Arab tili

عَنْ أَبِي هُرَيْرَةَ  قَالَ: قَالَ رَسُولُ اللَّهِ ﷺ:  مِنْ حُسْنِ إِسْلَامِ الْمَرْءِ تَرْكُهُ مَا لَا يَعْنِيهِ. رَوَاهُ التِّرْمِذِيُّ، وقَالَ: حَسَنٌ. Rosululloh solallohu alayhi vasallam aytdilar: "Kishi o'ziga tegishli bo'lmagan narsani tark qilishligi, uning islomini go'zalligiga dalolatdir." * o'zingizga tegishli bo'lmagan narsani tark qiling. Ahli ilm emasmisiz, fatvoni tark qiling. Ikki kishi gaplashib turib sizdan hech nima so'ramadimi, gaplariga qo'shilmang. Tabib emasmisiz, bilmagan narsangizga maslahat bermang. Birovlarning ishlariga o'zlari so'ramaguncha aralashmang. Vahokazo... Mana bu sizni islomingiz go'zalligi alomatidir.

‎- من أعظم ما يعين على أحمال النفس الثقال ويدفع البلاء والهموم هو الإكثار من قول (لا حول ولا قوة إلا بالله) فهي استسلام لله ومن استسلم له أعانه. ‌‏ ‎Ruhiy-maʼnaviy qiyinchiliklarni yengishda yordam beruvchi hamda balo-musibatlar va gʻam-anduhlarni arituvchi eng katta omil “La havla vala quvvata illa billah” kalimasini koʻp aytishdir. Zotan, bu - Allohga boʻysunish boʻlib, kim Allohga boʻysunsa, Alloh unga albatta yordam beradi. Shayx Abdulaziz Torifiy ‌‏ ‎

Solihlardan 5 o‘git: 1. Ramazonga qo‘shib himmatingizga ham «xayr» demang! • Bishr al-Hofiyga Ramazonda ibodat qilib g‘ayrat ko‘rsatadigan, u o‘tgach esa amallarini tark qiladigan insonlar haqida aytildi. Shunda Bishr al-Hofiy: «Allohni faqat Ramazonda taniydigan qavm naqadar yomon qavm!» dedi. (Ibn Rajab. «Latoiful ma’aarif») 2. Ramazonning nihoyasi taqvonida nihoyasi, degani emas! • Sufyon Savriy Iyd kuni tashqariga chiqdi va: «Ushbu kunimizda boshlaydigan birinchi ishimiz ko‘zni tiyishdir», dedi. (Ibn Javziy. «Tabsirat») • Abu Hakim aytadi: «Hasson ibn Abu Sinon Iyd kuni ko‘chaga chiqdi. Qaytib kelgach ayoli: «Bugun siz ko’rgan chiroyli ayollar qancha ekan?!» dedi. Gapni ko’paytirib yuborgan edi Hasson unga: «Sho‘ring qurisin! Chiqib to oldingga qaytib kelgunimga qadar barmog’imdan ko’zimni uzganim yo’q!» dedi». (Ibn Abu Dunyo. «Vara’») 3. Xavf bilan umid o‘rtasida bo‘ling! • Vuhayb ibn Vard Iyd kuni xiringlashib turgan qavmni ko‘rib: «Agar anavilarning tutgan ro‘zalari qabul qilingan bo‘lsa, bu shukr qiluvchilarning ishi emas. Agar qabul qilinmagan bo‘lsa, bu qo‘rquvchilarning ishi ham emas», dedi. (Ibn Rajab. «Latoiful ma’aarif») 4. O’ttiz kun ichida qilgan amallaringizni Allohdan qabul qilishini so‘rang! • Mu’allo ibn Fazl: «O‘tgan solihlar Allohdan olti oy Ramazonga yetkazishini so‘rab duo qilardilar. Qolgan olti oyda amallarini qabul etishini so’rardilar». (Ibn Rajab. «Latoiful ma’aarif») • Umar ibn Abdulaziz Iydul Fitr kuni chiqib shunday xutba qildi: «Ey odamlar! Sizlar o‘ttiz kun ro‘za tutdingiz, o‘ttiz kun qiyomda turdingiz. Bugun esa Alloh sizlardan amallaringizni qabul qilishini so‘rash uchun chiqdingiz!» (Ibn Rajab. «Latoiful ma’arif») 5. Unutmang: «Allohga osiylik qilinmagan har bir kun iyd (bayram)dir!» (Hasan Basriy)

Assalomu alaykum, qadrli ahli islom birodarlar! Barchalaringizni kirib kelgan muborak Ramazon hayiti — Iydul fitr bilan tabriklaymiz. Alloh taolo oʻtgan muborak oyda qilgan ibodatlarimizni oʻz dargohida qabul etsin, keyingi Ramazonlarga tinch-omonlikda, sihat-salomatlikda va iymonda ustivor holimizda yetkazsin! Butun Islom olamiga Ramazon hayiti muborak bo‘lsin! تَقَبَّلَ اللهُ مِنَّا وَمِنْكُمْ صَالِحَ الْأَعْمَالِ Alloh bizu sizdan solih amallarimizni qabul qilsin.

Ot marraga yaqinlashib qolganda gʻalaba qozonish uchun bor kuchi bilan chopadi. U sizdan koʻra zakovatliroq chiqib qolmasin tagʻin! Ishlar oxiri bilan oʻlchanadi. • Kutib olishni qoyillatolmagan boʻlsangiz ham xayrlashishni qoyillating! Ibn Taymiya aytadi: Boshlanishdagi kamchilik emas, nihoyadagi barkamollik muhim. Hasan Basriy aytadi: Qolganini yaxshilayvering, oʻtgani kechiriladi. Qolganini gʻanimat bilavering! Axir Allohning rahmatiga qachon noil boʻlishingizni bilmaysiz-ku! Allohim, ishlarimizning eng yaxshisi xotimasi, kunlarimizning eng yaxshisi esa Senga yoʻliqqan kunimiz boʻlsin! Alloh bizni, sizni, ota-onalarimizni va barcha musulmonlarni doʻzaxdan ozod qilsin !

Aksar odamlar Allohning kalomini tadabbur qilish oʻrniga qorining shirali ovozi bilan mashgʻul boʻlishgani sababli Qurʼoni karim barakatidan bebahra qolishadi, natijada qalblari Qurʼon bilan zavqlanishidan mahrum boʻlishadi. Shayx Abdulaziz Torifiy

ЖУМА КУНИНИНГ ФАЗИЛАТЛАРИ 🌙1.Дуолар қабул бўлади. Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам жума куни дуоларнинг ижобат бўлиши ҳақида: “Бу кунда шундай фурсат борки, мусулмон банда намоз ўқиш учун шу вақтга дуч келади ва Аллоҳдан нимани сўраса, истаганини шубҳасиз беради”, дедилар (Имом Бухорий, Имом Муслим ривояти). 🌙2. Пайғамбаримиз соллаллоҳу алайҳи васалламга салавотлар етказилади. Пайғамбаримиз соллаллоҳу алайҳи васаллам: “Сизлар учун энг хайрли кун – жума кунидир. Шундай экан бу куни менга кўп салавотлар айтинглар, чунки бу кунги салавотлар менга кўрсатилади”, деганлар (Имом Абу Довуд ривояти). 🌙3. Қадамлар остидан нурлар чиқади. Ибн Умар розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким Каҳф сурасини жума куни ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги хатолари кечирилади”, деганлар. 🌙4. Масжид сари ташланган ҳар бир қадам нафл рўза ва ибодат қилганга тенглаштирилади. Авс ибн Авс розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Кимки жума куни ғусл қилиб, масжидга яёв борса, жума хутбасини чалғимасдан эшитса ва намоз ўқиса, масжидга сари босиб ўтган ҳар бир қадами учун бир йиллик (нафл) рўза ва (нафл) тунги намознинг ажри берилади”, дедилар. 🌙5. Гуноҳлар мағфират этилади. Пайғамбаримиз соллаллоҳу алайҳи васаллам: “Кимки ғусл қилиб, покиза кийим кийса ва мушк билан хушбўйланса, масжидга шошмасдан борса ва имом маърузасини бўлмасдан эшитса ва намоз ўқиса у киши уйга ўтган жумадан бери қилган гуноҳларидан фориғ бўлган ҳолда қайтади”, дедилар. Бошқа бир ҳадисда эса, “Кимки жума намозидан сўнг, оёғини алмаштирмасдан туриб қуйидаги сураларни 7 мартадан ўқиса: Фотиҳа, Ихлос, Фалақ ва Нос сураларини, Аллоҳ субҳанаҳу ва Таоло унинг аввалги ва охирги гуноҳларини кечиради ва уни мукофотлайди”, дейилган. 🌙6. Масжидга барвақт борган туя қурбонлик қилган ажрига ноил бўлади. Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким жума куни ғусл қилиб, масжидга эрта борса, битта туя сўйгандек бўлади. Ким иккинчи вақтда борса, худди битта сигир сўйгандек, ким учинчи вақтда борса, худди битта шохдор қўчқор сўйгандек, ким тўртинчи вақтда борса, худди битта товуқ сўйгандек, ким бешинчи вақтда борса, худди бир тухум атагандек бўлади. Имом (минбарга) чиққанда эса фаришталар хутбани эшитишга ҳозир бўладилар”, дедилар (Имом Абу Довуд, Имом Ибн Можа ривояти). 🌙Абу Хурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам: “Қуёш чиққан кунннинг энг яхшиси жума кунидир, чунки у кунда Одам алайҳиссалом яратилган, у кунда жаннатга киритилган ва у кунда жаннатдан чиқарилган ва қиёмат ҳам жума куни бўлади”, дедилар. 🌙Абу Бакр Сиддиқ розияллоҳу анҳу Расулуллоҳ соллаллоҳу алайҳи ва салламдан бундай ривоят қиладилар: “Агар кимки жума куни ғусл қилиб, жума намозига борса, ўша ғусл баданини поклаганидек жума намози гуноҳларини ювади ва ҳар бир қадамига Аллоҳ таоло йигирма йиллик ибодат савобини, жума намозини ўқиб бўлгач, икки юз эллик тоат-ибодатнинг савобини у банданинг номаи амолига ёзади” 🌟Якинларга юборишни унутманг🌟 https://t.me/Arabtili_misr

“Duo qilayotganda xayol joyida boʻlishi duoning qabul boʻlishi uchun shart hisoblanadi. Odamlar eng koʻp qiladigan duolardan biri: “Bizlarni toʻgʻri yoʻlga yoʻllagin” (Fotiha, 6). Shunga qaramay ular adashib ketmoqdalar. Chunki xayol joyida boʻlmasdan quruq til bilan qilingan duo aljirashdan boshqa narsa emas». Shayx Abdulaziz Torifiy hafizahulloh https://t.me/Arabtili_misr

Лайлатул Қадр” – қандай кеча? Бу кеча – “белгилаш кечаси”, яъни йил давомида турли амал, ҳукм, ризқ, тақдир белгиланадиган кечадир. Бу кеча «... минг ойдан яхшироқдир» (Қадр, 3). 1000 ой – 84 йилга тенг. 84 йил – 30000 кунга тенг. Қадр кечасининг бир соати – 3780 кунга тенг. Бу кечанинг бир дақиқаси – 63 кунга тенг. “Лайлатул Қадр” кечаси қачон бўлади? Абул Олия (розияллоҳу анҳу) ривоят қилади: “Бир аъробий кимса Пайғамбаримиз (соллаллоҳу алайҳи ва саллам)нинг ҳузурларига келиб, “Лайлатул қадр қачон бўлади?” деб сўради. Расулуллоҳ (соллаллоҳу алайҳи ва саллам): “Лайлатул қадрни Рамазоннинг илк ва энг сўнгги ҳамда тоқ кечаларидан изланглар!” дедилар (Имом Абу Довуд ривояти). Ойша (розияллоҳу анҳо) ривоят қилган ҳадисда эса Расулуллоҳ (соллаллоҳу алайҳи ва саллам): “Лайлатул Қадрни Рамазоннинг охирги ўн кунлигининг тоқ кунларида кутинглар”, деганлар. Абу Ҳурайра розияллоҳу анҳудан ривоят қилинади: Расулуллоҳ (соллаллоҳу алайҳи ва саллам) қадр кечаси борасида: “У 27 ёки 29-кечадир. ушбу кеча ерда фаришталар сони тошчалардан ҳам кўп бўлади”, дедилар (Имом Аҳмад ривояти). Бу кечанинг қандай аломатлари бор? Ибн Хузайма Ибн Аббос розияллоҳу анҳумодан ривоят қилади: Набий (соллаллоҳу алайҳи ва саллам): “У очиқ ва иссиқ ҳам, совуқ ҳам бўлмаган кеча. Унинг тонгида қуёш қизғиш, заиф бўлиб чиқади”, дедилар. Бу кеча Аллоҳ таолонинг амри билан фаришталар ҳар бир осмондан ва “Сидратул мунтаҳо”дан (яъни, Жаброил (алайҳиссалом) масканидан) ерга тушишади, тонг отгунча инсонлар ҳақига дуо қилишади. Расулуллоҳ (соллаллоҳу алайҳи ва саллам) бу кечани қандай ўтказар эдилар? Ойша онамиз (розияллоҳу анҳо) ривоят қиладилар: “Расулуллоҳ (соллаллоҳу алайҳи ва саллам) Рамазоннинг охирги ўн кунлиги келса, кечалари ухламас эдилар ва уйдагиларни ҳам ибодат қилишга уйғотар эдилар”, дедилар. Бу кеча қандай амалларни адо этиш лозим? Хуфтон ва бомдод намозларини жамоат билан ўқинг. Расулуллоҳ (соллаллоҳу алайҳи ва саллам): “Ким хуфтонни жамоат билан ўқиса, у туннинг биринчи ярмини қоим қилибди, ким бомдодни жамоат билан ўқиса, қолган қисмини ҳам қоим қилибди”, деганлар. Шунга кўра, қадр кечаларида ушбу икки намозни жамоат билан ўқишга астойдил ҳаракат қилиши даркор. Дуо қилинг. Ойша онамиз (розияллоҳу анҳо) ривоят қилади: “Ё Расулуллоҳ агар Қадр кечасини топишга муваффақ бўлсам нима деб дуо қилай”, дедилар. Пайғамбаримиз (алайҳиссалом) “Ё Аллоҳ, албатта, Сен кечиргувчисан, кечиришни яхши кўрасан. Мени (гуноҳларимни) кечиргин, деб айтгин дедилар” (Имом Термизий). Нафл намоз ўқинг. Бу намознинг энг ози икки ракат, ўртачаси 100 ракат, кўпи эса тоқат етгунича ўқилади. “Аллоҳ ризоси учун нафл намоз ўқишни ният қилдим”, деб ният қилинади. 1-ракатда бир марта Фотиҳа ва уч марта Қадр сураси ўқилади. 2-ракатда бир марта Фотиҳа, уч марта Ихлос сураси ўқилади. “Аттаҳиёту”, саловат ва дуолардан сўнг салом берилади. 3- ва 4-ракатлар ҳам айни шаклда ўқилади. 100 ракат ўқиладиган намоз ҳам худди шундай ўқилади. Намоздан сўнг бир марта ташриқ такбири айтилади: “Аллоҳу акбар, Аллоҳу акбар, ла илаҳа иллаллоҳу валлоҳу акбар. Аллоҳу акбар ва лиллаҳил ҳамд”. Сўнгра юз марта Қадр сураси, 100 марта “Алам нашрок...” сураси ўқилади. Бундан кейин эса “Қадр” дуоси 100 марта қайтарилади. Бу кеча гуноҳлар мағфират қилинади? Абу Ҳурайра (розияллоҳу анҳу) ривоят қиладилар. Набий (соллаллоҳу алайҳи ва саллам): “Ким Лайлатул Қадр кечасини имон ва ихлос билан бедор ўтказса, унинг шу кечагача қилган гуноҳлари мағфират қилинади”, дедилар. Аллоҳ таоло бу ойда холис ниятлар билан тутаётган рўзаларимизни, кечалари қоим туриб адо этаётган таровеҳ намозларимизни ва хатму Қуръонларимизни Ўзининг лутфу карами ила қабул қилсин. Ўзи дуоларни ижобат қилувчи ва гуноҳларни мағфират қилувчи Зотдир. Дуоларингизда бизни ҳам унутманг 😊 https://t.me/Arabtili_misr