حُور الجَنّة🌹🌸
أسئلة ومعلومات دينية وتجويد🌸اسئلة قرآنية لإستعادة وحفظ القرآن الكريم🌹مسابقات وشهادات تقدير كل أسبوع🌸اللهم اجعل هذا العمل خالصاًلوجهك الكريم 🌹اللهم علمناماينفعناوانفعنابماعلمتناواستخدمناولاتستبدلنا ﴿صدقة جارية لناولكم﴾🌹🌸 للتواصل👇 @HoorElgannh_bot
Больше1 356
Подписчики
-224 часа
-137 дней
-5330 дней
- Подписчики
- Просмотры постов
- ER - коэффициент вовлеченности
Загрузка данных...
Прирост подписчиков
Загрузка данных...
يوم عرفة♥♥♥♥♥
أهمّ يوم في حياتك كلّها
من فجر يوم ( السبت ) إن شاء الله هتبدأ أهمّ ١٦ ساعة في السنة كلها ....أهمّ ١٦ ساعة في حياتك
١- صيامه ... يُكفّر سنتين من الذنوب .. سنة قبله وسنة بعده
٢- الدعوة فيه مُستجابة وعن تجارب لا تعد ولا تُحصى ...أصحاب الحاجات والهموم والكروب والأمنيات ... أمامكم ١٦ ساعه ذهبية الدعوة فيها لا تُردّ ... ١٦ ساعة تقدر تصنع قدرك فيهم بإيدك
٣- قال بعض السلف : كنّا ندّخر حاجاتنا ليوم عرفة .. ليقيننا أن الدعوة مُستجابة في هذا اليوم
٤- قال أحد الصالحين : والله ما دعوتُ دعوة يوم عرفة وما دار عليها الحول إلا رأيتها مثل فلق الصبح ( أشهد والله )
٥- أكثرُ يوم يعتق الله فيه الرقاب من النّار ... في الحديث (ما من يوم أكثر من أن يعتق الله فيه عبداً من النار من يوم عرفة ) ..... إن لم تُعتق رقبتك من النّار في هذا اليوم فمتى تُعتق ؟؟؟
٦- ربنا جلّ جلاله بينزل ( كل ليلة ) في ( الثلث الأخير من الليل ) .... أما في يوم عرفة ينزل سبحانه وتعالي من أول النّهار .... ليسمع شكوى المظلوم .. ويستجيب دعاء صاحب الحاجة .. ويرفع همّ المهموم .. ويجبر قلب المكسور
٧- ( ١٦ ساعة ) فقط لو استغلّتهم صحّ ممكن يغيّروا مجرى حياتك كلها ... وتصنع قدرك بنفسك بإلحاحك بالدعاء فيهم ... بس بشرط إنك تكون بتدعي من قلبك ... بقلب حيّ صادق ... وتكون منظّف طريق الدعاء من وسخ الذنوب ...وتدعي وأنت معلق قلبك بالله وموقن بالإجابة وبإنّ نتيجة الدعاء بتاعك أيّاً كانت هيا الخير والمصلحة ليك
٨- إن استطعت أن تعتكف يوم عرفة في المسجد من صلاة الفجر حتى صلاة المغرب فلا تتردّد ... وإن لم تستطع فحتماً من صلاة العصر حتى أذان المغرب ... ما تخرجش من المسجد من بعد العصر ... خد من العصر للمغرب ساعة قرآن وساعة دعاء
٩- هات ورقة وقلم من دلوقتي ... واكتب فيها كل الدعوات الل نفسك فيها ... وكل الحاجات الل تتمنى تشوفها وتلمسها ....والذنوب الل أرهقتك ومش عارف تبطّلها .... ومن بعد صلاة عصر يوم عرفة حتى آذان المغرب استقبل القبلة وارفع ايدك والهج بالدعاء ... ادعي دعاء الغريق ... ادعي ببكاء ....ادعي وكأنّه آخر يوم ليك في الدنيا
١٠- في الحديث ... (خير الدعاء دعاء يوم عرفة ...وخير ما قلتُ أنا والنّبيون من قبلي ...لا إله إلا الله وحده لا شريك له، له الملك وله الحمد، وهو على كل شيء قدير) ...
ردّد هذا الذكر ١٠٠٠ مرة يوم عرفة
١١- تصدّق بأي مبلغ في هذا اليوم
١٢- خلّص أشغالك من دلوقتي وفضّي نفسك من دلوقتي واختم كل ارتباطاتك ومشاويرك من دلوقتي ... يوم السبت ده اجتماع خاص بينك وبين ربنا
١٣- نصيحتان للبنات :
١- يوم عرفة يوم عبادة .. يوم تحقيق المعجزات ... يوم الرحمات ... يوم النفحات ...يوم العتق من النار ... ليس يوم لتنظيف البيوت ...ولا يوم للتسوّق ... ولا يوم للنوم ...ولا يوم للراحة....ما تضيعيش فرصتك في الترويق والتنفيض وترتيب البيت والإستعداد ليوم العيد .. فرّغي وقتك وخلّصي مهامك قبل يوم عرفة ....أو ابدأي بعد مغرب يوم عرفة
٢- بالنسبه للحيّض : أخدتي الأجر بالنية إن شاء الله .. عباداتك كما هي غير منقوصة إلا الصلاة والصوم .. إقرأي قرآنك من هاتفك أو من المصحف بس بجوانتي ...مسبحتك معاكي أكثري من الذكر والتكبير والاستغفار .....خدي نصيبك من الدعاء .....تفنّني في صنوف الطاعات والقُربات .... وفضل الله واسع
⭕️⭕️ وأخيراً .... التليفون والنت معانا علطول في كل وقت وكل ساعة ... ما استفدناش حاجه منهم .... والنت ومواقع التواصل في يوم زيّ ده هيخسّروك حاجات كتير ... هيخسّروك تركيزك ... وخشوعك ... وحضور قلبك .... بلاش النت ال ١٦ ساعه دول ... اقفل بيانات النت من الفجر للمغرب ... انقطع عن دُنيا النّاس ... جرّب العزلة لله في اهم ١٦ ساعة في حياتك♥♥♥♥♥♥
❤ 4🥰 1
السلام عليكم ورحمه الله وبركاته
#السيرة_النبوية
#حلقة_135
يلا صلو على النبى ﷺ ♥
صلح الحديبية (ج7)
شفنا امبارح سيدنا عمر بن الخطاب و هو فى شدة الغضب بعد ما تمت المعاهدة بين النبى عليه الصلاة و السلام و بين سهيل بن عمرو .. فجرى عمر على النبى عليه الصلاة والسلام و كان عمر متعصب قوى فقال : " يا رسول الله أليسوا بمشركين ؟؟ " قال : " بلى " .
فقال : " ألسنا المسلمين ؟؟ " .. قال : " بلى " .. فقال : " ألست رسول الله " .. قال : " بلى يا عمر أنا رسول الله والله ناصرى " .. فقال عمر : " إذن فلماذا نعطى الدنية فى ديننا " ( ليه نذل نفسنا كده ) فقال النبى : " يا عمر إنى رسول الله و إنه لناصرى " .. فقال عمر : " ألم تعدنا أننا سنعتمر " .. فقال النبى : " و هل قلت لكم هذا العام ؟؟ " فقال عمر : " لا " .. فقال النبى : " إذن سنعتمر يا عمر إن شاء الله " ..
فقام عمر رايح لأبو بكر و قال : " يا أبا بكر .. أليسوا المشركين ؟ " فقال : "بلى " .. قال : " ألسنا المسلمين ؟ " .. قال : " بلى " .. قال : " أليس هو رسول الله ؟ " قال : " بلى يا عمر ويحك يا ابن الخطاب " .. قال : " فلماذا يا أبو بكر نعطى الدنية فى ديننا ؟ " .. فقال : " يا ابن الخطاب هو رسول الله و الله هو ناصره " ، فقال عمر : " أولم يعدنا أننا سنعتمر " .. فقال أبو بكر : " أوقال لك هذا العام ؟؟ " قال : " لا " فقال أبو بكر : " إذن ستعتمر يا عمر إن شاء الله " .. فقال عمر : " والله ندمت و أعددت صياما و قياما و عمرة و حج و عتق و صدقة ليكفر الله عنى ماقلته لرسول الله يوم الحديبية " ..
طيب دلوقتى المسلمين مش حيعتمروا و خلاص راجعين المدينة .. فيقول النبى : " أيها الناس قوموا فأحلقوا وأنحروا " .. ( عشان الكفار منعوهم من العمرة .. قال تعالى : { وَأَتِمُّواْ الْحَجَّ وَالْعُمْرَةَ لِلّهِ فَإِنْ أُحْصِرْتُمْ فَمَا اسْتَيْسَرَ مِنَ الْهَدْيِ } [سورة البقره 196] .. ( الهدى ده خروف / معزه / بقرة / أبل ) فالمهم محدش قام من المسلمين .. فيكرر النبى : " أيها الناس قوموا فأحلقوا و أنحروا " فمحدش قام بردوا .. الصحابة تعبانين نفسيا .. تعبوا أوى أصلهم يفرحوا أوووى و يطلعوا لسابع سما و بعدين يحصل مشاكل تنزلهم لسابع أرض 🙁 .. همه مش قادرين يصدقوا إن خلاص فرحتهم راحت هدر و مش حيعتمروا .. فهمه زعلانين أوى .. فدخل النبى على زوجته " أم سلمة " و هو حزين .. فقالت : " مالك بأبى أنت وأمى يا رسول الله ؟ " .. فقال : " يا أم سلمة هلك المسلمون " .. قالت : " لماذا يا رسول الله ؟ " ..
فقال النبى عليه الصلاة و السلام حصل كذا و كذا و حكى لها كل حاجة و أنهم مش بيسمعوا كلامه .. فقالت : " يا رسول الله هون عليك .. يا رسول الله أخرج عليهم و لا تكلم منهم إنساناً ، و أعمد إلى هديك حيث كان فأنحره ، و أحلق فلو قد فعلت ذلك ، فعل الناس ذلك " ( يعنى حيقلدوك ) .. و فعلا خرج رسول الله صلى الله عليه وسلم و ماتكلمش مع حد من الصحابة و مسك الهدى بتاعه و دبحه و قعد حلق شعره و لما الصحابة شافوا كده قاموا مقلدين النبى و دبحوا الخرفان و كل واحد قعد و حلق شعره .. ( شفتوا أم سلمة و حكمة أم سلمة ❤ الإسلام بيعز المرآة .. و النبى خد رأيها و مشورتها و أنقذت أم سلمة المسلمين من نفسهم ❤ ) ..
طيب دلوقتى بدأ المسلمين يتحركوا للمدينة و حتنزل سورة الفتح .. قال تعالى : { إِنَّا فَتَحْنَا لَكَ فَتْحًا مُّبِينًا } .. و يحصل موقف عظيم جدآ يبين الفتح ده .. أول ما اتمضت المعاهدة ، بدأت القبائل العربية تدخل الإسلام أفواج أفواج .. كله يسلم بين يدى النبى و حيسلم ناس كتييير جداً جداً وزى ما أنتو عارفين إن المعاهدة بتسمح إن أى حد يقدر يسلم و يروح للنبى ما عدا قبائل مكة .. بس حيحصل موقف حينقل المعاهدة لنقلة تانية خالص ..
حنعرفه بكرة إن شاء الله 🌹🌸
#كن_محمديا
❤ 2🥰 1🕊 1