إفادة محاسب _ Accountant benefit

باقي 3 أيام على بداية الكورسات حاول في الوقت ده: 1. تاخد فكرة عامة عن محتوى كل كورس (من دوال ) 2. تبدأ تسجل على المنصات الخاصة بالكورسات. 3. لو واجهت أي مشكلة في التسجيل، اكتب في التعليقات

هذا الذي يصدق فيه: [لا تحقرنّ من المعروف شيئًا] !! ما أعجب هذا الدين وأرحمه وأبهاه لله حرارة الصدر وحياة الضمير التي تُشغل بال الإنسان دومًا بالمسلمين حتى في أبسط الأمور جَدّد نيتك في علمك وقل: والله لأتعلّمنّ هذا لأجل المسلمين ولأجل عزّتهم ورفع الجهل عنهم حتى لا يؤذيهم عدوّ باستعمار فكري ولا بهيمنة ثقافية ولا بخلط الحق بالباطل ولا يؤتىٰ الإسلام من قِبَلي ولا أكون جرحًا في جسد الأمة وسَل الله القَبول والقريحة في هذه الأمور وأن تكون على غيرها أصبر وأوعىٰ بنيتك، حتى في إزاحة الأذى عن الطريق..

أيا روحُ ارتَعِي برياضِ عشْرِ فمِن سُقياكِ أينعَ كلّ خيرِ ✨ يسر الأنشطة العامة الإعلان عن برنامج #سقيا_العشر، والذي يُعنى بالجانب الإيماني والعملي في خير أيام السنة.. 🔗 رابط التسجيل: https://anshitah1.com/student/courses/6 🟢 تنبيه: دخول القناة الرسمية في التيليجرام بعد التسجيل في الموقع مهم للاستمرار في البرنامج. اعزمُوا المسيرَ وسددوا النية واغتنموا الخير🤍🍃 #سقيا_العشر3 #الأنشطة_العامة

10 دورات مجانية من جوجل لا يجب أن تفوتك فى 2025 👇     📣دورة مقدمة عن أساسيات الرموز البرمجية https://www.kashkolonline.com/191 📣دورة لتعلم برمجة تطبيقات الاندرويد https://www.kashkolonline.com/185 📣كورس تحليل البيانات من جوجل https://www.kashkolonline.com/192 📣دورة تأسيس أعمالك عبر الإنترنت https://www.kashkolonline.com/191 📣كورسات الذكاء الاصطناعي من جوجل مجاناً https://www.kashkolonline.com/133 📣دوره جوجل للتسويق الرقمي https://www.kashkolonline.com/190 ---------------------- تابع قناة التيليجرام : https://t.me/kashkolonline -----------------

بشر مُصلي الفجر بحُب الله له بشره بشرف و نعمه النظر إلي وجه الله الكريم. صلاة الفجر اثابكم الله ♥️.

ماتستهونش بالبدايات الصغيرة… ممكن تكون هي اللي هتغيّر كل حاجة. الماتيريال موجودة… مجانية… والدعم موجود. يعني مفيش أي حجة حقيقية تمنعك تبدأ. بس انت مستني إيه؟ لو مستني المزاج يروق، فصدقني… مزاجك مش هيروق غير لما تبدأ. عقلك دايمًا هيحاول يهربك من التغيير، هيدورلك على أي حجة تخليك تفضل في منطقة الراحة. ليه؟ لأنه بيحاول يحميك… حتى لو الحماية دي بتضيع مستقبلك. عشان كده لازم تفوق… لازم تبدأ، حتى لو خطوة بسيطة. واعي نفسك، خليك فاهم إنك أنت اللي تتحكم… مش مزاجك، ولا حالتك النفسية، ولا كسل يومك. كلنا مع بعض نقدر نخلق بيئة تشجعك وتخليك تكمل. بس القرار الأولاني… بتاعك إنت. 👉 فابدأ، ومتتأجلش، ومتستناش تكون في "المود الصح". لأن المود الصح… هييجي لما تبدأ. https://t.me/Commerce2003/13729

خطوة بخطوة ومن غير استعجال 🔹 أولًا: اللغة الإنجليزية هنبدأ بكورس "ذا أمريكان إنجلش – إبراهيم عادل"، والكورس ده هيتم تنظيم خطة تفصيلية خاصة بيه، هتنزل من خلال ميرا سمير حسب كل مستوى. وبالتوازي، هنحفظ 10 كلمات يوميًا من مصطلحات المحاسبة بالإنجليزية، ومع الوقت، هنبدأ نسمع شرح للمحاسبة المالية باللغة الإنجليزية بعد ما نتقنها بالعربي. --- 🔹 ثانيًا: المحاسبة المالية هنبدأ بكورس محمد الأجاوي (مدته حوالي 13 ساعة)، وهنذاكر منه ساعة يوميًا. بعد الانتهاء منه، ننتقل لاختيار مصدر تاني زي: أحمد الدحان – كوكب المحاسب – محاسبة أونلاين – محمد فتوح… حسب أسلوب الشرح الأنسب لك. وبعد ما نتقن المحاسبة المالية بالعربي (وهي الأساس)، نبدأ محتوى شرح إنجليزي. وبعد كده، نتدرج في أنواع المحاسبات زي: محاسبة التكاليف، الضرائب، المقاولات… وهكذا خطوة بخطوة. --- 🔹 ثالثًا: برنامج Excel هنبدأ بكورس المنذر سفان (مدته 6 ساعات)، هنذاكر ساعة يوميًا. بعد الانتهاء منه، ننتقل إلى كورس رؤية المستقبل – عبدالرحمن أحمد أو كورس العسال. ثم ننتقل إلى كورس محمود خليفة في تصميم نظام محاسبي على الإكسيل. --- 🔹 رابعًا: ICDL / الكمبيوتر نبدأ بأسبوع تأسيسي نذاكر فيه أساسيات الكمبيوتر والإنترنت من: نولوحي – منصة معارف علي الشرباش – يوتيوب هبة أبو عدون – منصة إدراك لو لقيت مصدر مميز خلال الأسبوع، هضيفه. بعد كده ننتقل إلى الكورس الأساسي: طارق زيدان – منصة تيرا كوسيز (إصدار ICDL السادس – 19 ساعة). وبعد الانتهاء منه، ممكن نكمل مع محاضرين زي جاويش أو علي شاهين. --- 🔹 خامسًا: البرامج المحاسبية لسه مش هنبدأ فيها حاليًا، نأجلها حوالي 15 يوم لحد ما نثبت المحاسبة المالية بالعربي. بعدها نبدأ بـبرنامج دفترة، لأنه: باللغة العربية مصري وسهل الاستخدام بعد التأسيس، ننتقل تدريجيًا لباقي البرامج، وخصوصًا اللي تحتاج فهم للمحاسبة بالإنجليزي. --- 🔹 أخيرًا: المهارات الشخصية – كل يوم جمعة ده يوم مخصص لتطويرك كشخص محترف، هنكمل فيه مع المصادر اللي اتكلمنا عنها، زي: كورس البراند الشخصي كورس عش بشغفًا نادي القراءة – درجات أحمد عامر بودكاست فنجان قناة الزتونة – مايكل راشد وكل ما نخلص كورس هنبدأ اللي بعده، وكمان هنضيف لليوم دا  مصادر تفيدك في ✔️ كتابة CV ✔️ اجتياز المقابلات الشخصية ✔️ نصائح لسوق العمل والحياة المهنية --- ملحوظة مهمة: كل قسم من الخطة هيكون ليه جدول متابعة مفصل هننزله قريب جدًا، علشان تمشي بخط ثابت ومن غير ارتباك.

هنبدا من الصفر من يوم 19 وعشان الاستفتاءات كمها بيكون كبير عملنا قنوات مستقله ليها لوحدها استفتاءات الل هتنزل ع حلقات المحاسبة المالية 👇 https://t.me/+xLNY1dPAU9MyNDRk و الاستفتاءات الل هتنزل ع كلمات المحاسبة المالية الإنجليزية 👇 https://t.me/+zTWcebi4enQwZmQ0

دي البوستات اللي هتفهمك إحنا ليه بنشتغل كده في كل مهارة أو كورس من أول هنا ونازل 👇 [https://t.me/Commerce2003/13609] ركز وراجع كل حاجة بهدوء، علشان تبقى فاهم راجعهم كويس عشان تبقى فاهم الخطوات وما تبقاش ماشي وخلاص ✌️ #الاجازة_مستمرة_ليوم (19)

🗓️ الجدول الأسبوعي من السبت إلى الجمعة: من يوم السبت لحد الخميس، عندك يوميًا: ⏰ ساعة كورس "ذا أمريكان إنجلش" – إبراهيم عادل 📲 المتابعة من خلال قناة: إفادة ⏰ ساعة كورس Excel من "المذر سفان" 📲 المتابعة من خلال قناة: إفادة ⏰ نص ساعة لحفظ كلمات إنجليزية في مجال المحاسبة 📲 المتابعة من خلال قناة: إفادة 📚 الكورسات المتكررة خلال الأسبوع:. 🔹 كورس ICDL: ⏰ السبت – الاتنين – الأربعاء 📲 المتابعة من خلال قناة: إفادة 🔹 كورس المحاسبة المالية: ⏰ الأحد – الثلاثاء – الخميس 📲 المتابعة من خلال قناة: إفادة ⏰ ويوم الجمعة: مخصص لـ المهارات الشخصية، والمتابعة هتكون من خلال: 📲 قناة: إفادة ✍️ بالإضافة إلى محتوى خاص بـ السيرة الذاتية، المقابلات الشخصية، والحياة المهنية، 📲 المتابعة من خلال قناة: إفادة يعني ببساطة: كل يوم من السبت للخميس هتذاكر من 2.5 لـ 3 ساعات، ويوم الجمعة خفيف وسهل حوالي ساعة أو أقل. 📒 انقل الجدول دا عندك في كشكولك أو على ورقة تحفزك كل يوم! جاهزين نكمل؟

للتوعية بكره ان شاء الله اخر موعد لتقديم علي الالتماس الي معملش يلحق يعمل بدل ما يقفل

لو عايز تبقى محاسب الـ CV بتاعك تقيل، يبقى لازم تجمع بين حاجتين: 1. أساسيات محاسبة مفهومة ومطبقة عمليًا. 2. مهارات إضافية تخلّي اللي قدامك يحس إنك هتضيف فورًا، مش لسه هتتعلم. أول حاجة: الأساسيات اللي لازم تكون عندك من غير نقاش Excel مش بس تعرف تستخدمه، لازم تكون قوي فيه. يعني تبقى فاهم المعادلات المهمة زي: VLOOKUP, IF, SUMIFS, Pivot Tables, وتعرف تعمل تحليل وتقارير سريعة من بيانات ضخمة. ده هيفرق جدًا معاك. المبادئ المحاسبية لازم تبقى فاهم الدورة المحاسبية من أول قيد اليومية، لحد إعداد القوائم المالية. يعني إزاي تسجل، تقفل، ترحل، وتعمل ميزان مراجعة. التعامل مع البرامج المحاسبية مينفعش تفضل على Excel بس. حاول تتعلم برامج زي QuickBooks أو Odoo أو أي برنامج منتشر في بلدك. ده هيساعدك تدخل في بيئة العمل أسرع. إعداد القوائم المالية لازم تكون عارف إزاي تعمل الميزانية العمومية، قائمة الدخل، والتدفقات النقدية، وتفهم تقرأهم وتفسرهم. المعرفة الضريبية على الأقل تبقى فاهم الأساسيات زي ضريبة القيمة المضافة، الخصم والإضافة، إزاي تجهز الإقرار الضريبي. وده بيزيد أهميته لو هتشتغل في مصر أو أي بلد عنده نظام ضريبي نشيط. اللغة الإنجليزية مش شرط تكون محترف، بس لازم تقدر تقرأ وتفهم تقارير مالية أو برامج مكتوبة بالإنجليزي. لأن أغلب البرامج والبيانات بيبقى فيها مصطلحات إنجليزي. ثاني حاجة: المهارات اللي تميّزك وتخلي CVك يوقف قدام أي حد Excel المتقدم لو عايز تسبق ناس كتير، خُش في VBA أو Power Query، علشان تعمل أوتوماتيزة للتقارير وتحلل البيانات أسرع. Power BI ده برنامج تحليل بيانات بصري. لما تبقى بتعرف تعرض البيانات على Dashboards وتتفاعل معاها، هتبقى شخص بتساعد الإدارة تشوف الحقيقة مش مجرد أرقام. ERP Systems يعني تبقى اشتغلت أو فاهم SAP، Oracle، أو Microsoft Dynamics. دي برامج بتمشي عليها أغلب الشركات الكبيرة، ولو معاك خبرة فيهم حتى لو بسيطة، ده CVك بيتقل جدًا. تحليل مالي يعني مش بس بتعرف تمسك حسابات، لكن كمان تقدر تقول للإدارة: "الشركة في الاتجاه الصح ولا لأ"، "النسبة دي معناها إيه"، "نحتاج نخفض مصروفات فين". SQL لو هتتعامل مع قواعد بيانات، معرفة بسيطة بـ SQL هتسهل عليك تجيب البيانات بنفسك من غير ما تعتمد على حد تاني. مهارات التواصل والعرض يعني تعرف تشرح الكلام المالي بأسلوب سهل لأي حد مش فاهم محاسبة، وده مهم جدًا لما تتعامل مع إدارات تانية في الشركة. ثالث حاجة: الشهادات اللي ممكن تقوي CVك مش لازم تاخد كل الشهادات، لكن واحدة أو اثنين ممكن تفرق جدًا: شهادات في برامج محاسبة زي QuickBooks أو Odoo. شهادة IFRS (لو عايز تشتغل في شركة بتشتغل بالمعايير الدولية). لو ناوي تدخل مجال أكبر، ممكن تفكر في CMA أو ACCA أو CPA، ودي شهادات دولية قوية، بس محتاجة وقت وتركيز. طيب... تبدأ منين؟ لو لسه في بداية الطريق، ركّز في الـ 4 حاجات دول: 1. قوّي نفسك في Excel بشكل احترافي. 2. اتعلم برنامج محاسبة حقيقي واشتغل عليه. 3. افهم المحاسبة والضرائب كويس جدًا. 4. طوّر لغتك الإنجليزية المحاسبية. بعد كده تبدأ تضيف Power BI أو ERP أو تحليل مالي على حسب المجال اللي عايز تروحله (محاسبة تكاليف، ضرائب، تحليل مالي، إلخ...).

.

اللهُم قلباً لا يتكاسل عن الصلاة ولا يؤخرها". صلاة الفجر اثابكم الله💗