Nesilden nesilge

Birisiniñ közleri tüsni deñiştirse, urusçada "глаза хамелеон» 🦎 deyler, ya bizcesi ne eken? Bugün bitamdan ögrendim - sırlıköz Bitam anama "sırlıköz qızım" dey eken eskiden 🥰

Anna bi şi daa...😅 qavaltımız da bar eken! 🤯 Bitam sabadan şaşırtqan, şok tuttım, valla! Endi qasevet etmeyip, qullanıñ 😉 P. S. bitamnıñ türk seriallarınen işi de yoq

Küneşli avada yağmur sepelese: «börüler balalay» dey eken qartlarımız.

Aruvlarım, ilk olaraq siz ile paylaşam! Gagavuz arqadaşımnen çıqarğan podkastımızdan soñ, meni GRTge (Gagavuz razio televizyonu) musafir olaraq çağırdılar! 😎Böyle bir haber eşitmekten quvandım, elbette! "Gün gündän” adlı leyhası boyunca qırımtatar milletimizni gagavuz halqına tanıttım. Levha tünevin yayında edi, şimdi onı Youtubelerinde baqmaq mümkün. *soyadımnı yañlış yazdılar 🥲 amma deñiştirmege söz berdiler Buyurıñ⬇️⬇️⬇️ https://youtu.be/6oDVJN0G3Js?si=oEpHTeVFeql-pzZt

Тилини амелий шекильде инкишаф этмек ичюн даа бир меракълы усул яратылды - «Лаф устасы» маса оюны. 100 дане картларда 1000 ! сёз терджиме иле берильген+ къум саатынен берабер оюн тахтасы дюльбер ве онъайтлы къутучыкъта келе. Шартлары: картларда язылгъан сезлерни ачыкътан-ачыкъ айтмайып, оларнынъ манасыны анълатмакъ ве бойледже къыдырылгъан сёзини тапмакъ керек. Оюнны эм достларнен, эм къорантанен берабер ойнамагъа мумкюн. Бир тарафтан эглендже, башкъа тарафтан огренюв - супер! Тертипчилер: Диляра Джелил, Алине Куртсеитова, Ленур Ваджип, Эмиль Муратов. Семерели Ленур Ваджипнинъ дерслери😀 Оюннынъ янъы партиясы келеджек йылнынъ ильк айында cатувлар ичюн азыр оладжакъ. Оюнларны «Терджиман» ве «Хазине» миллий тюкянларымызда сатын алмагъа мумкюн оладжакъ.

qırımtatar ile gagavuz biri-birini añlarmı? Podkastımıznı seyir etmege davet etem 😉 https://youtu.be/Bz9o2zJdcWE?si=ITP0-1hW1Y0jxd_1

Abunecilerimniñ yardımınen bu kitabeniñ birinci satırını oqıp oldıq: Hüd süresi, 115 ayet: "Çünki, Allah, yahşılıq yapqanlarnıñ mükâfatını zayağa qaldırmaz"

Mında ise Otuz köyünde çıqarğanım bazı resimlernen paylaşarım) 1) Otuz köyü camisi (arttaki qarçığası) qarçığa - fasad Söz sırası, caminiñ qaravlusı Nusret ağanıñ sözlerine köre, caminiñ asıl binası tögerek penceleri olğan yerine qadar edi. Qalğan közler (odalar) soñradan qoşulğan. 2. Otuz çeşmesi (öz adı da bardır). 3. Çeşmeniñ oñ tarafından saqlanıp qalğan kitabesi. (ög qısmında da bar edi, amma silindi💔) em de ay-yıldız ve çeçek savutı ile çeçeklerniñ timsalleri de körünmekte. 4-6. Otuz köyü mezarlığınıñ baştaşları. Kene de Nusret ağanıñ sözünden, Otuznıñ bir qaç mezarlığı bar edi, atta birisinde tek hasta olğanlarını kömgenlerini de añlattı.

Canım-közüm abunecim , instagramda Otuz köyü aqqında yañı bir videoçıq derc ettim, kirip bir layk ile bir tefsir qaldırsa, zamette olmasa 💘 https://www.instagram.com/reel/DEXpu8hCcR9/?igsh=MXhnenlwdDJ4d3RkcA==

🎉Мераба, эйилерим! Бизде аджайип хабер! "Ярамазлар"ым Wildberriesте! Сагъ олсун Арманчыкъ – къолтутты❤️ Багълантысыны озюнъизде сакълап къалдырынъыз, пайлашынъыз ве, эльбетте (!), сатын алынъыз, эйилерим! Мен исе барып, бир байрам этейим) UPD: артикул 303807368

⚠️Muqayt oluñız! "Yahşı niyet" adlı fond - aydutlardır! İşanılacaq fondlardan biri - "Açıq yürekler"dir. Eger de bir de bir fondnıñ kerçek ya yalan olğanını bilmek isteseñiz - bloggerlerimizge yaza bilesiñiz, bizim gruppamızda adliyeciler bütün bu işlerni teşkereler. ⚠️

masalçıq + atalar sözü Nevbetteki masalnı balalığımdan qorantamda aytılğanını bilem. Onı, yaqında bitamnıñ aytqan atalar sözü hatırlattı (P. S. o masalnıñ soñundadır) ✨Bir zamanda bar eken, bir zamanda yoq eken. Bir bay padişanıñ oğlu bar eken. Bir kün padişa oğluna insan emekniñ kerçek emiyetini ögretmek istedi. Saraynıñ yanında bir köyde çeşit esnaflar çalışa eken. Padişa oğlunı bir künge baqırcığa qalfa (yardımcı) olaraq yollamağa qarar bere. Şahzade baqırcınıñ ustahanesine kele, lâkin baqırcı padişanıñ oğlunı çalıştırmağa qorqa ve iş künniñ soñuna şahzadeniñ qoluna aqça tuttırıp, sarayına yollay. Şahzade babasınıñ yanına kele. Babası da qolunda olğan aqçasını alıp, ateşke taşlay. Şahzade indemeyip otura. Ekinci künge padişa oğlunu demircige yollay, amma demirci de şahzadeni çalıştırmayıp, aqşam üstü sarayğa aqçasınen yollay. Han balasınıñ elinden aqçanı alıp, kene ateşke taşlay. Oğlan kene indemeyip otura. Üçünci künge han balasını çobanğa yolladı. Çoban ise padişa balasını yahşı etip çalıştırdı, bütün kün qoy baqtırdı. Qaranlıq tüşkeninen, çoban şahzadeniñ qoluna aqça tuttıra ve evine ozğara. Oğlan, babasınıñ yanına kelgende, babası kene aqçasını alıp, ateşke taşladı. Bu sefer ise oğlu qolunı ateşke uzatıp, aqçanı çıqardı. "Men bunı özüm qazandım", dep. Atalar sözü ise budır: Ucuz etniñ şorbası tatımay Manası ise budır: Zorlanmadan elde etilgen şeylerniñ emiyeti pek azdır, tam tersine emeknen qazanılğan şeyniñ emiyeti pek büyüktir.

Бу илян дикъкъатсыз къалды гъалиба, хатырлатайым мында. Siltem тешеббюси тилимизнинъ грамматиканы мустакъиль огренмек ичюн бир интерактив курсыны яраткъан. С. Усеиновнынъ ана тили огренмек ичюн китабыны “самоучитель” эр кес билеми? Мына онынъ эсасында Stepik платформада къаиделерни огренмек ичюн онлайн курс япылды. Къулланмасы къолай: - башта къаидени окъуй билесиз (рус тилинде), - сонъ шу къаидеге келишкен вазифелерни чезмеге тырышасыз (ана тилинде). - къаиделерге ве вазифелерге къайтып, текрар огренмеге мумкюн. Озюм да тырышып бакътым. Мендже джевап бергенде там хатаны бельгиленсе къолайджа олур эди, амма бу платформанынъ имкянларнен багълы, анълайым. Хата да япсанъыз рухландыргъан сёзлери девам ичюн олур. Иште, мустакъиль огренмеге, эм де тиль огретювде биринджи адым япмакъ ичюн гузель усул. Бильгениме коре, лейханы тилини огренюв елунда Эмиль Муратов озю япкъан, оджасы Ленур Ваджип ве Вадим Миреевнинъ муаррирлиги иле. Буна дикъкъат этем, чюнки инсан озь ёлунда шахсий мерагъындан гъайры, даа башкъаларгъа ярдым оларакъ бир шей яратса - къыйметлидир!

"Halqımız pek yaramaz da! Amma aqıllı yaramaz, çünki aqılsızlar bu qadar güzel sözlerni tapamaz" ©️Femiye bitam 😂 İşte, bu sözlerini, bitamdan bu ibareden soñ eşittim: Cadı ketti - cayrayıq, öbür ketti - oynayıq! ‼️cadı/öbür - bu sözlerniñ manası aman-aman aynıdır, tek "öbür" sözü temiz tatarcadır, cadı arapçadan kelse kerek. (sihirli, mücezeviy küçlerge saip olğan ve insan şeklini alğan mahlüqlar) ➕bitama köre: cadı - apay kişi, öbür - aqay kişi (amma mında emin degilim) Qullanuvı: Bu ibare arañızdan (msl: evden) siz begenmegen, sizge hoş kelmegen bir insan coyulsa/ketse aytıla. Daa çoq mısqıl olaraq tüşüniñ 😉 Bunı yazğanda daa bir şey aqlıma tüşti: qart öbür qullanuvı: esli bir insanğa aqaret olaraq aytılır.