🌷Далбар Хотун🌷

💥Быйылгы "Дыгын оонньууларын" кыайыылааҕынан, Горнай улууһуттан сылдьар Таас боотур Дьулустаан Ноговицын буолла 👏 Санатар буоллахха, Дьулустаан онус төгүлүн кыттан кыайыыны ситистэ 🥇🏆

Ыһыах арчыта ... үрүҥ тунах ыһыах 🌿☀️🌿 Иккис күнүн тунах ыһыах Өрө күүрэр, доҕоор барыах, Саха буолан куттуун кыттыах, Үрүҥ күнтэн күүстэ баһыах. Лыҥкыр чуораан дьэҥкир тыаһа Үөрэ көрсүө арчы ыһа, Үрүҥ сиэли иилиниэхпит, Дьөһөгөйү билиниэхпит Түптэ сыта тэнийиэҕэ, Эйэ тыына илгийиэҕэ, Саха сиэрэ тарҕаныаҕа, Муҥкук санаа ылҕаныаҕа. Иэйииҥ ыллыа уу сахалыы, Тойуксуппут ил ыралыы, Этэн-тыынан доллоһутуо, Ыллаан-туойан куйуһутуо. Түһүлгэҕэ көтө-дайа, Саха буолан уйадыйа, Дуоһуйууну иилиниэхпит, Сиргэ чиҥник тирэниэхпит. Тэлгэһэни иилии туран, Дьигиһийэ тууһугуран, Оһуохайы саҕалыахпыт, Алгыс суоһар сыраллыахпыт. Сулус саҕа үгүс саха, Көнтөс кэтэр сиэри саҕа, Тэһиининэн холбонуохпут, Илгэ суолун солонуохпут. Иккис күнүн эйэргэһэ, Сахаларыам, сэргэстэһэ, Илиилэртэн ылсыаххайын, Алгыс тыынын ылыаххайын. Н. Пахомов 30.06.2024 с.

🌿☀️🌿Туймаада үрүҥ тунах Ыһыаҕар кэрэ кыыһы талыы күрэһэ буолла. 😍😍😍 Кыайыыны Дьокуускайдааҕы финансовай-экономическай колледж устудьуона Эмилия Румянцева ылан, "мисс этностиль" аатын сүктэ. Көрөргүт курдук кыргыттар килэйбит-халайбыт таҥастара суох, сиидэс ырбаахылаахтар. Бу аныгы сэмэй буолууну өрө тутуу майгытыгар эппиэттиир. Тас дуй буолбакка, кыыс тус бэйэтэ көстүөхтээх, кини өйө-санаата, сиэрэ-майгыта, сатаан туттан хаамыыта, бэйэтин ис кэрэтин билиниитэ. Бастаабыт Эмилия Румянцева аны Россияҕа ыытыллар "ЭтномиссЕвразия" күрэскэ кыттыаҕа. Нарыйаана Пахомова (СИА) хаартыскалара.

🪡🧵От идеи к воплощению: как якутские дизайнеры создали национальные наряды для четы Николаевых ☀️🍃 Каждый год на Ысыахе Туймаады первые лица Якутии Ил Дархан Айсен Николаев и его супруга Людмила Николаева появляются в новых национальных костюмах. 💠 В этот раз супруги Николаевы выбрали одежду в легком оттенке коричневого и украшения из серебра с примесью меди. ❓О том, как была задумана концепция нарядов и что именно означают украшения главы и первой леди, читайте в материале Улус.Медиа ⬇️ https://ulus.media/2024/06/29/ot-idei-k-voploshheniyu-kak-yakutskie-dizajnery-sozdali-naczionalnye-naryady-dlya-chety-nikolaevyh/ @ulusmedia

Варвара Егорова-Дыгыйа тикпит сахалыы мааны таҥастара👍

Варвара Егорова-Дыгыйа Сунтаар улууһун Элгээйи нэһилиэгиттэн төрүттээх. Ийэтэ Мотрена Наумовна, аҕата Митрофан Алексеевич Егоровтар. Уон биир оҕолоох дьиэ кэргэн тохсус оҕотонунан буолар. Идэтинэн үҥкүү үөрэхтээх. Оскуолаҕа үөрэнэ кэмиттэн хаартыскаҕа түһэриинэн үлүһүйэр. Кини тигэр сахалыы таҥастара киэҥ биһирэбили ылаллар. Варвара Егорова-Дыгыйа үгүс быыстапка кыттыылааҕа, 2020 сыллаахха буолбут Туймаада Үрүҥ Тунах ыһыах «Ыһыаҕым талба таҥаһа» куонкуруска үһүс бочуоттаах миэстэҕэ тиксибитэ. «Бу санаатахпына оҕо эрдэхпиттэн дьон-сэргэ ис киирбэхтик таҥнарын наһаа бэлиэтии көрөр эбиппин. Кырачаан кыыс оҕо сылдьан, ол саҕана буолар ыһыахтарга ким эрэ былаата үчүгэйин, матырыйаалын өҥө-түүтэ үчүгэйин кэрэхсии көрбүппүн уонна, ол былааттарын да, баттахтарын да хайдах хомуна сылдьалларын бу билигин дьүһүйэр толору кэмпилиэк таҥастарбар киллэрбит эбиппин дии саныыбын. Дьүһүйэр таҥастарым барыта орун-оннугар, ситэри-хотору киһи хараҕын аалбат өҥнөөх-дьүһүннээх, ис киирбэх, толору уобарас буолан айыллан, дьүһүйүллэн тахсаллар. Киэргэллэрэ үрүҥ көмүс, алтан көмүс симэхтээхтэр, эмиэ барыта орун-оннугар дьоһуннаах буоларын ситиһэбин. Бэйэм симэхтэрим барыта убайдарым Лука Митрофанович уонна Иннокентий Митрофанович үлэлэрэ. Өбүгэлэрим, Ийэм, Аҕам мындырдарын утумнаан кинилэри үйэлэргэ ааттата сылдьыаҕым. Махтанабын айылҕабар, өбүгэлэрбэр, ийэбэр, аҕабар, бииргэ төрөөбүттэрбэр уонна уолаттарбар», – диэн удьуор уус аймахтан тиксибити талааннаах маастар Варвара Миртофановна Егорова-Дыгыйа.

🌿🌿🌿Бүгүн, Туймаада ыһыаҕын күнүгэр, талба талааннаах Варвара Егорова-Дыгыйа туһунан билиһиннэриэхпитин баҕарабыт.

🌞🌞🌞Туймаада туонатын Үрүҥ Тунах Ыһыаҕынан! 🌿🌿🌿Бүгүн Үс Хатыҥ хонуута кырачаан оҕолор күлүүлэринэн туолуоҕа, кэрэчээн бэйэлээх кэрэ куолар нарын-нарыннык үктэнэн,сиртэн-буортан тэйэн, оттон далбар хотуттар дуоспуруннаахтык туттан хаамсыахтара, эр дьон кыл сэлээппэлэрин кэтэхтэригэр анньынан, дэйбиирдэринэн аргыый охсунан, күрэхтэри кэтэһэ таарыйа сэмээр сэһэргэһэ олоруохтара. Кинилэри барыларын биир холбуур – Ыһыахха таптал! 🍃🍃🍃Норуодунай бэйээт Наталья Харлампьева хоһооно үтүө үгэспитигэр тапталбытын толору туоһулуур. Кыыс кэтэһэр ыһыаҕы Саҥа таҥас таҥнаары, Мэник уолан батыһа көрбүтүн Тапталга кубулутаары. Дьахтар кэтэһэр ыһыаҕы Саҥа ытарҕа кэтээри, Дьоһун дьолун бар дьоҥҥо Итэҕэтэн ааһаары. Эмээхсин кэтэһэр ыһыаҕы Саҥа былаат баанаары, Түһүлгэҕэ тиийэн олорон Былыргытын санаары. Ыһыаҕы кэтэспэт киһи суох— Ыһыаҕа суох олох суох!

🌷Бу мааны сахалыы таҥастар эр киһи күүстээх илиитигэр айыллан, чочуллан тахсыбыттар диэтэхпинэ, итэҕэйиэ этигит дуо? Дьоруойум аан бастаан алтыс кылааска үөрэнэ сылдьан киэһээҥи былаачыйа тикпит. Оччолорго наһаа үчүгэй таҥаһынан тиктим дии санаабыта, олох да биэтэс матырыйаала буолан биэрбит. Онтон санаатын түһэрбэккэ кыралаан иистэнэн саҕалаабыт. Ону таһынан, уруһуйдуур, дьиэ тээбиринин кырааскалыыр, араас ньыманан илиинэн ону-маны оҥорор. Кини Чурапчы улууһун Одьулуунуттан төрүттээх, билигин Мииринэйгэ олорор, түөрт оҕо амарах аҕата, тапталлаах кэргэн *Лев КОЛЕСОВ*. Сиһилии бу сурунаал сайтыгар киирэн көрүҥ 🙌 dalbar.ru

НХЗ ☀️көмөтүнэн Эрмитаһы көрөр дьоллонон 🤗👍🏻👍🏻 Урбаанньыттар оҕолорго аналлаах тэрээһиннэри ыыталлара, талааннарын өйүүллэрэ кэрэхсэбиллээх. Ол курдук Нөмүгүтээҕи килиэби оҥорор собуот Өрөспүүбүлүкэ күнүгэр “Мин Сахам сирэ” диэн ааттаах оҕолор уруһуйдарыгар күрэһи үтүө үгэс гынан тэрийэр. Быйылгы күрэскэ муҥутуур кыайыылаах тахсыбыт Сандаара Шевелева Санкт-Петербурга баран, Эрмитаһы көрөн-истэн, олус диэн сүргэтэ көтөҕүллэн кэллэ. 👏🏻👏🏻👏🏻 “НХЗ салайааччыларыгар, үлэһиттэригэр улахан махталбытын биллэрэбит! Биһиги талааннаах, дьоҕурдаах уруһуйдьут оҕолору көҕүлүүр, өйүүр куонкурустары, тэрээһиннэри ыытарын биһириибит. Быйылгы "Будущее Якутии" өрөспүүбүлүкэ таһымнаах куонкуруска кыыһым Сандаара Шевелёва "Кылаан үрдэли" ылан, Санкт-Петербург куоракка Эрмитажка путевканы туппута. НХЗ –лар кэлэ-бара сөмөлүөт айанын ороскуотун уйунаннар, биһиги умнуллубат, дьикти айаҥҥа баран кэллибит!”, - диэн санаатын үллэстэр Сандаара ийэтэ.☀️