងៃចន្ទ ទី០២ ខែកុម្ភៈ ឆ្នាំ២០២៦ ឯកឧត្ដម ស្រីសុភ័ក្ដ្រ អភិបាលរងខេត្ដ តំណាងដ៍ខ្ពងខ្ពស់ ឯកឧត្ដម អ៊ុន ចាន់ដា អភិបាលនៃគណៈអភិបាលខេត្ដកំពង់ចាម បានអញ្ជើញជាអធិបតីក្នុងវគ្គបណ្ដុះបណ្ដាលស្ដីពីការប្រើប្រាស់កម្មវិធីព័ត៌មានវិទ្យាសម្រាប់ការទទួលពាក្យស្នើសុំ និងផ្ដល់សេវារដ្ឋបាលតាមប្រព័ន្ធអនឡាយ នៅការិយាល័យច្រកចេញចូលតែមួយ វគ្គបណ្ដុះបណ្ដាលនេះប្រព្រឹត្ដទៅនៅសាលាខេត្ដកំពង់ចាម ។

អនុមោទនាបុណ្យ មាឃបូជា ថ្ងៃចន្ទ ១៥កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែកុម្ភៈ ឆ្នាំ២០២៦

ឯកឧត្តមបណ្ឌិតសភាចារ្យ ម៉ា ឈឿន អញ្ជើញដឹកនាំកិច្ចប្រជុំផ្សព្វផ្សាយ សេចក្តីណែនាំរបស់គណៈកម្មាធិការកណ្តាលគណបក្សប្រជាជនកម្ពុជា និងបូកសរុបការងារគណបក្ស និងក្រុមការងារគណបក្ស ប្រចាំឆ្នាំ ២០២៥ និងទិសដៅអនុវត្តបន្តរបស់ស្រុកជើងព្រៃ (ស្រុកជេីងព្រៃ)៖​ នៅព្រឹកថ្ងៃអាទិត្យ ១៤កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១ ខែកុម្ភៈ ឆ្នាំ២០២៦ ឯកឧត្តមបណ្ឌិតសភាចារ្យ ម៉ា ឈឿន សមាជិកគណៈកម្មាធិការកណ្តាលគណបក្សប្រជាជនកម្ពុជា, អ្នកតំណាងរាស្ត្រមណ្ឌលកំពង់ចាម, អនុប្រធានគណៈកម្មការទី៣ នៃរដ្ឋសភា, អនុប្រធានក្រុមការងារគណបក្សចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកជើងព្រៃ និងលោកជំទាវបណ្ឌិត អ៊ុក ម៉ាលី សមាជិក គណៈកម្មាធិការកណ្តាលគណបក្សប្រជាជនកម្ពុជា, សមាជិកព្រឹទ្ធសភាមណ្ឌល ភូមិភាគ២ (កំពង់ចាម, ត្បូងឃ្មុំ) អនុប្រធានក្រុមការងារគណបក្សចុះមូលដ្ឋាន ស្រុកជើងព្រៃ ខេត្តកំពង់ចាម បានអញ្ជើញដឹកនាំកិច្ចប្រជុំផ្សព្វផ្សាយ សេចក្តីណែនាំរបស់គណៈកម្មាធិការកណ្តាលគណបក្សប្រជាជនកម្ពុជា និងបូកសរុបការងារគណបក្ស និងក្រុមការងារគណបក្ស ប្រចាំឆ្នាំ ២០២៥ និងទិសដៅអនុវត្តបន្តរបស់ស្រុកជើងព្រៃ ស្ថិតនៅទីស្នាក់ការគណបក្សស្រុក ដោយមានការអញ្ជើញចូលរួមជាពី ឯកឧត្តម លន់ លឹមថៃ សមាជិកគណៈកម្មាធិការកណ្តាលគណបក្សប្រជាជនកម្ពុជា អ្នកតំណាងរាស្រ្តមណ្ឌលកំពង់ចាម និងជាអនុប្រធានក្រុមការងារគណបក្សចុះមូលដ្ឋានស្រុកជើងព្រៃ និងឯកឧត្តម ជឹម លាវសមាជិកព្រឹទ្ធសភាភូមិភាគ២(មណ្ឌលកំពង់ចាម-ត្បូងឃ្មុំ) និងជាអនុប្រធានក្រុមការងារគណបក្សចុះមូលដ្ឋានស្រុកជើងព្រៃ ដែលមានសមាជិកចូលរួម ប្រមាណ២៥០នាក់។ បន្ទាប់ពីការអានរបាយការណ៍​ផ្សព្វផ្សាយ ស្តីពីសភាពការណ៍រួម របស់គណៈកម្មាធិការកណ្តាលគណបក្សប្រជាជនកម្ពុជា ដោយគណបក្សស្រុក រួចមក ឯកឧត្តម បណ្ឌិតសភាចារ្យ ប្រធានក្រុមការងារ បានថ្លែងការការកោតសរសើរចំពោះ គណៈអចិន្ត្រៃយ៍គណបក្សខេត្ត, ក្រុមការងារគណបក្ស និង ថ្នាក់ដឹកនាំ-មន្ត្រីគណបក្សមូលដ្ឋាន ដែលបានសហការគ្នាយ៉ាងល្អ និងបានលះបង់លះបង់យ៉ាងធំធេងចំពោះគណបក្ស និងប្រជាជន ដោយពុំគិតការនឿយហត់ រហូតទទួលបានជោគជ័យយ៉ាងត្រចះត្រចង់មកដល់ពេលនេះ។ ឯកឧត្តមបណ្ឌិតសភាចារ្យ ក៏បានសម្តែងការអបអរសាទរ និងស្វាគមន៍ចំពោះវត្តមាន ឯកឧត្តម ផេន សុផល សមាជិកអចិន្ត្រៃយ៍គណៈកម្មាធិការបក្សខេត្តកំពង់ចាម ជាអនុប្រធានក្រុមការងារចុះមូលដ្ឋានស្រុកជើង និងជាប្រធានក្រុមការងារចុះមូលដ្ឋានឃុំស្តើងជ័យ។ ទន្ទឹមនោះ ឯកឧត្តមបណ្ឌិតសភាចារ្យ ក៏សូមជំរុញដល់ក្រុមការងារគណបក្ស និងមន្ត្រីពាក់ព័ន្ធ អនុវត្តតាមខ្លឹមសារ របាយការណ៍ផ្សព្វផ្សាយរួម របស់គណៈកម្មាធិការកណ្តាល ប្រកបដោយប្រសិទ្ធភាពខ្ពស់ និងសូមបន្តពង្រឹងការបម្រើសេវាសាធារណៈឲ្យបានល្អប្រសើរ ដើម្បីទទួលបានទំនុកចិត្តបន្ថែមពីប្រជាពលរដ្ឋ សំដៅធ្វើយ៉ាងណា រក្សាបាននូវសុខសន្តិភាព និងការអភិវឌ្ឍលើកគ្រប់វិស័យ ដែលឈរលើមាគាដឹកនាំដ៏ភ្លឺស្វាងរបស់គណបក្សប្រជាជនកម្ពុជា ក្រោមការដឹកនាំដ៏ឈ្លាសវៃ បុិនប្រសព្វ ប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស និងជាប្រធានព្រឹទ្ធសភា និង សម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តមបណ្ឌិតសភាចារ្យ និងលោកជំទាវបណ្ឌិត បានចំណាយថវិកា ចំនួន ១៦.២៤០.០០០រៀល ក្នុងនោះរួមមាន៖ -ឧបត្ថម្ភសមាជិក សមាជិកា ដែលបានចូលរួមសរុបចំនួន ២១២នាក់ ក្នុង១នាក់ថវិកាចំនួន ២០.០០០រៀល -ឧបត្ថម្ភកងកម្លាំង និងប្រជាការពារចំនួន ១០នាក់ ក្នុង១នាក់ចំនួន ២០.០០០រៀល -ឧបត្ថម្ភមន្ត្រីប្រចាំការទីស្នាក់ការបក្សស្រុកចំនួន១នាក់ ៤០០.០០០រៀល -ឧបត្ថម្ភដល់ឃុំ និងប៉ុស្តិ៍ទាំង១០ ក្នុង១ឃុំចំនួន ៥០០.០០០រៀល -ឧបត្ថម្ភការចំណាយរៀបចំកម្មវិធីចំនួន ៦.៤០០.០០០ រៀល ផងដែរ៕

នៅព្រឹកថ្ងៃទី៣១ ខែមករា ឆ្នាំ២០២៦ ឯកឧត្តម លូ គឹមឈន់ ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្រីសន្ធរ បានអញ្ជើញដឹកនាំកិច្ចប្រជុំបូកសរុបលទ្ធផលការងារឆ្នាំ២០២៥ និងលើកទិសដៅបន្តឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានស្រុក ដោយមានការចូលរួមពីប្រធាន អនុប្រធាន សមាជិក សមាជិកាក្រុមការងាររាជរដ្ឋាភិបាលចុះមូលដ្ឋានស្រុក និងឃុំទាំង១៤ ព្រមទាំងកងកម្លាំងទាំង៣ លោកគ្រូ អ្នកគ្រូ សរុបចំនួន៣៩០នាក់ ដែលប្រព្រឹត្តទៅនៅបរិវេណសាលាស្រុកស្រីសន្ធរ ខេត្តកំពង់ចាម។ ក្នុងឱកាសនោះ ឯកឧត្តមប្រធានក្រុមការងារ បានមានប្រសាសន៍សំណេះសំណាល និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងារ និងបានផ្តល់កិត្តិយសអញ្ជើញផ្តល់បណ្ណសរសើរចំនួន៣៨នាក់ និងមេដាយចំនួន៧៤នាក់ ដល់មន្រ្តីរាជការស្រុក កងកម្លាំង និងលោកគ្រូ អ្នកគ្រូផងដដែរ។

នៅថ្ងៃទី៣១ ខែមករា ឆ្នាំ២០២៦ ឯកឧត្តម លូ គឹមឈន់ ប្រធានក្រុមការងារគណបក្សចុះមូលដ្ឋានស្រុកស្រីសន្ធរ បានអញ្ជើញដឹកនាំកិច្ចប្រជុំបូកសរុបលទ្ធផលការងារឆ្នាំ២០២៥ និងលើកទិសដៅបន្តឆ្នាំ២០២៦ របស់គណៈកម្មាធិការគណបក្សប្រជាជនកម្ពុជាស្រុក និងក្រុមការងារគណបក្សចុះមូលដ្ឋានស្រុក និងវត្តមានចូលរួមរបស់ឯកឧត្តម លោក លោកស្រីប្រធាន អនុប្រធាន សមាជិក សមាជិកាក្រុមការងារគណបក្សចុះមូលដ្ឋានស្រុក និងឃុំទាំង១៤ គណៈកម្មាធិការស្រុក ឃុំ យុវជនគណបក្សស្រុក និងឃុំទាំង១៤ អាយធីស្រុក ឃុំ សរុបចំនួន២៥០នាក់ ដែលប្រព្រឹត្តទៅនៅសាលប្រជុំគណបក្សស្រុក។ ឯកឧត្តមប្រធានបានមានមតិសំណេះសំណាល និងវាយតម្លៃខ្ពស់ចំពោះកិច្ចខំប្រឹងប្រែងរបស់គណបក្សស្រុក និងក្រុមការងារគណបក្សចុះមូលដ្ឋានឃុំទាំង១៤ ព្រមទាំងបានផ្សព្វផ្សាយរបាយការណ៍ទូទៅ និងការងារគណបក្សឆ្នាំ២០២៥ និងទិសដៅភារកិច្ចឆ្នាំ២០២៦ របស់គណៈអចិន្រ្តៃយ៍នៃគណៈកម្មាធិការកណ្តាលគណបក្សប្រជាជនកម្ពុជា។ ព្រមជាមួយនោះ ឯកឧត្តមប្រធានដាក់ទិសដៅសំខាន់ៗ ដល់ក្រុមការងារ និងគណបក្សស្រុក ដើម្បីឈានទៅទទួលបានជ័យជម្នះសម្រាប់ការបោះឆ្នោតក្រុមប្រឹក្សាឃុំ និងជ្រើសតាំងតំណាងរាស្រ្តនីតិកាលទី៨។

នាព្រឹកថ្ងៃទី៣១ ខែមករា ឆ្នាំ២០២៦ ឯកឧត្តម សា ស៊ីថា អភិបាលរងខេត្ត តំណាង ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំក្រុមការងារបច្ចេកទេសខេត្ត សហការជាមួយ នាយកដ្ឋានជលសាស្រ្ត និងការងារទន្លេ នៃក្រសួងធនធានទឹក និងឧតុនិយម បានចុះពិនិត្យ និងសិក្សាលើការបាក់ស្រុតច្រាំងទន្លេមេគង្គ ស្ថិតនៅសង្កាត់កំពង់ចាម ក្រុងកំពង់ចាម។ បើតាមរបាយការរបស់ មន្ទីរធនធានទឹក និងឧតុនិយមខេត្តកំពង់ចាម បានឲ្យដឹថា មូលហេតុនៃការបាក់ស្រុតច្រាំងទន្លេនេះ តាមស្ថានភាពជាក់ស្តែងបណ្តាលមកពី ចរន្តទឹកទីតាំងនោះ មានអន្លង់ទឹកគួច ហើយមុខទឹកនៃទន្លេមេគង្គហូរមកបុកចំតែម្តង ទើបធ្វើឲ្យមានបម្រែបម្រួលចរន្តទឹក នាំឲ្យប៉ះពាល់ដល់សំណង់ច្រាំងទន្លេ បូករួមទាំង សំណង់នេះសាងសងមានអាយុកាលយូរ ប្រហែល១៤ឆ្នាំហើយដែរ។ ជាមួយគ្នានេះ ឯកឧត្តមអភិបាលខេត្ត ក៏បានណែនាំដល់អាជ្ញាធរក្រុង រៀបចំ សណ្តាប់ធ្នាប់ ទីតាំងដែលរងការបាក់ស្រុតនេះមិនឲ្យមានការធ្វើដំណើរឆ្លងកាត់នោះទេ ដោយបិទចរាចរណ៍តាំងស្រុងតែម្តងជៀសវាងការប៉ះពាល់ដល់សុវត្ថិភាពរបស់ ប្រជាពលរដ្ឋ។លើសពីនេះអាជីវករលក់ដូរនៅតាមមាត់ទន្លេនៅចំណុចនោះឯកឧត្តម បានណែនាំឲ្យរកទីតាំងផ្សេងលក់បណ្តោះអាសន្នសិន រហូតដល់ពេលច្រាំងទន្លេ ជួសជុលរួចរាល់៕

សេចក្ដីប្រកាសព័ត៌មាន របស់រដ្ឋបាលខេត្តកំពង់ចាម ស្ដីពីករណីបាក់ស្រុតច្រាំងទន្លេ ចំណុចភូមិទី១៥ សង្កាត់កំពង់ចាម ក្រុងកំពង់ចាម ខេត្តកំពង់ចាម។

ឯកឧត្តម អ៊ុន ចាន់ដា អញ្ជើញដឹកនាំកិច្ចប្រជុំ​ផ្សព្វផ្សាយ​របាយការណ៍​ ស្តីពីសភាពការណ៍ទូទៅ​ និងការងារគណបក្សឆ្នាំ២០២៥​ និងទិសដៅអនុវត្តបន្តឆ្នាំ២០២៦​ របស់គណៈកម្មាធិការកណ្តាលគណបក្សប្រជាជនកម្ពុជា នៅព្រឹកថ្ងៃសៅរ៍ ទី៣១ ខែមករា ឆ្នាំ២០២៦ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, ប្រធានគណៈកម្មាធិការបក្សខេត្តកំពង់ចាម បានអញ្ជើញដឹកនាំកិច្ចប្រជុំ​ផ្សព្វផ្សាយ​របាយការណ៍​ ស្តីពីសភាពការណ៍ទូទៅ​ និងការងារគណបក្សឆ្នាំ២០២៥​ និងទិសដៅអនុវត្តបន្តឆ្នាំ២០២៦​ របស់គណៈកម្មាធិការកណ្តាលគណបក្សប្រជាជនកម្ពុជា។ កិច្ចប្រជុំមានការអញ្ជើញចូលរួមពី ឯកឧត្តមអនុប្រធានគណៈកម្មាធិការបក្សខេត្ត ឯកឧត្តម លោកជំទាវ ក្នុងជួរគណៈអចិន្ត្រៃយ៍បក្សខេត្ត, លោក លោកស្រី សមាជិកគណៈកម្មាធិការបក្សខេត្ត ប្រធាន អនុប្រធានគណបក្សមូលដ្ឋានក្រុង/ស្រុកទាំង១០ រួមនិងមន្ត្រីបក្សពាក់ព័ន្ធមួយចំនួន ស្ថិតនៅទីស្នាក់ការគណបក្សខេត្តកំពង់ចាម។ បន្ទាប់ពីការអានរបាយការណ៍​ផ្សព្វផ្សាយ ស្តីពីសភាពការណ៍ទូទៅ​ និងការងារគណបក្សឆ្នាំ២០២៥​ និងទិសដៅអនុវត្តបន្តឆ្នាំ២០២៦​ របស់គណៈកម្មាធិការកណ្តាលគណបក្សប្រជាជនកម្ពុជា ដោយ ឯកឧត្តម អនុប្រធានគណបក្សខេត្ត រួចមក, ឯកឧត្តម អ៊ុន ចាន់ដា ប្រធាន គណៈកម្មាធិការបក្សខេត្តកំពង់ចាម បានថ្លែងការការកោតសរសើរចំពោះ ឯកឧត្តម លោកជំទាវ ក្នុងជួរគណៈអចិន្ត្រៃយ៍គណបក្សខេត្ត រួមនឹងមន្ត្រីគណបក្សទាំងអស់ ដែលបានលះបង់លះបង់យ៉ាងធំធេងចំពោះគណបក្ស និងប្រជាជនដោយពុំគិតការនឿយហត់ រហូតទទួលបានជោគជ័យយ៉ាងត្រចះត្រចង់មកដល់ពេលនេះ។ ឯកឧត្តម អ៊ុន ចាន់ដា បានជំរុញដល់ក្រុមការងារគណបក្ស និងមន្ត្រីពាក់ព័ន្ធ អនុវត្តតាមខ្លឹមសារ របាយការណ៍ផ្សព្វផ្សាយរួម របស់គណៈកម្មាធិការកណ្តាល ប្រកបដោយប្រសិទ្ធភាពខ្ពស់ និងសូមបន្តពង្រឹងការបម្រើសេវាសាធារណៈឲ្យបានល្អប្រសើរ ដើម្បីទទួលបានទំនុកចិត្តបន្ថែមពីប្រជាពលរដ្ឋ សំដៅធ្វើយ៉ាងណា រក្សាបាននូវសុខសន្តិភាព និងការអភិវឌ្ឍ ក្រោមមាគាដឹកនាំដ៏ភ្លឺស្វាងរបស់គណបក្សប្រជាជនកម្ពុជា។ ឯកឧត្តមប្រធានគណបក្សខេត្ត ក៏បានក្រើនរំលឹកដល់ថ្នាក់ដឹកនាំគណបក្សចំណុះ គណៈកម្មាធិការបក្សខេត្តទាំងអស់ សូមបន្តផ្សព្វផ្សាយដល់មន្ត្រីគណបក្សនៅតាមមូលដ្ឋាន សូមបន្តអនុវត្ត និងកសាងខ្លួនធ្វើនូវអំពើល្អជាប់ជាប្រចាំ ដោយប្រកាន់ខ្ជាប់នូវអត្តចរឹត និងសីលធម៌ ល្អប្រពៃ ដើម្បីឲ្យសក្ដិសមជាមន្ត្រីគណក្ស ដែលមានតួនាទីបំរើនូវសេវាផ្សេងៗ តាមអង្គភាពរដ្ឋ ជូនប្រជាពលរដ្ឋឲ្យបានល្អប្រសើរ និងដើម្បីជាការឆ្លើយតបទៅនឹងទិសដៅរបស់គណបក្ស និងរាជរដ្ឋាភិបាល ក្រោមការដឹកនាំដ៏ឈ្លាសវៃ បុិនប្រសព្វ ប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស និងជាប្រធានព្រឹទ្ធសភា និង សម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីនៃព្រះរាជាណាចក្រកម្ពុជា៕

នារាត្រីថ្ងៃទី៣០ ឈានចូល ថ្ងៃទី៣១ ខែមករា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារ អញ្ជើញចុះពិនិត្យស្ថានភាពបាក់ស្រុតច្រាំងទន្លេយ៉ាងគំហ៊ុក ស្ថិតនៅសង្កាត់កំពង់ចាម ក្រុងកំពង់ចាម។ សូមបញ្ជាក់ថា គិតមកត្រឹមម៉ោង ១២យប់ នេះ ច្រាងទន្លេខាងលើបានបន្តបាក់ស្រុត ប្រវែងប្រមាណ១០០ម៉ែត្រ ទទឹងប្រមាណ១០ម៉ែត្រ។

ទឹកទន្លេមេគង្គឡើងលឿន-ស្រកលឿន បណ្តាលឱ្យសួនច្បារក្រាលការ៉ូឡា ប្រវែង៧០ ម៉ែត្រ ស្ថិតនៅតាមបណ្តោយមាត់ទន្លេក្រុងកំពង់ចាម រងការប្រេះស្រុត (កំពង់ចាម): ទឹកទន្លេមេគង្គខេត្តកំពង់ចាម ឆ្នាំនេះ បានហក់ឡើងលឿន និងស្រកវិនក៏លឿន បណ្តាលឱ្យច្រាំងទន្លេជាច្រើនរងការបាក់ស្រុត ដោយឡែក សួនច្បារក្រាលការ៉ូឡា ប្រវែងប្រមាណ៧០ ម៉ែត្រ ទទឹង១,១០ម៉ែត្រ ទៅ១,៦០ម៉ែត្រ ស្ថិតនៅតាមបណ្តោយមាត់ទន្លេ ក្នុងសង្កាត់កំពង់ចាម ក្រុងកំពង់ចាម បានទទួលរងការប្រេះស្រុតយ៉ាងដំណំ។ ក្រោយទទួលដំណឹងពីភ្លាមៗ ពីអាជ្ញាធរមូលដ្ឋាន, នៅរសៀលថ្ងៃទី៣០ ខែមករា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំមន្ទីរអង្គភាព អាជ្ញាធរមូលដ្ឋាន និងមន្រ្តីជំនាញពាក់ព័ន្ធ អញ្ជើញចុះត្រួតពិនិត្យស្ថានភាព ជាក់ស្តែង និងដាក់ចេញនូវវិធានការបន្ទាន់ ក្នុងការស្តារ និងបញ្ជៀសហានិភ័យ។ នាឱកាសនោះ ឯកឧត្តម អភិបាលខេត្ត បានណែនាំដល់អាជ្ញាធរសង្កាត់/ក្រុង ឲ្យរៀបចំដាក់ស្លាកសញ្ញាគ្រោះថ្នាក់ នៅកន្លែងដែលប្រេះស្រុត ដើម្បីជៀសវាងធ្វើអ្នកដំណើរ ដើរធ្លាក់នៅពេលយប់។ ឯកឧត្តម អភិបាលខេត្ត ក៏បានណែនាំដល់ប្រធានមន្ទីរធនធានទឹក និងឧតុនិយម រៀបចំក្រុមការងារចុះសិក្សាស្ថានភាពជាក់ស្តែង ចំពោះករណីនេះ ដើម្បីធ្វើរបាយការណ៍ដាក់ទៅគណៈកម្មការគ្រប់គ្រងគ្រោះមហន្ដរាយថ្នាក់ខេត្ត និងក្រសួងពាក់ព័ន្ធ ដើម្បីជួសជុលកន្លែងប្រេះស្រុតនេះឡើងវិញ ហើយក៏ជាការការពារ កុំឲ្យបាក់ច្រាំងទន្លេកាន់តែខ្លាំង និងមានហានិភ័យកាន់តែខ្ពស់។ គូរបញ្ជាក់ថា សួនច្បារខាងលើ បានចាប់ផ្តើមសាងសង់នៅក្នុងឆ្នាំ២០១២ ដោយចំណាយថវិការបស់រដ្ឋបាលខេត្តកំពង់ចាម៕

LOGO KPC

ឯកឧត្តម អ៊ុន ចាន់ដា អះអាងថា ឆ្នាំ២០២៥ ទំហំសេដ្ឋកិច្ចខេត្តកំពង់ចាម មានចំនួន ៣.០៧៣លាន ដុល្លារ ស្មើនឹង ២.៨៣០ដុល្លារ ក្នុងមនុស្សម្នាក់ ឆ្នាំ២០២៦ អាចកើនដល់ ៣.០០៤ដុល្លារ (កំពង់ចាម): អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា បានអះអាងថា នៅ ឆ្នាំ២០២៥ ទំហំសេដ្ឋកិច្ចខេត្តកំពង់ចាម មានចំនួន ៣,០៧៣លានដុល្លារ ស្មើនឹង ២.៨៣០ដុល្លារ ក្នុងមនុស្សម្នាក់ ហើយតាមការព្យាករណ៍សម្រាប់ឆ្នាំ២០២៦ អាចកើនដល់ ៣.០០៤ដុល្លារក្នុង មនុស្សម្នាក់។ ថ្លែងបែបនេះក្នុងកិច្ចប្រជុំណែនាំស្តីពីការប្រមូលតម្រូវការអាទិភាពរបស់មូលដ្ឋាន សម្រាប់ការកសាង កម្មវិធីវិនិយោគបីឆ្នាំរំកិល ២០២៧-២០២៩ និងផ្សព្វផ្សាយសៀវភៅកម្មវិធីវិនិយោគបីឆ្នាំរំកិល ២០២៦-២០២៨ របស់រដ្ឋបាលខេត្តកំពង់ចាម នាព្រឹកថ្ងៃទី៣០ ខែមករា ឆ្នាំ ២០២៦។ ថ្លែងក្នុងកិច្ចប្រជុំនោះដែរ ឯកឧត្តមអភិបាលខេត្ត មានប្រសាសន៍ថា ការវិវត្តនៃកិច្ចដំណើរការ កំណែទម្រង់តាមបែបប្រជាធិបតេយ្យនៅថ្នាក់ក្រោមជាតិ តាមរយៈគោលនយោបាយវិមជ្ឈការ និងវិសហមជ្ឈការប្រកបដោយការជឿជាក់យ៉ាងខ្លាំង​ ចំពោះតួនាទីដ៏មានសារៈសំខាន់ របស់ រដ្ឋបាលថ្នាក់ក្រោមជាតិ ក្នុងការផ្តល់សេវាសាធារណៈ និងការអភិវឌ្ឍន៍សេដ្ឋកិច្ចនៅតាមមូលដ្ឋាន សំដៅលើកកម្ពស់ជីវភាពរបស់ប្រជាពលរដ្ឋ និងចូលរួមចំណែកការបន្ថយភាពក្រីក្រប្រកបដោយ ប្រសិទ្ធភាព។ ជាមួយគ្នានោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា ផ្អែកតាមផែនការ អភិវឌ្ឍន៍ និងកម្មវិធីវិនិយោគរបស់ខ្លួន រដ្ឋបាលឃុំ សង្កាត់​ បានរៀបចំ និងអនុវត្តនូវគម្រោង ហេដ្ឋារចនាសម្ព័ន្ធខ្នាតតូចដូចជា ការសាងសង់ផ្លូវលំ ផ្លូវបេតុង ស្ពាន អណ្តូងទឹក ប្រឡាយទឹក អគារសាលារៀន និងគម្រោងផ្សេងៗទៀត ពោលគឺបន្តធ្វើការអភិវឌ្ឍន៍ជារៀងរាល់ឆ្នាំ ប្រកបដោយនិរន្តភាព ចីរភាព បរិស្ថានធនធានធម្មជាតិ អភិវឌ្ឍន៍សេដ្ឋកិច្ច សង្គមកិច្ច ធ្វើយ៉ាងណា ឱ្យជីវភាព រស់នៅរបស់ប្រជាពលរដ្ឋទាំងអស់មានភាពប្រសើរឡើង៕

នាថ្ងៃទី៣០ ខែមករា ឆ្នាំ២០២៦ ឯកឧត្តម លន់ លឹមថៃ សមាជិករដ្ឋសភា និងជាអ្នកតំណាងរាស្ត្រមណ្ឌលកំពង់ចាម អញ្ជើញសំណេះសំណាល និងនាំយកអំណោយផ្តល់ជូនប្រជាពលរដ្ឋមានជីវភាពលំបាកចំនួន៥០គ្រួសារ ស្ថិតនៅក្នុងឃុំសំពងជ័យ ស្រុកជើងព្រៃ ខេត្តកំពង់ចាម ដោយមានការចូលរួមពីលោកអភិបាលស្រុក និងអជ្ញាធរពាក់ព័ន្ធជាច្រើននាក់ផងដែរ។ ក្នុងឱកាសនោះដែរ ឯកឧត្តម អ្នកតំណាងរាស្ត្រ បានផ្តល់អំណោយជូនប្រជាពលរដ្ឋមានជីវភាពលំបាកចំនួន៥០គ្រួសារ រួមមាន៖ អង្ករ២០គីឡូក្រម ទឹកត្រី១យួរ, មុង ភួយ ចាន ឆ្នាំង កន្ទេល និងសម្ភារ មួយចំនួនទៀត ព្រទាំងថវិកា ២០.០០០រៀលសម្រាប់មួយគ្រួសារៗ និងជូនថវិកាប្រជាការពារ , ក្រុមប្រឹក្សាឃុំ និងមេភូមិសរុប៣៥នាក់ក្នុងម្នាក់ ២០.០០០រៀលផងដែរ (សរុបថវិកា១៤.១០០. ០០០រៀល)៕

អភិបាលខេត្តកំពង់ចាម អញ្ជើញទទួល កុំព្យូទ័រ និងម៉ាសុីនព្រីន ជាអំណោយដ៏ថ្លៃថ្លារបស់ ឯកឧត្តមអភិសន្តិបណ្ឌិត ស សុខា និងលោកជំទាវ កំពង់ចម៖នៅថ្ងៃទី២៩ ខែមករា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម អញ្ជើញទទួលអំណោយ ជាកុំព្យូទ័រ និង ម៉ាសុីនព្រីន ដោយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានរៀបចំត្រួតពិនិត្យ និងប្រគល់-ទទួលឧបករណ៍សម្ភារបច្ចេកទេស ដែលជាអំណោយដ៏ថ្លៃថ្លារបស់ ឯកឧត្តមអភិសន្តិបណ្ឌិត ស សុខាឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ កែ សួនសុភី ជូនរដ្ឋបាលខេត្តកំពង់ចាម ដើម្បីគ្រប់គ្រង និងប្រើប្រាស់ទៅតាមតម្រូវការជាក់ស្ដែង។ ពិធីប្រគល់-ទទួលនេះធ្វើនៅសាលាខេត្តកំពង់ចាម ដោយអំណោយ រួមមាន ៖កុំព្យូទ័រ យួរដៃ មូឌែល ACER ASPIRE LITE 15, RAM 8GB ,SSD 512GB ចំនួន ២០គ្រឿង, ម៉ាសុីនព្រីន ម៉ូឌែល PRINTER HP 108A ចំនួន ២០គ្រឿង។ នាឱកាសនោះ ឯកឧត្តម អ៊ុន ចាន់ដា ក្នុងនាមរដ្ឋបាលខេត្តកំពង់ចាម ក៏បានថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ ដែលបានគិតគូរដល់មន្ត្រីរាជការកំពុងបម្រើការងារតាមបណ្ដាលខេត្ត ព្រោះសម្ភារៈទាំងនេះ គឺជាតម្រូវការចាំបាច់សម្រាប់ការងារប្រចាំថ្ងៃ ក្នុងការជួយសម្រួលដល់ការចងក្រងឯកសារ ការស្រាវជ្រាវ និងបង្កើនប្រសិទ្ធភាពការងារឱ្យកាន់តែប្រសើរឡើងជាងមុន៕