𝙎𝙩𝙪𝙙𝙮 𝙬𝙞𝙩𝙝 𝘼𝙢𝙚𝙡 🩺💕

وحدة الانزيمات 🫶💗

بالنسبة الي يعانوا من تضييع وقتهم بسبب التلفون و مايقدروا يديروا والوا في يومهم لهذا لهذا جبت ليكم بعض الحلول الي يمكن يعاونوكم :  ⭐اولا حاولوا قدر الامكان تبعدوه عليهم كي تحبوا تقراو يعني لازم مايكونش في البلاصة الي راك قاعد فيها او قريب ليك  باه تتجنب تشده كل مرة تشوفه فيها و رح كلما تتفكروه تعجزوا باه تنوضوا تجيبوه ⭐ثانيا أبسط و اسهل حاجة يمكن ديروها انكم تقوموا بإيقاف تشغيل اشعارات تطبيقات التواصل الاجتماعي او اي تطبيقات اخرى تضيع وقتك و من الافضل اذا كنت ماراكش محتاجه من الافضل اطفيه كامل احسن   ⭐افضل حاجة تاني يمكن اديروها انكم طلعوا تطبيقات في التلفون تمنعكم من استعماله خلال الفترة الي تكونوا تقراو فيها (Focus apps) ننصحكم بتطبيق keep me out  رح تخيروا فيه مدة زمنية معينة و هو مارحش كامل يخليكم تقدروا تخدموا بالتلفون فيها يعني مثلا اذا خيرتوا 5ساعات صح صح رح حتى تكمل المدة باه تقدروا تستعملوا التلفون ⭐ننصحكم تخلوا تلفونكم ممل كيفاش ديروها ؟  روحوا للاعلدادات وخلوا تلفونكم رمادي يعني ابيض و الاسود  نصيحة  غريبة بصح فعالة هههه لانو كي تشوفوا تلفونكم بلا الوان رح تجيكم ثقيلة تخدموا بيه جربوها  ⭐اقراو بطريقة الpomodoro  يعني جلسات دراسة مؤقتة هكا رح تكون عندكم مدة صغيرة تقراو و تركزوا فيها و تكون نسبة انكم تحبسوا القراية و تشدوا التلفون قليلة  ⭐بالنسبة للفئة الي تقرا بالتلفون و هو سبب تضييع وقتها ننصحكم تتجنبوا تقراو بيه لانو مستحيل تركزوا فيه يعني اما تستبدلوا بحاسوب الي صعب تضيع وقتكم عليه او تكتافوا فقط بالكتب و التمارين و المطبوعات و هذا احسن والله

بالنسبة لملخص وحدة الانزيمات الي طلبتوه مني ان شاء الله رح نصوره و نحطه ليكم غدوة 💕

سلام عليكم نتمنى تكونوا بخير ❤️🫶

#رسميا : تسجيلات شهادة البكالوريا دورة 2024 ستنطلق يوم الثلاثاء 21 نوفمبر 2023 على الساعة الثامنة (08:00) صباحا وتمتد إلى غاية يوم الخميس 21 ديسمبر 2023 منصف الليل (00:00) #كما ستعتمد حصريا تقنية الدفع الالكتروني في تسديد حقوق التسجيل.

🔵كيفاش تنحي مشكل تاع تراكم الدروس📚✨✅ ⭐اولا قبل كل شئ ننصحكم تتجنبوا الندم والقلق حاليا (لانو الندم على تضييع الوقت  هو في حد ذاتو تضييع وقت) يعني يلي فات فات الان وقت التركيز على كيفاش تتداركوا الي فاتكم. ⭐حاولوا تحددوا التراكمات الي عليكم  بوضوح باه تقدرو تعرفوا اولوياتكم منها. ⭐بزاف منكم يحتاروا واش تقراو الدروس الي متراكمة عليكم او الدروس الجديدة!!  انا ننصحكم تقراوهم في زوج مع بعض علاه؟؟ لانو هكا مارحش يكون عندك دروس وحدوخرا قاعدة تتراكم عليك حاليا وانت تقرا في المتراكم والطريقة الصحيحة انو مثلا تخصصوا ساعتين  باه  تقراو المتراكم والي بقى من اليوم اقراو فيهم الدروس الجديدة (الحاظر اولى من الماضي). ⭐لازم تقراو بكمية الدروس ماشي عدد الساعات لانو يمكن كي تقولوا مثلا نقرا 5 ساعات قادر تقرا فيها غير درس واحد فقط يعني من الافضل تحطوا هدف اي تحددوا الدروس الي حابين تكملوهم في يوم مثلا هكا تكون اكثر انتاجية. ⭐كافئ نفسك بإنتظام لانو دائما كي تكافئوا رواحكم من فترة لفترة راح كي تكملو حاجة من عندكم طاقتكم تتجدد يعني لما تكافئ نفسك بلي تحفزك  وتشحن طاقتك هكا راح تقدر تكمل واش عليك من دروس