إفادة محاسب _ Accountant benefit

هننزل بكام اختيار بسيط ليهم،، 👇

صفحة اليوم الاول ✨

https://t.me/Commerce2003/13533?single دي ملفات محاسبة مالية وكتب فرقة 1 لو محتاج مصدر ورقي تبص عليه

🎯 بسم الله... بدأنا! النهاردة أول يوم في مذاكرة كورس المحاسبة المالية | محمد الأجاوي 💼📘 وهنبدأ مع بعض حلقة حلقة وخطوة بخطوة! ✅ خلصنا الحلقة الأولى نزلنا عليها ملاحظات، وهتنزل عليها أسئلة كمان إن شاء الله بكرة 📌 دخلين على الحلقة التانية هتنزل الملاحظات النهاردة، ولو لحقنا كمان الأسئلة هتنزل بكرة مع اسئلة الحلقة الأولى 📅 بكرة نراجع ونحل مع بعض واحدة واحدة لحد ما نفهم كل حاجة بإذن الله 💪 لو ناوي تبدأ، الفرصة قدامك… يلا نذاكر سوا ✨ كورس المحاسبة المالية | Mohamed Alagawy _ محمد الاجاوي https://teracourses.com/ar/course/financial-accounting-course3 #كورس_المحاسبة #محمد_الأجاوي #نذاكر_سوا #ابدأ_النهاردة #محاسبة_مالية

✨ رسالة ليك النهاردة "محدش بيتولد فاهم… بس كل حد ناجح بدأ من نفس المكان اللي إنت فيه دلوقتي: حلقة أولى، ورقة فاضية، ومجموعة أهداف جواه مش سايبه يوقف." ✨ النهاردة مش يوم عادي… النهاردة بداية مشوار جديد يمكن تبان خطوة بسيطة، بس هي أول لبنة في بناء كبير أنت بتحلمه ✨ ذاكر على قد ما تقدر… ولو حتى ربع ساعة بس خليك دايمًا ماشي لأن اللي بيبدأ وما بيقفش… دايمًا بيوصل https://t.me/Commerce2003/13501 وتعالي نضحك علي دماغنا 😁 #ابدأ_النهاردة #نذاكر_سوا #تحفيز_دراسي #كورس_المحاسبة #خليك_مستمر

📌 هل المشكلة فعلًا في المحتوى الطويل؟ ولا في القارئ؟ ناس كتير بتلوم كاتب المحتوى لما بوست يكون مفصل وما يحققش تفاعل، لكن خليني أقولك الحقيقة: 👀 أحيانًا المشكلة مش في الكاتب… المشكلة في القارئ نفسه: 1. قلة الصبر: كتير بيبقى عايز المعلومة في سطر، وما عندوش استعداد يستثمر 3 دقايق في حاجة ممكن تغيّر له حياته. 2. ثقافة التمرير السريع: السوشيال ميديا برمجتنا نعمل Scroll أسرع مما نقرأ، فبقينا نمرّ على القيمة من غير ما نحس. 3. عدم الجدية: البعض داخل يتسلى، مش يتعلم أو يتطوّر، فمهما قدمت له محتوى قوي، مش هيقدّره. --- 🎯 هل ده معناه نبطل نكتب محتوى تفصيلي؟ أكيد لا. لكن لازم نواجه الواقع: اللي جاد فعلًا، هيقرأ ويوصل للنهاية ويستفيد. واللي بيتعامل مع المحتوى على إنه تسلية، عمره ما هيتغيّر حتى لو كتبت له ذهب. --- 💡 الخلاصة: المشكلة مش دايمًا في المحتوى… ساعات بتكون في عقلية المتلقي. #تطوير_الذات #نضج_رقمي #ثقافة_القراءة

📌 تنويه مهم اعتذار بسيط 🙏 النهاردة الجمعة، وده مخصص لمهارات الشخصية فقط، مش هنشتغل لا على المحاسبة ولا على اللغة ولا على أي مهارة تانية. التركيز هيكون على تطوير الذات، الذكاء العاطفي، الكاريزما، التواصل، أو أي مهارة إنسانية بتقوينا على المدى البعيد. نلتزم بالجدول ونستفيد من اليوم ده صح، لأنه هو اللي هيصقل شخصيتك ويخليك مميز في شغلك وحياتك. اليوم الجمعة يوم حافل بالمهارات الشخصية شاهد https://t.me/Commerce2003/13519 البراند الشخصى https://t.me/Commerce2003/13483 كورس عش بشغف او قراءة بعض الكتب من خلال نادي القراء درجات احمد عامر الدنيا منظمة وبينزل الكتاب بجدول لو حابين اقترحو كتاب ونتابع قراءته سوا سوا من خلال مشاركة خطط احمد عامر 👐 https://t.me/DarajatAhmedAmer او حلقات بودكاست فنجان يوتيوب او دروس اونلاين يوتيوب او مايكل راشد يوتيوب قناة الزتونة soft Skills لو حد محتاج اي رابط للقنوات يطلبهم 👐 🎯 جدول المهارات الشخصية – يوم الجمعة ⏳ المدة اليومية المقترحة: 2 إلى 3 ساعات التوقيت المهارة المصدر المنهجية 🕐 ساعة 💡 البراند الشخصي قناة  شاهد سلسلة الفيديوهات وحدد خطوات عملية: بناء CV، لينكدإن، بناء سمعة 🕑 45 د كورس عش بشغفًا رابط الكورس   شاهد فيديو كل أسبوع ودوّن الدروس المستفادة في نوتة خاصة 🕝 30 د نادي القراءة – درجات أحمد عامر قناة نادي القراء تابع الجدول الأسبوعي، اقرأ الفصل المحدد وشارك بالتفاعل 🕞 30 د بودكاست فنجان بودكاست فنجان على YouTube أو Apple/Spotify استمع لحلقة كل أسبوع ودوّن أبرز الأفكار أو المواقف الملهمة 🕓 30 د  Soft Skills مع مايكل راشد / الزتونة قناة الزتونة على YouTube تابع قائمة التشغيل الخاصة وشاهد فيديو واحد اسبوعيا الخطة الشامة عشان تبقا معانا ع الخط https://t.me/Commerce2003/13540 زتونة الخطة للكسالة تع ع نفسك واقرا الخطة الشاملة عشان هتعرفك احنا بنعمل اي النهاردةةةةة البداية فستغل حاجة زي كدا https://t.me/Commerce2003/13538 لو ف حد وقته محدود ومش هيقدر يتابع معانا متقلقش حسابك معمول 👐

خطوة بخطوة ومن غير استعجال 🔹 أولًا: اللغة الإنجليزية هنبدأ بكورس "ذا أمريكان إنجلش – إبراهيم عادل"، والكورس ده هيتم تنظيم خطة تفصيلية خاصة بيه، هتنزل من خلال ميرا سمير حسب كل مستوى. وبالتوازي، هنحفظ 10 كلمات يوميًا من مصطلحات المحاسبة بالإنجليزية، ومع الوقت، هنبدأ نسمع شرح للمحاسبة المالية باللغة الإنجليزية بعد ما نتقنها بالعربي. --- 🔹 ثانيًا: المحاسبة المالية هنبدأ بكورس محمد الأجاوي (مدته حوالي 13 ساعة)، وهنذاكر منه ساعة يوميًا. بعد الانتهاء منه، ننتقل لاختيار مصدر تاني زي: أحمد الدحان – كوكب المحاسب – محاسبة أونلاين – محمد فتوح… حسب أسلوب الشرح الأنسب لك. وبعد ما نتقن المحاسبة المالية بالعربي (وهي الأساس)، نبدأ محتوى شرح إنجليزي. وبعد كده، نتدرج في أنواع المحاسبات زي: محاسبة التكاليف، الضرائب، المقاولات… وهكذا خطوة بخطوة. --- 🔹 ثالثًا: برنامج Excel هنبدأ بكورس المنذر سفان (مدته 6 ساعات)، هنذاكر ساعة يوميًا. بعد الانتهاء منه، ننتقل إلى كورس رؤية المستقبل – عبدالرحمن أحمد أو كورس العسال. ثم ننتقل إلى كورس محمود خليفة في تصميم نظام محاسبي على الإكسيل. --- 🔹 رابعًا: ICDL / الكمبيوتر نبدأ بأسبوع تأسيسي نذاكر فيه أساسيات الكمبيوتر والإنترنت من: نولوحي – منصة معارف علي الشرباش – يوتيوب هبة أبو عدون – منصة إدراك لو لقيت مصدر مميز خلال الأسبوع، هضيفه. بعد كده ننتقل إلى الكورس الأساسي: طارق زيدان – منصة تيرا كوسيز (إصدار ICDL السادس – 19 ساعة). وبعد الانتهاء منه، ممكن نكمل مع محاضرين زي جاويش أو علي شاهين. --- 🔹 خامسًا: البرامج المحاسبية لسه مش هنبدأ فيها حاليًا، نأجلها حوالي 15 يوم لحد ما نثبت المحاسبة المالية بالعربي. بعدها نبدأ بـبرنامج دفترة، لأنه: باللغة العربية مصري وسهل الاستخدام بعد التأسيس، ننتقل تدريجيًا لباقي البرامج، وخصوصًا اللي تحتاج فهم للمحاسبة بالإنجليزي. --- 🔹 أخيرًا: المهارات الشخصية – كل يوم جمعة ده يوم مخصص لتطويرك كشخص محترف، هنكمل فيه مع المصادر اللي اتكلمنا عنها، زي: كورس البراند الشخصي كورس عش بشغفًا نادي القراءة – درجات أحمد عامر بودكاست فنجان قناة الزتونة – مايكل راشد وكل ما نخلص كورس هنبدأ اللي بعده، وكمان هنضيف لليوم دا مصادر تفيدك في ✔️ كتابة CV ✔️ اجتياز المقابلات الشخصية ✔️ نصائح لسوق العمل والحياة المهنية --- 📌 ملحوظة مهمة: كل قسم من الخطة هيكون ليه جدول متابعة مفصل هننزله قريب جدًا، علشان تمشي بخط ثابت ومن غير ارتباك. #محاسبة #تطوير_ذاتي #لغة_إنجليزية #Excel #ICDL #مهارات_شخصية #دفترة #كورسات #سوق_العمل #ميرا_سمير #إبراهيم_عادل