The Future_B.T57📖✍️

🔴 امتحان اداره المواد د/ مديحه 2022

📌 د. إبراهيم عبدالحي تركات المحاضرة لما يقولك إجمالي الفاتورة مثلا 1000ج يبقى ده المبلغ يساوي المصروفات التي تحمل على الموازنة العامة للدولة لما يقولك أمر الدفع الصادر900 بعد خصم ضرائب 10% يبقى لازم تجيب إجمالي الفاتورة لأن الأمر الدفع يبقى بالصافي طيب 900 تمثل 90% من المبلغ إذن س اللي هي إجمالي الفاتورة = 900 × 100 ÷ 90 = 1000 وتحسب من 1000 النسبة الضرائب = 1000 × 10%= 100 طيب لو قالك ضرائب 10% وغرامة 5% والأمر 850 يبقى إجماليا لفاتورة= 850× 100 ÷ 85 = 1000 ونحسب منها الغرامة 50 ودي بتروح الايرادات أما الضرائب تتحط في حساب اسمه حساب جاري المبالغ الدائنة تحت التسوية وليه تحت التسوية لأن هذا الحساب سيتم تسويته بعد ذلك مع مصلحة الضرائب لكن لو جابلك قيمة المهمات أو اجماليا لفاتورة يبقى انت مش محتاج كل ده مثلا قالك تم إصدار أمر دفع صادر لأحد الموردين مقابل مهمات قيمتها 5000ج بعد خصم ضرائب 10% هنا على طول يا حبيبي 5000 دي مصروفات والضرائب 500

📌 د. إبراهيم عبدالحي أمر الدفع الصادر ده بيرسل إلى صاحب الحق وبمجرد وصول إشعار من البنك يفيد الخصم يبقى حساب الوحدة الحسابية المركزية يقل ويبقى في الجانب الدائن هناك حالات لا يصرف فيها أمر الدفع الصادر الحالة الاولى ارتداد أمرا لدفع لعدم الاهتداء إلى عنوان المستفيد يعني مثلا الوحدة الحكومية أصدرت أمر دفع لصالح المورد "أنور شلوفة" الراجل ده ساكن في ديروط الشريف لكن الامر اتوجه غلط وراح عنوان غلط وليكن ديروط أم نخلة يبقى في الحالة دي يرتد لعدم الاهتداء إلى عنوان المستفيد طيب ناكل حق أنور شلوفة طبعا لا اومال نعمل ايه بص ياسيدي بمجرد ما يوصل أمر الدفع المرتد نحطه في حساب وسيط اللي احنا متفقين عليه اسمه حساب جاري المبالغ الدائنة تحت التسوية باسم أنور شلوفة وليكن 900 جنيه مثلا كدة اصبح أنور شلوفة ليه 900 من حسابأوامر الدفع الصادرة إلى حساب جاري المبالغ الدائنة تحت التسوية باسم أنور شلوفة هنا بقا هتحصل حالتين إما أنور يدور على حقه قبل نهاية السنة المالية قبل 30 /6 يبقى نقوله اتفضل يا سي أنور 900 من حساب جاري المبالغ الدائنة 900 إلى حساب أوامر الدفع الصادرة وتنتهي قصة الأمر أو عمنا أنور نام على نفسه لغاية السنة المالية التالية يعني جه في 10/ 7 يطالب الحكومة نقوله ضاعت عليك طبعا لا في الحالة دي فيه قيدين القيد الأول 30 / 6 نعلي قيمة المبلغ على حساب الايرادات المتنوعة 900 من حساب جاري المبالغ الدائنة شلوفة 900 إلى حساب الايرادات المتنوعة ونيجي بقا يوم ما ياخد فلوسه نعمل القيد التالي 900 من حساب الايرادات المتنوعة بالاستبعاد 900 إلى حساب أوامر الدفع الصادرة كدة يبق احنا انتهينا من ارتداد أمر الدفع المرتد بالنسبة لأمر الدفع المرتد بسبب وفاة صاحب الحق يبقى نفس القيود لكن بعد ما يتعمل إعلام وراثة يا ظلمة وكل واحد ياخد حقه بنات وأولاد ونفس المعالجة المحاسبية وكفاية عليكم كدة المرة اللي جاية هنشوف الصرف بالخطأ شكر لكم