RIZQ
O’ylab qarasam, psixolog uchun eng asosiy prinsiplardan biri bu rizq masalasidir. Chunki albatta maslahat berish va psixologik ishlar davomida mijozdan siz xizmat ko’rsatdan faoliyatingiz uchun haqqini so’rashingiz turgan gap. Endi agar siz rizq masalasida keng profildagi ilmlardan bexabar bo’lsangiz, ochko’z psixologga aylanasiz. Ya’ni qancha berar ekan aa deb turasiz. Ammo rizqni berish Yaratgan Egamning insonlar ustidagi haqqi ekanligini bilsangiz, bunga sira ham xafa bo’lmaysiz. Mijoz kelishi ham kelmasligi ham sizning ichki ong ostingizga beradigan ichki buyruqlaringizning nishonasi hisoblanadi xolos. Agar rizq masalasiga doir ilmlardan bexabar bo’lsangiz, o’zingizning kichkina hajmdagi dunyoyingizdagi o’ziga xos bo’lgan fikrlar sizni o’zgacha tarzda hayotga moslashtiradi. Bu esa siz tomoningizdan boshqalarning xatolarini qidirishingizga olib keladi. Nega men ibodat qilaman, lekin menga berilmaydi. Nega u ibodat qilmasada, faxshga botgan bo’lsada, unga juda ko’p beriladi. Va hokazolar. Aziz birodarim, rizq sizning mehnatingiz sababidan paydo bo’ladigan bir hosila. Ammo uning sizga yuqish va yuqmasligi boshqa masala. Ba’zilar harom yo’l bilan rizq topadi. Yaratgan unga shuni nasib qiladi. Albatta pul harom emas. Balki topilish yo’li harom bo’lishi mumkin. Shu o’rinda bir rivoyat eshimga keldi. Bir kuni Hazrati Ali namozlarini o’qib bo’lgunlariga qadar, bir bechora hol odamga otlarini topshiradilar. Namozni o’qib chiqib, cho’ntaklarida bir tanga olib haligi insonni xursand qilish uchun borsalar, ot joyida boru, ammo egari yo’q ekan. Shunda yonidagi hamrohlariga o’sha bir tangani berib, otga egar olib kelishlarini buyuradilar. Birozdan so’ng o’sha hamrohlari asli Hazrati Aliyga tegishli egarni olib keladilar. Shunda aytadilarki, men bunga bir tanga bermoqchi bo’ldim. Ammo bu sabr qilmadi. Egarni o’g’irladi. Baribir ham tangaga ega bo’ldi. Ammo halol yo’l bilan emas. Harom yo’l bilan dedilar. (ma’no biroz o’zgargan bo’lsa, uzr men ham esimda kelganini yozdim).
Azizlar, halolidan qo’ymasin. Rizq deb ko’p ham yugurmaylik, Aqidani to’g’rilaylik rizq xususida.
Murojaat uchun: +998914163216
+998914183216
Bizdan uzoqlashmang!!!
Kanal hammaga manfaatli bo‘lishini istasangiz, yaqinlaringizga ham jo‘nating. Shu orqali kirsa bo‘ladi. 👇👇👇👇👇👇👇👇👇👇👇👇👇👇
https://t.me/Islompsixologi