كويزات تحصيلي نرجس 🦋.

من داخل الروضة الشريفة: اسأل الله العظيم أن يرزقك ويغفر لك الذنوب والسيئات ويجبر خاطرك ويحقق حلمك يا من قرأت رسالتي🤲🏻

بسم الله ما شاء الله مصادري؟ يلو وناصر تاسيس غشام تجميع نرجس كوزات وكامل تجربتي ونصائح لتحصيلي حطيتها بقناه عشانها واجد ( https://t.me/I7utI ) الي يستفيد يدعي لي وادعو لنرجس ماقصرت بالكوزات جدا رهيبة ماشاء الله عليها.

اهلاً ي حلوين اخباركم عساكم بخير؟🩵 أتوقع إني ف فترة التحصيلي ما قصرت معاكم ف لا تنسوني من صالح دعواتكم لي اليوم، أدعو لي انقبل بجامعه أحلامي ولكم بالمثل🩵

اول شيء السلام عليكم ورحمة الله يا افضل دفعة مسارات بالبدايات كنت متشتت شوي بالتحصيلي مع ان تأسيسي شبه ممتاز إلا بس إني حبيت أخذ حاجة يكون فيها صعوبة ومستواه ممتاز لان خلصت ناصر اكثر من مرة وحسيت إني طفشت منه قلت خل أشوف تجميع ممتاز وبالصدفه شفت تجميع يلو وقررت اشتريه وطبعا هذه كانت خطتي من بداية ثالث ثانوي لين آخر يوم : "طبعا مو لازم سنة كاملة على حسب مستواك فيه ناس اعلى مني وذاكروا اقل" 1- ذاكرت ناصر عبدالكريم حفرت فيه لين قلت آمين وإذا حسيت ان ناصر صعب الله يعينك على غشام 2- بديت في غشام لكن مستواه اعلى من ناصر بشوي لكنه ممتاز وطبعا دخلت الاختبار حق القبول المبكر على مذاكرة ناصر وعشام كتاسيس وجبت 801.00 3- رحت اشتريت كتاب يلو في الترم الثاني وطبعا من شفته وشكله كيف مرتب ما ندمت إني شريته وفوقها سعره رمزي مقابل هذه الشيء طبعا لما اشتريت البكج اخترت الخطة أبو 20 يوم لان حسيتها افضل لكن أنا شفت مقاطع أحمد سكول للأحياء لان طلحة شوي متاخر لذلك رشحته هو والفيزياء ذاكرت فرح إبراهيم ومجنون الفيزياء وكنت أتابع قبل تكنوقراطيا بس هو كويس وفي الكيمياء ما تابعت احد لان اساسي ممتاز بس شفت شوي مقاطع من محمد العمري والرياضيات ما فتحته لان إساسي ممتاز جدا فيه وفي التدريب اعتمدت عليهم : نرجس سوت افضل كويز اعتبره شامل ما شاء الله يوم دخلت الاختبار حسيت هي اللي سربت الاختبار 🙏 كويزات يلو كنت شوي اغلط فيه يعني يلو مستواه عالي شوي بس مو زي الحوت أينشتاين حسافة إني ما كملته كله بس كان شامل واخيراً سايفر جاني منه 🙏 اول فترة : تحطمت شوي لان غلطت غلطين واحد بالأحياء حق الجوز الهند والثاني حق سوال القوة العمودية اللي إجاباته 10 20 30 40 واخترت 40 وطلع الإجابة 30 بس شديت حيلي بالفترة الثانية الفترة الثانية : غلطت بعد غلطين حق الخلية الجلفانية حطيت الوقود وطلعت إجابته الجافة والثانية حق اسهل اختزال بس قلت الخيرة فيما اختاره الله.. بس طريقة بالمذاكرة كانت غريبة شوي إني التزم بخطة يلو ساعتين والعب 8 ساعات 😅 بس طبعا لا تبيعها واخيراً اسأل الله ان يوفقنا وننقبل في اللي نبيه 🙏 إذا تبي استفسار هذه حسابي : @swiftchao

_

بسم الله الرحمن الرحيم معاكم خريج 2024 وبتكلم عن تجربتي باختبار التحصيلي وكيف جبت +95 🫡 بديت بأول السنة يعني حوالي قعدت اذاكر للاختبار حوالي 10 شهور بس لاني ماطلت شوي في الفيزياء في الاول أشوف ان المدة المناسبه من 5 إلى 6 شهور تكونون مختمين كل التأسيس وفاهمين وكل شي نبدأ بالمصادر: اعتمدت للتأسيس في مادة الفيزياء على كتاب ناصر عبدالكريم 23 مع الشرح الاسطوري لدكتورة فرح ابراهيم للمادة بالنسبة للكيمياء تأسست مع أستاذ محمد العمري أيضا من شرحه لكتاب ناصر عبدالكريم نسخة 23 ونصيحة في الكيمياء لا تتعدونه نجي للرياضيات كان تأسيسي فيها قوي لله الحمد حاولت اشوف شرح مجاني لها على اليوتيوب بس ما ناسبني صراحة الا دورة أ- عماد الجزيري مع كتابه كتاب المعاصر للتحصيلي صراحة الدورة نقلتني نقلة نوعية في المادة بشرحه الرهيب وتكتيكاته الخاصة بتخطي القوانين والدروس الصعبة بطريقة سهلة ومميزة وكان في بعض النواقص في دورة عماد الجزيري بس عوضتها بشرح أ- محمد القرني التابع لملخص يلو للرياضيات وبس هذا بالنسبة للرياضيات بالنسبة للأحياء عانيت منه في البداية كنت متوهق فيه شفت اكثر من شرح له ولكن للأسف ما ناسبني ابد إلى أن جت الدورة المنقذة دورة النبلاء في علم الاحياء للدكتور ابراهيم حفني نقلتني نقلة كبيرة جدا واصبحت الاحياء من أسهل المواد واعيد واكرر نصيحتي في الاحياء لا تفكرون كثير وادخلوا مع دورة النبلاء لأنها تختصر الكثير وما تخليك تحتاج ترجع للكتاب في شي ابد التجميعات : بعد ما تخلصون التأسيس تماما أول تجميع تحلونه تجميعات يلو للاربع مواد لانه التجميع الوحيد الي شفته شامل كل الأعوام الماضية بس انصح في الاحياء عشان تثبت معكم تحلون التجميع مرتين في يلو ومرة في غشام ذا انا الي سويته عشان تثبت في عقلي المعلومة ثم بعد ما تخلصون يلو طبعا تحلون تجميعات غشام يوم يقرب الاختبار كذا قبله بشهر أو اسبوعين. للمراجعة: - يلو اهم 400 - الكنز اهم 300 التسريبات : -الكنز -غشام ٢٤ -يلو ٢٣ و ٢٤ - سايفر بالنسبة للنصائح لا تتحطمون من احد يقولكم الانحراف بيخسف درجتكم وكلام كثير لمجرد التحطيم فقط ولكن للأسف كل الي يقول كذا ما ذاكر ولا اجتهد الاختبار ما يفرق سواء تختبر في الرياض او في اي مدينة أو محافظة من محافظات المملكة وبالنسبة للاخطاء الفترة الأولى اخطئت في حوالي 10 أسئلة وجبت 94 والفترة الثانية اخطئت في حوالي 4 إلى 6 اسئلة وجبت 98 فلا تخافون وفالكم التوفيق يارب كل الدفعات القادمة 💚

السلام عليكم ورحمة الله وبركاته معاكم اخوكم الخريج سلطانوحاب انقل لكم تجربتي كيف اني قدرت اجيب الـ 97 الحمد لله وان شاء الله اني اقدر افيدكم ولو بالشيء البسيط راح ارتبها بالطريقة ذي : 1 - المدة ٢- التأسيس ٣- التجميعات ٤- التسريبات ٥ - ملاحظات مني أنا اتمنى تستفيد منها —————————————— 1 - المدة :- انا بديت تقريبا من بداية الترم الثاني من ثالث ثانوي والمده يعني تقريبا ٦ شهور ، الوقت جدا كافي انك تجيب الـ ١٠٠ بإذن الله ولكن اهم شيء يكون فيه خطه واضحه والتزام بنسبة ٩٥ - ١٠٠ ٪ عشان ما تنضغط الشهور الاخيره او يكون فيه اشياء ما اخذتها و تتجحفل —————————————— ٢ - التأسيس اولا الرياضيات : بديت التأسيس من كتاب ناصر عبد الكريم مع مهند والعوهلي وعدته مره ثانيه مع الأفضل فرح ابراهيم بعد ما خلصت التأسيس من كتاب ناصر اشتركت مع يلو وصارت المراجعه من يلو مع ناديه بدوي ، الرياضيات من اثقل المواد وقت المذاكرة ويحتاج تدريب مكثف التأسيس بيكون ثقيل عليك شوي ولكن مع التدريب بيصير سهل واسئلة الرياضيات في الاختبار جدا بسيطه ومقدور عليها بإذن الله ثانيا الفيزياء : بديت التأسيس من كتاب ناصر مع فرح ابراهيم وفعلا هي الافضل ما شاء الله تبارك الله وراجعت تأسيس الفيزياء مع يلو المراجعه مهمه في الفيزياء عشان القوانين والمعلومات تثبت وتتمرس عليها و تكون متمكن من الحل ثالثا الكيمياء : بديت التأسيس من كتاب ناصر مع فرح ابراهيم وراجعت التأسيس مع يلو مع الاستاذ محمد العمري الكيمياء ضروري فيه المراجعه ولكن يعتبر من اسهل المواد اذا مو اسهلها و لكن المراجعه خذها مع محمد العمري افضل شي رابعا الاحياء التأسيس مع يلو مع د. طلحه والصدق يلو يكفي ويغني عن باقي المصادر بإذن الله ولكن الاحياء يحتاج ربط ومراجعة بشكل مستمر عشان المعلومة تثبت و مع د.طلحة باذن لله تقفل على الاحياء —————————————— -1- تجميع غشام (الأفضل) 2 تجميع يلو الأفضل للاحياء وبرضو لجميع المواد ممتاز وشامل وزياده بعد ) 3- تجميع سايفر 2023 جمييل جدا ويجي منه كثير 4- توقعات اینشتاین فادتني الصراحه جتني منها اسئله 6- تجميع الحوت اخذت الاحياء فقط بس عشان اراجع 7 - اهم 400 سؤال جهاد ٨-اهم 300 سؤال الكنز ٩-اهم الصور والجداول لمادة الاحياء وعلم البيئة ۱۰ - مراجعة العلماء يعني ما تاخذ وقت بس احتياطا يعني ٤ - التسريبات / ۱- سايفر ( الافضل من وجهة نظري ) 2 يلو ينزلون الاسئلة الجديده وغالبا يكون شامل ٣- تسريبات غشام جميله جدا 4 - تسريبات اینشتاین 5 - تسريبات الكنز 6 - تسريبات جهاد ۷ - تسريبات مهندسة التحصيلي التسريبات غالبا متكرره يعني لو شفت سایفر ويلو كفايه مرههه لكن أنا حطيت لكم كل التسريبات ذاكرها كلها و أصلا واجد أشياء متكرره فااا بتخلص بسرعه —————————————— وكلام ب خاطري لكم للدفعه الجايه :- لا تشيل هم الاختبار وتعطيه اكبر من حجمه والله العظيم سهل تجيب فيه ۱٠٠ بتوفيق الله ثم اجتهادك ولكن لازم يكون فيه خطه تمشي عليها وتلتزم فيها ونصيحه التأسيس هو اهم شيء لا تعديل اي نقطه الا وانت مستوعبها اتعب على التأسيس عشان ترتاح وقت التجميعات بإذن الله ، التعب يكون وقت المذاكرة ووقت السعي ولكن في المقابل اذا دخلت الاختبار راح تحل كل شيء وبسهوله تامه بإذن الله دائما وابدا وكلوا اموركم الله واسعوا وبإذن الله النتائج تكون مرضيه جدا (وأن ليس للإنسان إلا ماسعى ، وأنّ سعيه سوف يُرى ، ثم يجزاه الجزاء الأوفى ) الله يوفقكم واتمنى اني قدرت افيدكم ولو بالشيء البسيط ، دعواتكم لي بالقبول في الجامعه❤️❤️ @sul1only الي عنده سؤال