Дене тарбия жана спорт департаменти

Гүлназ Жүзбаева пара жеңил атлетика боюнча Олимпиадага жолдомо утту Кыргызстандык пара жеңил атлетчи Гүлназ Жүзбаева Ноттвиль шаарында (Швейцария) өткөн “Дүйнө Гран-При” аттук лицензиялык мелдеште алтын медалга ээ болду. Спортчу (Юлия Фернас-коштоп жүрүчү) 1500 м аралыкты 6 мүнөт 18 секунд 25 милисекундда чуркап өтүп Париж Олимпиадасына жолдомо алды. 6-июнда башталган мелдеш 8-июнь күнү жыйынтыкталды. Кийинки лицензиялык мелдеш 10-15-июнь күндөрү Париж шаарында (Франция)өтөт. Ага ата мекендик жөө күлүк Жалалидин Абдувалиев (Артём Шапилов - коштоп жүрүүчү) катышат.

Орозобек Токтомамбетов Венгрияда өткөн рейтингдик турнирде коло байгеге ээ болду. Кыргызстандын эркин күрөш боюнча курама командасынын мүчөсү Орозобек Токтомамбетов Венгриянын борбору Будапешт шаарында өтүп жаткан рейтингдик мелдеште коло байге жеңди. Токтомамбетов 74 кг салмакта чейрек финалдык баскычтан баштады. Биринчи беттешинде венгриялык балбан Мурад Курамагомедовдон жеңилүү ызасын тартып калды. Бирок атаандашы финалга чыккандыгына байланыштуу коло үчүн беттешүүгө мүмкүндүк алды. Анда өзбекстандык Бекзод Абдурахмонов жаракат алганына байланыштуу ата мекендик балбанга жеңиш ыйгарылып 3-орунду ээледи.

Кыргызстандык балбандар рейтингдик мелдеште байгелүү орундарга ээ болушту. Кыргызстандын эркин күрөш боюнча улуттук курама командасынын мүчөлөрү Венгрияда өтүп жаткан “Polyák Imre & Varga János Memorial” атындагы рейтингдик турнирде байгелүү орундарга ээ болушту. 61 кг чейинки салмак чен бирдигинде Тайырбек Жумашбек уулу күмүш байге утса, 57 кг чейинки салмакта Алмаз Сманбеков жана 70 кг чейинки салмакта Алибек Осмонов коло медаль жеңишти.

Спорттук күрөш (U-23) боюнча курама команда Азия чемпионатына катышат Кыргыз Республикасынын спорттук күрөш (U-23) боюнча улуттук курама командасы (грек-рим, эркин жана кыз-келиндер күрөшү) Иорданияда (Иордания) өтө турчу Азия чемпионатына катышат. Мелдештер 22-30-июнь күндөрү Амман шаарында өтөт. Грек-рим күрөшү боюнча курама команданын тизмеси: - 55 кг Азамат Камилжан уулу; - 60 кг Акыл Сулайманов; - 67 кг Аманат Самат уулу; - 72 кг Адилхан Нурланбеков; - 77 кг Алибек Бердиев; - 82 кг Бекзат Орункул уулу; - 87 кг Асан Жанышов; - 97 кг Нурмамбет Раймалы уулу; - 130 кг Эрлан Манатбаев; Улукбек Карачолоков - улук машыктыруучу; Арсен Эралиев улук машыктыруучу. Эркин күрөш боюнча курама команданын тизмеси: - 57 кг Абдымалик Карачев; - 61 кг Юхан Доктурбек уулу; - 70 кг Канатбек Керимбеков; - 74 кг Орозобек Токтомамбетов; - 79 кг Мухаммад Абдуллаев; - 86 кг Бекзат Рахимов; - 92 кг Стамбул Жаныбек уулу; - 97 кг Бекзат Теңдиков; Сүймөнкул Таабалды уулу - улук машыктыруучу; Ислам Тазабеков - улук машыктыруучу. Кыз-келиндер күрөшү боюнча курама команданын тизмеси: - 53 кг Айжан Сабырбек кызы; - 55 кг Арууке Кадырбекова; - 59 кг Сезим Жуманазарова; - 62 кг Калмира Билимбекова; - 65 кг Дилназ Сазанова; - 68 кг Нурзат Нуртаева; - 72 кг Гүлнура Таштанбекова; Байгазы Кенжебаев - улук машыктыруучу; Билимбек Капарбек уулу - машыктыруучу.

Алмаз Сманбеков жана Алибек Осмонов Венгриядагы рейтингдик мелдеште коло медаль үчүн беттешет Кыргызстандын эркин күрөш боюнча курама командасынын мүчөлөрү Алмаз Сманбеков жана Алибек Осмонов Будапешт шаарында өтүп жаткан “Polyák Imre & Varga János Memorial” атындагы рейтингдик турниринде кичи коло медаль үчүн беттеш өткөрүшөт. 57 кг чейинки салмакта Алмаз Сманбеков азербайжандык балбан Алиаббас Рзазеде менен, 70 кг чейинки салмакта Алибек Осмонов грузиялык Эдеми Болквадзе менен күч сынашат . Беттештер Бишкек убактысы боюнча саат 22:00дө башталат.