لامرئيات الفن السابع 📽

#افلام_فئة_المرض_النفسي وصلنا انهاردة للفيلم رقم "61" في قائمة الأفلام النفسية وانهاردة هتكون رحلتنا مع واحد من اكتر الأفلام المجنونة والغير اعتيادية فالفئة ديه واللي قدرت تعمل دمج غريب جدا بين شغف السينما و العزلة النفسية. "راودني حلم غريب الليلة الماضية...كنت أبحث عن شخص ما، شخص يجب علينا إنقاذه...وعندما وجدناه...اتضح لي إنه كان أنا" الفيلم ده بيتكلم عن مجموعة مرضى نفسيين بيروحوا عند دكتور نفسي مشهور جدا بسبب كتابه الاعلي مبيعاً...الغريب بقى ان الدكتور نفسه مدمن على المخدرات وعاوز حد يساعده! والمرضى دول بينقسموا لأربعة وكيل اعمال مصاب بالوسواس القهري وكاتب فبداية حياته فاقد لالهام وطالبة فمرحلة الثانوية مهووسة بالافلام واخيراً ممثلة مشهورة فمرحلة ما بعد الشباب. وبيتجمعوا او بمعنى أصح طرق حياتهم بتتقاطع مع بعض عن طريق الدكتور النفسي ده ومن هنا بتبدأ أحداث الفيلم. اللي اقدر اقوله عن فيلم "Shrink 2009" انه فريد جدا من نوعه وبيخلق حالة عجيبة من الانتشاء بسبب الموسيقى وطريق الإخراج وكمان بسبب المزج الرهيب بين العامل النفسي والسينما. 📌بقلم/ عبدالرحمن أسامة

للتذكير : لينك قناة اليوتيوب 🎬 https://www.youtube.com/@theseventhart7 قناة اليوتيوب Shorts 💯 https://youtube.com/@theseventhart7shorts

للتذكير : لينك قناة اليوتيوب 🎬 https://www.youtube.com/@theseventhart7 قناة اليوتيوب Shorts 💯 https://youtube.com/@theseventhart7shorts

2️⃣ الإختبار الثالث والأهم لأنه مغزى الفيلم بيكون "اختبار إيماني" ومتنساش ان الغرور خطيئة الشيطان المُفضلة. دور الباتشينو كشيطان...كان فمنتهى العبقرية، حرفياً انت قدام تجسيد مرعب ومتقن بدون اي تكلف، ده بجانب الحوارات اللي مكتوبة بذكاء شديد للشخصية ديه واللي هتستمتع بيها فكل لحظة واللي هتستفاد بيها بشكل شخصي الحقيقة. ده غير ان الفيلم ده ليه غلاوة فقلبي بشكل شخصي الصراحة لأنه من اوائل الأفلام اللي فرجني عليها والدي عشان يقنعني ادخل كلية حقوق...وتمت المهمة بنجاح 😂❤️ سهرة سعيدة بكل المقاييس لواحد من أكتر الأفلام المهمة والممتعة اللي هتفضل مُخلدة فتاريخ السينما، بس خلي بالك لأن الفيلم مش عائلي خالص. 📌 بقلم/ عبدالرحمن أسامة 📌 متاح للمشاهدة بالتعليقات 🔎

1️⃣ "محامي الشيطان" حابب اقولك الفيلم ده هو واحد من اهم وافخم الأفلام الايقونية المهمة فعالم المحاماة اللي ممكن تشوفها فحياتك... فيه اقتباس بيقولك "من يُساعد المجرم أثناء الجريمة يسمى شريك، ومن يُساعد المجرم بعد الجريمة يسمى محامي" والفيلم ده هو خير دليل على المقولة ديه ! فيلم محامي الشيطان بيتكلم عن محامي شاب ناجح وصاحب سلسلة انتصارات متتالية بدون هزيمة واحدة داخل قاعة المحكمة..لحد ما بيوقع مع موكل مذنب بالبيدوفيليا وهنا سلسلة اللاهزيمة بتاعته بتكون على المحك لما بيعرف ان الموكل بتاعه مذنب فعلاً، وبعد المرافعة العبقرية في تحويل مسار الأمور بتكمل سلسلة انتصاراته...ومن هنا بيقابل الباتشينو او "الشيطان" بمعنى أصح. [بيقدمه لعالم الشهرة والنجاح وبيحطه قدام 3 اختبارات مهمة] الإختبار الأول بتكون قضية عن دجال وحابب اقولك انها من امتع القضايا اللي ممكن تشوفها فحياتك وهتستمتع بيها رغم مدتها القصيرة. الإختبار الثاني بيكون على الصعيد الإنساني وبيخليه قدام اختيارين، الإختيار الأول بتكون حياته الزوجية، والاختيار الثاني بيكون صعوده في طريق المجد وحياته المهنية.

أُناجيك، وأنا المُحتاجُ دائمًا وأنت.. أنت الله ﴿ ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ ﴾ [الحج: 32] لأجل أننا مُسلمون، وتعظيم شعائرِ الله فريضة؛ عيدُكم مُبارك، وكل عامٍ وأنتم بخير.♥

4️⃣ "الانتقام طبق يُفضل أن يقدم بارداً" بيبدا الابن يسرح شوية ويقول..."كان أبي يخشى أنني لستُ لطيفاً بالقدر الكافي..وانني اقوى من اللازم" ينظر الأخ الهمجي فحيرة واستهزاء واضح ثم يقول.." أنت؟ اقوى من اللازم ! " المشهد ده لوحده لو حبيت تطلق عليه اسم او تعبير مش هتلاقي ادق من "الغرور خطيئة الشيطان المُفضلة" اللي هو كل حاجة قدامك..بس معندكش البصرية حتى أنك تشوفها. فالنهاية الفيلم اترشح ل12 جائزة اوسكار فاز منهم بواحدة بس، التمثيل كان اسطوري من بيندكت كامبرباتش و كريستين دانست و جيسي بليمون..ورغم كدة ده كله طبيعي بس المفأجاة كلها كانت فالشاب كودي سميت ماكف. معلومة جانبية، الأخ المتحضر اللي اتجوز مالكة المطعم، هما الاتنين فالحقيقة متجوزين عشان كدة هتلاقي الرومانسية اللي مابينهم طول الفيلم مش تمثيل على قد ما هي حقيقية. "من أمتع الأفلام الانتقامية الروائية اللي ممكن تشوفها فحياتك" 📌 بقلم/ عبدالرحمن أسامة 📌 متاح للمشاهدة بالتعليقات 🔎

3️⃣ "الانتقام طبق يُفضل أن يقدم بارداً" طب ليه المشهد ده محوري؟ لأنه ببساطة عبقري..اول حاجة انت مش عارف مين بيقول كدة او ليه؟ بيفضل مجهول ليك كمُشاهد رغم انه ظاهر...تاني حاجة وأهمهم كلمة "فأي رجل سأكون إن لم أساعد أمي؟" أنت قدام تعريف "للرجل" من وجهة نظر الشاب رقيق القلب...واللي بيكون مناقض تماماً لتعريف الرجل بالنسبة للأخ الهمجي مثلاً... بطريقة ابسط شوية...مين فينا يقدر يحدد ماهية او تعريف "الرجل"؟ فيه اللي هيختار القوة واللي هيختار الذكاء واللي هيختار العطف....الخ..، وكل ده بيوصلك لنقطة واحدة بس، كل واحد فينا ليه تعريفه الخاص اللي بيؤمن بيه وبيتبعه لحد نهاية حياته..، رغم ان كل اهدافنا واحدة الا ان تعرفينا للهدف نفسه او لمسار الطريق مختلف ومن هنا تصنع حياتنا احنا البشر بالاختلاف الظاهر مابين كل واحد فينا. "المشهد التاني" بيكون حواري مابين الأخ الهمجي والابن رقيق القلب بيبدا الابن يسرح شوية ويقول..."كان أبي يخشى أنني لستُ لطيفاً بالقدر الكافي..وانني اقوى من اللازم"

2️⃣ "الانتقام طبق يُفضل أن يقدم بارداً" بتبدأ الخلافات مابين الإخوات او الفجوة اللي مابينهم تظهر بمعنى أصح من اول جوازة الأخ المتحضر من مالكة المطعم الأرملة واللي بيصادف انها عندها ابن رقيق القلب كما يُشاع وقتها بيكون الأخ الهمجي مش راضي على الجوازة نهائي وبيحاول يعترضها بكل الطرق لدرجة انه بيبعت رسالة لوالدهم ووالدتهم عشان يزوروا المزرعة سريعاً، ومن هنا بيبدا الفيلم... ورغم عبقرية الفيلم فالسرد العظيم والطعم الروائي اللي بيمثل مقولة "الهدوء قبل العاصفة" بالمعنى الحرفي ليها..الا انك تقدر تلخص الفيلم ده فمشهدين ممكن يظهروا انهم مشاهد جانبية ومحدش ياخد باله منهم الا انا حابب أقولك يا صديقي المُشاهد انهم من اكتر المشاهد المحورية للفيلم... "المشهد الأول" بيجي فمقدمة الفيلم على احد لسان احد الشخصيات وبيقول... "عندما تُوفى والدي، كان أكثر ما رغبت به هو سعادة أمي..فأي رجل سأكون إن لم أساعد أمي؟"

1️⃣ "الانتقام طبق يُفضل أن يقدم بارداً" فيلم اجتماعي درامي ملحمي من العيار التقيل والأهم إنه بطعم روائي ومجاش زيه من فترة طويلة الصراحة، وقبل ما نخوض فقصة وأحداث الفيلم لازم نركز على سبب اختيار اسم الفيلم نفسه... فيلم "The Power Of The Dog" مستوحى اسمه من الإنجيل وكان ليه كذا تفسير ابرزهم: الدعاء لربنا من الأعداء المجهولين..وفرواية بيتقال انك لو قتلت إنسان بالسم دورة حياتك هتنتهي بنفس الطريق وهتفضل روحك ما بين السما والأرض... الفيلم بيدور أحداثه فحقبة الغرب الأمريكي او زي ما بحب اقول عليها "عصر الكاوبوي" وبيركز ناحية أربع شخصيات أساسية... أبرزها أخين بس الاتنين عكس بعض تماماً، انت عندك واحد "هجمي" بكل ما تحمله الكلمة من معنى..بس مش ده الأصعب، الأصعب انه مختار كدة بإرادته الخاصة..عكس اخوه التاني "المتحضر" ورغم الاختلاف مابينهم متقدرش تشكك فحبهم لبعض رغم ان كل واحد فيهم بيمثل شوكة فالحلق للتاني...حتى لو كان غير مقصود!