مَا بِداخِلُنا .-

💕💕💕💕💕💕🍭.

أغلب مشاكلك هتتحل لما تبطل تقول أصل ده هيزعل وده هيتقمص أنت مش فاتحها مصحه نفسيه اللي يزعل منك يخبط دماغه ف الحيط.

‏لما اعديها بدون ردة فعل اعرف اني عديتك معاها.

هيجي غيري بس مش هيجي زيي ولو كنت فترة في حياة حد فأنا الفترة إللي مبتتنسيش .

مَفعول الشُكولاتَة قرّب يخلَص لو سمَحت إسعِدني. - "آلاء بَهاء" .

- صباح الخير مش بس الأجهزة الإلكترونية اللي بتفصل شحن، الإنسان برضو بييجي عليه وقت وشاحنه بيخلص، ما بيبقاش عنده طاقة يتناقش مع حد ولا حتى يفكّر في حاجة، وفجأة بيتحوّل لشخص صامت، شخص باعد نفسه عن صِراعات البشر ومكمّل في ساقية الحياة والروتين من سُكات.

كونك مُتاح ليهُم طول الوقت على الرغم من اللي بيعملوه فيك فدي حاجة هتخلّي اللي قُدّامك يضمنك ولو ضمنك مش هيخاف على زعلك ولا هيهتم يراضيك.. ما إنتَ كدا كدا مضمون وموجود! وفي الحالة دي ما تقدرش تلوم حد غير نفسك، لإن زي ما مطلوب منّك ما تبقاش ظالم وقاسي مع اللي حواليك فإنت كمان مُطالب ما تظلمش نفسك ولا تقسى عليها ولا تسمح لنفسك تتعلّق بحد بيمرمطك وبيدوس عليك.

في جُملة وقعت قُدامي من فترة بتقول: "الناس تمحي ماضيك المُميز معهُم مُقابل موقف واحد سيء منك، ولكن الله يمحو كُل ماضيك السيء مُقابل توبة منك، فأيُهما أحق بطلب الرضا؟" فتخيّل بقى معايا إن كام موقف عدى عليك كُنت بتغضب ربك عشان ترضي بعض البشر اللي هُما أساسًا ما بيعجبهُمش العجب ووارد جدًا في أي لحظة يستغنو عنك، وللأسف أنا أعرف ناس كتير بتهتم ترضي اللي حواليهم حتى لو على حساب نفسهُم ودا مش صح والأيام والتجارب دايمًا بتثبت إن اِرضاء الخالق أهم بكتير جدًا من إنّك ترضي الخلق.. وكفاية عليك أوي شُعور قُربك من ربنا وإنّك راضي عن نفسك ووقتها مش هيفرق معاك كلام الناس ولا هيشغلك للحظة.

‏بعيدًا عن العاطفة أحيانًا تستحق ما يحدث لك، كي تغيّر تفكيرك وتفيق من غبائك قليلًا.