كنْ مُختلفًا💛

جهزوا دعواتكم من دلوقتي ومتنسوش السحور يا رفاق 🤍 رزقكم الله ما تقر به أعينكم 🤍

أكثروا من الصلاة على النبي في يوم الجمعة وليلتها 🌱لا تنسوا سورة الكهف 💐

بسم الله العَلِيم؛ قراءة جزء من القرآن تأخذ من وقتك خمس وعشرون دقيقة، قول سبحان الله وبحمده مائة مرة تأخذ منك دقيقتين فقط، قول سبحان الله، والحمد لله، ولا إله إلا الله، والله أكبر كل ذكر منهم لو قلت منه ألف مرة لن تأخذ منك عشرة دقائق ركعتين الضحى، وركعتين تركعهم بالليل خفيفتين لن تأخذ منك سوى عشرة دقائق بالتأنِّي وغيرها من العِبادات التي أجرها عظيم وثقيل، وإن نظرت إلى استغراق الوقت في فعلها ضئيل جداً، ولكنك تستثقلها فقط! دعك من المشتتات واهجُر كُل ما يعطلك فما هي إلا أيام قلائل، والموفق من وفقهُ الله.

ورد اليوم 🌹

وأبشروا وأبشروا 🌸

"اللهم من حسدنا على نعمة أنعمت بها علينا فأعطه مثلَيْها في عافيةٍ حتى يرضى، واشغله بك عنّا. ومن أحب لنا الخير فصبّ عليه الخير صبًّا صبًّا، على قدر جودك وكرمك لا على قدر مسألتنا."

يا شباب، بالله عليكم احفظوا قرآن واطلبوا علم شرعي، بالله عليكم كفاية سفاهة وتضييع وقت وفراغ، بالله عليكم ركزوا مش هنلافي حاجة نندم عليها مع كبر السن أكثر من اننا ضيعنا أفضل سنوات حياتنا اللي نقدر نستغلها في طلب العلم من كل حدب وصوب.. دلوقتي مبقاش فيه أسهل من طلب العلم وهفضل أقول إن احنا في زمن مفيش أي حجة لأي حد إنه ميتعلمش أي حاجة... صدقوني هننشغل وهتفتكروا الكلام دا، ابدأوا ولو نص ساعة في اليوم، نص ساعة بس متسيبوش نفسكم كدا...انتم مش مدركين النص ساعة على المدى البعيد بتعمل ايه... نص ساعة بس يوميًا كفيلة بعد ٤ سنين تخليك خاتم القرآن، نص ساعة بس يوميًا كافية بعد ٣ سنين تخليك متمكن من لغة أجنبية... بالله عليكم ابدأوا، مش قصدي أقسو بكلامي، بس فعلًا احنا في غفلة..لو خسرنا الدنيا فاحنا خسرنا خزف فاني أما الآخرة فهي ذهب باقي وشتان💔 امسك ورقة وقلم وقرر على مدار ٣ شهور تكون حفظت على الأقل ٣ أجزاء، تخيل تبقى حامل لوحي الله تقرأه متى تشاء 🥺 تخيل ربنا بعظمته يقول: "أنا مع من ذكرني" والقرآن أعظم الذكر، طب انت عايز ايه ثاني؟؟ ايه اللي انت محتاجه؟؟ أهل القرآن بيكون ليهم وقار وسكينة يُعرفوا بيها، وبتكون البركة في حياتهم محاوطاهم من كل جانب-وما أدراكم ما البركة-🤍 طبيعي ما هم حملوا الكتاب المبارك في صدورهم فلازم يكون ليهم حظ من البركة دي✨🌸 احنا لو مدركين البركة اللي القرآن بيضفيها في حياتنا حقيقي مش هنرفع عيننا من على المصحف!! دا لدرجة إن بعض السلف كانوا بيقولوا من كثر البركة اللي بنلاقيها من القرآن وصل الورد لعشر أجزاء!🥺 اللهم حالهم🤲🏻💛 البدار البدار💪🏻🤍 #دمتم_موفقين 💛🍃 #كن_مختلفًا 🌻🍃 ✍🏻: نوران حشمت

ورد اليوم 🌹

كونوا على يقين أننا سنجلس في الجنة تحت ظل شجرة نضحك على هراء الدنيا! -الشيخ محمد خيري

صباح الخير. عايزة أقولكم بلاش تقكروا في النتيجة كتير دي مش بتاعتك ولا بتاعتي دي بتاعت ربنا... مفيش حسابات مع الله عز وجل، سبحان الله بتفكر في حاجة فتلاقي حاجة تانية، ربنا بيدبرها على الطريقة اللي تناسبك مدى الحياة، مفيش أحسن من ترتيبات الله عز وجل.. بالأخص الفترة دي معظمنا بيفكر في النتيجة واللي بدل ما تدفعه لقدام خطوة بترجعه 100 خطوة ورا، واللي بيأجل بسببها حاجات كتير منها دراسة عبادة وغيره، علشان بتديه طاقة سلبية! ومن الطبيعي لو وقف لحظة مع نفسه ويعرف إن بدل ما يضيع وقت في التفكير، يشتغل على نفسه؛ حاتمًا هيوصل. بلاش نضغط نفسنا زي ما الدنيا ضاغطة علينا، عايزين نساعدها إنها تتقدم للأفضل حتى لو بنسبة 5% ولكن الأكيد إنها هتتقدم طالما بناخد خطوة صح. صاحب نفسك وإديها دفعة لقدام، هيكون صعب عليك شوية، بس الأكيد إنك بتسعى فهتلاقي نتيجة سعيك. متفكرش كتير أستغل وقت تفكيرك في السعي والصدق. وأعرف إن عمرها ما كانت 1+1=2 في الحسابات الربانية، فاستعن بالله وأصدق. _ضحى أحمد. #تحفيز_فقه_الطبيب.