Strategic Focus: Central Asia

Aliyev Isroil va Turkiya o’rtasida Bokudan kelgan ma’lumotlarga ko’ra, Ozarbayjon va Isroil o’rtasidagi qurol-yarog’ va neft yetkazib berishga asoslangan munosabatlar Turkiyaning G’azo mojarosi tufayli kuchayib borayotgan bosimi bois xavf ostida qolgan. Ozarbayjon, aholisi aksar qismi musulmon bo’lishiga qaramay, Isroilning G’azodagi harbiy harakatlari uchun unga nisbatan hech qanday qarshi chiqishlar qilmadi. Bu vaziyat Bokuni boshqa musulmon davlatlaridan ajratib turadi. Ta’kidlanishicha , so’nggi yillarda Isroil va Ozarbayjon o’rtasidagi munosabatlar mustahkamlandi. Isroil Ozarbayjon neftining asosiy xaridoriga aylandi (Boku va Astana Tel-Avivning 60% neftini yetkazib beradi). O’z navbatida, Isroil tomonidan taqdim etilgan qurol-yarog’ Ozarbayjonning 2020-yilda Tog’li Qorabog’ urushida g’alaba qozonishida muhim rol o’ynadi. Moddiy manfaatlardan tashqari, mamlakatlarni geosiyosiy maqsadlar, ayniqsa Eron yo’nalishida, birlashtiradi. Ma’lumot uchun. Ozarbayjonda 7-16 ming kishidan iborat kichik yahudiylar jamoati mavjud. Qizig’i ular son jihatdan kam bo’lsada, siyosiy mavqe borasida katta ta’sirga ega. Diplomatlar aytishicha, Turkiya va Isroil o’rtasida G’azo tufayli keskinlik kuchayib borayotgan bir paytda, Ozarbayjon qiyin vaziyatga tushib qoldi. Ozarbayjonning asosiy ittifoqchisi bo’lgan Turkiya Bokudan Isroilga nisbatan qattiqroq pozitsiyani talab qilyapti. Tahlilchilarning fikricha, bu bosim Ozarbayjon va Isroil o’rtasidagi barqaror munosabatlarga tahdid solishi mumkin. Ozarbayjon Isroilning harbiy va razvedka masalalarida, xususan Armaniston bilan ziddiyat va Eron bilan to’qnashuvda qo’llab-quvvatlashini qadrlasa-da, Turkiyaning bosimi, shubhasiz, Bokuni o’z pozitsiyasini qayta ko’rib chiqishga majbur qiladi. Hozirgi vaqtda Ozarbayjon manfaatlar to’qnashuvidan qochish va Isroil bilan yaqin, ammo “sokin” munosabatlarini davom ettirish uchun G’azoda tezroq sulh tuzilishiga umid qilyapti. Yuqoridagilardan kelib chiqqan holda, Aliyevning keyingi qadamlarini turli ssenariylarda taxmin qilish mumkin: 1. Muvozanatni saqlash: Hech bir tomon bilan munosabatlarga tahdid solmagan holda Aliyev Isroil va Turkiya o’rtasida balansni saqlab qolishga harakat qiladi. Bunga rasmiy Boku G’azodagi mojaroni hal qilish bo’yicha diplomatik sa’y-harakatlarda faol ishtirok etishi va tinch yo’l bilan hal qilish muhimligini ta’kidlashi kiradi. 2. Isroilning jimgina qo'llab-quvvatlashi: Turkiyaning bosimiga qaramay, Ozarbayjon Isroilni, ayniqsa harbiy va razvedka masalalarida jimgina qo’llab-quvvatlashda davom etadi. Bu kontekstda Aliyev Isroildan olingan strategik imtiyozlarni saqlab qoladi va Turkiya bilan ochiq mojaroni oldini olishga maksimal harakat qiladi. 3. Turkiyaga imtiyozlar: Anqara bosimi ostida Aliyev Turkiya tomon ramziy qadamlar qo’yadi mumkin, masalan, Isroil bilan mavjud strategik va iqtisodiy aloqalarni to’xtatmasdan Isroilning G’azodagi harakatlarini qattiqroq qoralaydi. 4. Faol vositachilik: Ozarbayjon o’zini Turkiya va Isroil o’rtasida vositachi sifatida taklif qiladi, bu esa keskinlikni yumshatish va xalqaro maydonda Bokuni muhim o’yinchi sifatida mavqeini kuchaytirishi mumkin. Savol: 1. Boku Tel-Aviv bilan aloqalarni qay tarzda davom ettiradi? 2. Turkiya Ozarbayjonga qarshi qanday choralar ko’rishi mumkin? Strategic Focus: Central Asia - LIVE

⚡️Assalom aleykum, do’stlar! Taklif va murojaatlaringizni endi @sfca_admin profilimizga yuborsangiz bo’ladi!

🇵🇰Pokiston siyosiy doiralari: yaqin kelajakda mamlakatda urush boshlanishi mumkin Pokistondagi eng yirik muxolifatchi partiya “Jamoat ulamoi Islomi” yetakchisi Fazl-ur-Rahmon parlamentdagi yig’ilish chog’ida Xayber-Paxtunxva viloyatida xavfsizlik darajasi oshib borayotganini aytdi. Uning so’zlariga ko’ra, bugungi kunda Afg’onistondan Pokistonga 40 mingdan 50 minggacha jangarilar allaqachon kelgan. Siyosatchi taxmin qilishicha, keyingi 2-4 oy ichida Dera Ismoil Xon, Bannu, Shimoliy Vaziriston, Janubiy Vaziriston, Karak, Lakki Marvat va boshqa hududlarda xavfsizlik masalalarida keskin o’zgarishlar sodir bo’lishi mumkin. Bu borada u tun tushganda barcha politsiya bo’limlari yopilishini, politsiya va huquqni muhofaza qilish organlari patrullik qilmasligini tanqid qildi. Fazl-ur-Rahmon, shuningdek, Pokiston armiyasi tomonidan xavfsizlik tahdidlariga qarshi kurashish va Afg’onistondan o’tayotgan qurolli jangarilarga qarshi rejalashtirilgan "Azm-e-Istehkam" operatsiyasini eslatib o’tdi. Uning ta’kidlashicha, “bu operatsiya hech qanday barqarorlik keltirmaydi va faqatgina Xitoyni xursand qilish uchun amalga oshiriladi”. Avvalroq, muxolifat yetakchisi Karachidagi nutqida 30 minga yaqin pokistonlik yoshlar Afg’onistonda Tolibon bilan birga yelkama yelka jang qilganini aytdi. Va bu yoshlarning mamlakatga kirishini nazoratga olishni talab qilgandi. Umuman olganda, Pokistondagi hozirgi holat Afg’oniston Respublikasi umrining oxirgi yillarini eslatmoqda. Qizig’i, avvalroq toliblarni himoya qilgan va ularga homiylik qilgan Islomobod endi Tolibonning zarbasiga uchrashi mumkin. Nima eksang, shuni o’rasan deb bejizga aytishmagan. Strategic Focus: Central Asia - LIVE

📡 AQShning Markaziy Osiyodagi siyosati: Bayden vs Tramp Jo Bayden va Donald Tramp o’rtasidagi teledebatlar AQSh tashqi siyosati masalasiga yana bir bor e’tibor qaratdi. 2024 yilgi prezidentlik saylovlari arafasida ikkala tomon ham xalqaro munosabatlarga, shu jumladan Markaziy Osiyoning strategik muhim mintaqasiga o’z qarashlarini taqdim etdilar. AQShning mintaqadagi siyosati Oq uyni kim egallashiga qarab sezilarli darajada o’zgarishi mumkin. Ko'p vektorli diplomatiyasi va xalqaro institutlarni qo’llab-quvvatlashi bilan tanilgan Jo Bayden ma’muriyati ko’p tomonlama tashkilotlar va iqtisodiy tashabbuslar orqali Markaziy Osiyo respublikalari bilan aloqalarni mustahkamlash yo’lini davom etishi mumkin. Bayden allaqachon infratuzilmani rivojlantirish, iqtisodiy hamkorlik va mintaqadagi iqlim o’zgarishiga qarshi kurashishga qaratilgan loyihalarni qo’llab-quvvatlashga tayyorligini namoyish etgan edi. C5+1 formatdagi yuqori darajadagi uchrashuvlar Bayden ma’muriyatining AQSh uchun strategik ahamiyatga ega bo’lgan hududlar bilan hamkorlikni kuchaytirish niyatidan dalolat beradi. Bayden qayta saylangan taqdirda, Markaziy Osiyo mamlakatlarida fuqarolik jamiyati va inson huquqlarini qo’llab-quvvatlash siyosatini davom ettirishni kutish mumkin. Ushbu strategiya iqtisodiy yordamni ham, mintaqa hukumatlariga inson huquqlari va demokratik islohotlar bilan bog’liq vaziyatni yaxshilash uchun diplomatik bosimni ham o’z ichiga olishi mumkin. Shunday qilib, Baydenning siyosati global muammolarni hal qilishda AQShning muhim hamkori bo’lishi mumkin bo’lgan barqaror va gullab-yashnayotgan mintaqani shakllantirishga intiladi. Boshqa tomondan, Donald Tramp o’zining oldindan aytib bo’lmaydiganligi va ikki tomonlama bitimlarga e’tibor qaratgani bilan mashhur bo’lib, Markaziy Osiyodagi alohida davlatlar bilan xavfsizlik va savdo aloqalarini mustahkamlashga e’tibor qaratadi. Tramp ma’muriyati AQSh energiya xavfsizligini ta’minlash va Amerikaning iqtisodiy manfaatlarini ilgari surish maqsadida Qozog’iston va O’zbekiston kabi mintaqaning asosiy davlatlari bilan katta shartnomalar tuzishga e'tibor qaratadi. Tramp, ehtimol, AQShning ko’p tomonlama tashkilotlarda ishtirokini kamaytirishga intiladi va munosabatlarning pragmatik jihatlariga e’tibor qaratib, inson huquqlari masalalariga kamroq urg’u beradi. Uning yondashuvi Amerika strategik manfaatlarini qo’llab-quvvatlash evaziga harbiy hamkorlikni kuchaytirish va mintaqadagi mamlakatlarga qurol sotishni o’z ichiga olishi mumkin. Bunday siyosat AQShning Markaziy Osiyodagi ta’sirini kuchaytirishi mumkin, ammo bu keskinlik va beqarorlik xavfini oshiradi. Bayden va Tramp o’rtasidagi teledebatlar ularning xalqaro siyosatga yondashuvlarida aniq farqni ko’rsatdi. Bayden xalqaro hamkorlikni mustahkamlash va global tartibni saqlashni qo’llab-quvvatladi, Tramp esa milliy manfaatlar va ikki tomonlama kelishuvlarga e’tibor qaratdi. Ushbu farqlar kelgusi yillarda AQShning Markaziy Osiyo siyosatini shakllantirishda hal qiluvchi ahamiyatga ega bo’ladi. 2024 yilgi prezidentlik saylovlarida Bayden va Tramp o’rtasidagi tanlov Markaziy Osiyo mamlakatlarini qiyin dilemmaga olib keladi. Baydenning demokratik islohotlarga yo’naltirilgan tashqi siyosati bosim va aralashuv sifatida qabul qilinishi mumkin, Trampning pragmatik yondashuvi esa mahalliy hokimyatlarni kuchaytirishi va beqarorlik uchun sharoit yaratishi mumkin. Saylov natijalaridan qat’i nazar, AQShning mintaqadagi siyosati munozarali va qiyin bo’lib qoladi, barqaror va o’zaro manfaatli hamkorlikka erishish uchun muvozanatli va strategik yondashuv talab etiladi. Manba. Strategic Focus: Central Asia - LIVE

⚡️🇮🇱🇮🇷 Netanyaxu: Eron Yaqin Sharqni egallamoqda Sionist rejim bosh vaziri Eron bilan bog’liq so’nggi bayonotlarida Eron Yaqin Sharqni o’z qo’liga olayotganini da’vo qildi. Netanyaxu aytishicha, bu maqsad amalga oshishiga yaqin va bu faqat vaqt masalasidir.

📣📣Germaniya Bundestagi stipendiyasi IPSga hujjat topshirishga hozirmisiz?📣📣 Shartlar o’sha-o’sha: nemis tilini juda yaxshi darajada bilish, universitetni tamomlagan bo’lish, Germaniya siyosati, tarixi va jamiyati haqida xabardor bo’lish va stipendiya berilish vaqti yoshingiz 30 yoshdan oshmasligi. Bu va boshqa qiziqarli ma’lumotlar haqida ayni damda Germaniya Bundestagida amaliyot o’tayotgan yoshlar tayyorlagan videodan bilib olishingiz mumkin! Ariza topshirish oxirgi muddati 31 uyil. 📣📣Вы готовы подать заявку на парламентскую стипендию Бундестага IPS?📣📣 Условия те же: очень хорошие знания немецкого языка, законченное университетское образование, знания в области немецкой политики, истории и общества, и возраст до 30 лет на момент предоставления стипендии. Эту и другую интересную информацию Вы можете узнать в видеоролике, подготовленном нашими узбекскими стипендиатами в Бундестаге! Последний срок подачи заявок 31 июля.