قناة الشيخ أحمد الأهواني

✍️الرسالة دي فيها عدة أبعاد 👈الأخت بتسأل هل أنا راضي عن الكلام اللي في التعليقات ؟ أنا لا أرضى إلا بما أكتب ، لو فيه حد بيوافقني فيما أكتب فأكيد أنا راضي عن كلامه ، ولو فيه ناس بيخالفوني فدول بينقسموا لـ نوعين ✌ 1/ أمر فيه نص من كتاب أو سنة: ودا بنبين له بالدليل ، لإن وجهات النظر لابد أن تكون تابعة للكتاب والسنة 2/ أمر يحتمل وجهات النظر (لا يخالف كتابًا ولا سنة) : وهذا نحترم وجهة نظره حتى لو خالفنا الرأي (دي صفحة دعوية...الخطيب في المسجد غير مسئول عن أسئلة الناس بعد الخطبة اللي مفهموش خطبته وإنما يُسأَل عما يقول ويجيبهم) اللي عاوز يتابع وصادق في الفهم لا يلتفت كل هذه الإلتفاتات ويركز في دعوتنا ، واللي مش بينتفع من التعليقات ميدخلهاش من باب أولى 👈الأخت بدأت تعترض على الشباب اللي بيروحوا لعروستين في يوم! ودا عجيب جدًا..انتي شرعًا ممكن يتقدملك 10 في يوم واحد ، الممنوع فقط إنك تدي واحد منهم الموافقة وتدخلي حد بعده ليه بتعملوا شئ وتحجروه على الشباب ؟..(ما كل واحد يشوف اللي يناسبه طالما مبيخالفش الشرع وينجز عمره) 👈الأب الي بيتراجع عن القايمه يختلف عن الأب اللي مش فاهم حوار القايمه (الأول بندعوه عادي علشان جاهل بالشرع) الثاني مش جاهل...الثاني ملوش كلمة ، كلمة توديه وكلمة تجيبه ، يعني الشباب مش بيسيبوه لجهله دول بيسيبوه علشان مش راجل ينفع نحط إيدينا في إيده من البداية) #تصحيح_مفاهيم_الزواج

#إزاي_تدرس_خطيبتك (5) {تُنكح المرأة لأَربَع} ✍️طبعًا أنا حاسس بيك ياصديقي العاشق الوَلهان..حاسس بيك وإنت رايح تخطب أول مرة ومش عارف من نصوص دينك كلها غير قول النبي ﷺ للمُغيرَة بن شُعبَة (انظُر إليها فإنه أَحرى أن يُؤدَمَ بينكما)..يعني : (يُجْمَعَ بينكما، وتحصُلُ الأُلْفةُ والمحبَّةُ)...قاعد تذاكر إزاي تبَصبَص من تحت لتحت من غير ما حد ياخد باله ومتفاجئ بيا سارح معاك بقالي 4 حلقات في عيلة العروسة (أبوها وأمها وإخواتها وأعمامها وخالاتها والمجتمع والناس)....ومتكلمتش كلمة واحدة عن قفاها وضوافرها🤣 👈حابب أصدمك وأقولك إن إعتماد غالب الشباب على الجانب ده لوحده هو سبب الخوازيق اللي كلنا عايشين فيها وبنشوفها يوميًا #ركزت_قبل_كدا_في_الحديث_ده 👇 👈قال النبي ﷺ: (تُنكَح المرأة لأربع: لمالها، ولحسَبِها، ولجمالها، ولدِينها، فاظفَرْ بذات الدين تربتْ يداك) {متفق عليه} (1/ لمالها 2/لِحَسَبِها 3/لجمالها 4/ لدينِها) يعني تركيزَك على جانب الجَمال بس والإهتمام المبالَغ فيه ممكن يضيَّع عليك دراسة وفَهم (حَسَبِها)..اللي هي القبيلة والعيلة (الأهل)🤔 عرفت إزاي كلامي ده أصلًا من مقاصد النكاح زي الجَمال بالضبط؟ 👈طب إنت فاهم يعني إيه النبي ﷺ يقولك عن المقصود الرابع اللي هو (لدينِها) اظفر به؟ الظَفر دا هو الفوز والنجاح....يعني تركيزك على الدين والتغاضي عن الباقي مهم جدًا استنى استنى استنى....رايح فين تركز على الدين وتقبلها علشان متدينة وتتغاضى عن الـ(جَمال والمال) كويس جدًا لكن تتخلى عن (حَسَبِها)..ينفع؟ تعالى كدا نفهم يعني إيه الحَسَب الحسب دا هو شرف ومكانة العيلة والقبيلة يعني ممكن تكون من عيلة كبيرة بخلافها وتاخد خطيبتك علشان الدين....عاااااادي لكن تتخلى عن الحَسَب والنَسَب اللي هو في أيامنا دي عبارة عن أهلها وإخواتها وتضيع عيالَك اللي هييجوا بعد كدا يتعلموا حديث(الخَالَةُ بمنزِلَةِ الأُمِّ) فتختار أم مطيعة عندها دين وعيالك تجيبلهم خالة ناشز؟....ارجع بقى لعقلك كدا وافهَم خطورة النَسب اللي هو الأهل اللي علمتك تدرسهم إزاي..ومتخلطش بين ده وبين النَسَب..(مجموعة الناس اللي هتدخل بيتهم وتعيش معاهم طول عمرك وتاكل معاهم عيش وملح) 👈عاوز كمان آخد من سقف طموحاتك كدا كام طوبة 🤣 لما تروح تخطب وتسمعني مواصفاتَك اللي طالبها في خطيبتك فألاقيك بتقوللي: (عاوزها طالبة علم شرعي)...ليييييه ياعم طالبة علم شرعي؟ تفقع مرارتي وتقوللي: (علشان تاخد بإيدي..أصلي لسه في بداية الإلتزام)🤔 ياابني هو مين اللي ياخد بإيد التاني؟ النسوان أساسًا تدينهم ضعيف....ضعيييييف الكلام دا لأسباب خارجية عنهم على فكرة..وعلشان ربنا سبحانه وتعالى يعلم في النساء كده جعل عليك وقاية أهلَك من النار مش العكس قال تعالى: (یَـٰۤأَیُّهَا ٱلَّذِینَ ءَامَنُوا۟ قُوۤا۟ أَنفُسَكُمۡ وَأَهۡلِیكُمۡ نَارࣰا)...إنت اللي مكلف بده صاحبة التدين الضعيف دي...اللي غصب عنها هتقعد أيام في الشهر مبتصليش ولا بتتعاهَد المصحف وعندها أساسًا نقص في العقل....(دي تاخد بإيدَك إزاي كدا من البداية؟) ياعزيزي الخاطب اللذيذ الوَضع دا أتخيله لما تكون متزوج بقالَك سنوات ومرت بيك فترة إنتكاسَة فزوجتك ذَكَّرَتَك بالله وأخدت بإيدك علشان ترجع..لكن لما تدخل أساسًا معتمد عليها من البداية...(دي هتبقى عيشة هباب وسواد سعادتك) 👈وبعدين....إيه رابط طلبك للعلم الشرعي عند زوجتك...(أخت يعني دارسه فقه ومصطلح حديث وعلوم آلة؟) ياابني إنت ناوي تفتح مَجمَع لغة عربية ودار بحوث وللا داخل على زواج 👫 اهتم في خطيبتك باللي لو عملِته تبقى أنقَذَت نفسها وجَنَّبَت عيالَك النار....بلاش بالله عليك حكاية الأخت بَهانَة السلفية وللا الأخت تَفيدَة الأثَرية وللا سَعديَة الأنصارية دي بالله كفاية جدال ومراء في البيوت...لاااازم تكون القوامة ليك في الأول والآخر (إنت القَيم) تمشي بمذهبك وتنصاع لرأيك...مش ناقصين جدال عقيم في البيوت أبوس دماغ اللي خلفوك 👈هتعمل إيه بالزوجة الحافظة لكل نصوص الشريعة ومش بتعاملك بمعنى (ٱلرِّجَالُ قَوَّ ٰ⁠مُونَ عَلَى ٱلنِّسَاۤء) في البيت 👈هتعمل إيه بالكُتب الستة والمتون وهي مش فاهمه يعني إيه (الرجلُ سيِّدُ أهلِه،والمرأةُ سيِّدةُ بيتِها) 👈هتستفيد إيه من زوجة بتضيع حقوقك الشرعية علشان مشغولَة بدراسة العلم الشرعي وتتفاجئ إنها بتحقق في حديث (فإنَّما هوَ جنَّتُكِ ونارُكِ) #حبيبي_الخاطِب : اهتم في خطيبتَك باللي يكون عليه مدار وقوام بيتَك..مش قوام البيوت التانيه..فاهم؟!🤔 (لإنك في مرحلة قريبة جدًا هتشتكي وهتيجي تعيط)😥 👈على فكرة....لسه مخلصناش 😀

✍️لا تلزم نفسك بالزواج من صاحبة الماضي حتى لو قالتلك إنها تابت متتزوجهاش حتى لو إنت اللي كنت معاها وربنا مَن عليك بالتوبة...(هي لها رَب تتوب له سيرزقها ، واقطع طريق شيطان الشَك من بدايته) 👈متخليش حد يلزمك تتزوجي من شاب قالك إنه كان له ماضي محدش يوهمك إن دي نقرة ودي نقرة (كلام فارغ) أنا بيجيلي شباب كتير عندهم مرض العشق ومش عارفين يتخلصوا منه المرض دا أحيانًا بيهرب عليكي زواجك منه ويدمر حياتك (عادي جدًا) حوار إن ذاكرة الست ذاكرة فولاذية والراجل بينقش حُبُه عالمايه كلام فاضي اللي بيروج ده في زماننا عنده إستهانة أصلًا بالحرام...معندوش منطلق ديني لكلامه الزاني المحصن يُرجَم كالزانية المحصنة بالضبط الغير مُحصن يُجلد كالغير محصنة بالضبط الفروقات دي في تخيلاتنا فقط #افيقوا_يرحمكم_الله #الحرام_حرام

✍️فيه نوع من الإستحقاقية عند بعض الشباب كدا عجيبة جدًا ، أعتقد الشباب دول بعيدين عن الدين تمامًا وحياتهم في البعد عن الدين هتخليهم في خطر..والبوست دا للنصيحة مش أكثر ⬅️لما يفتش في أكونت خطيبته ويلاقيها كانت بتعلق عند شباب من فترة يرفضها حتى لو أخبرته بتوبتها وإنها مبقتش تعمل ده في نفس الوقت ميقبلش نفس الشئ بنفس الملابسات لو خطيبته عملت ده واكتشفته حجته اللي بيقولهالنا دايمًا: (إن الراجل يفرق عن الست) ويزعل جدًا لو مسكت عليه شئ زي ده ورفضته 👈تلاقيه قاعد مهتم بالماضي جدًا ويزعل لو هي نفسها اكتشفت ماضيه ورفضته بسببه يقولك: (هي غيري وأنا غيرها) على أساس إن فيه ذنوب بالدم وذنوب بالكاتشب! ⬅️أنا على فكرة مش بقول كل دا عادي عياذًا بالله (أنا مش جاهل) بس عاوز أنبهك ياصاحبي إنك مش مرفوع عنك القلم وهي ساقطة في محبرة الخطيئة وكل واحد له يختار اللي يناسبه من غير ما نقعد نعلي على بعض

✍️إطلاق البعض على الزواج الشرعي أنه زواج بدون قائمة...(معنى ناقص جدًا ومُختَزَل) ⬅️الزواج الشرعي هو 👇 1/ إعداد نفسي وديني وتحديد نوايا للمهمة دي 2/ حسن الإختيار للزوجة التي ستتزوجها 3/ البحث وعدم الملل والتنازل لأن ما عند الله لا ينال إلا بطاعته 4/ خطوبة على الشرع تمامًا تبدأ باختيار البيت ثم الرؤية الشرعية ثم الإتفاق الذي لا يخالف كتابا ولا سنة 5/ ضوابط الخطوبة واعتبار أن المخطوبة أجنبية عنك ، والخطوبة لا تُحل شيئًا كان حرامًا قبل ذلك إلا بدليل (مفيش مراسلات بخلوة ولا مكالمات هاتفية مطلقًا)..كل شئ أمام الأولياء في النور 6/ مراسم زفاف على الشرع (لا أغاني ولا اختلاط ولا فوتوسيشن ولا حد يتطلع لزوجتك) 7/ البناء بها وحُسن عِشرتها والتعاهد على إقامة حدود الله معها 8/ نية في إنجاب ذرية يباهي بها رسول الله صلى الله عليه وسلم الأمم يوم القيامة 9/ تربية الأولاد على الشرع الحنيف بلا تبديل ولا تغيير ولا مواربات وموازنات 10/ تزويج الأولاد وتعليمهم كل ما سبق لنخرج ذرية تكون شاهدة لنا لا علينا يوم القيمة ⬅️هذا هو الزواج الشرعي باختصار شديد...(القايمه دي بند صغير من بنوده... اللي مش فاهم ده ولا بيعمله مينتظرش أي بَرَگة من زواجه) #تصحيح_مفاهيم_الزواج

✍️كل الحاجات دي وبتسألي تكملي وللا لأ ؟ اللي حياته خربانة كدا متدبسيش نفسك معاه ، مدح الناس ليس بالضرورة يكون معيار ليكي ، غالبية الناس بيمدحوا بمجرد الشكل الخارجي مش الجَوهر