جرعة وعي

التسريبات المتداولة لمكالمات نافذين في المنظومة الحاكمة مؤشر على صراع الأجنحة وتجذر الفساد فيها! ولايمكن اعتبارها (كل الحقيقة) فمن سرب المحادثات لايهدف أصلا إلى الحقيقة وإنما لتصفية الحسابات! والاحتفاء المبالغ فيه بها ليس سوى قصر نظر! وبرغم الجهود لايمكن اعتبارها (صحافة) بأي حال!

لمن يقنعوك انو المحافظة على القوات أهم من التمسك بالأرض والمحافظة على حياة المواطنين وانت تصدق إنجاز (الكاهن) في التخلي عن الخرطوم مقابل المحافظة على القوات طوالي إتوقع إنو الجيش يسابقك في الخروج من أي حتة يدخلوها الجنجويد! نفس الزول الاقنعك قبيل حيقنعك تاني بالانسحاب الحيتدرس في الأكاديميات العسكرية!

إنا لله وإنا إليه راجعون! استشهاد إبراهيم شوتايم إثر سقوط مقذوف على منزله بمدينة الفاشر!

متى سيدرك السودانيون أن مشكلتهم هي استخدام البندقية في السياسة؟ مناوي الذي فضل التحالف مع حميدتي على طريق الديمقراطية بعد فض اعتصام القيادة، مرورا باعتصام الموز وانقلاب اكتوبر! ينعي شقيقه الذي سقط في المواجهات مع الدعم السريع! ومن يجعل الضرغام بازا لصيده تصيده الضرغام فيما تصيدا

وقفة الشعب البوليفي ضد الانقلاب القاعدين يعجبوا بيها الناس دي حصل زيها بالضبط في السودان صباح 25 أكتوبر 2021، الناس نزلت الشوارع بالآلاف ضد الانقلاب. الفرق الوحيد أنو عساكرنا كان أهون عندهم إنهم يحرقوا الرافضين للانقلاب ولا يعلنوا عن فشلهم ويسلموا السلطة!

سربراااايز! مابتقدر تمنع زول يتكلم في زمن السوشيال ميديا! الحل انك تبني مصداقيتك انت! وتخلي الناس تفتش عن المعلومة عندك انت! لو فشلت أو تقاعست عن الدور ده كإعلام رسمي.. فالطبيعة لاتحتمل الفراغ! حيحل محلك اعلام النشطاء كمصدر للمعلومة!

يعني الناس سانة سكاكينها على ناشطين شغالين بمجهودهم ووقتهم الخاص عشان يقدموا للناس صورة عن الحرب قد تصيب وقد تخطئ، وسايبين الجيش المتوفرة ليهو كل الموارد ومابقدم للناس لاموجز دوري ولاسير عمليات ولاأي بيان؟ طالما ماقادرين تقولوا البغلة في الإبريق اسكتوا وخلوا التاس تصدق العايزاه!

العالم الكانت بتروج للعودة لأمدرمان وهسة شغالة إحصائيات لأعداد قنابل الجنجنويد المتساقطة على أحياء أمدر وأعداد الضحايا! ماخجلانين؟ ماحاسين بالذنب؟ قادرين تواصلوا حياتكم عااادي؟

لمن كانت الامارات حلوة وفيها سكر ناعم مشتت بي فوق

تنبيه مهم! (المدنية الدايرنها) لسه ماجات.. والحصل في أغسطس 2019 كان شراكة مدنية عسكرية فرض العساكر وجودهم فيها بالسلاح. وانتهت في 25 أكتوبر 2021. تاريخ بداية (العسكرية الدايرنها)! وما انتهت لحد اللحظة! حملة التذكير بالعسكرية الدايرنها!