♡كتابات نُودين بِت مِن حُب♡

عايز تتعلم تصميم وما عارف كيف؟؟ 👀 ي معلم/ة تعال/ي بس طبعا عامله ليكم كورسات ظااابط جداً. ١/ورشة تصميم كرت الدعوة والشهادات (الفين ج) لو دعوة فرح بس كرت (الف ج) ٢/كورس دعوة الفرح فيديو (4ألف). ٣/كورس مونتاج فيديوهات طويله (7الف). ٤/ورشة اللوقو بي (900ج) 💙💙💙💙💙💙💙💙💙💙💙💙💙🦋. لو إنت عايز زول يصمم ليك برضو خش علي والأسعار بتعجبك😍❤❤❤❤❤❤❤. لو عايز تسجل في واحد من الكورسات دي إتواصل معاي:- واتس: 00201025341463 تلجرام: @snad_lama قروب التسجيل 😍😍😍❤❤❤❤❤ https://chat.whatsapp.com/ENCLwxTGDSaEmG5xHoVV8e

لستةة سند لدعم القنوات🫶🔥 لسته مضمونه🫶. زيادات كبيره🔥. خاليه من الاعلانات🫂🔥. القنوات الخاصه بنا مجرد حب♥️ 🔴قناة الاخبار الاولى في السودان لستة لدعم القنوات وزيادة مضمونة🔥 للاشتراك اضغط هنا🦋

لستةة سند لدعم القنوات🫶🔥 لسته مضمونه🫶. زيادات كبيره🔥. خاليه من الاعلانات🫂🔥. القنوات الخاصه بنا مجرد حب♥️ 🔴قناة الاخبار الاولى في السودان لستة لدعم القنوات وزيادة مضمونة🔥 للاشتراك اضغط هنا🦋

=ده شنو البرود العندك ده أنا بقول ليك في نُكتة عشان تضحك .. وهسي القال إني غيرانة عليك منو .. أنا بسألك لأنو ما منطق البتعمل فيه ده .. إذا ما كان عندك ولا ذرة وفاء تجاه الإنسانة العشت معاها فترة وعندك منها بت .. تاني حتوفي لمنو؟ _عارفة الما منطق أكتر شنو؟ =ما عارفة. _نُود تالية اسمها الكامل منو؟ =تالية أحمد ده العارفاه وهسي السؤال ده لزومه شنو ولا بس بتحب تحور المواضيع؟ _أنا عارف إنو الحب بعمي الزول بس ما إتوقعته يصل الدرجة دي .. يعني ما لفت نظرك يوم إنو هي ليه بتقول لي بابا أحمد .. وإنو هي اسمها تالية أحمد بشير وأنا اسمي أحمد عمار؟ =دقيقة بس يا أحمد إنتَ عايز تقول إنها ما بتك؟ _ولسة حتسألي كمان .. الله يصبرني عليك. =أعتبرني غبية وأخدني قدر عقلي وأشرح لي كيف يعني تالية ما بتك؟ _ما بتي البيولوجية بس بت قلبي .. وحتة مني وبت أختي الغالية ربنا يرحما ويغفر ليها. =ما قادرة أستوعب شي من كلامك ده. _نود يا ماما ركزي معاي .. تالية بت أختي المرحومة وأنا وأمي مربينها من يوم ما جات الدنيا .. عشان كده بتقول لي بابا أحمد وبتقول لأمي ماما .. إن شاءالله بعد كده نار الغيرة الوالعة جواك دي بردت؟ =أبوها وين؟ _دي قصة طويلة حأحكيها ليك لما نتلاقى .. هسي يعني بالجد ما كنتِ عارفة؟ =وأعرف من وين يا أحمد أنا مفتكراك طول الفترة دي أبوها .. وما في شي يخليني أشك في معلومة زي دي وإنت مؤكد لي بتصرفاتك. _طيب ما إنتِ معاك الأكونت بتاعي وأنا داخل باسمي الكامل .. ومعاك الداتا بتاعت تالية كلها وعارفة اسمها الكامل. =يعني يا أحمد أنا الحيخليني أركز في فرق الاسم شنو والصورة واضحة عندي .. البت بتقول ليك بابا وإنت فعلًا بتتشاف أبوها. _طيب هي ما حصل جابت ليك سيرة يعني؟ =ما حصل سألتها وأنا في دماغي متأكدة مليون في المية إنك أبوها. _ولسة الفكرة دي في دماغك بعد حكيت ليك برضو؟ =ليه ما إتكلمت من بدري نحن يومي بنرغي وما سبنا موضوع ما إتكلمنا فيه؟ _إفتكرت خالتي إبتسام أدتك فكرة عن الموضوع لما سألتك من موضوع الروضة .. وتاني شي قلت يمكن إنتِ عارفة. =هسي يعني إنت كده طلعت ما متزوج؟ _"ضحك" .. أرجوك تاني ما تألفي سيناريو في دماغك قبل ما تسأليني. =جاوب بس يا زول ما عندك شغلة بدماغي. _إطمني إنتِ اول وحدة أفكر إني عايز أتزوجا وأعيش باقي عمري معاها ♡ =برضو زعلانة منك عشان ما كلمتني من البداية وخليتني عايشة في النفسيات دي. _"ضحك" .. وإنتِ البنفسن بيك شنو لحدي قبل شوية قلتي ما بتحبيني ولا بتشتاقي لي؟ ="ابتسمت" .. بس كويس يا أحمد إنك طلعت ما أبوها الحقيقي. _طيب يلا إعترفي لي بما إني طلعت ما متزوج. =أبيت. _حيجي يوم وأخليك تقوليها برضاك .. بس هسي أمشي نومي عشان الزمن إتأخر. =طيب تصبح على خير. _بدل كده ما تقولي لي تصبح عليّ بس. =إنت بجد شايفني خير يا أحمد؟ _والله كل الخير يا ماما. ___ الناس بتقول الغرفة ما بتسع أجنحتهم يوم ما يسمعوا كلام حلو من أشخاصهم المُفضلين .. وأنا بقول بحس في فراشات في معدتي لما أشوف أحمد .. اللحظات البسيطة اللي بنقيف فيها ونصبح على بعض هي البتصنع يومي ♡ يوم الأحد الصباح كنت مخططة أجيب لـ تالية هدية لأنه بصادف عيد ميلادا .. إنتبهت للمعلومة دي لما كنت بعمل برنت آوت للإرشيف وحبيت أجيب ليها هدية بما إنها صارحتني إنها بتخطط تجيب لي هدية كمان .. يوم السبت مشيت السوق مع ماما وكنت مُحتارة جدًا دي اول مرة أفكر أجيب لزول غير ننو هدية .. وقفت عدة مرات في محلات فيها حاجات بنوتية .. حتى ماما بإستغراب سألتني أنا عايزة شنو ولأني ما حأعرف أدس الموضوع منها صارحتها .. =عايزة أجيب هدية لي تلوية بكرة عيد ميلادا. _ضروري يعني؟ =يا ماما طفلة صغيرة وما عندها زول ي... _خلاص خلاص شيلي ليها بسرعة خلينا نرجع أنا ما عملت الغدا للآن. =ما عارفة أشيل شنو. _أبوها ما مقصر منها شيلي ليها أي لعبة بس. =على فكرة يا ماما أحمد ما أبو تالية. _الجاني منك إنتِ مرة قلتي لي أبوها. =طلع خالا ما أبوها. _كويس ربنا يسعدكم. ="ضحكت". _ليك حق تضحكي. =ماما خلاص عليك الله ما تشغليها لي .. تعالي نشوف الحاجات دي حلوة عجبتني. عدينا ساعة لحدي ما إخترت هدية ومشيت المكتبة غلفتها ولما رجعنا البيت ماما خلتني أعمل الغدا بدلا لأني أخرتها. الصباح اول ما جبت كل التراحيل لاحظت إنو تالية لسة ما جات .. بقيت مُقلقة عليها تكون حاصلة ليها حاجة منعتا تجي .. إتصلت لأحمد قفل ورجع لي .. اول ما فتحت الخط قال: _صباح الخير يا خيري. ="ابتسمت" .. صباح النور. _أطلعي لينا برة نحن قريبين. طلعت لقيته بأشر لي بيده مشيت ناحيته قال لي تعالي بهناك وفتح الباب .. ركبت وعاينت ورا لـ تالية الكانت واقفة في المسافة بين المقعدين القدام .. سلمت ليها: =يا توتة إزيك؟ _مس نود أنا تمام. =ما شنو لكن مافي مشتاقين ولاَّ ما إشتقتي لي؟ _إشتقت.

=أنا كمان إشتقت ليك والله .. طمنيني عليك هسي بقيتي كيف؟ _تمام التمام. =مالك الليلة رايقة كده؟ _عشان الليلة عيد ميلادي. ="ضحكت" .. نظام البت كبرت وبقت رزينة يعني .. المهم ننزل تحت وأعايدك. _احححممم .. شوفونا معاكم. =إنتَ عايز يسألوك بقيت كيف ويعايدوك برضو ولا شنو؟ _لالا عايز يقولوا لي مشتاقين. =شششش ما قدام الشافعة لكن. _شافعة إنتِ دي والله .. المهم الليلة عيد ميلاد تالية بعدين عازمنك معانا غدا ومشوار صغيروني كده وممنوع ترفضي. =طيب لبعدين هسي خلينا نمشي لأنه وراي ديوتي. _طيب خلوا بالكم من نفسكم. ="ابتسمت". نزلت ومشيت فتحت الباب لـ تالية شالت شنطتا ورفعتها بوستها في خدها وعايدت ليها .. إبتسمت وهي بتلوح لأحمد بيدها لما دخلنا نزلتها وصلحت ليها لبستا شبكت يدها في يدي ومشينا المكتب .. بالعادة كل يوم بجي بـ شرابي من البيت وإتعودت أقسم مع تالية .. خلصنا شراب أديتا منديل وضغطة الجرس وطلعنا. خلصت شغلي وبقيت فاضية بسكرول على الفيس لاقاني بوست لأحمد نزله من دقيقتين كاتب فيه: "أنتِ ألذّ صورةٍ يمكنُ للمرءِ تجرُّعها بصريًا.. مع الطعام مع السجائر مع القراءة قبلَ الخلود إلى النوم في الأحلام، ومع أيِّ شيءٍ يُذكر.)) عملت ليو لايك وكملت عادي .. شوية لقيته مرسل لي مسج: _شيلي اللايك بسرعة وختي بدله لاڤ أنا ما تعبان ومنزل البوست عشان لايك. =اللاف ده بنخته للزول ما عشان محتوى البوست .. أما اللايك ده عشان أوريك إني شُفت إعترافك بموضوع السجاير الغلفتو لي وسط الكلمتين الحلوين ديل. _"ايموشن ضحك" .. أنا مش قلت ليك بطلي ترسمي سيناريو قبل ما تسأليني؟ =يعني عايز تقول لي ما بتسجر وده إقتباس حُب عادي مُش؟ _أقول ليك شي الصورة الغلط الماخداها عني دي عليك الله لو ما بروزتيها. ="ستيكر ضاحك". _ما تضحكي يعني هسي خليتي الكلام الحلو ده كله .. وما لفتت نظرك إلا كلمة سجائر دي؟ =ياخي بطمن عليك بس .. إنت ليه ما بتفهمني؟ _بتغلفي كلامك ليه؟ =ما عايزة أفاجئك. _حلفتك تفاجئيني .. أنا نفسي أتفاجأ منك. =ما هسي. _متين؟ =إستنى بس. ____ "بعد فترة من الزمن " "نغمة إتصال: سمعني نبضك دفيني بنار حضنك .. ابيك الليلة وحدك اليا تكون قرب عليا حس النار اللي فيا .. ابي ايديك بايديا نلف الكون انا وش اقول وانت معايا .. وش اقول انسى هوايا .. وش اقول انت غلاي)) _صباح الخير يا وش الخير. =صباح النور يا روحي. _لحظة بس خليني أستوعب قُلتي شنو؟ =بقول حد يسيب مراته أم عياله تنام مع ناس غُربا ده يرضي مين؟ _"ضحك" .. نُود نحن يداب أمس عاقدين. =وإذا يعني؟ _بصراحة أنا مُتفاجأ منك. =اللي كان بقول لي أفاجأه منو؟ _أنا. =يلا اشرب. _أشرب شنو؟ =ما تركز .. هسي مُصحيني بدري ليه بدينا الحركات؟ _عايز أشرب الشاي بصوتك. ="ضحكت" .. بسكويتة أنا؟ _لأ حاجة أحلى من البسكويت. =زي شنو؟ _طيب صحصحي يا ماما عشان تسمعي. ="صلحت قعدتا وحضنت المخدة" .. يلا أشجيني. _حاجة بترُد الروح .. وبتطبطب على الوجع .. بتمسح ملامح الحُزن .. وبتحسسك بالفرح .. وتعيِّشك السعادة .. بتدفيك بيدينا وتحضنك بصوتا .. بتلون حياتك .. حاجة حلوة وبتعرف شديد كيف تخليني إحلَّو وأنا معاها. =أحمد أنا بحبَّك شديد والله. _مُش قلت ليك حخليك تقوليها برضاك؟ =ياخي خلاص أمشي خليني أجهز وراي مواضيع. _طيب أجهزي بسرعة عشان حأجيك نشرب الشاي مع بعض. =والشربته هسي ده كان شنو؟ _ده ما كان شاي ده حُبك. "صوت ضحك وموسيقى تصويرية وفي الخلفية صوت بقول: و بحتاجلك و تحتاجلي .. ما بينا الف حلقة وصل و بشبهلك و تشبهلى .. فحب الخير و طيبة الأصل ماليش غيرك أكيد لكن .. محدش فينا مختار حد أنا وإنتا حكاية ناس .. مقاسمين الحياة مع بعض وجودك شىء مكملني لأني لوحدي مش هاقدر ملامحك كلها مني يدوب الاسم متغير مجرد بس ما تصبرنى .. و تقولي أنا جنبك تطيب خاطري من همي .. بكلمة طالعة من قلبك)) #على_الهامش: "وقعتُ في حُبك.. حين كان عليّ أن أُصافحك.. فمددتُ قلبي بدلًا عن يدي )) #نُودين_بِت_مِن_حُب