چیرۆک و بەسەرهات

سجیل بەشی ۱ خاڵۆ مەجی لە شار گەڕایەوە. شەوەکەی ماڵوولایی ئاوایی هاتن بۆ لای. ئەویش بە تاقەت و هەوای شان،  باس سەفەر شاری کرد. - بەیانی، قایم نوێژ، هەڵسام.تا سەرێ حەوزم دا و نوێژەکەم خوێند، تووبا نان و چایی ئامادە کرد. بێ ئێوە ناخۆش، بەردڵێکم خست و خۆم کۆ کردەوە. ئامانەتی ماڵەکەم دا بە کەیبانۆم... تەقەی درگا هات. میرزا حەمە ڕەحیم بوو. پاش سڵاو و هەواڵپرسی، وتی: - مەجی بە خێر بیتۆ. ئەو قەوم و برا ساق و سڵامەت بوون؟ ئەرێ دەنگ و باس؟ خاڵۆ مەجی کردیە جواب: - لە سایەی ڕەحم خوا و تیکە نانەکەی ئێوە گلایەک باش بوون. بەیانی، قایم نوێژ، هەڵسام.تا سەرێ حەوزم دا و نوێژەکەم خوێند، تووبا نان و چایی ئامادە کرد. بێ ئێوە ناخۆش، بەردڵێکم خست و خۆم کۆ کردەوە. ئامانەتی ماڵەکەم دا بە کەیبانۆم. فەرەیدوون گیان ئەسپەشینی زین کرد. ناو خوام لێ هێنا و پێم لێ دا بۆ قاوەخانە. لەوێ چارواکەم بردە گەوڕ  تۆفیق خواکەرەم و خۆم گەڕامەوە بۆ قاوەخانە. بێ ئێوە ناخۆش چایەکم خوارد... دیسان تەقەی درگا هات و دەروێش سەعی هاتە ژوورەوە.جەماعەت لەبەری هەڵسان. ئەویش هەر لە دوورەوە هاواری کرد: - خەجاڵەتم مەکەن. تۆ خوا دانیشن. فەرموون. دەروێش سەعی.  خوا عەفوویی کات. یا خوا ئیمشەوی لە هەموو شەوێ خۆشتر بێت.  جگەرەیەکی تەواو نەئەکرد یەکێ تری ئەپێچاوە.  دایمە دیوەخانی پڕ بوو لە دووکەڵ. سرمیچ ئەبوو بە تەم و مژ. لەبەر دووکەڵ یەک دانە دیوەخانپۆش و تەختەی دیار نەبوو. ئەویش هەواڵ شاری پرسی. خاڵۆ مەجێ بۆ جاری سێهەم شانی لێ شل کرد: - بەیانی، قایم نوێژ، هەڵسام.... تا گەیشتە چایی خواردن قاوەخانە. - قوربان ئەونەی شەغرەیەک بدەیت ماتڵ بووم باش بوو تیبیتی هات و سوار بووم. نوێژ نیوەڕۆ مابوو، گەیشتمە سنە. لە مزگەوت هاجەرەخاتوون نوێژێکم کرد و تاوێ پاڵکەوتم. پاشان چووم بۆ دەور مەیان. بێ ئێوە ناخۆش نان و چاییەکەم خوارد. جەماعەت پێکەوە وتیان:" نۆش گیانت!" - سەرتان نەیەشێنم سەرێ تاریکەبازاڕم دا. بڕێ کەلوپەل و وردە وەسایلم سەند. حەماڵێکم گرت و شتەکانی دا بە شانیدا و بەرەو لای ماشینەکان ڕێکەوتین. بەش خوا هەوەڵ نەمناسی. وەختێ کەوتینە قسە، ئەمە نەبی  بوو! قێخا شەریف پرسی: - کام نەبی؟ - کورە نەبی دایە خەرامان. - ئاهاهاها!  خەرامان خوشک شەریف! حەمالی و کاکەوڵا و شەریف برا بوون. بێجگە لە خەرامان چوار کچ تریان بوو. دانێکیان لە باخەڵ حاجی ئەبووبەکر بوو. دەی خاس.. - هیچ وەڵڵا. کەلوپەلەکەی بردە لای ماشینەکان. هەواڵ دایکیم پرسی، ئەویش بۆ من پرسیاری کرد. باڵی گرتم وتی با بڕۆینەوە بۆ ماڵەوە. بەڵام قەوڵم پێ نەدا. لە نەبی خواحافیزیم کرد.سوار ماشین بووم. شتەکانم بردە دووکان ئا شوکرە. لەوێش بازێ قەن و برنج و چاییم سەند. حەق و حەسێب پارەکەم کرد.... دەروێش سەعی، وەک کوناوەجەی سەرتەنوور دووکەڵێکی کرد و پرسی: - ناشێ خارووبار گران نەبووبێت! - بۆ گرانی گران نەبووە. کورە خوا بڕیویە. تەواو دوورە دەسین. ئەوە حاڵ نەبوو تا بارم کرد و گەیاندمە ترمیناڵ.  ئەو شەوە لە ماڵ حەسەن ئامۆزام خەوتم و بەیانیەکەی سوار بووم و گەڕامەوە بۆ قاوەخانە! لەوێ سەرکار کاشفی و سێ پیاو سەرپەتی دانیشتبوون. سڵامێکم دایە حازری. جەماعەت پێکەوە وتیان:" عەلەیک و هەزار سڵام!" - خوا هەڵناگرێ ئەوانیش جوابیان داوە. سەر و چاییمان خوارد. کاشفی وتی: - خاڵۆ مەجی! ئەم پیاوانە لە سجیل ئەحواڵەوە هاتوون. دێ بە دێ ئەگەڕێن و سجیل ئەدەن بە خەڵک! هاکا دوو سێ ڕوژی تر هاتن بۆ لای ئێوەیش! درۆزن ڕووڕەشە نەمزانی سجیل چییە!؟ بەتەمابووم بپرسم باش بوو یەکێ لە سەرپەتییەکان لە ناو ساکەکەی لەتە مقەبایەکی دەرهێنا و وتی: - هەموو کەسێ ئەبێت دانێ لەمانەی ببێت. بە سەریەوە، ناو خۆی و  باوک و دایک و ڕۆژی لەدایکبوونی ئەنووسرێت! ئێمە لەم قسە و باسانە بوین فەرەیدوون گیان وڵاخەکانێ هێنا. بارەکانمان بار کرد و لێمان خوڕی بۆ ئاوایی. شوانەکە پرسی: - باشە ئەم سجیلە بۆ چی باشە؟ - نازانم بە خوا. ئەونەی لێ ئەزانم ئەبێت هەموومان بمانبێت. بە قسەیەک من بیستوومە بە خەڵک ناوشاریان داوە. قسە لە قسە و باس لە باس، هەر یەکەو شتێکی وت. یەک وتی:"  شا چی نەکراوە؟ لە ماڵ خۆی دائەنیشێت و حەسێب دانیشتوویی شار و دێ ئەزانێت!" یەکێ تر وتی:" ئەمڕا ئەزانن کێ کوڕی هەیە.هاکا کوڕ هەژار و فەقیریان برد بۆ بەرەی شەڕ و سەربازی یان بێگاری!" دەروێش سەعی وتی:" چ مەعلووم پووڵیش نەخاتە پای!" لە کۆتاییدا مەلا جەمیل وتی:" خۆ جارێ سجیل ئەحواڵ نەهاتووە. خوا کردی و هاتن، ئێمەیش وەک ئەم هەموو خەڵکە. بە قسەیەک من بیستوومە، فەرمان دەوڵەتە و ئێمەیش ملمان لە موو باریکترە!" کۆتایی بەشی۱ #سید_نعمان_برزگر #نەعمان_بەرزگەر 🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە. ▪️چیرۆک و بەسەرهات @noman_barzegar https://s8.uupload.ir/files/inshot_۲۰۲۴۰۶۱۷_۱۷۰۶۱۴۱۷۸_y0z.jpg

سجیل خاڵۆ مەجی لە شار گەڕایەوە. شەوەکەی ماڵوولایی ئاوایی هاتن بۆ لای. ئەویش بە تاقەت و هەوای شان،  باس سەفەر شاری کرد. - بەیانی، قایم نوێژ، هەڵسام.تا سەرێ حەوزم دا و نوێژەکەم خوێند، تووبا نان و چایی ئامادە کرد. بێ ئێوە ناخۆش، بەردڵێکم خست و خۆم کۆ کردەوە. ئامانەتی ماڵەکەم دا بە کەیبانۆم... ▪️بۆ خوێندنەوەی درێژەی چیرۆک، هەموو شەوێ کاتژمێر 10 سەردانی کەناڵی " چیرۆک و بەسەرهات" بکەن. @Diwakhan1401 @noman_barzegar

گوڵ ئامان گوڵ نەجمەدین غوڵامی

ماڵ جیایی وەخت خەوتن،شیوا وتی:" باوڕەکەی خۆت لێ کردووەتە نابەڵەو.قەرار بوو بەهار جیا ببینەوە و بڕۆینە ناو ماڵ خۆمان."جەلیل وتی:"ڕاس ئەکەی قەوڵم دابوو تا بەهار بە سەر ماڵەوە بین.وا ڕێکەوت دایکم نەخۆش کەوت.هاتووچۆ و دوکتۆر و میوان یەک دوو مانگێکی پێ چوو.خاڵۆژنیشم فەوتی کرد.خۆت باش ئەزانی چەنی گرفتار بوین." شیوا کردیە جواب:"ئەمانە گشتی بەهانەیە.نەخۆشین و پرسانە بە من چی؟وەڵڵا و بیللا تەواو وەک کوڵفەتم لێ هاتووە.خوا نەکا دانێکیان  بێژن دەستت خۆش یا بێژن ئاوە ڕووسەری یان کراسێ بێ قابل! نازانم من چیم لە چنوور براژنت کەمترە؟هەر لە دڵم دەرناچێت،ئەو ڕۆژە دایکت لە لای من، تاریفی ئەکرد.خو من مناڵ نیم و عەقڵم پێ نەشکێ!" @noman_barzegar جەلیل وتی:"شیوا گیان.خۆم گشتی ئەزانم.تۆ زەحمەت زۆر ئەکێشی.بە خوا دایکم و باوکم لە هەموو کەسێ باشتر ئەزانن عەزیەت ئەم ماڵە ها بە سەرشانتەوە لەوانەیە بە باشی عادەت دایکم نەناسی.هیچ وەخت پشتەسەر قسە ناکات.ئەوە بزانە لای چنور چەندین جار تاریف تۆی کردوە!"وتی :"من ئەمانە نازانم.بە خوا بڕۆمەوە بۆ ماڵ باوکم نایەمەوە تا نەچینە ناو ماڵ خۆمان.ئەگەریش ئەزانی بۆت ناکرێ،بە سێ کەلیمە حەڵاڵتم.با بێ دڵێشان دەستمان لە دەست یەکتری ببێتەوە!" جەلیل زانی قسە کردن بە دەرد ناخوات و کەڵکی نییە، هەر بۆیە  وتی:"باشە پەنا بە خوا بە زوویی ماڵمان جیا  ئەبێتەوە!" @Diwakhan1401 بەیانی لە سەر سفرە وتی:"دایە گیان،ڕاسی من قەرارە ماڵێ بە کرێ بگرم و دەست ژن و مناڵەکەم بگرم و بچمە ناوی.تۆ و باوکیشم با کەمی سەرتان سووک بێت.ئێوە کەی تاقەت قێڕە و ڕاوڕاوان مناڵتان ماوە؟ درووسە بە ناو، جیا ئەبینەوە ،بەڵام مەنزڵمان هەر لای ئێوەیە!" دایکی وتی:"ڕۆلە جا من و باوکت ماڵمان بۆچیە؟دوو تەبەقە ماڵە. لە بەیانی زووتر نییە کرێنشینەکە جواب ئەکەین.ئێوەیش بۆ خۆتان دانیشن.ئەزانم شیوا گیانیش حەز ناکات بڕوات.وا نییە بە قوربان؟" شیوا سەیرێکی  جەلیلی کرد و وتی:" بە خوا خۆی ئەزانێ.من کارم نییە.جا پیاو کەی بە گوێی ژن ئەکات؟ قسە قسە خۆیە! ئێوە، دایک و کوڕ، لە یەک دەرناچن، من بۆچی خۆم خراپ کەم!" کۆتایی #سید_نعمان_برزگر #نەعمان_بەرزگەر 🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە. ▪️چیرۆک و بەسەرهات @noman_barzegar https://s8.uupload.ir/files/inshot_۲۰۲۴۰۶۱۷_۱۲۲۴۳۰۶۲۳_qdp.jpg

غوربەت عەتا ئەحمەد

بە بۆنەی هاتنەوەی جەژنی پیرۆزی قوربانەوە، گەرمترین پیرۆزبایی خۆمان ئاراستەی ئێوەی خۆشەویست و لایەنگرانی چیرۆک و بەسەهاتی کوردی ئەکەین، هیوادارین ئەم جەژنە ببێتە مایەی شادی و خۆشی و ئاشتی و تەبایی زیاتر و لاپەڕەیەکی تازە بێت بۆ وەلانانی ناکۆکی و لێک‌نزیک‌بوونه‌وه‌ی گەلەکەمان لە یەکتر. جەژنتان پیرۆز بێت. گەردنمان ئازاد کەن و گەردنتان خۆش و ئازاو بێت. ئەدمینی کەناڵی چیرۆک و بەسەرهات @noman_barzegar

خۆشم دەوێی خالد ڕەشید

دەستی باوکم (بەشی کۆتایی) 🔸نووسەر: نەعمان بەرزگەر 🔸خوێندنەوە: مەنسوور سوڵتانی ئازەر @noman_barzegar

دەستی باوکم بەشی کۆتایی حاجی عەلی بە دەنگ بەرز وتی: - ڕەحمەتی خواتان لێ بێت. جەنازەکەی هێرش گیان ئەبەین بۆ مزگەوت. پاش شۆردن و کفنکردن، لە زیارەتان مووسک ئەسپەردەی خاکی ئەکەین. خوا بە زۆرمان نەزانێت قەوم و برا زۆرن. کۆڵانەکان مزگەوتیش چکۆلەن. تکاتان لێ ئەکەم لە خوارەوە ماشینەکانتان جێ بێڵن. جەماعەت خزم و کەس، لە ژن و پیاو بە جارێک ئەگریان. دایە مەستوورە ویستی سەرکەوێت و سوار ئامبوولانس ببێت، سامان لە پشتەوە دەستی گرت و وتی: - دایە گیان! تۆ ئاگات لە پەروین و مناڵەکان بێت من خۆم ئەڕۆم. هاوڕێ دەست ژاڵان و ڕادمین و نازەنین خێزانیشی باڵ پەروینی گرت و سوار ماشین بوون. لە کۆڵانێکی خوار مزگەوتەوە دابەزین و  چوون بۆ مزگەوت. مامۆ ساڵەح مجێور، ڕێگەی نەدا ژن و مناڵ بڕۆنە ژوورەوە. کاتێ ڕێگری لە پەروین و مناڵەکانی کرا، مامۆستا بانگی کرد:" مامۆ ساڵەح گیان با بنەماڵەی هێرش بێنە ماڵەوە." بڕیار وا بوو خاڵۆ تەیووب و هاوڕێ تەرمەکەی بشۆرن. مامۆستا وتی:" ئەگەر خێزانی بیەوێت ئەتوانی ئەویش بێت."  حەوش مزگەوت بوو بە گریان و هاوار.  بەر لە شۆردنی ڕێگەیان دا بۆ کۆتاجار، دایە مەستوورە و  شەرمین و ژاڵان خواحافیزی لە هێرش بکەن! خاڵۆ تەیووب و هاوڕێ، بە کوڵ ئەگریان. دایە مەستوورە و شەرمین بە گریان و لاواندنەوە کەوتنە ماچ کردنی. ژاڵان بێدەنگ سەری خستە سەر سینەی باوکی. پاشان گۆنای ماچ کرد. دەستی گرت. چەن جار ماچی کرد و هێنای بە سەر چاویدا. " ئاخ بووچی دووریم لە بابەم گرت؟ بۆ چی قارم کرد؟ بۆ چی ئەو هەموو بانگی کردم وەڵامم نەدایەوە؟ داخی داخانم بۆ ئەو شەوە لە تەنیشتما پاڵکەوت! بۆ چی پشتم تێ کرد؟ بۆ چی خۆم کردە خەوتوو؟ ئاخ بۆ ئەو دەرفەتە خۆشە! حەیف نەبوو پێکەوە نانمان نەخوارد؟" ڕادمین بە دەنگ بەرز ئەگریا. هاوڕێ لە باوەشی گرت. - مەگریە باوانەکەم! مەگریە هەر چی کەسم! بە قوربان فرمێسکەکانت بم! حاجی عەلی گۆشەی درگاکەی کردەوە و وتی: - تەیووب با ئەو ژن و مناڵە بێنە دەرەوە. دێرە. هاکا تاریکی کرد. خەلایەقەتێ زۆر لە دەرەوە ماتڵن. حەمەی سەیزادەیش ماڵی نەشێوێت، قەبرەکەی ئامادە کردووە! خاڵۆ تەیووب ڕووی کردە کەیبانۆی: - مەستوورە مناڵەکان ببە دەرەوە. با بیشۆرین. دێرە خەڵک چاوەڕێن! ئەویش  شەرمین و پەروین و مناڵەکانی بانگ کرد. ژاڵان سەری بە سەر قاچ باوکیەوە بوو. چاوەکانی بەستبوو. وەک ئەوەی خەوی لێ کەوتبێت. یان لە خەیاڵێکی قووڵدا بێت! @noman_barzegar حاجی عەلی سامانی بانگ کرد: - سامان ڕۆڵە! زۆری نەماوە خۆر ئاوا بێت. مناڵەکان هێرش و خزمەکان نان و ئاویان گەرەک. گریان دانێ بۆ دوایی! مەسعوود زاوایان، دەستی خستە سەرشان سامان و وتی: - کاکە بێخەم بە. سەعاتێ لەمەو پێش مریشک و برنج و هەموو شتێکم ئامادە کردووە. ئەحە فەیزەی دارسەیرانم بانگ کردووە. لەوانەیە ئیستە نان و چێشت پێگەیشتبێت. مەسعوود پیاو تەنگانەیە. دایمە خاڵۆ تەیووب ئەیوت:" گەرچی زاوامە و مێرد شەرمینە، بەڵام من بە کوڕ خۆمی ئەزانم!" مامۆ ساڵەح و کاکە لەتیف و مەسعوود و پیاوێ ڕەشتاڵە، من نەمناسی، دارەمەیتیان هێنا. پەتوویان خستە سەری بردیانە ژوورەوە. پاش چوار پێنج خولەک، تەرمەکەیان هێنایە دەرەوە. حەوش بوو بە ڕوژ حەشر. دەنگ گریان و باوکەڕۆ ئەگەیشتە قەندیل و شاهۆ و نەکەرۆز. پیاوەکان دوای کەوتن. ڕێگری لە ژنەکان کرا. ژاڵان هاواری کرد:" تۆ خوا بابەم! تۆ خوا با منیش بێم!" لەگەل گریان و هاوارەکەی، پێی گیر بوو لە چوارچێوەی درگای مزگەوت و بە سەردا چوو و لە خەو ڕاپەڕی! چاوەکانی کردەوە. هەموو جەستەی تەڕ بوو.  سەرینەکەی خووسابوو. تماشایەکی ناو ژوورەکەی کرد. کەس نەبوو! نە پرسە و نەگریان! بیری کردەوە، ئەمە ژوورەکەی خۆیە. لە زانکۆ گەڕایەوە و مانوو بوو. سەیر کاتژمێری کرد، دوو و نیوی دوای نیوەڕۆ بوو. باوکی هاتەوە بیر! بە پەلە چوو بۆ هۆڵەکە. دایکی خەریک سەیرکردن تەلەفیزۆن بوو! - کوانێ بابەم! تۆ خوا بابەم! ڕادمین وتی: - چییە دادە؟ مەگەر تۆ قار نەبوویی؟ - بابەم چی لێهات؟ تۆ خوا خەریکە دڵم ئەتەقێت!! دایکی کردیە جواب: - ئەو گریان و هاوارە چییە؟ بابەت لە دووکانە! چوو بۆ ژوورەکەی خۆی. موبایلەکەی کردەوە. ژمارەی باوکی گرت. بە گریانەوە  وتی: - بابە گیان بە قوربانت بم. بابە گیان قەزات لە گیانم. قەزای دەستت لە من. دەردت لە گیانم کەوێت! نازانم باوکی چی وت. موبایلی دانا. بە نۆرە دایکی و ڕادمینی گرتە باوەش و چەن جار ماچیانی کرد. کاتێ هێرش گەڕایەوە بۆ ماڵەوە، ژاڵان چوو بۆ پێشوازی و لە باوەشی گرت! - بابە گیان یەک هەناسەت بە هەموو سەیرانێکی ئەم جیهانە ناگوڕمەوە! - کورە قەزات کچە کاڵەکەم! تۆ ئارامی دڵ و گیانمی! کۆتایی #سید_نعمان_برزگر #نەعمان_بەرزگەر 🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە. ▪️چیرۆک و بەسەرهات @noman_barzegar https://s8.uupload.ir/files/inshot_۲۰۲۴۰۶۰۸_۱۳۲۴۴۱۶۴۱_knrd.jpg