Htila AES-2 စစ်သတင်းများ

အခုအခါမှာက အဲဒီလို မဟုတ်တော့ဘူး။ ခေတ်ကာလကြီးဟာ ပြောင်းလဲတိုးတက်နေခဲ့ပြီ။ ခင်ဗျားတို့၊ ကျွန်တော်တို့ ရောက်နေတဲ့ တိုင်းဌာနေဟာ အာကာသနည်းပညာတွေနဲ့ နီးနီးကပ်ကပ်မှာ ရှိနေခဲ့ပြီ။ ခင်ဗျားတို့ပတ်ဝန်းကျင်မှာ အာကာသယာဉ်မှူးဖြစ်ဖို့ စိတ်ကူးအိပ်မက်ရှိသူ လူငယ်လူရွယ် တွေများ ရှိနေပြီဆိုရင်၊ ကလေးသူငယ်တွေများ ရှိနေပြီဆိုရင် မင်းရဲ့စိတ်ကူးတွေကို ဆက်ပြီး ယဉ်လိုက်စမ်းကွာ၊ မင်းရဲ့အိပ်မက်တွေကို ဆက်ပြီး မက်လိုက်စမ်းကွာလို့ ပြောလို့ရနေပြီ။ ဒီလို စိတ်ကူးအိပ်မက်တွေကို အကောင်အထည်ဖော်ပေးနိုင်မယ့် အာကာသနည်းပညာတွေဟာ ခင်ဗျားတို့၊ ကျွန်တော်တို့ဆီမှာ စတင်အခြေပြုနေပြီမဟုတ်လားလေ။ အောင်မြင်မှုဆိုတာ စိတ်ကူးအိပ်မက်တွေ ကတစ်ဆင့် ဆင့်ကဲပေါက်ဖွားလာတာမျိုးပါ။ ဆိုတော့ ခင်ဗျားတို့၊ ကျွန်တော်တို့နိုင်ငံမှာ အာကာသ ယာဉ်မှူးတွေ မွေးထုတ်ပေးနိုင်တော့မယ်ဆိုတာ မနေ့တုန်းက နိုင်ငံတော်သမ္မတကြီးရဲ့ သတင်းက သက်သေပါပဲ။ မနေ့တုန်းက နိုင်ငံတော်သမ္မတကြီးအနေနဲ့ နိုင်ငံတော်အစိုးရရဲ့ ရက် ၁၀၀ စီမံချက် ကာလအတွင်းမှာ မြန်မာအာကာသအေဂျင်စီကနေ ဆောင်ရွက်ပြီးစီးခဲ့တဲ့ နည်းပညာလုပ်ငန်းများ အပ်နှံခြင်း၊ လက်တွေ့သရုပ်ပြခြင်းအခမ်းအနားကို တက်ရောက်ခဲ့တာ ရှိတယ်။ ကျွန်တော်တို့တွေ အတွက် ဂုဏ်ယူစရာအခိုက်အတန့်လို့ ဆိုရမှာပါ။ ပြသထားတဲ့ ပြခန်းတွေ၊ အကောင်အထည်ဖော် ဆောင်ရွက်ခဲ့တဲ့ နည်းပညာလုပ်ငန်းတွေကို ကြည့်ရင် ခင်ဗျားတို့၊ ကျွန်တော်တို့တွေ အာကာသ နည်းပညာနဲ့ အလှမ်းမဝေးတော့ဘူးဆိုတာ ထင်ပေါ်နေတာ တွေ့ရလိမ့်မယ်။ ဒါဟာ ဂုဏ်ယူစရာဖြစ် သလို နေ့စဉ်လူနေမှုဘဝတွေ ဖွံ့ဖြိုးတိုးတက်ဖို့ကိုလဲ ဒီအာကာသနည်းပညာတွေက များစွာ အထောက်အပံ့ပေးနေမှာဖြစ်ပါတယ်။ ကမ္ဘာတစ်ဝှမ်းမှာ အာကာသနည်းပညာတွေကို သူ့ထက်ငါ ကြိုးစားရှာဖွေနေကြသလို မြန်မာနိုင်ငံဟာလဲ ဒီကဏ္ဍမှာ နောက်ကျကျန်မနေခဲ့အောင် ကြိုးစားနေ တာ တွေ့ရလိမ့်မယ်။ အာကာသနည်းပညာနဲ့ ဂြိုဟ်တုနည်းပညာတွေ ထွန်းကားလာတာနဲ့အမျှ လူနေမှုဘဝတွေအပြင် တောတောင်ရေမြေတွေ ထိန်းသိမ်းတဲ့နေရာမှာလဲ များစွာ အထောက်အကူပြု မှာ ဖြစ်ပါတယ်။ သမ္မတကြီးအနေနဲ့ အဲဒီမှာပဲ မြန်မာနိုင်ငံကနေ ပထမဆုံး ထွက်ပေါ်လာတော့မယ့် အာကာသ ယာဉ်မှူးလောင်းအဖြစ် ပဏာမ ရွေးချယ်ထားသူတွေကို တွေ့ဆုံစကားပြောခဲ့ပါသေးတယ်။ ဒီမြင်ကွင်းနဲ့ ဒီသတင်းဟာ အာကာသယာဉ်မှူးဖြစ်ချင်သူ လူငယ် လူရွယ်များအတွက် တကယ့်ကို ဝမ်းမြောက်စရာ အခိုက်အတန့်ပဲ ဖြစ်ပါတယ်။ အဲဒါကြောင့် ခင်ဗျားတို့ရဲ့ အနီးတစ်ဝိုက်မှာ အာကာသယာဉ်မှူးဖြစ်ဖို့ စိတ်ကူးအိပ်မက်ရှိသူ တွေရှိရင် အားပေးလိုက်စမ်းပါ၊ အိပ်မက်တွေကို အကောင်အထည်ဖော်လိုက်စမ်းကွာလို့ ပြောလိုက် ကြဖို့ တိုက်တွန်းလိုပါတယ်။ ကိုလူပျို (၂၈-၇-၂၀၂၆)