الجيش الأزرق 𝘽𝙖𝙘 𝟮𝟬𝟮𝟲

Tenses ⌚️📚

"وتشاء أنت من البشائر قطرة ويشاء ربك أن يغيثك بالمطر وتشاء أنت من الأماني نجمة ويشاء ربك أن يناولك القمر وتشاء أنت من الحياة غنيمة ويشاء ربك أن يسوق لك الدرر وتظل تسعى جاهدا في همة والله يعطي من يشاء إذا شكر "

رسمة رديئة مي عندها معنى لي يخرجو عندو +10 في الباك

🔴خدم في المواد الأساسية لكن المواد الثانوية اهملها و النتيجة راسب

اختصارات لحفظ الجغرافيا @bacyesweca

كبرت خطي علاجالكم شكون كيفكم 🫂

نبعتلكم اللينك ؟ 😃

انتهت حلول الارض 🦦

حبيت برك نجي نمدلكم نصائح من اخت لاخوتها بحكم اني مجربة الباك من قبل لذلك نتمنى ماتتجاهلوش البوست و تقراوه اوموا يطلعلكم المورال يا الخوافين 🤌🏻 1~ هادي حطوها قاعدة ثابتة لي ماقراش مايجيبش ملخر مشي تجيني مجموع وش قريت عام كامل هو 24 ساعة و تقول علاش ماجبتش الباك لي جابو معناها راهو يستاهلو 2~ بعدوا على الناس السلبية لي تقوللكم مابقاش مابديتش راني خايف/ة هادا يا اما كداب يا اما صح مابداش و بنادم لا مبالي بعد عليه في جميع الأحوال لي ماناضش ضميرو عام الباك ماعادش ينوض 3~ توكلوا على ربي و صليو صلاتكم و طيعوا والديكم و الله لي والديه مش راضيين عليه كون يجيب من جويلية و هو يقرا يلحق للبير و مايشربش 4~ اسعاو و نحيو الخوف و تهلاو في صحتكم لانو انا كي ماتهليتش في صحتي راني نعاود 🥲 5~ اقرا حاجة ماتعوض فرحة الباك غير تكون قاعد تفكر صرخة النصر هاديك يوم النتيجة و دموع الفرح في عينين الوالد ن الوالدة الدنيا و مافيها 6~ قال الشاعر الاستاذ نور الدين عيساوي :✨️بعد على التيليفون ولدي بنتي✨️

خاوتي 😃 (ماتنخلعوش من الايموجي مانيش رح نشوكيكم بخبر)

🚨متسمحش لزوج عباد في حياتك ∆لي علمك الدين بالغالط ∆ولي حيفتي عليك فالباك الفترة هادي _دك هذا هو موعد الفيروسات فالمواقع تواصل إجتماعي دك يخرجو هدوك المراض بليفو ويقولولكم أي شيء خرطي على الباك ترست مي بلي حيديرو عنوان جذاب وبراق غير باه يستقطبوكم ويطلعو عدد مشاهدات ويستغلو فيكم بيسك علبالهم بلي الباك حدث إجتماعي في دزاير وهدي مرحلة حساسة فحيلعبو بمشاعركم عجال مصالحهم عام ليفات خرج استاذ هو مهوش استاذ بالنسبة ليا نشوف فيه كي الذبان حاشا الاساتذة لي بقدرهم قاللنا فليوتيوب بلي عام هذا باك 2024 مكمش حتخيرو ليسوجي حتعقبو فرد سوجي اجباري سما مكاش حرية الاختيار شعب قعد يتخبط في بعضاه ساو مشي الموجة لي تجي تديك سيرتو كعاد دكا لي يشري سبور يسمي روحو استاذ ويحل قناة _ ونهار القيامة راهي واعرة كي يجي بنادم يحاسبك عند ربي يقولو_ ربي سل هذا فيما اضاعني _

منهجية كتابة وضعية في اللغة الإنجليزية هي احد اسهل المنهجيات في الكتابة خاصة في guided written expression يليق برك تكونو ملمين بأغلب مصطلحات الوحدة الأساسية و يكون عندكم rich vocabulary لي الاغلب ما عندهمش و ما علابالهمش كفاش يكون عندهم و افضل طريقة لي ننصح تبداوها من الان بما انو ما بقاش بزاف هي انو الموضوع لي تحلوه سواء فرنسية او انجليزية و تقراو النص ديالو تترجمو أي كلمة ما فهمتوهاش سواء باستعمال google translate او بأي dictionary عندكم في الدار يقدر يكون رقمي او كتاب دوكا جميع الإمكانيات متوفرة اقراو برك.نجوزو لطريقة الكتابة : في أي موضوع لغة انجليزية يمدلكم وضعية ادماجية فيها موضوعين او topics و لي تخيرو نتوما وحدة منهم كاين guided لي نسميوها حنا (الوضعية نتع الجمل الواجدين 😂) و كاين وضعية ادماجية free لي تكون ديما topic two و تكتب نتا بحريتك هادي خلينا منها عندها ماليها، لي تهمنا حنا هي topic one حقيقة الامر الأغلبية ماتجيبوش فيها مليح بسكو تحسبو هادوك الجمل راهم واجدين صح مي لالا رراجعو حساباتكم هذا كامل راجع اما لقلة تركيز او ضعف بسيط في المادة يمكن تداركه لانه دايما تروح في تصريف الأفعال لي تغيبلكم فيه ولا تحطوهم كيما راهم بلا ماتستعملو connectors كاين بزاف أسباب نناقشوها باذن الله في بداية كل topic سواء الأول او الثاني يمدلك سياق صغير و كيوت يخليك تفهم الموضوع و يرحم باباك ماتكتبوش كيما راه هنا يجي دور vocabulary لي هزيتو من حل المواضيع، حاول تبدل فيه شويا بحيث يبقا يخدم الموضوع و فيه اسلوبك الشخصي تقدر تسرق كلمات من النص مي كلمات مش فقرة كاملة لانو راك رايح تغلط، مقدمة تكون فيها سطرين او 3 اسطر تفريلك تجي شابة بلا ما ننساو علامات الوقف و تجنب الأخطاء الاملائية قدر المستطاع اكتب في عقلك ياخو ماكانش لي راهو طاير موراك، و نأكد نأكد نأكد و نعاود على capital letters في بداية الجملة و نقطة في النهاية باش يكون شكل وضعيتك نموذجي. كي تطبق كامل وش قتلك مبروك عليك نقطة المقدمة كاملة، و كي تعاود تستخرج منها استنتاج و تزيد تصيغو بأسلوب مختلف و تبدل الكلمات مبروك عليك العلامة الكاملة على الخاتمة نجوزو للعرض لي فيه اغلب الأخطاء و الأغلبية يروحولكم فيه نقاطي، لا تقلق خويا العزيز انا نعلمك. شفت الجمل لي مدلك ؟ شفتهم مليح، هادوك الجمل تحكم تكتبهم قدامك في المحاولات و تحاول ترتب كل فكرة وكتاش لازم تكتبها (مع إمكانية دمج فكرتين قريبتين لبعضهم)، ممبعد نجوزو للمرحلة الدوزيام لي هي انك تدخل على كل عبارة connector وين سمعتوها هاد الكلمة يادرا ؟ يعطيك الصحة grammar يعني لازم تكون تعرف شويا يا لوكان 60% تع القواعد البسيطة راك رايح للباك امبوسيبل ماتكونش قاريهم و تصيغهم مليح مليح الجمل ديالك و تزيد عليهم شوية امثلة شوية شرح من عندك (مام ماعندكش عادي) حاول برك تتفادى الأخطاء الاملائية، كي تحس بلي فقرتك ماخصها والو تروح تكتبها في ورقة الإجابة و تدمجها مع المقدمة و الخاتمة لي كنت موجدهم قبل و نزيد نأكد و نعاود على capital letters و علامات الوقف و نقطة النهاية لانو كاين أساتذة و الله يحاسبك عليهم كيما يحاسب على أخطاء التصريف و هذا ماكان ان شاء الله تكونو استفدتو لي مازال عندو سؤال يتفضل ⭐️ ✨ ✅الرجاء المشاركة مع زملائكم وفي المجموعات والقنوات ليستفيد الجميع وأجركم على الله 💙 @learnphysics10 💙

سلام لي كيب 💜 وش مع تحدي لي حطيتلكم صفا شويا ولا مزاال مبديتووش 💜 لي مبداش وش راك تستنى فالما يحمى؟؟؟؟ نووزض انفض الغبار على روحك ☠️ 📌غدا بحول الله تعالى تحدي النهوض الفجر كيما العاااادة 🔥👌🏻

طريقة الحفظ لي سقسيتو عليها

خاوتي تبقا مجرد احتمالات أساتذة دارو "اجتهادات" نتوما المهم ماتروحوش بلا استرة بسكو رح تجي

العلميين نشوكيكم ولا ماحبيتوش 😃

نتحمس لهاد العفايس 🙂