Mahmudiylar oilasi

КЎНГИЛ, КЎНГИЛ Кўнгил, кўнгил шикоятсиз фалакнинг гардишига, Қабул айла бирон сўз айтмайин ҳеч бир ишига. Агар шерни кўрар бўлсанг шоқолнинг хизматида, Маломат айлама гар ул тишин қўйса тишига. Агар қасдинг самардур узма зинҳор они эрта, Бунингдек шошқалоқлик лойиқ эрмастур кишига. Бу қайғулар ювар бўлса қаро қалбим гуноҳдин, Азиз жоним фидо бўлсин Худойим койишига. Нажотингдур саботингда, саботингдур нажотинг, Муқимжон, сен ҳазир бўлгин қадамлар тойишига. @mahmudiylar

Assalomu alaykum! "Baxtiyor oila sari" kursiga yozilish oldidan "hali oila qurmaganman menga hozir kerakmikan?" degan turli shubha va ikkilanishlar bo'lgandi. Bu borada mening bergan savollarimga erinmay javob berganlari va xushmuomalaliklari uchun kurs adminiga ham katta rahmat. Kursni yakunlagach aytamanki, bu men qilgan eng yaxshi qarorlardan biri bo'ldi. Har ikki ustozlarimizga chin dildan tashakkur. Har bir video darsliklarni kamida 4-5 martadan ham ziyod ko'rdim va yaxshilab menga singishi uchun qayta-qayta ko'rib har gal yangi bir ilmni olyapman. Kurs davomida ustozlar aynan o'zlari yashab o'tgan hayotlaridan olingan real xulosalar bilan bo'lishdilar. O'ylaymanki, bunday xulosalarni inson bir umr yashab ham chiqara olmasligi mumkin. Ustozlardan mening qurilajak oilam xayrli va barokatli bo'lishi uchun g‘oyibona o‘z qizlari qatorida sanab duo qilishlarini qattiq iltimos qilib qolardim. Tashakkur!

❗️ Еслатиб ўтамиз, бугун дарсларга қабулнинг учинчи куни. Қабул жума кунигача давом этади. Дарслар бўйича тўлиқ маълумотлар: @Umarova2402

🛑 АЖРИМЛАР Ўзбекистонда энг оғриқли нуқталардан бири ажримлар бўлиб қолди. Йилдан йилга бу фожианинг кўпайиб бораётгани эса жуда ачинарли ҳолат. Статистик маълумотларга қараганда, ажримларнинг катта фоизлари дастлабки 4 йилда бўлаётган экан. 1 йилга бормай ажрашаётганлар 10-12% бўлса, 1-4 йилдагилар 25-35% гача бўлган қисмни ташкил қилади. Умумий ҳисобда ажримларнинг 50% га яқини янги турмуш қурганларга тўғри келяпти. Бу фожианинг таг сабаблари ёшларнинг оилага руҳан тайёр эмасликларида деб ўйлаймиз. Ажримлар сабабларининг асосий қисми учинчи шахсларнинг аралашуви, характерларнинг тўғри келмаслиги деб баҳоланяпти. Қани энди ёшларнинг тўйига сеп-сидирга, сарполар йиғганимиздек, уларнинг оила бўйича илмлари қай даражада эканликларига ҳам бир қизиқиб кўрсак. «Бахтиёр оила сари» курсимизни нафақат оиласи борлар, турмуш қуриш арафасидаги ёшларимиз ҳам кўпроқ ўқишини хоҳлардик. Оила таназзули жамиятнинг ҳам пароканда бўлишини билдиради. Агар ёшларимизни оилага тўғри тайёрлай олсак, ин шаа Аллоҳ келажакда кўплаб салбий оқибатларнинг олдини олган бўлар эдик. @mahmudiylar

Операция нархи 28 минг доллар, дейилганди. Бу Туркиянинг нархи. Яна арзонроқ жойлари ҳам қидириляпти. Ҳиндистон ва Қозоғистон билан гаплашилди. Қозоғистондан келган жавобда операциядан кейин гапира олмайдиган бўлиб қолади, дейилган экан. Шунинг учун уни тўхтатиб турибмиз. Берган эълонимиздан йиғилган пуллар қуйидагича бўлди: http://revolut.me/muqimyogl (Револут) 100 евро + 100 крона + 500 крона (тахминан 180 доллар) 4169585373133502 (Оптима, Қирғизистон, Мамасадыкова Ж) 3700 сўм (40 доллар атрофида) +996558125919 (Mbank, Робия А) 54 300 (620 доллар атрофида) 9860 1601 4762 4797 (Ҳумобанк, Юнис Мадаминов) 16 143 084 (тахминан 1400 доллар) 0736818795 (Свиш, Швеция, Жамила Маҳмудова) 5300 (тахминан 540 доллар) Уч минг долларга яқин пул йиғилибди. Ўзимиз берадиган 10 минг ва бетоб опамизнинг қариндошларидан йиғилган 8 минг ҳам қўшилганда жами 21 минг доллар бўлди. Яна 7000 доллар йиғилиб қолса, яхши бўлар эди. Шу иш учун яна бир "Бахтли оила сари" ва "Фарзанд тарбияси" курсларини ташкил қиляпмиз. Ундан тушадиган маблағ ҳам шу опамизнинг даволаниши учун сарфланади. Шу курсларда қатнашишни истовчиларга мурожаат учун: https://t.me/mahmudiylar/3490 Эҳсон қилганларга Аллоҳ ўрнини беҳисоб қилиб тўлдирсин. Дуо қилинглар, азизлар. @mahmudiylar

Охирги очилган гурухдан келган янги фикрлар

Tavsiya qilaman. Qani endi turmush qurish arafasidagi yoshlar koʻproq oʻqib tayyorgarlikni shu kabi kurslar bn boshlashsa

Men ham oʻqiganman bu kursda juda manfaatli kurs

Assalomu alaykum barchaga salomatmisizlar? Men darslarni qayta eshitishni boshladim. telefonga xulosalarimni yozyapman. Chunki eshitib ishlarimni qilaman va esimdan chiqmasligi uchun kkli xulosalarimni telefonimga yozish qulay. Vaqt o'tishi bilan darslarni ta'siridan chiqib qolishi mumkin inson. Shu sababdan qayta qayta eshitib muhtoj bo'lgan joyimizga davo topish yaxshi ekan. Darslar juda kkli ekan zamonga va vaqt o'tishi bn bolalar yoshiga mos tushaverar ekan

«Фарзанд тарбияси» курси бўйича келиб тушган саволлар ичида: "Болаларим катта бўлиб қолган, курсни сотиб олсам бўладими?" деган савол келиб тушган экан. ​-Албатта! Фарзандингиз неча ёш бўлишидан қатъий назар, у билан муносабатларни соғлом ҳолатга келтириш керак. Ота-онаси билан муаммоси бор болалар ҳаётда ҳам бошқалар билан муносабатда кўп қийналади. Биринчи қадамни ким қўйиши муҳим эмас. ​Айниқса, 7-дарсимизда "Ўспирин қиз ва йигит" мавзусида долзарб масалаларни ёритишга ҳаракат қилганмиз. Ҳозирги чалғитадиган воситалар кўп бўлган бир пайтда бу ёшдаги болалар билан дилдан суҳбатлашиш керак. Уларни уриш, сўкиш, тергаш етарлича самара бера олмайди. ​Орамизда ёши катта бўлиб қолган фарзандлари билан кўп тортишиб қоладиганлар борми? Шу пайтгача қандай чора кўргансиз? @mahmudiylar

«Бахтиёр оила сари» курсимиз ҳақида бироз маълумот берсак. Бу курсимиз 15 та дарсдан иборат бўлиб, ҳар бир дарс мавзусини танлашда, ҳаётда керак бўладиган энг муҳимларидан танлашга ҳаракат қилганмиз. ​Баъзи илмлар яшаб ўтмасдан туриб ҳосил қилинмайди, оила илми ана шундай турга киради. Оилавий муносабатларда муроса қилиш, муаммоларни тинчлик йўли билан ҳал қилиш кабиларни ҳали ўзи бунга эришмаган, яшаб кўрмаган одамдан ўрганиб бўлмайди. Биз ҳам 15 та дарс давомида 30 йил бирга яшаб ўтган тажрибаларимиздан улашишга ҳаракат қилдик. ​Тўғри, баъзида бизда ҳам келишмовчиликлар бўлган, ҳаммаси текис, осон бўлмаган. Ҳеч кимда бундай бўлмайди ҳам. Биз сизга ҳаммаси зўр бўлиб кетади деган кафолатни бера олмасмиз, аммо қийин вазиятларда қандай йўл тутса оиладаги муаммолар осонроқ ҳал бўлишини кўрсатиб беришимиз мумкин. Фақат назарий эмас, ҳақиқий ҳаётий тажрибаларимиз билан бўлишганмиз. ​Шу ерда, оиламиз тотувлигида Бонунинг ҳиссаси катта эканлигини айтиб ўтсам. Мен уйланишдан олдин орзу қилардим: аёлим онам билан шундай яқин бўлиб кетсинки, биз уришиб қолганимизда, онам мени эмас уни тарафини олсин деб. Мана шу ниятимга Бону еткизган, ҳақиқатдан ҳам ҳар сафар келишмай қолганимизда бувижоним мени уришардилар, Бонуни тарафини олардилар. Бундан мен фақат хурсанд бўлардим. Менимча, ҳар бир эркакнинг орзуси шу, ишга кетар экан уйда аёли ва онаси аҳил-иноқ ҳолатда қолишини хоҳлайди. Шундагина унинг қалби хотиржам бўлади. ​Дарслар ҳақида тўлиқ маълумот олиш учун: @Umarova2402

«ЖУМАДАН ЖУМАГАЧА» ​Шу кунларда июнь ойида бўлган «Фарзанд тарбияси» ва «Бахтиёр оила сари» дарсларини сўраб мурожаат қилаётганлар бор. ​Агар сиз ҳам шу дарсларга қизиқиб, қатнашишни хоҳлаётган бўлсангиз, сизга ажойиб янгилигимиз бор. Бир хайрли ишни бошламоқчимиз. ​Бугунги муборак Жума куни шарафига ҳар иккала дарсларга алоҳида чегирмалар эълон қилмоқчимиз. Икковини бирдан сотиб олганларга эса янаям каттароқ чегирма берамиз. ​Бу дарсларнинг пулини эса даволанаётган Муяссархон опанинг операциясига бермоқчимиз, азизлар. Бир имконият билан ҳам дарсларга, ҳам эҳсон мукофотини қўлга киритиш имкони бор. ​Дарслар ҳақида тўлиқ маълумот учун: @Umarova2402

Туркия сафарида Бону Муяссархон опам билан кўришди. Аҳволи жуда оғир экан. Қандай қилиб бўлмасин, ёрдам беришимиз шарт, деди. Мен маъқулладим. Уйга қайтгач, унинг ўзи қаттиқ бетоб бўлиб қолди. Оғриқнинг зўридан бир неча кун ухлай олмади. Мен шунчалик қийналяпман, Муяссархон опам қандоқ қилаётган экан, деган гапни тинимсиз такрорларди. Бу орада Муяссархон опамнинг қизлари билан алоқада бўлиб турди. Операция нархи 28 минг доллар эканини билди. Шунда мен: - Пулнинг каттароқ қисмини ўзимиз берайлик-да, қолганини одамлардан йиғайлик, - дедим. Аммо бу ишга Муяссархон опамни кўндириш осон кечмади. Ўзи муҳтож бўлиб турган нарсасини ҳам бошқа муҳтожларга бериб юборадиган аёл учун бу анча оғир иш эканини тўғри тушундик. Лекин бир амаллаб кўндиришди. Шу билан пулнинг 10 минг долларини оиламиз номидан ўзимиз берадиган бўлдик. Октябр охирида Мисрга, декабр охирларида эса умрага боришни режалаштирган эдик. Шу сафарларни қолдириб, пулини опамизнинг даволанишига сарфлашга қарор қилдик. Айни пайтда болалар ҳам ўз ҳиссаларини қўшишини маъқул кўрдик. Болаларнинг аҳволи бизга маълум эди. Бири бола-чақаси билан Қирғизистон, Ўзбекистон, Туркияларни айланиб қайтган бўлса, яна бирининг иши ҳали изга тушиб кетмаган бир ҳолатда. Шунинг учун улардан катта нарса кутмадик. Баҳоли қудрат мазкур маблағнинг бешдан бирини бера олишса ҳам рози эдик. Аммо натижа Аллоҳнинг марҳамати билан биз ўйлагандан анча яхши бўлди. Айниқса, Анисанинг саховатига қойил қолдик. У бор пулини ҳеч иккиланмай қўлимга тутқазди. Аллоҳим болаларимнинг топганига барака берсин. Бирига минг берсин. Бойлик қўлларида қолиб кетсин, қалбларига кириб бормасин. Омин.

“Modomiki banda o‘z birodarining ko‘magida ekan, Alloh ham o‘sha bandaning ko‘magida bo‘ladi”. (Muslim rivoyati) Assalomu alaykum va rohmatullohi va barokatuh aka-uka, opa-singillarim! Bugun yaqin do'stlarimiz haqida yozmoqchiman, shunday yaqin do'stlarki, agar ular haqida o'ylamasdan kunim o'tsa, o'zimni qattiq aybdor his qilaman. Bu do'stlarimiz og'ir kunlarimizda doim birga bo'lishdi, qishda sovqotsak ko'mir yetkazgan ham, ko'chada qolsak, uyining to'rini bizga bergan ham ular edi. XXX Qattiq sovuq, ko'mir yoqish, ko'mir tanlash kabi narsalardan to'la yiroqman. Ko'mir deb, ranggi qora toshni sotib olibman. Zokirjon aka (oila boshlig'i Alloh rahmat qilsin) ana shunday tang holatimiz ustiga kelib qoldilar-da, men hozir, deb chiqib ketdilar. Birozdan keyin yelkalarda bir qop ko'mirni ko'tarib kelib tashlab ketdilar. XXX Begim qamalib qoldilar. Har kuni kechga yaqin kelib, kundalik uylariga qilgan xarajatlarining teng yarmini bizga qoldirib ketardilar. XXX Uysiz qoldik, begim qamoqdalar, 4 ta bolam bilanman, boradigan joylar ko'p, lekin zararimiz tegishidan o'zimiz ham, boshqalar ham qo'rqadi. Biz esa yana o'sha do'stlarimiz xonadonidamiz. Taksida Jaloloboddan O'shdagi qarindoshlarnikiga bormoqchi bo'ldik. Tanish taksistni ko'rib, xursand bo'lib ketdim, lekin: - Uzr, singlim sizlarni olsam, meni qamab qo'yishlari mumkin, mening bolalarim bor, - dedilar. Bu gapdan qattiq ta'sirlandim. Uyga qaytdimu, narsalarimizni yig'ishtira boshladim, opajonim kirib: - Nima bo'lyapti,- deb so'radilar. Men: - Biz bu yerda tursak, xo'jayiningizni qamab qo'yishi mumkin. Bunday bo'lishini hech qachon istamayman. O'zbekistonga qaytamiz, - dedim. Opajonim yugurib xonadan chiqib ketdilar. Bir payt Zokirjon aka rahmatlik bilan kirib kelishdi. U kishi: - Bu sinov yolg'iz sizlarning boshingizga kelgan sinov emas, bu sinov - butun Islom ummati uchun kelgan sinov. Bu uyda kimdir qamalishi kerak bo'lsa, u - menman. Hech qayerga ketmaysizlar, agar sizlar shu yerda bo'lganingiz uchun meni qamashsa, men zarracha xafa bo'lmayman, qalbim biroz taskin topadi, xolos, dedilar. Bu oila men bilgan xonadonlar ichida eng qo'li yupqa xonadon edi, ammo ularning shu qadar issiq, shu qadar keng qalbi, judayam boy ma'naviyati bor edi. Ularning asosiy kundalik yumushi o'qish va o'qitishdan iborat edi. Shu ishlardan bo'shagach, tirikchilik uchun chiqib ketib, kundalik rizqni olib kelinar edi. Yozaman desam, bunga o'xshash holatlar juda ko'p. Men ba'zi narsalarni yozdim, xolos. ::::::::::::::::::::::::::::::::::::::::::::::::::: Keyingi yillarda o'sha xonadonning ayoli Muyassarxon opajonim qattiq betob bo'lib qoldilar. Qirg'iziston va Qozog'istonda davolandilar, bir marta operatsiya ham bo'ldilar. Biroz muddat kasallari yengillaganday bo'ldi, ammo shu kunlarda dard judayam kuchayib ketdi. Turkiyada shifokorlarga ko'rindilar. Bitta yo'li yana jarrohlik amaliyoti ekan va bu faqat bitta joyda qilinarkan. Bunga ketadigan mablag' 28.000 dollar. Bu pulni birdaniga o'zimiz qila olmas ekanmiz. Shu sabab, o'rni bo'lsa sarflardim, degan aka-uka, opa-singillarim bo'lsa, mana o'rni, deya dalolat qilyapman. Opajonning dardiga darmon bo'lsak, ajabmas, Alloh taolo Qiyomatdagi dardlarimizni aritsa. Duolaringizda eslab qo'yinglar, iltimos. Parvardigor opajonimga komil shifo ato etsin. Oyoqqa turib, yana shogirdlari davrasiga qaytsinlar. Farzandlari, nevara-chevaralariga go'zal tarbiyalar berib yursinlar. Biz do'stlarining ham ko'zlarini quvnatib, tirgak bo'lishda davom etsinlar. Ҳисоб рақамлар: http://revolut.me/muqimyogl (Револут) 4169585373133502 (Оптима, Қирғизистон, Мамасадыкова Ж) +996558125919 (Mbank, Робия А) 9860 1601 4762 4797 (Ҳумобанк, Юнис Мадаминов) Shvetsiya swish raqami: 0736818795 (Jamila Mahmudova)

Сув сиқилиб турган одамни анча ёзади. Ғамлар бироз унутилади. @mahmudiylar

Оғир кунларингда мадад қўлини узатган одамларни унутиб бўлмайди. Қирғизистонда юрган пайтимизда бир оила ҳолимиздан энг кўп хабар олиб турарди. У раҳматли сузоқлик Зокиржон акамнинг оиласи эди. Зокиржон акам анчагина камбағал, қўли калта бўлишига қарамасдан, биздан тез-тез хабар олиб турарди. Уйидан жой ҳам берганди. Ҳатто қалтис вазиятларда ҳам, ўзига зарар бўлиб қолиши эҳтимоли юқори бўлиб турган онларда ҳам мардонавор туриб берганди. Хавфу хатарга парво ҳам қилмасдан: - Мени ҳам қамаб қўйишса, бирга-бирга юраверамиз-да, - деб ҳазиллашиб ҳам қўярди. Ўн йиллар олдин "ЁСТИҚ ВОҚЕАСИ ЁКИ БИРГАМИЗ-А, МАЗА-А!!!" номли бир мақола ёзгандим. Ана шу мақоладаги "Камбағал мард бўлади, деганлари тўғри экан", деган гапларим ана шу оила ҳақида айтилган эди. Швецияга келганимиздан кейин биз ҳам бироз нимадир қилгандек бўлдик. Аммо бизнинг қилганлиримиз улар бизга қилган яхшиликлар олдида тилга олишга арзимайди. Бизга шунча яхшиликлар қилганига қарамасдан, вафотидан бир кун олдин Бону ва болаларим билан гаплашиб, шундай деган экан: - Сизларни етарлича қадрлай олмадик. Сизларга кўп яхшиликлар қилиш ниятим бор эди. Афсус, қўлим калталик қилди. Сизлардек инсонлар билан таниш бўлганимдан бағоят хурсандман. Бугун мана шу оиланинг эҳтиёжи бизга тушиб турибди. Зокиржон акамнинг аёллари қаттиқ бетоб экан. Операция учун 28 минг доллар керак экан. Табиийки, бошқа харажатлар ҳам бўлса керак. Йўл ҳақи, ижара уй ҳақи ва ҳоказо... Энди шу бетоб аёл ҳақида ҳам икки оғиз айтиб ўтай. Бу аёлни қизлик пайтидан бошлаб танийман. Редакцияда ишларди. У пайтларда редакциялар обрўли жой ҳисобланарди. Исломни таниганидан кейин ҳар қандай обрўдан, кам сонли одамларгагина хос бўлган имкониятлардан воз кечиб, иймон тақозоси билан умр ўтказишга аҳд қилди ва то шу кунга қадар ўз аҳдида содиқ келяпти. Бу аёлдаги садоқат, фидойилик, саховат, олийжаноблик жуда камдан-кам аёлларда учрайди, десам, адашмаган бўламан. Бутун умри илм олиш ва илм бериш билан ўтди. Анча-мунча эркакларни букиб қўя оладиган қийинчиликлар бу аёлни бука олмади. Аллоҳ дардига шифо берсин. Азизлар, орангизда шу аёл учун ёрдам қўлини чўзишни истайдиган одам бўлса, Аллоҳ ажрини зиёда қилсин. Ўзи ҳам муҳтож бўлиб қолганда Аллоҳ уни қўлласин. Айрим эътиборлар билан сиз азизларга ҳам мурожаат қиляпмиз. Қарз бериб турмоқчи бўлганлар бўлса ҳам йўқ демаймиз. Ҳисоб рақамлар: http://revolut.me/muqimyogl (Револут) 4169585373133502 (Оптима, Қирғизистон, Мамасадыкова Ж) +996558125919 (Mbank, Робия А) 9860 1601 4762 4797 (Ҳумобанк, Юнис Мадаминов) 0736818795 (Свиш, Швеция, Жамила Маҳмудова) @mahmudiylar

Тўрт мазҳабнинг пайдо бўлиши ҳақида @mahmudiylar

"ДАМ БУ ДАМДИР, ЎЗГА ДАМНИ ДАМ ДЕМА". Айтишларича, дунё уч даврдан иборат экан. 1. Ўтган давр. У ҳеч қачон қайтиб келмайди. 2. Келадиган давр. Унга етиб борасанми, йўқми, билмайсан. 3. Ҳозирги давр. Мана шу сенинг бу дунёдаги чин ҳаётингдир. Бас, унда Аллоҳдан қўрққин. Шуни таржима қилаётиб, ўзимизнинг: "Дам бу дамдир, ўзга дамни дам дема", деган гапимиз кимга мансуб экан, деб бир қидириб кўрдим. Бу гапни ҳазрат Навоий, Аҳмад Яссавий, Атоий каби бир неча шоирлар қўллаган экан. Алпомиш достонида ҳам учрайди. "Буюк мутафаккир Алишер Навоий ўзининг «Маҳбубул-қулуб» асаридаги 124-танбеҳда айнан шу маънога тўхталиб: «Бир турк бу маънида дебдурким: „Дам бу дамдур“», — дея бунинг қадимий туркий нақл эканига ишора қилади. Навоий ушбу халқ мақоли асосида қуйидаги машҳур шоҳ байтни битган: Мозию мустақбал аҳволин такаллум айла кам, Не учунким, дам бу дамдур, дам бу дамдур, дам бу дам. (Маъноси: Ўтмиш ва келажак ҳақида ҳадеб гапираверма, чунки асл вақт — сен яшаб турган айни мана шу лаҳзадир)". (Интернетдан олинган маълумот) Хуллас, боболаримиз шу мўъжазгина иборага дунё қадар улкан маънони жойлай олган эканлар. Аллоҳ ўтган боболаримизни раҳмат айласин. Бизга ўшаларга муносиб авлод бўлишни насиб этсин.

Ғамгин банда, ғамни ташла, ғам қотил, Бу дунё ўткинчи, жилваси ботил. Уни ташлаб, кирганингда лаҳадга, Молу аҳлинг ўтолмайди у ҳадга. Бас, ишингни Раҳмонга ҳавола қил, Уни деган қуруқ қайтмас, эй оқил. Арабчадан Муқим Маҳмуд таржимаси 2026-09-02 @mahmudiylar

Оғзини тўлдириб, дунё ҳайқирар, Қаҳримдан, жабримдан, мендан алҳазар. Гўзал табассумим алдаб қўймасин, Гапларим кулдирар, феълим йиғлатар. Арабчадан Муқим Маҳмуд таржимаси 2026-08-11 @mahmudiylar