Коръән 51:55❤

06.07.2024 (30 Зөл-Хиҗҗә 1445) Казан шәһәре өчен намаз вакытлары Сәхәр тәмам: 01:08 Аль-Фаджр (иртәнге): 01:38 Ас-Субх (кояш чыгу): 03:08 Аз-Зухр (өйлә): 12:00 Аль-'Аср (икенде): 17:33 Аль-Магриб(ахшам): 20:28 Аль-'Иша (ястү): 21:57

ШУНЫ ЯХШЫ БЕЛИК ҺӘМ ОНЫТМЫЙК... Күрә торган ике күзең дә Аллаһныкы, ишетә торган ике колагың да Аныкы, эшли торган кулларың да, йөри торган аякларың да, алай гынамы соң, бөтен дөнья һәм шушында яшәү мөмкинлеге, ягъни безнең гомеребез дә – Аллаһныкы! Әмма шуны яхшы белик һәм онытмыйк: Аллаһы Тәгалә бүләк итеп биргән нигъмәтләрен кире алырга да мөмкин. Шуңа күрә “МИН!” дип шапырынмыйча, Аллаһ кушканнарын үтәп, Ул тыйганнардан тыелып, булганның кадерен белеп, бөек Раббыбыз бүләк итеп биргән нигъмәтләренә шөкер итеп, тыйнак кына яшик...

Пәйгамбәребез Мөхәммәд салләллаһу галәйһи вә сәлләм: «Кеше үлгәч, өч төрле гамәлдән кала кылган гамәлләре өчен әҗер килү туктый. Ул өч гамәл: әҗере бетми торган сәдака – сәдака җәрия, кешеләргә файда китерә торган гыйлем, аның өчен Аллаһы Тәгаләгә дога кылачак изге бала», – дип әйткән.

Игелек - үзегез өчен❤️

Пәйгамбәребез салләллаһу галәйһи вә сәлләм әйтте: "Кем Аллаһ юлында сарыф итсә (зәкят яки сәдака бирсә), ул кешегә җиде йөз кат (савап) язылыр". (Сөнән Тирмизи) СӘДАКАНЫҢ САВАБЫН КАТ-КАТ АРТТЫРУЧЫ НӘРСӘЛӘР Сәдакаларның савапларын кат-кат арттыручы җиде нәрсә: Беренчесе: сәдаканы хәләл һәм чиста керемнән бирү. Аллаһы Тәгалә әйтте (мәгънәсе): "И, иман китерүчеләр! (Кәсеп итеп) Тапканнарыгызның иң яхшыларын һәм Безнең сезнең өчен җирдән чыгарган нәрсәләребездән (Аллаһ юлында) сарыф итегез. (Бәкара сүрәсе, 267 нче аять). Икенчесе: ярлы кешенең кулында булганыннан аз булса да сәдака бирүе. Пәйгамбәребездән (ﷺ): "Иң фазыйләтле сәдака кайсы?" - дип сорадылар. "Кулында аз нәрсәсе булган ярлының биргән сәдакасы", - дип җавап бирде. Өченчесе: сәдака бирү мөмкинлеген югалтудан куркып, сәдака бирергә ашыгу. Пәйгамбәребез (ﷺ) әйтте: "Кешенең исән һәм сәламәт булганда бер дирһәм сәдака бирүе, үлем түшәгендә ятканда йөз дирһәм сәдака бирүеннән яхшырак". Дүртенчесе: сәдака өчен мал-мөлкәтеңнең иң яхшысын һәм иң кыйммәтлесен сайлау, начар һәм файдасыз булганнарын бирмәү. Аллаһы Тәгалә әйтте (мәгънәсе): "... Үзегезгә биргән чакта күзегезне йомып кына алырдай яраксыз нәрсәне бирергә тырышмагыз ..." (Бәкара сүрәсе, 267 нче аять). Бишенчесе: риядан куркып яшерен рәвештә сәдака бирү. Ибни Габбастан (р.г.) риваять ителә: "Нәфилә булган сәдакаларны яшерен рәвештә бирү ачыктан-ачык бирүгә караганда җитмеш тапкыр фазыйләтлерәк. Фарыз булган сәдаканы, ягъни зәкятне ачыктан-ачык бирү, яшерен бирүдән егерме биш дәрәҗә фазыйләтлерәк. Алтынчы: сәдаканың савабы юкка чыгуыннан куркып сәдакасын биргән кешене рәнҗетмәү. Җиденчесе: гөнаһ кылудан куркып сәдака биргән кешегә зыян салмау. Аллаһы Тәгалә әйтте (мәгънәсе): "И, иман китерүчеләр! Битәрләү һәм кимсетүләрегез белән сәдакаларыгызны юкка чыгармагыз". (Бәкара сүрәсе, 264 нче аять).

"Адәм баласы үлгәч, өч төрле гамәл кыямәт көненә кадәр изгелек булып барыр: дога кылучы баласы калса, изге эш кылса, хәерле гыйлем бирсә" (хәдис). Кое казу, чишмә төзү- изге, саваплы эш булып санала. Мәчетебез янына чишмә ясый башларга ниятлибез. Ә бу саваплы гамәл кылырга искиткеч форсат. Җәрия-сәдака - вафат булгач та, һәр тамчы су өчен каберләре- безгә нур булып килеп торган әжер савап.Чишмә төзергә ярдәм итүдән читтә калмассыз дип өметләнәбез. Ярдәмне 89872765930 номерына бәйләнгән сбер картасына (чишмә тамгасы куеп) яки мәчетебезгә тапшыра аласыз Кирәк булган сумма - 900000 Игелектән үзегез өчен [ахирәткә дип] нәрсә әзерлисез, Аллаһ хозурында шуны [дөньяныкы белән чагыштырганда] яхшырак һәм савап ягыннан артыграк табачаксыз. (Коръән 73:20)