سلسلة التغيير

للتذكير الاثنين : ٧/١٥ تاسوعاء "التاسع من مُحرم" الثلاثاء : ٧/١٦ عاشوراء "العاشر من مُحرم" إنّ لمْ تقدروا على صيامهم فـذكِّروا لعل أحدهم يصوم وتأخذ أنت الأجر يقول النبي ﷺ: (صيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ) كل عام وأنتم بخير وإلى الله أقرب.

❤

المهارة اللي مش هتلاقي حد يعلمهالك .. وممكن تغير حياتك بالكامل ! مش هتلاقي حد نجح في سن صغير .. أو اكتشف اكتشاف جديد .. أو طلع بعمل إبداعي .. أو عمل حاجه مختلفة .. إلا لما يكون ممتلك للمهارة دي وعارف أهميتها كويس ومدرك إنها سر نجاحه وإختلافه المهارة اللي للآسف معظم مشاكل البشرية نابعة في الأصل (لو قعدت تفكر فيها بعمق شوية) من عدم إتقان معظم البشر ليها ! المهارة دي بإختصار هي مهارة "الجلوس مع نفسك منفرداً" ! ولما بقول منفرداً فأنا أقصد منفرداً تماماً من غير أي نوع من أنواع الملهيات (قاعد مع نفسك فقط) .. لإنك ممكن تكون بتقعد لوحدك كتير بس مش قاعد مع نفسك (ماسك الموبايل أو بتتفرج على حاجه) وبتهرب بأي شكل من القعدة مع نفسك لما قعدت أفكر شوية إيه ممكن يكون السبب في هروبنا ده .. لقيت إننا ممكن نكون بنخاف من حالة الصمت الشديدة دي .. ممكن نكون بنخاف أصلاً من نفسنا فبنهرب منها ! .. ممكن تكون علاقتنا مش كويسة بنفسنا وبالتالي قعدتنا معاها دايماً بتكون خناق ولوم وسخرية وحساب ! فمين ممكن يحب قعدة زي دي وخصوصاً إن المغريات حوالينا كتير !؟ فالحل إننا نهرب ! فلو اضطرينا إننا نقعد لوحدنا يبقى نجري نمسك الموبايل ونقلب أو نفتح حاجه نتفرج عليها علشان تلهينا ! المشكلة إن كتر هروبنا من نفسنا زود مشاكلنا معاها أكتر .. فبقينا مش فاهمينها اكتر ولا عارفين هي عايزة ايه ولا مشاكلها إيه ولا حتى إيه اللي يفرحها ! .. والنتيجة في النهاية حالة من التوهان والتشتت لا يمكن توصل في النهاية لنجاح سريع أو عمل إبداعي أو حاجه مختلفة زي ما قولت في الأول ! عارفين المشكلة الأكبر من كل ده دلوقتي إيه ؟ إنك تكون متصور إنك معندكش مشكلة في النقطة دي أصلاً وقاعد بتستنكر الكلام دلوقتي وحاسس ومقتنع إنك عارف نفسك كويس وفاهمها وعارف هي عايزة إيه بالظبط من غير ما تكون بتعرف تقعد مع نفسك لوحدكم ! للآسف كل اللي انت عارفه عن نفسك مجرد قناع .. ومش هتقدر تشوف كل اللي تحت القناع ده غير بالقعدة مع نفسك كتير والتفكر بعمق ! ساعتها بس هتكتشف الحل لألغاز كتير مكنتش عارف إجابتها في حياتك إبدأ من النهاردة يكون جزء من روتينك إنك تقعد مع نفسك .. اكسر حاجز الخوف منها .. خليها تمشيك يمين وشمال زي ما هي عايزة مش مشكلة امشي معاها من غير مقاومة منك ولا خناقات .. ساعتها هتبدأ تسمع صوت نفسك وإنت بتفكر .. وهتتعلم إنك تدخل لمناطق في دماغك خوفك وهربك كان مخليك مش شايفها هتكتشف مع الوقت إن الموضوع مش ممل ولا مخيف زي ما كنت متخيل في الأول .. وهتلاقي نفسك بدأت تستمتع بالقعدة مع نفسك واتصالحت معاها وفهمتها أكتر .. هتلاقي نفسك بتشوف حاجات في حياتك مكنتش واخد بالك منها .. هيتشد إنتباهك لحاجات مكنتش بتلفت إنتباهك أصلاً .. ساعتها إعرف وتأكد إنك بقيت على أول طريق الإبداع والإختلاف ! آخر حاجه عايز أقولها .. يمكن تكون قعدتك مع نفسك مش هي الحل لكل مشاكلك .. لكنها بدون شك البداية !

مهم جدا ياريت الكلو يمسعوا هيفديكم جدا. ❤️

الاختبار هيجيلك بالعكس

*بمناسبه العام الهجري الجديد 1446 كل عام و انتم و الاسره الكريمه بخير و صحه و سلامه♥* *كل عام و انتم الى الله اقرب♥♥* صلَّـوا علـى خيـرِ الأنـامِ محمّدِ هادي الخلائقِ للصِّراطِ الأوحدِ في يومِ هجرتهِ الشَّريفةِ أشرقتْ شـمـسُ مـن العهدِ المنيرِ الأمجـدِ وسمــــا لديــــنِ اللّٰه مــــن آيــــاتهِ رُكنـــــاً تسامـــقَ للعُــــلا والسُّودَدِ♥️.

مهما كان الذنب اللي انت واقع فيه .. مهما كان ظلمك لنفسك .. مهما كان بعدك عن ربنا .. ارجع إلى الله وما تتأخرش ..! 👈 يقول الله : "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ " - يغفر الذنوب جميعا .. - يفرح بعودتك رغم كل شيء .. - يحب ويريد لك التوبة في أي وقت .. #اوعى تقول : خايف ارجع تاني ! هاسيب الذنوب والمعاصي اللي بقت جزء من حياتي ازاي ؟! 👈 ربنا بيقول "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ .." - هايعينك والله بس انت اصدق معاه .. - مش هيخذلك بس انت توكل عليه .. - ولو وقعت ارجع تاني بسرعة هيقبلك ولن يمل منك .. أكيد هيكون فيه مشقة ، لكنها لن تدوم .. مشقة ذنوب ومعاصي رافقتك طول حياتك ومش راضية تتخلى عنك .. لكنها يوم ورا التاني هاتزول بالصدق في التوبة .. 👈 ابن القيم بيقول : "فأمّا مَن تركَ الذّنبَ صَادقًا مُخلِصًا منْ قلبهِ للهِ، فإنّهُ لا يجِدُ فِي تركهِ مَشقّةً إلَّا فِي أوَّلِ وَهلةٍ ليُمتحنَ أصادقٌ هُو فِي تركِهِ أم كاذِبٌ." اللهم خذ بأيدينا ونواصينا إليك ❤ #بوست_الجمعة 🌙

‏﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً ۝ ﴾ عن أبي سَعيدٍ الخُدريِّ عنِ النبيِّ صلَّى اللهُ عليه وسلَّم أنَّه قال: (( مَن قَرَأَ سورةَ الكَهفِ يومَ الجُمُعةِ أضاءَ له من النورِ ما بَينَ الجُمُعتينِ ))🤍

وقف scroll down دقيقتين بس لإن البوست ده ممكن يغير حياتك فعلاً 🙂 في حاجه عندنا في الطب اسمها placebo effect أو العلاج الوهمي دي بتكون عبارة عن إيه ؟؟ دوا بنكتبه للمريض ونقنعه انه دوا فعال جداً .. ياخده ويخف بعدها تماماً والدوا ده في الحقيقة fake تماماً وملوش أي تأثير حقيقي في العلاج لكن الفكرة ان المريض خدوا وهو مقتنع تماماً ان ده علاج حالته وبيحس بعده فعلاً انه اتحسن كتير والاعراض اختفت (مع ان مفيش حاجه حصلت فعلياً) عكسها بالظبط حاجه اسمها nocebo effect ودي لما نكتب دوا لمريض ونقوله انه ليه أعراض جانبية قوية زي كذا وكذا ويبدأ يحس بالأعراض دي بعد ما ياخد الدوا .. وهو في الحقيقة برده دوا fake وملوش أي تأثير ولا حاجه لو ركزت في المثالين هتعرف ان الفكرة وراهم حاجه واحدة .. هي قوة التوقعات لما توقعت ان حاجه هتحصل .. حصلت بالفعل دي قوة عند كل واحد فينا ------------------------------------------- الفكرة بقى ازاي ممكن تستخدم قوة زي دي انت عارف انها عندك في تطوير حياتك والوصول لأهدافك ؟؟ حاجات كتير هقولك منهم 2 بس 👇 ------------------------------------------- 1- توقع الأفضل دايماً افتكر كلمة placebo وازاي لما توقعت انك هتخف .. خفيت فعلاً !! ده بالظبط اللي هتعمله في حياتك دايماً (عارف انها مش سهلة وأوقات كتير غصب عننا بنتوقع سيناريوهات مش حلوة) لكن كل حاجه بتيجي بالتدريج .. لان التفاؤل عامل زي العضلة اللي كل ما اتمرنت زادت وكبرت ابدأ يومك بكره وانت متوقع ان في حاجه حلوة هتحصل (أي حاجه) وفي نهاية اليوم فكر ايه الحاجه الحلوة اللي حصلت واكتبها تاني يوم توقع ان في حاجتين حلوين هيحصلوا في يومك وفي نهاية اليوم فكر ايه هما واكتبهم تالت يوم توقع 3 حاجات .. وهكذا لمدة أسبوع أو اتنين وهتتفاجئ مفاجأة غريبة جداً في النهاية إن كل ما توقعت حاجات حلوة أكتر تحصل .. كل ما حاجات حلوة أكتر حصلت في حياتك فعلاً !! ------------------------------------------- 2- استخدم مع نفسك الكلام الإيجابي دايماً الحقيقة التانية المذهلة : ان دماغك كل ما هتسمع منك حاجه وتكررها عليها بإستمرار .. هتصدقها والحقيقة دي ممكن تطلع منها بمفعول سحري في حياتك مع بداية كل يوم .. اتكلم عن نفسك كلام إيجابي أنا ذكي .. أنا جميلة .. أنا شاطر في كذا .. أنا موهوبه جمع شوية كلام إيجابي عن نفسك وكرره كل يوم الصبح لمدة شهر وهتتفاجئ المفاجأة التانية الغريبة انك بقيت كل اللي انت قولته عن نفسك فعلاً .. ومصدق ومؤمن بيه ------------------------------------------- شجعوا الحاجات الحلوة في حياتكم انها تحصل والصفات الحلوة انها تبقى فيكم "بقوة التفكير الإيجابي"

هنبدأ بمحتوى جديد وهوه التغيير للأفضل وازاي تقدر تطور من نفسك و تكون افضل وازاي تقدر تعالج مشاكلك و ازاي تنجح وتبدا منين وازاي تقدر تتعامل مع مخاوفك ونقاط ضعفك. ♥️♥️♥️