نصائح و استشارات برمجية

• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية. - لغة برمجة وصفية، مثلاً: HTML و ممكن تتعلم بعض الاكواد من لغة CSS ( و هى كذلك لغة برمجة وصفية). - لغة برمجة امرية، مثلاً C++. • و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى: "انك تاخد فكرة عن مجالات البرمجة بالتفصيل" هديك امثلة على بعض التخصصات المعروفة: - Embeded Programmer - AI (Artificial Intelligence) - Android Developer - Flutter Developer - IOS Developer - Desktop Developer - (Front&Back)-End Developer - Full-Stack Developer - Scripter - Ethical Hacking - Problem Solver - Game Developer و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة. • بعد ما تكون اتعلمت الأتي زي ما ذكرنا فوق ⬆️: - كيفية التواصل مع الحاسب الألي. - تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها. • هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع. • بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك 💚.

■ الاساسيات اولاً عشان نكون على نور مع بعض ليها كذا طريقة و افضل طريقة هى اللي انت مايل ليها لانه كله كدا كدا موصل لبعضه باذن الله، والطرق هما: ● تدرس اي لغة برمجة وصفية، و تدرس اي لغة برمجة امرية، طيب اللغة البرمجة الامرية دي ادرس فيها اي بالظبط: - هتدرس Basics "اساسيات" - و هتدرس OOP "برمجة شيئية" كل واحد فيهم و ليه العناوين بتاعت دروسة. ● تدرس دورة تعليمية اسمها CS50، هى دورة تعليمية تاسيسية بس مش بالكامل، بتساعدك تدرس قشور عن اغلب المجالات بس، ◆ تنويهات بسيطة: • من ناحية مدة التاسيس هتاخد قد اي لو مش عارف اي حاجة ف اي حاجة .. في المتوسط من ٦ شهور لسنة و طبعا الفترة دي بتختلف من شخص للثاني على حسب القدرات .. دا عشان تكون مبرمج مبتدئ و هتكون باذن الله كدا كدا اخترت مسارك و ظبطت دنيتك و امورك حلوة ان شاء الله

بما انك جديد فا اقرأ اللي هبعتهولك 🤝🏻⬇️:

انا جديده بل مجتمع ممكن حد يحكي لي اي برامج انزل عشان ابد اتعلم ☺️

و عليكم السلام و رحمة الله و بركاته، شوف الموقع دا ⬇️: m3md69.github.io/NULLEXIA فيه دورات تعليمية لناس بتعرف تشرح .. كل اللي عليك انك تروح لقسم التعلم و تختار اللي عايزه .. الناس اللي بتشرح مختارهم بنفسي

السلام عليكم سأبدأ بتعلم لغة Java ممكن حدا ينصحني لمين احضر عاليوتيوب ويكون الشرح منيح

اكيد intillij idea community

intellij هل فيه نسخة مجانية لها؟

●هتلاقي عند اسماء المواقع دي مسائل تقدر ان شاء الله تحلها ⬇️💚: • Codeforces • LeetCode • HackerRank • TopCoder • AtCoder • HackerEarth • Codewars

اتفضل ⬇️

احتاج موقع لحل المسائل البرمجية في بايثون

لا مش ضروري تبدأ C++ و للمعلومة تعتمدش على الكلية و خد فكرة عن المجالات و اختار اللي تحبه و ابدأ فيه و شوف الاساسيات اللي محتاجها سواء كان لغات او بيئات عمل او ادوات و اتعلم و طبق

تمم انا بدأت اول اسبوع في كورس cs50 بس في صديقي قالي انه جرب ++c وكمان cs50 وقالي أبدا ب ++c لانه احسن كبداية هل فعلا صح (مع العلم الكليه بتاعتي هدرس فيها البرمجة اصلا *كليه حاسبات*)