Success🏆

كملنااااااااااااااا

🟢 ملخص جغرافيا وحدة أولى بدارجة الجزائرية 🔴 ليوم الحكاية على الوحدة الأولى في جغرافيا بلهجة جزائرية وفيها كل شيء تقراها و تعاودها ومبروك عليك الوحدة الأولى لمهم خاوتي كيما نتهلا فيكم اتهلاو في💪 مشاركة مع اصدقاء مجموعات بكثرة اترك  تعليقات محفزة باش متنساش برطاج لصحابك و مجموعات الملخص الوحدة الأولى في جغرافيا بلهجة جزائرية 😎 العالم ينقسم لزوج أقسام عالم متقدم و عالم متخلف و باش تعرفوا الدول المتقدمة و المتخلفة كاين معايير تنقسم إلى معايير اقتصادية اجتماعيه ثقافية الخ....... 🦾 ومن الناحية الاقتصادية نشوفوا الاقتصاد الخاص بهدي الدول مثلا إدا هادي الدولة عندها صناعة تحويلية ولا استراتيجية 👩‍🌾 👩‍🔬 صناعة تحويلية أو استراتيجية نقصدوا بيها بلي الدولة تحول المواد الاولية لمواد مستهلكة والصناعة الاستراتيجية وهادي نعتبروها دولة متقدمة أما الدول المتخلفة🤦🙍 تعتمد على استخراج المواد الأولية فقط كبترول والغاز ومتحولوش لمواد مستهلكة كيما الجزائر مثلا في العالم المتقدم نسبة العمال 🙆 في القطاع الصناعي والخدماتي مرتفع عكس الدول المتخلفة تلقاهم كامل يخدموا في الزراعة ونلاحظ أن الفرد في العالم المتقدم يستهلك ضعف ما يستهلكه الفرد في العالم المتخلف ومستوى الترفيه عندهم⭐️ يكون كتر بكثير وأيضا كاين متوسط الدخل الوطني الخام فلولايات المتحدة الأمريكية الدخل تاعها أكثر من 7000 مليار🤑 دولار أما الدول المتخلفة دخل تاعها ما يفوتش 4 مليار 🤑دولار وبنسبة للمعايير الاجتماعية في الدول المتقدمة راتب الفرد يوصل ل 60 مليون 🤠في الشهر وفي الدول المتخلفة يخلص 4 ملايين ونسبة الامية في العالم المتخلف كبيرة بزاف عكس الدول المتقدمة لي راهي قريب تزول بفضل 👩‍🏫التعليم المليح وفي الدول المتقدمة يعيشوا بزاف👨‍🦳🧑‍🦳 وحد 78 سنة أما الدول المتخلفة تصيبها 68 سنة وهادا راجع للاسباب الصحة والبيئة غير الملائمة و في الدول المتقدمة الغذاء يحتوي على سعرات حرارية بزاف🙊 لي يستهلكها الفرد مقارنة بل دول المتخلفة مكاش كيفاش تدير الجديد ونتا تاكل كل يوم لوبيا😂 الله غالب لابيها تصيب في الدول المتقدمة لي يموتوا قل من لي يموتوا في الدول المتخلفة خاصة الدول الإفريقية مهم جدا 👇 هاكا نكونوا كملنا شرح الوحدة الأولى في جغرافيا نتمنى تكون عجبتكم باش نزيد أكثر في دروس وحدات اخرى بدرجة #الجزائرية برطاجي انضم الى قناة تلغرام رابط في أسفل bac dz top متنساوناش بدعاوي الخير وتشاركوها ✅  🆓 للمزيد من #ملخصات📝 #شروحات_لدروس📚 + #تحفيز 💪 و غيرها و #كل_شئ يخص #بكالوريا🤓 🔖 #جميع_الشعب 🟢 لا تترددوا في متابعة 🫴قناة تلغرام 😌 ✅️ و إن شاء الله تستفادوا كامل ❤ رابط ( قناة تلغرام #الرسمية) بكالوريا جميع الشعب                      

اهم ما يجب معرفته في وحدة النووي+ الاسئلة النظرية و العلاقات🙈🤍

#لازم_كامل_تقراوهم 15نصيحة من ذهب حذاري متقراهاش على كيفية اختيار الموضوع والنفسية نتاعك خلال الامتحان . . 1. اول حاجة قبل ماتخرج من داركم وجد مقلمتك واستدعاءك وبطاقة تعريف ودير عليهم فوطوكوبيات و كي تخرج هز معاك شوي حلوة ولا شيكولا على خاطر السكريات مليحة وتحسن الميزاج 2. مدابيك تروح وحدك نهار الرياضيات باه مايخلطولكش معلوماتك الفلاسفة لي تمشي معاهم و كي تدخل لقاعة الامتحان متكثرش الهدرة بزاف مع الطلبة حاول تحكم بلاصتك وترزن روحك وتقرا الادعية وتصلي على رسول الله 3. كي يوزع عليكم السوجي بالعقل برك متخلعش روحك والله غير عادي كيما بكري كي تحكم الموضوع الاول كيما الرياضيات مثلا اقرا كامل الاسئلة والسؤال لي تعرف الحل نتاعو ديرلو اشارة √ ولي متعرفوش ديرلو x بعد ماتكمل الموضوعين احسب الاشارة √ لي لقيتو اكثر هو لي تخيرو 4. اسمعوني خاوتي حذاري كي تخير الموضوع تخيرو على حساب لي يمتحنو معاك انت عندك شخصية كن انت الاصل لا تكن التقليد 5. كي تبدا تجاوب متخدمش بالمسودة حذاري راك ضيع غير الوقت خاصة الاجابات لي تعرفهم راك لاباس عليك نورمال تقدر تجاوب ماتبقاش تشوف لناس اذا بداو باالاجابة تبدا معاهم استخدمها المسودة غير في صوالح خفاف كيما توحيد المقامات ولا تأكد من حاجة 6. كي تبدا تجاوب مثلا تبدا بالمتتاليات كي تلحق لسؤال لي متعرفوش متضيعش وقت بالتفكير فيه دوموندي ورقة اجابة اخرى وابدا مثلا في الاحتمالات كيف كيف كي تجاوب على الاسئلة لي تعرفهم كامل دوموندي ورقة اجابة وابدا في التمرين الثالث و كي تلحق عند سؤال لي متعرفوش خليلو بلاصتو وكمل الاجابة تاع السؤال لي بعدو وكي تكمل روح ابدا بالدالة متكسرش راسك مع الاسئلة لي متعرفهاش 7. بعد ماتجاوب على الاجابات كامل على الاسئلة لي تعرفهم كامل ارجع الى الاسئلة لي متعرفهمش بربي تجاوب عليهم على خاطر عقلك في هذه الحالة يكون مرتاح موش كيما الخطرة الاولى 8. النقطة المهمة في نص الوقت تتوسوس و تسمع واحد يقلك انت انسان غبي تخير في الموضوع الصعيب ويقلك المتتاليات نتاع الموضوع الثاني عليها 5 نقاط وساهلة وانت في هذيك الحالة تصدقو وتقول والله غير كاينة وتبدا بالموضوع الثاني بعد ماتكمل المتتاليات يعاود يرجعلك ويقلك انت صح حابس المتتاليات نتاع الموضوع الاول ساهلة يخلطلك الحسابات كامل وتحس روحك منهار نفسيا ويروح الوقت وتحس بخيبة امل كبييييييرة وتولي تسرع في الاجابات وتخلطو عليك اوراق الاجابة 9. خاوتي حذاري تسمع لبليس راهو يجيك في وسط الوقت ويقولهالك هذه الكلمة مالا قولو راهم وصاوني غير مكلاه تشقي روحك وتعوذ من الشيطان ورد بالك تغير الموضوع رد بالك تغير الموضوع حذاري اذا غيرت الموضوع راح كل شيئ مووووت مع الموضوع لي خيرتو من البداية على خاطر الاختيار نتاعك كان سليم وصحيح بليس برك يلعبلك على المورال 10. بعد ماتكمل اجابتك بعقلك متخرجش بكري اقرأ مليح السوجي سؤال بسؤال والاجابة سؤال بسؤال ولعلى تكون نسيت سؤال جاي في اخر السطر 11. كي تقتنع بلي كملت الاجابة اخرج في اخر الوقت لان القاعة كي تولي ناقصة من التلاميذ كلما يكون التركيز مليح وتقل عليك الفوضى وتجاوب مليح. المهم انت لي تمد ورقة الاجابة للحارس موش هو لي يجبدهالك حبيت نقلك متخليهش هو لي يقلك هيا ازرب انت لي تمدهالو اوك والفاهم يفهم 12. كي تخرج من القاعة هناك طريق واحد اسمو الدار مكانش طرق اخرى ولي يقلك واش خدمت قولو الحمد لله واذا قالك واش خيرت قولو الحمد لله ويقلك جاك ساهل ولاصعيب قولو الحمد لله اجابتك هي الحمد لله ولئن شكرتكم لأزيدنكم 13. حذاري والمناقشة حذاااااااااااري اذا دخلت في مناقشة الحل يطيحلك المورال وتولي غدوة في اختبار العلوم كي تتفكر الرياضيات يطيحلك المورال وتبقى ساهي وعقلك متشرد اوك رد بالك تناقش حتى كون تحس روحك تدي 20 اياك اياك اياااااك.... اياك اياااااك والمناقشة.خلااااص 14. خاوتي هذه المرحلة نتاع الاختبارات ستنطلق حملة الاشاعات ويقولولكم تسرب السوجي نتاع الفيزياء ولا الشريعة ولايقولولك هذو الاسئلة مرشحين بقوة اياك ان تفقد تركيزك في المراجعة رد بالك تصدق الشائعات وماتبقاش كي الجايح تعيط وتسقسي كاشما تسرب اقرا واحفظ في اخر لحظة يغيرو السوجي عادي جدا ايا مالا توكل على ربي وديرو لي عليكم منوصيكومش اكيد راكم فهمتوني وتسمعو كلامي 15. اخر وصية كل يوم كي تجي تصلي وتدعي بالنجاح ادعي لروحك وقاع المومنين ومجموعة تلاميذ الاستاذ عبعوب محمد وتلاميذه ومتنساوش صاحب النصائح #عبعوب #محمد بدعوة سبيسيال خاصة في صلاتك وربي يخليكم خاوتي وربي ينجحكم وحاولو ديرو لي عليكم على خاطر كاين ناس تعبت على جالكم وكاين ناس تسنى لحظة النجاح تاعك باه تفرح بالنجاح نتاعكم متخيبوهمش كونو عند الكلمة وبربي انا نجي ناكل شخشوخة نجاح تاعكم... لي مشارك في مجموعات نتاع الباك يوصل الرسالة متنوسونيش بالدعاء.... ناجحون بإذن الله

ادخلو للايف