❤️درب__النجاح🌿

آمن بالله ..... آمن بقدراتك ..... واقطف ثمار التعب ..... الفرحه قريبه ان شاء الله

- أنـــت تــحــاول والله يـراك وهــذا يـڪـفـي 🦋 .

ثبتكم الله، فادعوا الله بالثبات واستغفروه يغفر لكم. ناموا كويس. ماتسهروش. انت بكرة رايح تمتحن في اللي تعلمته طول السنة فلا تقلق. طالما تعلمت فلا تقلق. بص بصة على بعض اخطاءك ما تهلكش تفكيرك. تمان ساعات نوم قبل الامتحان على الأقل

الله اكبر الله اكبر 🤍🕊 صلاه المغرب اثابكم الله 🦋💙 لا خيراً وبارك الله في عملا يلهي عن الصلاه🕊💫

وانا رايحه ليله الامتحان وبكرا الامتحان🥲❤️‍🩹:

بسم الله، ربنا عليك توكلنا . ليلة امتحان اللغة العربية للثانوية العامة ٢٠٢٤ ♥️ إياك تغش ، إياك تغشش حد، تنحرق الثانوية وتكسب دينك وضميرك، وربنا يجمعلك بين خيري الدنيا والآخرة. ١-التوتر طبيعي، جدًااا عدم التوتر هو الاستثناء، ولكن استعن بالله ووكّل أمرك لله ، واعلم أنه لن يصيبنا إلا ما كتب الله لنا ٢-نام كويس قبل الامتحان، أنت بتذاكر بقالك ١١ شهر، نام علشان تعرف تفتكر المعلومات. ٣- أفطر بس خفيف ، لبن ، جبنة ، عيش ، مربى ، الشوفان حلو، قهوة أو شاي ، معاك إزازة مياه أو عصير في اللجنة في اللجنة، متشربش أوڤر علشان هتبقى عايز تروح الحمام. ٤- لبس مريح ،مش رايحين عرض أزياء أحنا وخصوصاً البنات.. ٥-نام كويس ، افطر خفيف.. . تاني علشان مهمين ٦- متتفزلكش وتقول حد ينادي مستشار المادة علشان في سؤال غلط، لإن غالباً أنت اللي غلط، ولو بالفعل غلط ف هو هيتحذف إن شاء الله. ٧- ملكش دعوة بحد، زميلتك اللي أغمى عليها، والبنت ال بتصوت، والواد ال قطع شرايينه... في لجنة وأمن ودكاترة هياخدوا بالهم منه. ٨- الإمتحان مش هيتسرب، جروبات التليجرام نصابين. ٩- السؤال الصعب بنفكر فيه دقيقة، اتنين ، تل.. ، لأ كفاية يصاحبي، خمس دقايق بالكتير والسؤال بيتركن ونفكر فيه في الآخر، وربنا بيكرم وبتفتكره إن شاء الله. ١٠- بلاش جو الصعبانيات بعد الامتحان ولو غلطت (س) غلطة فتدخل في الجو بتاع ( يلهوتااي الطب ضاااع، الهندسة رااحت، جايلك يا معهد شلّح واجري في الأراضي) . =شششش أنت تعرف التنسيق هيبقى عامل إزاي ولا ربنا مقدرلك اي! لو انت غلطت ف زمايلك عاكّين الدنيا حضرتك، وبعدين انت بتراجع ليه ! متراجعش. ١١- من لجنتك، على بيتك، تصلي الضهر ، وتشوف المعركة اللي وراها، العربي ٨٠ درجة لسه ناقص ٣٣٠ درجة غيره. ١٢- مسك الختام، أمك وأبوك تراضيهم قبل ما تنام وتطمنهم وإياك تتعصب عليهم، تقرأ ورد القرآن، تصلي ركعتين قيام وركعة وتر، وتتذلل لله. فما ظنكم برب العالمين !! =ظننا بالله أنه لن يضيعنا. أنا فخور بيكم والله أيًا كانت النتايج، وكل الناس عايزينك تكون مبسوط وبخير، حياتك أكبر بكتير من الثانوية والله،لسه في معارك أجمد منتظراك... انشف كدة يا بطل.. ❤ بسم الله نبدأ ... #المتعة_في_الطريق_وعثراته #ظننا_بالله_أنه_لن_يضيعنا لا تنطفئ ♥️💥

عوض كل سنين الشقا اللي فاتت وانسي اي لحظة فشل اعتبرها ماتت واخفي اي كلام يتقال مش بالقول لا بالافعال انت هتقدر مفيش محال أي مجال نفسك فيه ارفع بس عينك ليه وقوله يارب انا توهت وهعمل ايه هيدلك علي الطريق الصح والأكيد دي وعوده كتيره وكما تريد اطلب منه انت التجديد في قلبك وفي روحك اطلب منه يداوي جروحك انت هتقدر ومش ضعيف حاسس انه طريق حلمك أصله طريق مخيف لكنك هتقدر وهتشوف النور لو ماسك في إلهك حتى ولو كنت كفيف خليك واثق مره في نفسك دي الضربه اللي مهتوجعشي هتقويك وتخرجك من يأسك وللاوجاع دي مترجعشي باين ليهم إصرارك وحسمك خليك كده انسان متشاف لامع قوي من بره متخافش اهو ربك شايلك علي الأكتاف بس انت ارفعله ايديك لو مره إياك تيأس وتقول استسلمت بدل ما غيرك يوصل وتقول يارتني كنت كملت قاوم كل الظروف علشان انت أسد مش خروف لخبط كل الحروف واكتب حكايتك بعرقك اقتل جواك أي خوف بكره مهما طال انتظاره املك فيه هيتحقق وبكره هنتقابل ونشوف 🫶♥️ منقول

هنزلكم الكلمه الختاميه و الافتتاحيه بخط المستر

نصيحه بجد هتفيدك ارجو تعمل بيها عشان متضيعش وقت ف الامتحان علي الاخطاء دي اولا لم تاخد ورقه الامتحان اكتب بيناتك الاول واتاكد منها تاني حاجه.. متبداش بالقراءة هتضيع وقتك ومش هتلحق تخلص ابدا الاول ب النحو وبعده ادب وبعده نصوص وبعدها بلاغه وف الاخر ادخل علي القراءة ولم تيجي ف القراءة نصيحه عن تجربه والله العظيم وبتسهل الحل قبل متقراء القطعه اقراء الاسئله ليه؟؟ عشان لم تقراء الاسئله وتيجي تقراء القطعه هتبقي تلقائيا عرفت اجابة السؤال اللي قرائته والله هتخلص قبل وقتك لو عملت كدا تالت ومتنساش البابل شيت لم تراجع اوعي تغير اللي ظللتها عشان هتبقي غلط الا ف حاله واحده انك تغير فيها انك مش متاكد من الاجابه ومتطلعش برا الدائرة بتاعت التظليل