#BuxDPI
Inson qadri uchun
Mamlakatimizda aholining ijtimoiy himoyaga muhtoj qatlamini moddiy va ma’naviy qo‘llab-quvvatlash, jamiyatda o‘zaro mehr-oqibat, hamjihatlik va xayr-saxovat muhitini yanada mustahkamlash borasida keng ko‘lamli ishlar amalga oshirilmoqda. Davlatimiz rahbarining “2022 – 2026-yillarga mo‘ljallangan Yangi O‘zbekistonning Taraqqiyot strategiyasi to‘g‘risida”gi Farmonida ta’kidlangan “Aholi o‘rtasida huquqiy madaniyatni shakllantirish bo‘yicha huquqiy-ma’rifiy tadbirlarni xalqimizning boy tarixi, ilmiy-madaniy merosi, milliy-diniy qadriyatlarni o‘rgatish bilan uyg‘un holda tashkil qilish, o‘zbek xalqining milliy qadriyatlari va ma’naviy merosini asrab-avaylash, keng ommalashtirish hamda rivojlantirishni davlat tomonidan qo‘llab-quvvatlash”dan kelib chiqib, ijtimoiy himoyaga muhtoj oilalarning har tomonlama qoʻllab-quvvatlanishi
“Inson qadri uchun” tamoyili asosida olib borilayotgan keng koʻlamli islohotlarning natijasidir.
Buxoro davlat pedagogika instituti rektorining tashabbusi bilan shahrimizning kam ta’minlangan, ijtimoiy himoyaga muhtoj oilalardagi
10 nafar bolajonning sunnat to‘yi o‘tkazildi. O‘zbek xalqining milliy qadriyatlari va ma’naviy merosini asrab-avaylash, keng ommalashtirish hamda rivojlantirishni davlat tomonidan qo‘llab-quvvatlashga qaratilgan xayriya sunnat to‘yida institut jamoasi, nuroniylar, to‘y bolalarning yaqinlari ishtirok etib, jajji va beg‘ubor bolajonlarni sunnat to‘yi bilan muborakbod etib, ular haqlariga duo qildi. So‘ng jajji bolajonlar va ularning ota-onalariga to‘yona va sovg‘alar berildi.
Bu to‘y jajji o‘g‘lonlar xotirasida yaxshilik, mehr-saxovat ramzi sifatida bir umrga muhrlanib qoladigan bo‘ldi.
Telegram |
Veb-sayt |
Facebook |
Instagram