Research Services

که ته له دې فکر سره ژوند ته دوام ورکړې، چې نن سبا ښه ملګري نشته، رښتینې ملګرتیاوې پای ته رسېدلې دي او خلک یوازې د خپل مطلب لپاره اړيکې ساتي، نو بیا دې یوازیتوب مبارک شه؛ ځکه په دغه فکر او سوچ به هیڅکله ملګري و نه مومې. او که کله دې ملګري پیدا هم کړل او د دوستانو کړۍ دې پراخه شوه، نو هغوی به هماغسې خلک واوسي، څه ډول چې تا د ملګرتيا اړيکې اټکلولې. ځکه تا دا قبوله کړې وه، چې د اړيکو يوازې نوم پاتې، نو ستا په ذهن او ستا روان ژوند کې چې اوس څه ډول خلک دي نو هماغسې به وي، څه ډول چې تا په خپل ذهن کې انځور کړي وو. او دا خبره چې نن سبا ريښتيني اړيکې نشته او یا ډېرې کمې پالل کېږي، دا يوه ذهني غلط فهمي ده، ځکه ټول خلک هيڅکله په يوه بڼه نه شي جوړېدلی، هر انسان بد نه دی. د دې دنيا دود او دستور همداسې ګرځېدلی، چې په يوه بد پسې ټول ښه اشخاص په بد نوم يادېږي او بله دا چې هر څه منفي او مثبت لوري لري، خو! زه حیران دې ته يم، چې په ښو خلکو پسې هر شخص بیا تر ډېره ښه نه يادېږي او نه به هم ياد شي!!!