Egyptian Shield 🛡

فضـيحة بـأثر رجعي.. حسام حسن بيـخترق اتحاد الكورة الأرجنتيني؟! تقريبا الكلام كبر يا جماعة ودخلنا في حوارات "اختراق كبيرة وتقيلة قوي اوي النهارده اتفجأت ببوست نازل علي الدارك ويب مضمونه انه ردا على اللي حصل في ماتش مصر والأرجنتين امبارح اي القصة ياعم مصطفى ؟ النهارده ظهر هكر على منتدى تسريبات مشهور مسمي نفسه حسام حسن (اه والله الهكر مسمي نفسه حسام حسن زي ما بقولك كده).. والراجل ده مش جاي يهزر ده نازل بيبيع قاعدة بيانات كاملة بيقول انه جايبها من الاتحاد الأرجنتيني لكورة القدم (AFA) والداتا اللي بيقول انها معاه مش سهلة خالص وفيا بلاوي وبيقول انها فيها الاتي 1- ايميلات وباسوردات متشفرة (Hashed) 2- ارقام بطاقات قومية (National IDs) 3- ارقام تليفونات وعناوين IP 4- و صور البروفايلات بتاعة المستخدمين لحظة بس استنى هنا.. فين السبوبة ياعم مصطفى؟ بص ياغالى لحد اللحظة دي الهكر او الاخ حسام حسن للاسف مقدمش اي دليل حقيقي او اثبات على طريقة الاختراق (Attack Vector) ولا أي عينة تأكد ان الكلام ده حصل بجد يعني الموضوع كله لسه تحت التحقق ومفيش اي حاجة اكيدة وبس كده ياسيدي تفتكروا بثي الحوار ده بجد ولا لقطة شو من الهكر عشان الماتش والظلم التحكيمي اللي حصل فيه؟

Hello, World! This is a collection of our channels that may be useful to you during your journey in the technical field, especially in cybersecurity. https://t.me/addlist/nD70sWRf83U4ZTA0 أهلاً وسهلاً بكم جميعاً، هذه مجموعة من القنوات الخاصة بنا والتي قد تفيدكم خلال رحلتكم في المجال التقني وخاصةً في الأمن السيبراني. https://t.me/addlist/nD70sWRf83U4ZTA0

امبارح ضهر تسريب ضخم لـ FortiBleed مرتبط بحملة ضخمة لجمع بيانات دخول Fortinet في واحد باحث امني اسمه بوب دياتشينكو اكتشف تسريب FortiBleed اللي فضح بيانات دخول الـ VPN الخاصة بـ Fortinet/FortiGate لـ 73,932 عنوان فايروول على 21,632 دومين في 194 دولة في مهاجم روسي اتقال إنه نفذ حملة كبيرة جدا لجمع بيانات الدخول و شملت:1.16 مليار هجوم على 320,777 جهاز FortiGate.2.1 و مليار محاولة على 163,650 نظام Microsoft SQL Server وده السورس

ثغره Copy Fail في انظمه لينكس موجوده من 9 سنين واكتشفها AI في ساعه الثغره بتسمح بتصعيد صلاحيات المستخدم لـ root الثغرة رقمها (CVE-2026-31431) وتعتبر من أاخطر ثغرات الكيرنل . اغلب توزيعات لينكس مصابه بالثغره زى اوبنتو، و ريد هات وامازون لينكس وبردوا استغلالها سهل جداا شغل سكربت بايثون ويخليك root من غير تعديل. الـ CISA ضافت الثغرة لقائمة (KEV) وده معنه ان الصغرة مستغله فعلا دلوقتي

في شخص عمل هندسة عكسية لقرنامج Netflix ولقي ملف claude.md 😂😂 يعني حتي الشركات الكبيره بقت تبرمج بـ claude

XVWA: تطبيق ويب متعمد فيه ثغرات علشان تتعلم الهجوم على أمن الويب التطبيق ده بيقدملك معمل عملي مليان ثغرات زي: SQLi XSS SSRF CSRF مشاكل رفع الملفات SSTI IDOR وغيرها كتير علشان تتمرن على الأمن بشكل آمن.

🔗 github.com/s4n7h0/xvwa

بسبب اللي حصل في ميتا تقريبا ايلون ماسك هيبقي اول تريليونير بسبب الإقبال اللي حصل علي منصته X (تويتر سابقاً)

بنقترح نعمل سلسلة و نسميها غلطة الشاطر بألف و نحكي او نشرح فيها حاجه معينه حصلت وخلت غلطة بسيطة من الشاطر تبقي بألف و بهدلت او عملت كوارث What do you think? Give me your opinions 😃

شركه NSO Group الاسرائيلية 🇮🇱 رجعت تخترق حسابات الواتساب بدون ادنى اعتبار للحكم القضائي عليها اللي يمنعها من لمس واتساب نهائيا حرفيا ان شاء الله دلوقتي هقولك القصه والتفاصيل من البداية لحد اخر تحديث حصل في شركة اسمها NSO Group ودى شركة تقنية إسرائيلية متخصصة في تطوير برمجيات التجسس والمراقبة واللى متابع مجال السايبر سيكيورتي هيكون عارف ان من منتجه الاشهر هو Pegasus المعروف طب لو منعرفش اي هو Pegasus ده ياعم مصطفى ؟ تعالى اقولك دلوقتي اي هو بص ياسيدى ده منتج كان يعتبر متقدم جداً و قادر على اختراق أجهزة الـ iOS و الـ Android وسحب كل محتوياتها زى الرسائل المشفرة والصور واللوكيشن وبيشغل الكاميرا والمايكروفون دون علم الضحية وفي شهر 5 سنه 2019 واتساب اكتشف ثغرة خطيرة في ميزة الاتصال الصوتي ورقمها (CVE-2019-3568) مالها بقي الثغرة دى؟ الثغرة دى كانت بتسمح لـ NSO انهم يخترقون الموبايلات بمجرد الاتصال عبر مكالمة واتساب وحتى لو الضحية مردش على المكالمة وف الوقت ده بيتم تثبيت Pegasus في الخلفية، وبيمسح سجل المكالمة علشان ميسيبش اي اثر المهم ياسيدى الشركة دائماً كانت بتدعي أنها تبيع برمجياتها للحكومات المعتمدة بس لمكافحة الإرهاب والجريمة بس تحقيقات WhatsApp اثبتت ان الثغرة تم استخدامها لاستهداف حوالي 1.400 جهاز في العالم و الضحايا كانوا عبارة عن هناك اكتر من ١٠٠ صحفي ونشطاء حقوق إنسان ودبلوماسيين ومعارضين سياسيين وفي شهر 10 سنة 2019 اتخذت شركة واتساب اللى بقت مملوكة لـ Meta خطوة جريئة ورفعت دعوى قضائية ضد NSO Group في المحكمة الفيدرالية الامريكية طبعا NSO حاولت التهرب بحجة الحصانة السيادية اللى معاها بحجة أنها تتصرف نيابة عن حكومات اجنبية بس المحاكم الأمريكية، رفضت العذر ده تماماً وقررت أن الشركة الخاصة لا تتمتع بحصانة الدول اصلا المهم صدر امر قضائي بيمنع NSO من استخدام سيرفرات WhatsApp او انشاء حسابات عليها مدى الحياة بالإضافة لده قامت واتساب بسد الثغرات وتغيير معمارية الاتصال ولان واتساب قفلت عليهم باب الـ Zero-click ولان اختراق الأجهزة بقي اصعب مع تحديثات ابل وجوجل اضطرت NSO للعودة للطرق القديمة وهي الهندسة الاجتماعية وبدأوا يعملوا حسابات وهمية ويبعتوا روابط فيشنج او تصايد للمستخدمين وبتكون الروابط دي متصممة كأنها مواقع إخبارية علشان يخدعوا الضحية ويخلوه يضغط عليها علشان يتم اختراقهم المهم ياسيدي مؤخراً وانشاب اكتشفوا ان NSO رجعت تهاجم مستخدمين واتساب تاني و واتساب قدمت طلبا تانى للمحكمة الفيدرالية بيدينوا فيه NSO Group بـ "ازدراء المحكمة” واتساب بتقول "انتم ممنوعين قضائياً من منصتنا ولسه بتحاولوا اختراق مستخدمينا وبتنشئوا حسابات تخترقوا بيها الناس وده خرق صريح لأمر المحكمة" والدنيا مقلوبه من وقت الدعوة الاخيرة اللي واتساب قدمتها للمحكمة وبس كده ياسيدي دي اخر الاخبار اللي حصلت

Hello, World! This is a collection of our channels that may be useful to you during your journey in the technical field, especially in cybersecurity. https://t.me/addlist/nD70sWRf83U4ZTA0 أهلاً وسهلاً بكم جميعاً، هذه مجموعة من القنوات الخاصة بنا والتي قد تفيدكم خلال رحلتكم في المجال التقني وخاصةً في الأمن السيبراني. https://t.me/addlist/nD70sWRf83U4ZTA0

مؤخراً اشتغلت على سوفتوير لشركة ناشئة بيشتغل بنظام SaaS و Desktop App، قدرت أعملّه Reverse Engineering بأقل من 5 دقائق، اكتشفت كمية ثغرات كبيرة خلتني أقدر أحول السوفتوير لنسخة مجانية بالكامل وأخترق سيرفر الترخيص وأوصل لكل بيانات المستخدمين بكل سهولة. برضو الكود كان مليان ثغرات بتسمح بتنفيذ أوامر برمجية مباشرة على أجهزة المستخدمين، يعني اختراق أجهزتهم صار متاح وبسيط جداً، ووصلت لـ API Keys حساسة زي Gemini API Key، وحتى القيود اللي حاطينها على عدد المحادثات الشهرية قدرت أكسرها وأخلي الاستخدام غير محدود. هاد كله صار لأنهم اعتمدوا على ذكاء صناعي بيعطي حلول برمجية شغالة بس مش بالضرورة آمنة. ​الرسالة اللي لازم توصل لكل صاحب مشروع أو شركة هي أنه الـAI أداة مساعدة ممتازة لتسريع الشغل، بس مستحيل يكون بديل عن الخبرة البشرية والتدقيق الأمني المتخصص. توظيف خبير أمن سيبراني وصرف ميزانية محترمة على الحماية ومراجعة الكود مش مجرد تكلفة إضافية .. هو استثمار بيحمي سمعتك وبيانات عملائك، لأن اللي رح تخسره لو تعرضت لاختراق بسبب ثغرة غبية طلعها الـ AI وما حدا راجع وراه رح يكون أضعاف اللي ممكن تدفعه لتأمين شغلك من البداية.

Egyptian Shield family wishes you a blessed Eid al-Adha, May Allah bring you goodness and blessings ❤️ أسرة الدرع المصرى تتمنى لكم عيد اضحى مبارك اعده الله عليكم بالخير والبركات ❤️ وكل عام وانتم بخير ❤️