Haqiqat yo‘lida (RASMIY KANAL)

ВОҲАМИЗДА ТЎҚИМАЧИЛИК САНОАТИ ЖАДАЛ СУРЪАТЛАР БИЛАН РИВОЖЛАНМОҚДА Хоразм вилояти ҳокимлиги, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги вилоят бошқармаси ва Урганч тумани ҳокимлиги ҳамкорлигида ташкил этилган медиа-турдан РЕПОРТАЖ Кейинги йилларда юртимизда саноат тармоқлари ҳар томонлама ривожланиб, ҳудудларда янгидан замонавий корхоналар барпо этилиб, энг сўнгги русумдаги технологиялар билан жиҳозланиб, дастгоҳларни ёшлар, хотин-қизлар, мутахассислар маҳорат билан бошқармоқдалар. Жумладан, биз, вилоятимиз оммавий ахборот воситаларида фаолият юритаётган журналистлар, шунингдек, блогерлар Урганч туманида саноат йўналишида амалга оширилаётган кенг кўламдаги амалий ишларни бевосита ушбу ҳудуддаги замонавий саноат корхоналарида бўлганимизда яна бир бора қалбдан ҳис қилдик. Мана, биз “Urganch Cluster” масъулияти чекланган жамиятининг кенг ва ёруғ цехларига кириб борар эканмиз, бу ерда замонавий дастгоҳларнинг, тикув машиналарининг бир маромда ишлаётганлиги, қўли гул чеварлар томонидан бир зумда маҳсулотлар тайёрланаётганлиги беихтиёр эътиборимизни тортди. Биз ушбу дастгоҳлар олдида туриб, чеварларнинг иш жараёнларини кузатдик. Шуниси қувонарлики, ҳар бир тикувчининг тажрибаси, маҳорати натижасида маҳсулотлар сифатли, бежирим, тезда тайёрланмоқда эди. Медиа-тур давомида корхона мутасаддилари маҳсулотларни тайёрлашнинг дастлабки босқичидан бошлаб, уларни қадоқлаб, буюртмачиларга етказишгача бўлган жараёнлари билан бизни яқиндан таништирди. Шунингдек, тадбирда Урганч тумани ҳокимлиги Ахборот хизмати раҳбари Нажотбек Машарипов ҳам биз медиа-тур қатнашчиларининг қизиқтираётган саволларимизга тўлақонли жавоблар берди. Чунки Нажотбек Машарипов бундан бир неча кун олдин ушбу корхонада бўлиб, иш жараёнлари билан яқиндан танишиб, чуқур маълумотларга эга эди. Шу сабабли ҳам медиа-тур давомида Нажотбек Машарипов ҳам бизни қизиқтираётган саволларимизга тўлақонли жавоб берди. Айни пайтда “Urganch Cluster” масъулияти чекланган жамияти томонидан ип-калава ишлаб чиқариш жараёнлари тобора такомиллашмоқда. Мазкур корхона томонидан асосан импорт ўрнини боса оладиган сифатли маҳсулотлар тайёрланаяпти. Корхонада бугунги кунда 500 та иш ўрни яратилган. Келгусида ҳам корхонада янги иш ўринларини барпо этиш, ёшларни касб-ҳунарга ўргатиш бўйича амалий ишларни олиб бориш режалаштирилмоқда. Маълумки, бир пайтлари фақат вилоят марказидагина саноат корхоналари мавжуд бўлиб, уларда тайёр маҳсулотлар ишлаб чиқарилар эди. Эндиликда воҳамизнинг чекка қишлоқларида ҳам йирик, замонавий, энг сўнгги русумдаги ахборот коммуникация воситалари, технологиялари билан жиҳозланган корхоналар фаолият юритмоқда. Вилоятимизда барча соҳалар сингари тўқимачилик, тикувчилик ва бошқа саноат корхоналарини ривожлантиришга интилаётган тадбиркорлар учун барча зарур шарт-шароитлар яратилаяпти. Медиа-тур давомида корхонада фаолият юритаётган мутахассислар, тикувчилар билан суҳбатлашганимизда, улар бу ерда самарали ишлаш, дам олиш соатларини мазмунли ўтказиш учун барча имкониятлар яратилганлигини алоҳида таъкидлашди. Ҳақиқатан ҳам биз, журналистлар корхона бўйлаб борар эканмиз, кенг, ёруғ цехларда ҳар бир тикувчи-мутахассис ғайрат-шижоат билан меҳнат қилаётганлигининг гувоҳи бўлдик. Жамоанинг ҳар бир аъзоси ўзига юклатилган вазифани масъулият билан бажармоқда. Медиа-тур давомида Урганч туманида келгусида саноат соҳасидаги фаолиятни янада кенгайтириш, ривожлантириш мақсадида олиб борилаётган истиқболли лойиҳалар ва қатор корхоналарнинг кенг қиррали режаларига ҳам тўхталинди. Шуни алоҳида қайд этиш керакки, медиа-тур биз оммавий ахборот воситалари вакиллари ва блогерлар учун жуда фойдали бўлди. Чунки ушбу тадбир давомида биз ҳамкасблар билан ижодий режаларимиз тўғрисида ҳам фикрлашиб, ўзаро тажриба алмашдик. Ушбу медиа-тур келгусида биз журналистларга саноат, тадбиркорлик йўналишидаги мавзулар бўйича журналистиканинг турли жанрларида туркум материаллар тайёрлашга янада кенг имкон беради. Отахон РАҲИМ.

Ўзбекистон миллий ахборот агентлиги (ЎзА) бош директори Абдусаид Кўчимов Россия президенти Владимир Путиннинг халқаро ахборот агентликлари вакиллари билан учрашувида қатнашибди. 🌐Каналга уланиш👇 https://t.me/haqiqat_yolida_uz 📝мурожаат учун:👇 @haqiqat_yolida_bot 🎥YоuTube : 👇 https://youtube.com/c/haqiqatyolidauz

Президент Шавкат Мирзиёевнинг Туркияга ташрифи қардош мамлакатларимиз ўртасидаги кенг қамровли стратегик шериклик ривожида навбатдаги муҳим қадам бўлди 🌐Каналга уланиш👇 https://t.me/haqiqat_yolida_uz 📝мурожаат учун:👇 @haqiqat_yolida_bot 🎥YоuTube : 👇 https://youtube.com/c/haqiqatyolidauz

Сайёҳлар “Uzbekistan airways”даги билет нархларининг қимматлигидан ҳайратга тушмоқда.

Хоразмда “Марихуана” гиёҳвандлик воситасини қонунга хилоф равишда сақлаб қўйган шахсдан жиноий жарима ундирилди Урганч туманида яшовчи шахс ёнидан гугурт қути ичида қоғоз парчасига ўралган вазни 1,12 грамм бўлган озгинадан кўпроқ миқдордаги “марихуана” гиёҳвандлик воситасини ўтказиш мақсадини кўзламай, қонунга хилоф равишда сақлаб қўйгани аниқланган ҳамда суд ҳукми билан Ўзбекистон Республикаси ЖКнинг 276-моддаси 1-қисми жиноятни содир қилганликда айбли деб топилиб, унга нисбатан базавий ҳисоблаш миқдорининг 50 (эллик) баравари миқдорида 17.000.000 (ўн етти миллион сўм) сўм жарима жазоси тайинланган. Бюронинг Урганч тумани бўлими иш юритувидаги мазкур жиноий жаримани ундириш тўғрисидаги ижро ҳужжати юзасидан олиб борилган ижро ҳаракатлари давомида қарздордан 17 млн. сўм жарима пуллари давлат даромади ҳисобига тўлиқ ундирилиши таъминланди.

Жанубий Корея Президенти Юн Сок Ёль 10-15 июнь кунлари биринчи хоним Ким Кеон Хи ҳамроҳлигида Туркманистон, Қозоғистон ва Ўзбекистонга ташриф буюриши кутилмоқда.

Бугун, 7 июнь куни Президент Шавкат Мирзиёев пойтахтнинг Яккасарой ва Яшнобод туманларига ташриф буюриб, жамоат хавфсизлиги ва спорт соҳаларидаги янги объектлар ҳамда маҳаллаларда олиб борилаётган бунёдкорлик ишлари билан танишади.

Бугун Янгибозор туманида вилоятда ғалла ўрим-йиғими бошланиши муносабати билан сектор раҳбарлари, қишлоқ хўжалиги соҳаси мутахассислари иштирокида кўргазмали семинар бўлиб ўтди. Семинарда вилоят ҳокими Жўрабек Рахимов сўзга чиқиб, ўрим-йиғимни уюшқоқлик билан тизимли ташкил этиш, ғалладан бўшаган майдонларга такрорий экинлар экиш масалалари хусусида тўхталди. Маълумот учун, жорий йилда вилоят бўйича 33 минг 200 гектар майдонда ғалла етиштирилган бўлиб, ҳосилни ўриб-йиғиб олишда 251 та юқори унумли комбайнлар ишлатилади. 🌐Каналга уланиш👇 https://t.me/haqiqat_yolida_uz 📝мурожаат учун:👇 @haqiqat_yolida_bot 🎥YоuTube : 👇 https://youtube.com/c/haqiqatyolidauz