رحله مع النبي

وبعد ما كتبنا اكتر من بوست واتعرفنا علي بعض التفاصيل... 📌اقف مع نفسك وقفه ▪️انت بجد بتحب النبي؟ ▪️ده منظر واحد بيحب النبي؟ ▪️محافظ علي الصلاة في المسجد؟ ▪️ملتزمه بزيك الشرعي؟ ▪️النبي لو شافك هيفرح؟ ▪️هل انت لما تعرف إن الحاجه دي سنه بتعملها ولا بتطنش لأنها سنه 📌نتعلم التسليم لأمر الله زي السيده هاجر آلله أمرك؟ يبقي خلاص الأمر انتهي مش تقعد تجادل. واعلم أن أمر الله لن يضيعك بل كله خير 📌الله يدبر أمرك يعني سيدنا إبراهيم أخد ابنه ومراته للصحراء وربنا كان دافن مايه ليهم وللي بعدهم -طب هيجيبوا الميه ازاي؟ جبريل يطلعها -طب هيعيشوا علي الميه بس ؟ ربنا يبعت ليهم قبيلة جرهم 👈🏻 أوعي تفكر إنها تمشي بحسبتك الأمر مدبر من فوق "الله يدبر الأمر فاطمئن"💚 📌إكرام المرأة زي لما قبيله جرهم لقيوا السيده هاجر مش استضعفوها واستولوا علي زمزم لا دول استئذنوا وحفظوا حقها 📌ربنا لما أمر سيدنا ابراهيم أنه يذبح ابنه امتثل علي طول 👈🏻انت بقي ربنا مش أمرك إنك تذبحه بس أمرك انك تربيه -ربيه علي حفظ القرآن -ربيه علي الصلاة في الجامع مش يتفرج علي الماتش وقت الصلاة مش تقول بيصعب عليا اصحيه في البرد ده للفجر ، طب هيصعب عليك وهو بيترمي في النار؟! -ربيها علي الحجاب الشرعي السليم مش انتي بإيدك تشتريلها لبس الكاسيات العاريات 📌سيدنا إبراهيم لما راح مرتين وملقاش ابنه مش لامه 👈🏻فلا تكثر اللوم وكن طيب المعامله 📌لا تتسبب في السيئات الجاريه زي عمرو بن لحي كل اللي عبدوا الأصنام بعده في ميزان سيئاته -مش تكوني سيئه جاريه بلبسك واحده اُعجبت بيه قلدته بالتالي في سيئاتك -مش تسمّع صحبك الاغنيه الجديده دي فيروح يدور علي الالبوم ده في سيئاتك 🚨 رجاء منكونش بنقرأ لمجرد التسليه ..... ولكن للتغير ف -اعتزل أهل الباطل -أكرم ضيفك -أحسن تربية ابنك -وقف أي سيئة جاريه في حياتك د#محمد_الغليظ #ابجديات_اونلاين #رحلة_مع_النبي #موعدنا_الجنة 🕊️ http://t.me/qurankaariimm

آللـــھمِے🤍🥀صَّلِ🤍🥀وَسُـُلْـم🤍🥀وبارك 🤍🥀عَلے🤍🥀سَيدنِـــا🌹🤍 محمد🤍🌹عَدد🤍🥀مَا ذگرهُ🤍🥀 ألذَاكِرونّ🤍🥀وغَفِلَ🤍🥀عن🤍🥀 ذِكِرهِ🤍🥀ألغَافِلونّ🤍🤍 🥀💮تسليما💮كثيرا🤍🥀اللهم صل على سيدنا 🤍🥀وعدد الذاكرين🤍🥀والذاكرآت🤍🥀وذرآت وآلرمال🤍🥀ف لأرض والبحار⁦🤍🥀والجبال🌻ولانهار🤍🤍وعدد مالا يحص عدد🤍🥀و على اله⁦و🤍صحبه🤍🥀اجمعي 🤍🤍اللهم امين🤍🥀يارب العالمين🤍🥀استغفر الله العظيم الذي لا اله الا هو الحي القيوم واتوب اليه 🌼اللهم صل وسلم وبارك على سيدنا ونبينا محمد وعلى اله وصحبه اجمعينآللـــھمِے🤍🥀صَّلِ🤍🥀وَسُـُلْـم🤍🥀وبارك 🤍🥀عَلے🤍🥀سَيدنِـــا🌹🤍 محمد🤍🌹عَدد🤍🥀مَا ذگرهُ🤍🥀 ألذَاكِرونّ🤍🥀وغَفِلَ🤍🥀عن🤍🥀 ذِكِرهِ🤍🥀ألغَافِلونّ🤍🤍 🥀💮تسليما💮كثيرا🤍🥀اللهم صل على سيدنا 🤍🥀وعدد الذاكرين🤍🥀والذاكرآت🤍🥀وذرآت وآلرمال🤍🥀ف لأرض والبحار⁦🤍🥀والجبال🌻ولانهار🤍🤍وعدد مالا يحص عدد🤍🥀و على اله⁦و🤍صحبه🤍🥀اجمعي 🤍🤍اللهم امين🤍🥀يارب العالمين🤍🥀استغفر الله العظيم الذي لا اله الا هو الحي القيوم واتوب اليه 🌼اللهم صل وسلم وبارك على سيدنا ونبينا محمد وعلى اله وصحبه اجمعين

فأول ما أُبَيَّ يشوف النبى فى المعركه فيجرى عليه فيشوفوه الصحابة فيقولوا يا رسول الله ان هذا الفارس يقترب ..سنقاتله ..فقال النبى : لا.. دعوه لى، انا اتصدى له.. وقال لهم اعطونى حربة (ده نوع من السلاح) فبيقول الصحابة من شدة قوة النبى و شجاعته فى انتزاع الحربة : انتفضنا من حوله ..فأخذ الحربه ورماها على ابى بن خلف وكان أُبَيَّ لابس حديد على كل جسمه مش باين منه غير عينيه وفمه بس ، فلما النبى رماه بالحربة ،فالحربه يدوب لمست جزء من فمه واتصدمت الحربه بالحديد و وقعت على الارض.. فكان يدوب خدش بسيط بس أُبَيَّ أتفزع و قعد يصرخ ويقول :قتلنى محمد ، قتلنى محمد.. فالجنود الكفار اصحابه اتلموا عليه و هو بيصرخ وقالوا : اذهب فؤادك (عقلك) إنما هو جرح بسيط لا يقتل!! فقال أُبَيَّ: لا .. لا.. إن محمد قال لى فى مكة انه سيقتلنى وانا اصدقه وللات والعزى لو بصق عليا محمد لقتلنى ( ايه ده هوه مصدق كلام النبى ؟! اه مصدق..و عارف انه ما دام النبى قاله إنى قاتلك إن شاء الله يبقى اكيد هيموت ..طب مادام مصدقه كدة ليه أُبَيَّ مأسلمش؟ قال تعالى:" وَجَحَدُوا بِهَا وَاسْتَيْقَنَتْهَا أَنفُسُهُمْ ظُلْمًا وَعُلُوًّا فَانظُرْ كَيْفَ كَانَ عَاقِبَةُ الْمُفْسِدِين " ) طيب أُبَيَّ بيصرخ واقع فى الارض مش مجروح إلا مجرد خدش..ويروح اصحابه شايلينه و يرجعوا بيه لمكه و وهمه فى الطريق فى مكان اسمه وادى صرف ، يموت أُبَيَّ بن خلف ..مات ازاى؟ هل قتله الرعب وللا الخوف ولا ثقته فى كلام رسول الله ولا رب رسول الله سبحانه وتعالى ؟!! وبعد شوية و النبى واقف يقاتل و معاه الصحابة يجى دور المرأة العظيمة نسيبة بنت كعب (ام عمارة ) فى الدفاع عن رسول الله و كانت من ضمن الصحابة اللى اتلموا حول النبى عليه الصلاة والسلام لما وقف ينادى عشان يعرفوا انه لسه حى .. بس هو فى نساء بتحارب؟! ايوه النساء ليهم دور فى الحروب.. كانوا بيخرجوا كطبيبات بيعالجوا الجرحى فى الحروب يعنى ليها دور وبتشارك، محدش قال لها اقعدى فى البيت ومتخرجيش زى ما بيتهموا الاسلام الايام دى ..المهم تعمل ايه " أم عمارة" الست العظيمة دى ؟ عبد الله بن قمئة اللى قتل "مصعب بن عمير- حامل لواء الإسلام" بدأ يعرف ان اللى قتله ده مش النبى وان النبى لسه عايش فيجرى بن قمئه على النبى و يجيله من ضهره والنبى عليه الصلاة والسلام بيبارز مش شايفه فتشوف ام عمارة المنظر ده فتقوم تاخد سيف من على الارض و تقف فى ضهر النبى عشان تتصدى لعبد الله بن قمئة و تقف له .. طب ما كدة هو هيقتلها ؟! و هيوصل للنبى عادى ..صح؟ لأ.. مش هتتقتل ام عماره .. طب إزاى؟ اصل أخلاق و شهامة المقاتل العربى حتى لو كان كافر متسمحش انه يقتل امراة.. طيب ابن قمئه لقى ام عماره واقفه قدام النبى فمش ينفع يقتلها بس كان عايزها توسع من قدامه عشان يقدر يوصل للنبى ، فبتقول ام عماره : فضربنى ضربة فى ذراعى، اسقطت السيف من يدى فهممت ان اجرى فنظرت فإذا رسول الله وحده فثبت مكانى وجعل عدو الله يضربنى ببطن السيف على كتفى حتى غارت عظام الكتف (تهشمت ، اتكسرت )فانفجر الدم منه فسقطت مكانى.. فيشوفها ابنها حبيب بن زيد بالمنظر ده فيجرى عليها، فيشوفه بن قمئة فيخاف بن قمئه و يجرى، فجالها ابنها ينقذها فقالت له : إليك عنى .. اتركنى . و أذهب فأنقذ رسول الله ،فالتفت ليها النبى وشافها بالمنظر ده..و بيحكى النبى و بيقول : يوم غزوة احد ما نظرت عن يمينى ولا عن يسارى ولا من امامى ولا من خلفى إلا و رايت ام عمارة تدافع عنى ..فالنبى شاف قد إيه هي تعبانه و متحمله ..فقال لها : من يطيق ما تطيقين يا ام عمارة !! فقالت بل اطيق واطيق واطيق ولكن اسالك شيئا واحدآ ..مرافقتك فى الجنة يا رسول الله ..فقال : لا يا ام عمارة بل انتى واهل بيتك رفقائى فى الجنه ♡ .. طيب دول الصحابه اللى رجعوا حوالين النبى .. طيب فين بقيت جيش المسلمين ؟ هنعرف سوا إن شاء الله🤍.

سيرة_الرسول الحلقة 96 يلا صلوا على النبى اللهم صل وسلم وبارك على سيدنا محمد وعلى آله وصحبه أجمعين 🤍 غزوه أحد (ج4) قال ﷺ: من يطيق ما تطيقين يا ام عمارة !! فقالت بل اطيق واطيق و لكن اسالك مرافقتك فى الجنة شفنا امبارح وسط الغزوه بن قمئه قتل مصعب و كان فاكر انه قتل النبى و انتشرت الإشاعه أن النبى عليه الصلاه و السلام مات و انخفضت الروح المعنويه للمسلمين جدا و الجيش اتفرق و النبى اضطر يجازف و يعلن عن مكانه و بقى ينادى : إِلَيَّ عباد الله ..أنا رسول الله .. و يروح كعب بن مالك للنبى و يصرخ فى الناس و يقول رسول الله حى و اتجمع الصحابه واحد و وراه التانى حوالين رسول الله لحد ما بقوا 20 فكفار قريش شافوهم و استغربوا وقعدوا يقولوا : مين دول؟! ومين ده اللى محوطين عليه ؟! هو مش احنا قتلنا محمد !! اصل قريش عارفة ان الصحابة مبيحبوش حد قد حبهم لرسول الله فأبتدوا يروحوا ناحيتهم عشان يشوفوا مين ده.. و يزيدوا لحد ما وصل عددهم ل150 مقاتل من قريش حوالين 20 صحابى و حول رسول الله ، فيبدأ جيش قريش يفرقهم عشان يعرفوا مين اللى محوطين عليه وابتدوا يرموا عليهم بالاسهم .. و تنزل السهام عليهم زى المطر فيروح ابو دجانة للنبى و ياخده فى حضنه و يحط راس النبى فى صدره و فى كتب السيره كاتبين ان ابو دجانه ذهب لرسول الله "فتترس عليه" يعنى حضن النبى و حاوط عليه زى التروس وهى شابكة فى بعضها و الاسهم بقى بتتصوب عليه من كل مكان لدرجة ان ضهر ابو دجانه بقى شبه القنفذ من كتر الاسهم اللى جت فيه وكل ده متحمله دفاعا عن رسول الله صل الله عليه وسلم . ومن ضمن الصحابة اللى جروا على النبى لما نادى.. سعد بن ابى وقاص رضى الله عنه ده خال النبى صل الله عليه وسلم وكان ماهر فى الرماية فبدأ يرمى علي كفار قريش الاسهم والنبى بيقوله ارمى سعد ارمى سعد ،اصرفهم عنا يا سعد فداك ابى وامى حتى قال على بن ابى طالب والله ما علمت احدا فداه النبى بابيه وامه الا سعد بن ابى وقاص ♡.. وقف النبى وال20 صحابى اللى معاه يبارزوا الكفار والنبى واقف يبارز.. فواحد من جيش الكفار رمى علي النبى سهم من ضهره.. فيجرى بسرعة طلحة ناحية النبى ويحط ايده فى اتجاه السهم عشان ميجيش فى النبى و يدخل السهم فى كف طلحه فدا رسول الله ،ويعيش ويموت طلحة وهو مشلول بسبب السهم ده دفاعا عن رسول الله فلما شاف النبى طلحه وهو غارق فى دمه ،بكى النبى عليه الصلاه و السلام وقال والله ما انصفنا اصحابنا (يقصد اللى هما انسحبوا من ارض المعركه) طيب القتال لسه شغال والنبى واقف يبارز بس بدأ يتعب و ينادى ويقول: من يدفعهم عنى و هو رفيقى فى الجنه ( يا جماعه هو النبى خايف على حياته ؟ لأ طبعا .. النبى خايف على الدعوه .. النبى خايف عليا و عليكو.. النبى عايز يعيش و يلحق يبلغ الإسلام عشان يوصل للبشريه كلها..النبى كان ممكن يستشهد و هو عارف انه داخل الجنه، الفرودس الأعلى .. بس عشان هو رحمه للعالمين، ربنا الكريم رحمنا بالنبى و بحرصه على ان يوصل لنا دين الله عز وجل .. الحمدلله على رسول الله ♡ ) طيب النبى واقف يقول : من يمنعهم عنى وهو رفيقى فى الجنه ؟ فيجري عليه صحابى اسمه زياد بن السكن عنده 23 سنة و قال له : يكون رفيقكك فى الجنة يا رسول الله ؟ فقال :نعم ،فرد زياد و قال : نحرى دون نحرك.. انا ادفعهم عنك يا رسول الله. فيجى زياد ومعاه 6 من اصحابه يقفوا يبارزوا ويستشهدوا واحد ورا واحد لحد ما يموتوا كلهم و يتبقى زياد واقف يبارز الكفار لكن عدد الكفار كتير فجسمه يتملى طعنات و ينفجر بالدماء و يبدأ زياد يفقد توازنه وقريش تزود عليه الطعنات والصحابة بيوصفوا حال زياد و يقولوا : كان يتلقى الطعنة فيميل بظهره الى الخلف ثم يعود ويتزن ليحارب ويتلقى الطعنة الأخرى فيرجع الى الخلف ثم يعود ويتزن حتى تكاثرت عليه الطعنات وفقد توازنه وسقط على وجهه و ارتطم وجهه بالارض .. فيجرى النبى صل الله عليه وسلم على زياد ويقول : ارفعوا وجهه عن الارض وضعوه فى حجرى ويحضنه النبى ويمسح عنه الدم ويبكى ففتح زياد عينه لقى نفسه فى حضن النبى وخلاص زياد بيموت فالنبى يرفع ايده و يقول اللهم انى اشهدك انى راض عن زياد بن السكن فارض عنه .. و يستشهد زياد رضى الله عنه و أرضاه طيب الصحابه لسه بيبارزوا الكفار.. فيجى واحد من الكفار اسمه أُبَيَّ بن خلف (فاكرينه؟ اللى راح للنبى زمان فى مكه و خد شويه عضم و تراب و قال للنبى : أتدعى يا محمد أن ربك يحيي هذا !! و رما التراب فى وجهه النبى الشريف فالنبى يقوله نعم و يستحمل ويمشى) كمان فى مرة النبى كان ماشى فى مكة قبل الهجره للمدينه فيقف له أُبَيَّ بن خلف و هوه راكب على فرسه فيقول للنبى : أتدرى هذا الفرس لما اعلفه ؟ فيرد النبى ويقوله: لا أدرى. فيرد أُبَيَّ و يقول : لأقتلك عليه ،فالنبى يقوله : لا بل انا قاتلك ان شاء الله .. فعداوه أبى لرسول الله دى من زمان..