YayPyin (ရေပြင်)

မနေ့က သတင်းတစ်ပုဒ် ဖတ်လိုက်ရတယ်၊ မြိုင်မြို့နယ် တွင်းမပျူရွာမှာ လက်နက်ခဲယမ်း လာပို့ပေးတဲ့ Mi 17 ရဟတ်ယာဉ်ကို တိုက်ခိုက်ဖျက်စီးနိုင်ခဲ့တဲ့ PDF ရဲဘော် ၇ဦးကို NUG က ကျပ်သိန်း ၁သောင်း ဆုချပါသတဲ့။ ဝမ်းသာလိုက်တာ။ ရဲဘော်လေးတွေအတွက်၊ သူတို့ရဲ့ ကြိုးစားအားထုတ်မှုအတွက်၊ ထိုက်ထိုက်တန်တန် ဂုဏ်ပြုချီးမြှင့်ခံရတာ။ ထပ်ဆင့် တွေးမိလာတာလေးလည်း ရှိသေးတယ်ဗျာ။ အဲ့ဒါလေး ​ပြောပြချင်လို့။ စစ်တပ်ရဲ့ ရဟတ်ယာဉ်ကို တိုက်ခိုက်ဖျက်စီးနိုင်ခဲ့တဲ့ ရဲဘော်လေးတွေကို ဆုချီးမြှင့်ပေးတယ်။ ဟုတ်ပြီ ဒါဆိုရင် ပြည်သူတွေ လေကြောင်းအန္တရာယ် ကြိုတင်သိရှိပြီး ဘေးကင်းရာကို ရှောင်တိမ်းနိုင်အောင် လေကြောင်းသတင်းတွေ နေမနား ညမနား တင်ပေးနေတဲ့ လေကြောင်းကင်းထောက်ချန်နယ်တွေကိုရော???? ဘယ်သူက ဘယ်အဖွဲ့အစည်းက အဖတ်လုပ်ပြီး ဘာတွေ ကူပေးနေလည်း???? ဒီအချိန်မှာ ဒီစကားပြောတာက ပိုက်ဆံလိုချင်လို့ အလှူခံချင်လို့ ပြောတာမဟုတ်ပါဘူး။ အလှူငွေလာပေးလည်း ကျွန်တော်တို့က လက်မခံပါဘူး။ ဘာလို့ပြောရသလဲဆိုတော့ လက်ရှိ တော်လှန်ရေးမှာဖြစ်ပျက်နေတဲ့ ပကတိအမှန်တရားကို မြင်စေချင်လို့ပါ။ ကျွန်တော်တို့ (ဒီနေရာမှာ လေကြောင်းကင်းထောက်ဌာနတွေအားလုံးကို ရည်ညွှန်းပါတယ်။) ကို ဘယ်သူကမှ တာဝန်ပေးထားတာ မဟုတ်ပါဘူး။ ဘယ်အဖွဲ့အစည်းရဲ့ လက်အောက်ခံမှလည်း မဟုတ်ပါဘူး။ ကျွန်တော်တို့ဟာ ပြည်သူတွေ လေကြောင်းအန္တရာယ်ကြောင့် သေကျေပျက်ဆီးနေတာတွေကို မကြည့်ရက်လို့၊ ပြည်သူတွေ ဘေးကင်းကြပါစေ ဆိုပြီး ကိုယ့်အသိစိတ်နဲ့ကိုယ်၊ ကိုယ့်ပိုက်ဆံကိုယ်သုံးပြီး နေ့မနား ညမနား နိုင်ရာဝန်ကို ထမ်းနေကြတဲ့ လူငယ်တွေပါ။ ကျွန်တော်တို့မှာ အခက်အခဲအမျိုးမျိုးကြားကနေပြီး "ပြည်သူ၊ ရဲဘော် ဘေးကင်းရေး" ဆိုတဲ့ ဦးတည်ချက်တစ်ခုတည်းကိုပဲ ရှေးရှုပြီး စစ်ကောင်စီကို မရ,ရအောင် တော်လှန်နေကြတာပါ။ ကျွန်တော်တို့ကို ဘယ်သူကမှ၊ ဘယ်အဖွဲ့အစည်းကမှ ဖုန်းဘေလ် ၁၀၀၀ ဖိုး လာဖြည့်မပေးပါဘူး။ (ဖြည့်ပေးလည်း မယူပါဘူးနော်။) ပြောချင်တာကလေ။ လက်ရှိ နွေဦးတော်လှန်ရေးရဲ့ ပကတိအမှန်တရား၊ မြေပြင်နဲ့ ကင်းကွာနေတဲ့ NUG အစိုးရ တာဝန်ရှိဆိုတဲ့ ပုဂ္ဂိုလ်တွေ၊ ဘယ်သူက ဘာလဲ၊ ဘယ်လိုအခြေအနေဆိုရင် ဘာတွေဖြစ်လာလဲ ဆိုတဲ့ အဖြစ်အပျက်တွေကို ဝေဖန်ထောက်ပြချင်တာပါ။ ရှင်းရှင်းနဲ့ ဒဲ့ပြောရရင် အစိုးရရော၊ တော်လှန်ရေးဆယ်လီဆိုတဲ့ပုဂ္ဂိုလ်တွေကရော မျက်နှာကြီးရာ ဟင်းဖတ်ပါပြီး တကယ့်မြေပြင်မှာ မရှိ ရှိတာလေးနဲ့ လှုပ်ရှားရုန်းကန်ပြီး တော်လှန်ရေးရဲ့ တစ်ဒေါင့်တစ်နေရာက ပါဝင်နေကြတဲ့ အညတရတွေကို လျစ်လျူရှူ့နေတာကို ဝေဖန်ထောက်ပြချင်တာပါ။ ဒီလိုဝေဖန်လို့ မင်းတို့ကရော ဘာကောင်တွေတုန်းဆိုရင် ဘာကောင်တွေမှ မဟုတ်ပါဘူး။ မင်းအောင်လှိုင်ကို မအေလိုးလို့ ဆဲပြီး  ကိုယ့်ထမင်းကိုယ်စား၊ ကိုယ့်ငွေကိုယ်သုံးပြီး ည,ညတွေ မအိပ်ဘဲ လေကြောင်းကင်းထောက်ပေးနေလို့ ကျန်းမာရေးချူချာနေတဲ့ လူငယ်လေးတွေပါပဲ။ ကျေးဇူးတင်ပါတယ်။ #ဝေဟင်ကင်းထောက်လူငယ်တစ်ဦး