•ادعوا لأموات المسلمين •

سُنن عيد الأضحى 🤍 صيام يوم عرفة التطيب والاغتسال يوم العيد التكبير مخالفة طريق الذهاب والعودة من الصلاة ذبح الأضحية.

السلام عليكم ورحمة الله وبركاته ازيكم يا صحبة عاملين ايه عساكم بخير 🩵 ازاي نجهز ليوم عرفة؟ طبعا من ساعة ما المغرب أذن بدأت أهم ليلة في حياتك طبعا كلنا صايمين بإذن الله حتى لو مصمتش الأيام اللي فاتت لازم تصوم بكرة هات ورقة بقى وتبتدي تكتب دعواتك كلهااا دعوات الدنيا ودعوات الآخرة دعوات لأهلك وصحابك بالاسم واكتب دعوة كل واحد ده هيخليك متنساش اي حد ومتنساش اي دعوة نام بدري واصحى قبل الفجر بساعتين عشان تستغل اليوم كله قوم اتسحر وهات مصليتك وصلي قيام على قد ما تقدر صلي كتير وصلي بصدق لو متوبتش توب وادعي بالتوبة لو عندك ذنب توب عنه هتوب دلوقتي؟ آه دلوقتي ده أعظم يوم في السنة ولسه عندك فرصة طبعا كل ده هتستغنى عن الموبايل شوية ارمي من الشباك على طول الفجر أذن هتصلي وتصلي السنة لو عمرك ما صليت في المسجد او بقالك فترة مكسل انهارده جرب وروح المسجد صلي هناك وبالنسبة للنساء ياريت الصلاة تبقى في جماعة في البيت عادي بعد الصلاة هنقول اذكار الصباح وتقعد تذكر ربنا كتييير واقرأ شوية قرآن لحد الشروق وبعدها تصلي الضحى ممكن تنام شويه او متنامش وخلاص مش مهم😁 اقعد مع نفسك بقى توب ، توب ألف مرة واقعد اذكر ربنا وأكثر من ( لا إله إلا الله وحده لا شريك له له الملك وله الحمد وهو على كل شيء قدير ) هتجيب بقى الورقه اللي كتبنا فيها الدعوات واقعد ادعي وادعي بيقين إن ربنا هيحقق دعواتك بإذن الله طول اليوم افضل كبر واذكر ربنا على قد ما تقدر ممكن تساعد أهلك في البيت وخد نوايا كتير وطول ما بتساعدهم اذكر ربنا مثلا اوعى تضيع ثانية أول ما العصر يأذن اقعد استغفر كتيير وادعي كتييير متملوش من الدعاء ومتملوش من الذكر وادعو بالمستحيل ربنا معندوش مستحيل ويوم عرفة بيحقق المعجزات بلاش تكون في غفلة جدد النية وقوم جهز خطتك ده أعظم يوم في السنه كلها ربنا يتقبل منا ومنكم صالح الاعمال يارب

"لَيسَ لكَ مِن الأمرِ شَيء" آل عمران- ١٢٨. "قُل إنَّ الأمرَ كُله لِلّٰه" آل عمران- ١٥٤.

سورة الكهف