Crack GP

جروب دكتور محمد سعدة استشاري جراحة الأطفال وحديثي الولادة هينزل عليه محاضرات تعريفية لحديثي التخرج عن جراحات الأطفال

تفريغات ثقة بايد الدكتورة dina.m.matoq ربنا يباركلها

كتاب ثقة

إعرف حقك (نقابة الأطباء)

المصادر في سنة الامتياز فيديوهات ثقة هتجيب الورق بتاعها أو تكتب ورا الشرح وترقم الصفحات اللي بتكتب فيها ويبقى معاك ورقة تعملها فهرس تكتب فيها كل موضوع صفحة كام ومعاك مثلا كتاب زي دكتور جايد أو اكسفورد علشان لو عايز تبص على الموضوع منه متبدأش بمواضيع الباطنة وتتوه فيها ابدأ بحاجة بسيطة زي الترتيب دا مثلا ١-فيديو الرمد بعد م تخلصه انزل عيادة الرمد يومين تلاتة وشوف الدنيا أكيد هتشوف حاجات كتير لا سمعت عنها ولا فاهم فيها حاجة بس كبر مخك ومتشغلش دماغك بيها طالما مش حالة طوارئ ولا مهتم بالتخصص. ٢-فيديو أنف وأذن وبعد م تخلصه انزل اتفرج في العيادة ونفس الكلام أكيد هتشوف حاجات كتير لا سمعت عنها ولا فاهم فيها حاجة بس كبر مخك ومتشغلش دماغك بيها طالما مش حالة طوارئ ولا مهتم بالتخصص. ٣-بعد كدا المضادات الحيوية والأطفال وممكن مع فيديوهات ثقة تبص على الفيديوهات دي https://youtube.com/playlist?list=PLoVUTcle0EZmMRbwYIct1L4z538Vq5hoh واعرف بنحسب الجرعة ازاي وبنعمل الجلسات ازاي وأشهر الأدوية وأشهر الحالات العادية والطوارئ وانزل العيادة في العيادات الخارجية والاستقبال في صدناوي ونفس الكلام أكيد هتشوف حاجات كتير لا سمعت عنها ولا فاهم فيها حاجة بس كبر مخك ومتشغلش دماغك بيها طالما مش طوارئ ولا مهتم بالتخصص. ٤-حالات طوارئ الجراحة زي Appendicitis Intestinal obstruction Billiary colic Renal colic Hernia Perforated Viscus الخياطة وتركيب الريل والقسطرة تقف في اوضة التروما شوية وتشوف بيعملوا ايه في الحوادث اللي جاية ونفس الكلام أكيد هتشوف حاجات كتير لا سمعت عنها ولا فاهم فيها حاجة بس كبر مخك ومتشغلش دماغك بيها طالما مش طوارئ ولا مهتم بالتخصص. ٥- فيديوهات اسعافات ثقة ٦-حالات الباطنة وعوم فيها بقى Gastroenteritis Anaphylaxis Coma Chest pain DKA DM HTN وطول ف حالات الباطنة براحتك اسمع فيها اكتر من مصدر واتفرج على أكتر من حد في الموضوع الواحد زي فيديوهات ثقة وفيديوهات بروفة طبيب الامتياز فيديوهات طبيب الباطنة العامة أو اكتب الحالة في اليوتيوب واتفرج على اي شرح ليها _______ معاك بردو كتاب اسمه غلطات طبيب ندمان جزأ اول وتاني تقرا فيه وانته فاضي علشان تتعلم من غلطات الناس ومعاك برامج تحسب منها الجرعات زي Pedi dose Egy dose وبرامج تقرا منها عن الأدوية وينفع تخلطها ولا مينفعش زي Drug reference IV compatibility وبرامج تقرا منها لو حابب تقرا كلام علمي عن أي حالة زي Medscape BMJ Up-to-date (بس دا مدفوع) وبكدا إن شاء الله انته عرفت شغل السوق زي ما بيقولوا حابب بعدها تزود أكتر علشان تعرف تنزل شغل ممكن تبدأ ب • كورس ATLS وبعده • فيديوهات شرح مدفوعة زي فيديوهات أيمن مرسي علشان تعرف ايه الجديد في كل موضوع من اللي انته ذاكرته وتذاكر الموضوع بصورة أشمل شوية تسندك في شغل أو • تعتمد على نفسك وتجيب كتب أجنبية كويسة زي • (oxford emergency medicine handbook) • (oxford clinical examination and practical skills handbook) * (Emergency medicine one page) وتقرا منها وتنزل عناية وتشوف الحالات اللي انته قريتها دي بيمشوا معاها خطة العلاج بايه وازاي (تشوف بس انما متطبقش لان العناية يشتغلها أخصائي مش احنا) والأهم انك تروق على نفسك لأن المطلوب منك في الامتياز انك تحضر في كل قسم شوية علشان على اخر السنة إن شاء الله تكون اخترت تخصص وحضرت في المكان اللي ناوي تاخد نيابة فيه وسألت الناس اللي فيه عن التخصص والمكان وايه الأماكن الأحسن لو المكان دا مش كويس بدل ما تيجي وقت النيابة تكتب اي مكان وخلاص. والتعليم اللي بجد هيبدأ باستلامك النيابة إن شاء الله ولو في دماغك أي جراحات ممكن تبدأ تقرا في كتاب kirk's . أغلب اللي قولت عليه هتلاقيه في القناة دي إن شاء الله و أي حاجة مختصرة هنزلها هنا بإذن الله.

النيابات الوهمية ٢٠٢٣.

النيابات وأفضل الأماكن.