Айымгүл Амангелдіқызы

Ағам жіберген ақшаны басқа жаққа құртып жібермей тұрып, кітапқа тапсырыс беріп тастадым. Пайдалы білім болатынына сенем.

😍😍😍

Кенет мені қуантқысы келген мейірімді жан болса, осы терапия-кітапты алғым келіп жүр.

Түсімде ақ орамал тағып жүр екем. Жеңгем келін боп түскенде беташарға дейін “бақытты бол” деген жылтыр жазуы бар орамал жапқаны есімде. Тап сондай😂

“Білгенім бір тоғыз, білмейтінім тоқсан тоғыз.” Кеше бір ситуация білім алудың, сауат ашудың, әлемге кеңінен қараудың маңызын тағы бір рет көрсетті. Тар аяда ойланған адам жұрттың сөзіне қатты тәуелді болады екен. Өзі қарызға батып жүрсе де, елден қалмайын деп себепті-себепсіз той жасап жыртылады. Бір сау тісі болмаса да, ұят болмасын деп әр жиынға жаңа киім алады. Базалық қажеттілігін жаба алмай отырып, түкке де қажеті жоқ бос жырқыл мен ырду-дырдуға көп мағына беріп, өмірінің қалай өтіп кеткенін де байқамай қалады. Соңында кім ұтылды? P.S. Приоритеттерді нақтылап, не нәрсе артық жүк болып тұр, не нәрсеге басымдық беру керегін ойланайық. Сана керек, ми керек, жүрек керек. #өзімекеңес

Бүгін анам пісірген сорпаны кешкі аста әкем үшеуміз бірге ішкенімізге бақыттымын. Сен бүгін не үшін бақыттысың? #бақыттыбайқайық

“Қарға баласын аппағым дейді” демекші, ағам менің ең үлкен жанкүйерім. Ағам асыра мақтағандай бір тау қопарып тастамасам да, оның көзінде мен ең ақылды, ең дара қызбын. Кейде жақын адамың айтқан бір ауыз жылы сөз алға жүруге себеп болатыны бар. Мейірім әлемді құтқарады. Махаббат-мейірімге сараң болмайық.

Әке-шешемді біраздан көрмедім. Жолды су басып кеткелі ауылға да бармадым. Құдай қаласа, олар ертең қалаға келеді, қуанып отырмын.

Үйдегілер солай еркелететін болғасын ба, “Әйтөн, Айто” деп атайтын адамдар автоматты түрде басқаларға қарағанда жақын сияқты сезіледі.

Миша жездем мені көре қалса “сенің тойыңда қашан билейміз, күйеуге қашан шығасың?” деп сұрай береді. Енді көрсем, “бүкіл уақытым онсыз да жұмыста өтеді, өзі бір түйір демалысымда сіздің балаларыңызды қарап қалам, қашан жігітпен кездесем? Уақыт жоқ менде” деп жауап берейін деп отырмын. Шах және мат.