V Tech Guide

Potential doesn’t mean shit if you don't do the work. အလုပ် တကယ်မလုပ်ရင် ဖြစ်နိုင်ခြေ ရှိတာတွေရော ၊ အလားအလာ ရှိတာတွေရောက အလကားပဲနော် ။ လူတွေရဲ့ ကိုယ့်အပေါ် ပေးတဲ့ "မင်းက ဖြစ်နိုင်ခြေ ရှိတယ် ၊ အလားအလာရှိတယ်" ဆိုတဲ့အပေါ် မှာပဲ ဖီးလ်တတ် မနေပါနဲ့ ။ အလုပ် တကယ်လုပ်ပါ ၊ အလုပ်တကယ် လုပ်မှ သူတိုပြောသလို အလားလာတွေ တကယ်ရှိလာမှာပါ ။ အိမ်မက်အကြီးကြီးတွေ ဖြစ်လာမှာပါ ။ မဟုတ်ရင် ကျနော့်အဖေ ပြောလေ့ရှိသလို “မုန့်ဆီကြော်က ဘယ်ဆီနေမှန်း မသိ” ဆိုတာမျိုး အိုင်ဒီယာတွေ ၊​ လုပ်ချင်တာတွေ ပဲ ထိုင်ပြောပြီး အကောင်အထည် မဖော်တော့ လေထဲမှာတင် ပျောက်သွားသလို မဖြစ်အောင် တကယ် အကောင်အထည်ဖော်ပါ ၊ တကယ် လုပ်ကြည့်ပါ ။

တစ်ကိုယ်ကောင်းဆန်တယ်ဆိုတာ အသိုင်းအဝိုင်းနဲ့လည်း ဆိုင်တယ်။ ကိုယ့်တိုးတက်ရာတိုးတက်ကြောင်းကို အလေးထားတာ၊ ကိုယ့်ဘ၀အတွက်ကြိုးစားဖို အချိန်ပေးတာ၊ ကိုယ့်ကိုကိုယ်ချစ်တာတွေကို တချိုလူတွေက တစ်ကိုယ်‌ကောင်းဆန်တာလိုမြင်တယ်။ ဒါမဲ့ တကယ်ဘ၀တက်လမ်းအတွက် ကြိုးပမ်းနေကြတဲ့အသိုင်းအဝိုင်းမှာတော့ ဒါကိုတစ်ကိုယ်ကောင်းဆန်တယ်လိုမမြင်ဘူး။ အစွန်းမရောက်တတ်ဖိုတော့ အရေးကြီးတယ်။ တစ်ခုတော့ရှိတယ်၊ ကိုယ်က မိသားစုကိုထောက်ပံ့နေရတဲ့သူ၊ တာ၀န်ယူနေရတဲ့သူမျိုးဖြစ်နေတယ် မှီခိုနေတဲ့သူတွေကလည်း ကိုယ်လဲကျသွားတာနဲ့ တစ်ပြုံကြီးလိုက်လဲကျမယ့်သူတွေချည်းပဲဆိုရင် ကိုယ့်ဘ၀ကိုလဲမကျသွားရအောင် ထိန်းထားတာ၊ဂရုစိုက်တာကို တစ်ကိုယ်ကောင်းဆန်တယ်လိုမခေါ်ဘူး။ ဒီလိုမျိုး ကိုယ့်ကိုကိုယ်ဂရုစိုက်လိုက်တာက အခြားသူတွေအတွက်လည်း ဂရုစိုက်ရာရောက်စေတယ်။

မကြာခဏကိုယ့်ကိုယ်ကို အချိန်ပေးပြီး reflect လုပ်တဲ့သူတွေက သူများထက် clarity ရှိတဲ့အတွက် ကောင်းစွာလုပ်ဆောင်နိုင်လေ့ရှိတယ် ဒီနေ့က ၁၀ ရက် ၁၀ လ မှာ ကိုယ့်ကိုယ်ကိုမေးကြည့်ရမယ့် အရာ ၁၀ ခု မျှဝေပေးလိုက်ပါတယ် 🫰🏻 ၁. ငါအခုအရွယ်ထိ ဘဝမှာ လုပ်ခဲ့တာတွေထဲက က်ုယ့်ကိုယ်ကို ဂုဏ်အယူရဆုံးက ဘယ်တစ်ခုလဲ? ၂. လက်ရှိသူငယ်ချင်းတွေကို ဘယ်အရာတွေကိုကြည့်ပြီး ငါသူငယ်ချင်းလိုသတ်မှတ်ခဲ့သလဲ ? ၃. ပိုက်ဆံကသာ ပြဿနာမဟုတ်ဘူးဆိုရင် အခုအချိန်မှာ ငါအလုပ်ချင်ဆုံးကဘာလဲ ? ၄. ကိုယ်လေးစားရတဲ့ သူတွေမှာ ကိုယ့်မှာမရှိသေးတာဘာတွေရှိနေလဲ ? ၅. ပြောင်းလဲမှုကြီးကြီးမားမား ဘယ်တုန်းကနောက်ဆုံးလုပ်ခဲ့လဲ ? ၆. ငါမိဘတွေ ကျေးဇူးရှင်တွေကို လုပ်ပေးချင်တာတွေလုပ်ပေးပြီးပြီလား ? ၇. ဘယ်အရာတွေစွဲလမ်းမိနေသလဲ ? ဖြတ်လိုရောရနိုင်လား ? ၈. မနက်နိုးလာရင်ရခေါင်းထဲအရင်ဆုံး ဝင်လာလေ့ရှိတဲ့ အတွေးကဘာများလဲ ? ၉. နောက် ၅ နှစ်မှာ ဘယ်လိုလူဖြစ်ချင်လဲ ? ၁၀. ဒီနေ့သေရမယ်ဆိုရင် မသေခင်ဘာတွေလုပ်သွားချင်လဲ ?

👩‍💻👨‍လူဆိုတာ 👨‍👨‍💼 🕵️ ရှာထားတဲ့ငွေကြေး ကုန်သွားရင် ပြန်ရှာလို့ရတယ် 💵 နာမည်ပျက်သွားရင်တောင် ပြန်ပြင်လို့ရသေးတယ်🗣️ ❤️ စိတ်ဓာတ်က ကောက်ကျစ်ယုတ်မာရင် လမ်းဆုံးပီး🛣️

တော်တဲ့သူတွေဆိုတာ အကြောင်းမဲ့ တော်လာတာမဟုတ်ဘူး သူတိုမှာ တော်လာစေတဲ့ - အကျင့် - စိတ်ဓါတ် - နည်းစနစ် - ခံယူပုံနဲ့ - လောကအမြင်တွေရှိတယ် ဒါတွေကို သင်ယူလေ့လာပြီး ကိုယ့်ဘဝမှ လက်တွေကျင့်သုံးလေလေ ကိုယ့် ဘဝရဲ့ qulity လဲ ကောင်းလာလေလေပဲ

လူငယ် ၃ မျိုး ရှိတယ်။ လူငယ် ( ၁ ) ဒီလူငယ်တွေက ဘာမှမလုပ်တဲ့ လူငယ်ဖြစ်တယ် ။ သမီးရည်းစား ကိစ္စနဲ့တင် အချိန်တွေ ပုပ်နေတယ်။ မျက်ရည်နဲ့ မျက်ခွက်ဖြစ်နေတယ်။ လိုတာထက်ပိုပြီးတော့ လမ်းပျောက်နေတယ်။ ဒီလူငယ်တွေအတွက် ဘာမှထွေထွေထူးထူး ပြောစရာကို မရှိဘူး။ သူတိုမှာ ရည်မှန်းချက်မရှိဘူး။ အနာဂတ်အတွက် တွေးပူတာမျိုး ၊ ပြင်ဆင်တာမျိုးလည်း မရှိဘူး။ နောင်ခါလာ နောင်ခါစျေး လူငယ်ဘဝ ပျော်ပျော်ပဲ နေလိုက်ဆိုတဲ့ လူငယ်တွေ ဖြစ်တယ်။ လူငယ် ( ၂ ) Fake Busy Dreamer အလုပ်မဟုတ်တာကို အလုပ်လို ထင်နေတဲ့ လူငယ်တွေဖြစ်တယ်။ ဒီလူငယ်တွေက အလုပ်မလုပ်တာတော့ မဟုတ်ဘူး လုပ်တယ်။အလုပ်များနေပါတယ်ဆိုတဲ့ ပုံစံလည်း ပေါက်တယ်။ မိုတီဗေးရှင်း video တွေကြည့်တာကို အလုပ်လုပ်တယ်ထင်တာတို ၊ Note-taking ရေးတာ Free Seminar တွေတက်တာကို အလုပ်လုပ်တယ် ထင်တာတို ဖြစ်တယ်။ သူတို အချိန်တွေဖြုန်းနေတယ်လို မခံစားရဖိုကို သူတို အလုပ်လို ထင်တာတွေကို လုပ်နေခြင်းဖြစ်တယ်။ သူတိုကိုယ် သူတို အလုပ်လုပ်နေတယ်လို ခံစားရအောင် ၊ သက်တူရွယ်တူ အခြားသူတွေရဲ့ကြား social status တစ်ခု ရဖို အရေးမပါတာတွေလုပ်ပြီး အလုပ်ရှုပ်နေကြတဲ့ လူငယ်တွေဖြစ်တယ်။ လူငယ် ( ၃ ) ဒီလူငယ်တွေကတော့ တကယ် Builder ( တည်ဆောက်နေသူ )တွေဖြစ်တယ်။ သူတိုက တိတ်ဆိတ်ပြီးကြိုးစားသူ ဖြစ်ရင်ဖြစ်မယ်။ အသံကျယ်ပြီး ကြိုးစားသူ ဖြစ်ရင်ဖြစ်မယ်။ ကိုယ်လိုချင်တဲ့ Skills ( အရည်အချင်းတွေ ) ၊ ကိုယ်လိုချင်တဲ့ ပန်းတိုင်အတွက် လုံးဝအဆက်မပြတ် အားထုတ်နေသူတွေ ဖြစ်တယ်။ အံကြိတ်ပြီး ကြိုးစားနေတဲ့သူတွေ ဖြစ်တယ်။ ဖြစ်နိုင်တဲ့ အရာတွေအပေါ်မှာ လိုက်အားထုတ်နေတယ်။ ကိုယ့်ထက်ကြမ်းတဲ့ လူသစ်တွေနှင့် လိုက်တွေ့နေသူတွေ ၊ အခွင့်အလမ်းတွေကို လိုက်ရှာနေသူတွေ ၊ ဘယ်သူမှ တံခါးလာခေါက်တာကို မစောင့်ဘူး ၊ ကိုယ်တိုင်က တံခါးသွားခေါက်သူတွေ ဖြစ်တယ်။ ဒီလူငယ်တွေက တကယ် Builder ( တည်ဆောက်သူ )တွေဖြစ်တယ်။ အခု မသိသာရင်တောင် ၁နှစ်ကြာပြီးနောက် အရမ်းကို သိသာပါတယ် သူတိုရဲ့ တိုးတက်ဖွံဖြိုးမှုနှုန်းတွေက ။ သင်ကကော ဘယ်လူငယ်တွေထဲမှာ ပါဝင်နေလဲ ။

တစ်ခုခု လုပ်မယ်လို စိတ်ကူးတာက တကယ်လုပ်ရမယ့်အရာကို လုပ်နေတာမဟုတ်ပါ တစ်ခုခုလုပ်ဖို schedule လုပ်တာကလဲ တကယ်လုပ်ရမယ့်အရာကို လုပ်နေတာမဟုတ်ပါ Todo list ထဲမှာလုပ်စရာတွေထည့်တာလဲ တကယ်လုပ်ရမယ့်အရာကို လုပ်နေတာမဟုတ်ပါ လူတွေကို ငါဒါလုပ်တယ်မယ်လိုပြောတာလဲ တကယ်လုပ်ရမယ့်အရာကို လုပ်နေတာမဟုတ်ပါ သူငယ်ချင်းတွေကို ငါလုပ်ပြီလိုပြောတာလဲ တကယ်လုပ်ရမယ့်အရာကို လုပ်နေတာမဟုတ်ပါ ဘယ်လိုလုပ်မယ်ဆိုတာကို လိုင်းပေါ်တင်တာလဲ တကယ်လုပ်ရမယ့်အရာကို လုပ်နေတာမဟုတ်ပါ စ မလုပ်သေးတဲ့ ကိုယ့်ကိုယ်ကိုအပြစ်တင်တာလဲ တကယ်လုပ်ရမယ့်အရာကို လုပ်နေတာမဟုတ်ပါ လုပ်ပြီးသွားတဲ့သူတွေကို မုန်းတာလဲ တကယ်လုပ်ရမယ့်အရာကို လုပ်နေတာမဟုတ်ပါ ကြုံရမယ့်အခက်အခဲတွေကိုမုန်းတာလဲ တကယ်လုပ်ရမယ့်အရာကို လုပ်နေတာမဟုတ်ပါ လုပ်ပြီးရင် ရလာမယ့် result ကိုတွေးတာလဲ တကယ်လုပ်ရမယ့်အရာကို လုပ်နေတာမဟုတ်ပါ ဘယ်လိုလုပ်ရမလဲစာဖတ်တာကလဲ တကယ်လုပ်ရမယ့်အရာကို လုပ်နေတာမဟုတ်ပါ သူများဘယ်လိုလုပ်ခဲ့တာကို ဖတ်တာလဲ တကယ်လုပ်ရမယ့်အရာကို လုပ်နေတာမဟုတ်ပါ တကယ်လုပ်ရမယ့်အရာကို အမှန်တကယ်လုပ်တာမှ တကယ်လုပ်ရမယ့်အရာကို လုပ်နေတာပါမိတ်ဆွေ 🫰🏻

နောက်ကျောကိုဓါးနဲ့ထိုးခံဖူးရင် ကျောလုံဖို သတိပိုထား ကျောမာလာဖိုကျင့် မဟုတ်ရင် ထိုးကောင်းမှန်းသိရင် လူတွေက မကြာခဏလာထိုးလိမ့်မယ် အဲ့ကြရင်သူတိုအမှားမဟုတ်တော့ဘူး ကိုယ်ညံ့တာဖြစ်သွားပြီ

ဖုန်းကို ဘုရားလိုသုံးပြီး ဘုရားကိုဖုန်းလိုသုံးတဲ့ ခေတ်ကြီးတောင်ရောက်လိုနေပြီ ဖုန်းလေးကိုနေ့စဉ်အားသွင်းကြိုးနဲ့ဆွမ်းကပ် လိုအပ်တာလေးတွေဖြည့်ဆည်းပေး ကာဗာလေးတွေနဲ့ သေချာကိုင် ဖုန်းမရှိရင် ဘဝက အဓိပ္ပာယ်မဲ့သလိုခံစား ဘုရားကြတော့ လိုချင်တာရှိမှ ဖုန်းလှမ်းဆက်သလိုလှမ်းတောင့်တတာမျိုး

သူများတွေဘာထင်မလဲ တွေးပူပြီးဘာမှသေချာမလုပ်ဖြစ်ဘူးဆိုတာ တော်တော်အားယား အလုပ်မရှိ ရည်ရွယ်ချက်မရှိ ပညာမရှိ အားနေရင် သူများအကြောင်း ထိုင်ပြောနေတတ်တဲ့ ပတ်ဝန်းကျင်မှာကြီးပြင်းခဲ့ရလိုပဲ တကယ်အလုပ်လုပ်တဲ့သူ ရည်ရွယ်ချက်ကြီယတဲ့သူ ပညာကြီးမားတဲ့သူတွေနားမှာနေကြည့်ရင် သူတိုမှာ သူများဘာထင်မလဲ တွေးမပူတာတွေ့ရလိမ့်မယ် ကိုယ်က တွေးပူတတ်တဲ့ သူဆိုရင် ကိုယ့်အတွက်ကိုယ်သာ တိုးတက်ဖိုသာ သေချာအချိန်ပေးလိုက် တွေးပူတာတွေလျော့လာမယ်

လွန်ဆွဲနေတဲ့ စိတ်တွေကြောင့် ဘယ်မှမရောက်ပဲဖြစ်နေတာများတယ် အောင်မြင်ချင်စိတ်တော့ရှိတယ် အသုံးမကျတဲ့ သူငယ်ချင်းတွေကိုလဲချစ်တယ် စွန့်စားပြီး တခြားနိုင်ငံတွေသွားချင်တယ် ကြည့်ရှူရမယ့် မိဘတွေကရှိနေတယ် စိတ်ဝင်စားတယ်လုပ်ကြည့်ချင်တယ် အခက်အခဲတွေ ခေါင်းစားတာတွေတော့မခံချင်ဘူး အလုပ်ကောင်းကောင်းလိုချင်တယ် အောက်ခြေကနေစဖို့မလုပ်ချင်ဘူး အစရှိတဲ့ ပြောင်းပြန် အစွန်း ၂ဖက် ဆွဲအားတွေကြောင့် စိတ်ပျက်ရရင် လိုချင်မှုတိုင်းအတွက် ပေးဆပ်မှုရှိမှရမယ်ဆိုတာသတိရပါ မိတ်ဆွေ

ဘယ်တော့မှ မရှုးတဲ့ investment formula ( S + K + N ) x E = V S - Skills K - Knowledge N - Network E - Effort V - Value ကိုယ့်ရဲ့ skill , knowledge နဲ့ Network တွေအတွက် လိုအပ်တဲ့ အားစိုက်ထုတ်မှုတွေ Invest လုပ်လိုက်မယ်ဆိုရင် Value ရှိတဲ့လူသားဖြစ်လာမယ် ကိုယ့်ကိုယ်ကိုအတွက် ရင်းနှီးမြှုပ်နှံလိုက်တာက ဘယ်တော့မှ ရှုးတယ်လိုမရှိဘူး

လူတွေခန့်မှန်းလိုမရအောင် နေတာကောင်းတယ် ပုံမှန်လူတွေက ဒါဖြစ်ရင်ဒါလုပ် ဒီလမ်းလျှောက်ဒီရောက် စတဲ့ ရိုးရှင်းတဲ့ပုံစံနဲ့သွားတယ် တကယ်တော့ အဲ့ဒီလို ပုံစံခွက်ကြီးနဲ့ သွားရမယ်လို ဘယ်သူမှ ဥပဒေမထုတ်ထားဘူး ပုံစံခွက်ထဲကကွဲထွက်အောင်လုပ်ပြီး အောင်မြင်နေတဲ့သူတွေ ပတ်ဝန်းကျင်မှာမှ အများကြီး သီချင်းဆိုတဲ့ ဆရာဝန် မင်းသားလုပ်တဲ့ rapper Coffee ဆိုင်ဖွင့်တဲ့ engineer အဝတ်ရောင်းတဲ့ DJ Public speaking ပြောတဲ့ Tech သမား ကိုယ့်ကိုယ်ကို ဘောင်ခတ်မထားရင် သွားလိုရတဲ့လမ်းတွေမှအများကြီး အရေးကြီးတာ ကိုယ်လုပ်တဲ့နယ်ပယ်မှာ အဖြစ်ရှိအောင်လုပ်ဖိုပဲလိုတယ် မထူးဇာတ်ခင်းပြီး မကြိုက်တာကြီးကို ဖျစ်ညှစ်ပြီး တစ်သက်လုံးလုပ်နေဖိုမလို Be a paradox 🪄

1) ဘာမဆို ဖြေရှင်းပေးနိုင်တဲ့ Chatgpt.com 2) အသံကို စာသားပြောင်းပေးတဲ့ RecCloud.com 3) ပန်းချီပုံတွေ ဖန်တီးပေးနိုင်တဲ့ MidJourney.com 4) ကုဒ်ရေးပြီး အလုပ်လုပ်ပေးတဲ့ Replit.com 5) AI ဗီဒီယိုတွေ ဖန်တီးပေးတဲ့ Synthesia.ai 6) စက္ကန့်ပိုင်းအတွင်း သီချင်းဖန်တီးပေးတဲ့ Soundraw.io 7) စာသားကို ဗီဒီယိုတွေအဖြစ် ပြောင်းပေးတဲ့ Fliki.ai 8 ) AI ပုံတူတွေ ဖန်တီးပေးတဲ့ Starry.ai 9) ဓာတ်ပုံတွေကို မြန်မြန်ပြင်ဆင်ပေးတဲ့ PicWish.com 10) Presentation တွေ ပြုလုပ်ပေးတဲ့ SlidesAI.io Thank me later!!

ကိုယ်လုပ်နေတဲ့အလုပ်ကို မိဘက ၁၀၀% support ပေးရင် သင်ဟာသိပ်ကိုကံကောင်းတဲ့သူဖြစ်တယ် - တချိုက မိဘကသဘောမတူဘူး ( ၀ % ) - တချိုက မိဘက ပိုက်ဆံတော့ ထုတ်ပေးတယ်သိပ်အကြိုက်ကြီးမဟုတ်ဘူး ( ၅၀ % ) - တချိုက ပိုက်ဆံလဲထုတ်တယ် ဂုဏ်လဲယူတယ် ကိုယ်တိုင်လဲ ပါဝင်ကူညီတယ် ( ၁၀၀ % ) အများစုကတော့ ကံမကောင်းကြဘူး မိဘတွေမှာလဲ မိဘအတ္တလေးတွေရှိတော့ သူတိုလိုချင်တာ လုပ်ချင်တာ ဖြစ်ချင်တာမလုပ်ရင် သားသမီးဆိုးလို သတ်မှတ်ကြတာလဲရှိသေးတယ် အရေးကြီးတာတော့ communication ပဲ Communicate လုပ်နိုင်ဖို ၂ ဖက်လုံးက နားထောင်တတ်တဲ့နားရော ပြောတတ်တဲ့ပါးစပ်တွေရောလိုတယ် ကံကောင်းလာဖိုဆုမတောင်းပါနဲ့ ကံကောင်းလာဖို ကြိုးစားယူပါ 🙏🏻

Life hack - ၁ လကို ကုန်ကျစရိတ်ဘယ်လောက်ရှိလဲ အတိအကျတွက် - ၆ လ ထိုင်စားလိုရတဲ့ Amount ရတဲ့ထိစု - နောက်လတွေမှာ ဝင်တဲ့ဝင်ငွေရဲ့ 50% ကို ဝင်ငွေပိုဝင်ပြီး အလုပ်မြန်မြန်ပြီးစေမယ့် ပညာနဲ့ technology တွေမှာ invest လုပ် - တတ်လာတဲ့ပညာတွေနဲ့ ဝင်ငွေ double ဖြစ်လာရင် နောက် level တက်ဖို repeat the process 👀

ဉာဏ်ကောင်းရင် စိတ်ရှည်ဖိုခက်တယ် သူ့အတွက်လွယ်နေတဲ့အရာတွေကို ခက်ခက်ခဲခဲလုပ်နေတာမြင်ရင် စိတ်တိုတာပုံမှန်ပဲ ဒါကြောင့် ဉာဏ်တကယ်ကောင်းရင် တရားထိုင်ဖိုလိုတယ် သူများတုံးအမှုအတွက် ကိုယ့်ကိုယ်ကို ပင်ပန်းဆင်းရဲအောင် ဒေါသနဲ့ မညှဉ်းဆဲနေမိဖို စိတ်ကိုထိန်းနိုင်ဖို တရားထိုင်ဖိုလိုတယ် ကိုယ့်ကိုယ်ကိုချစ်ရင်တရားထိုင်ဖိုလိုတယ် ဘာသာရေးအရမလုပ်ရင်တောင် စိတ်ကိုလေ့ကျင့်ခန်းလုပ်သလို အထိန်းအကွပ်ရှိအောင်လေ့ကျင့်ဖိုလိုတယ်

ဘယ်လောက်ပဲ မွေးရာပါ ပါရမီရှိနေပါစေ အားစိုက်ထုတ်မှု မရှိရင် ဘာမှဖြစ်လာမှာမဟုတ်ဘူး ပါရမီပါပြီး ပျင်းနေသူထက် ပါရမီမပါပဲ ပုံမှန်ကြိုးစားတဲ့ သူက အမြဲ လိုလို သာနေဦးမှာပါပဲ 🤘🏻

ငါများတစ်ခုခုမှားနေလားဆိုပြီး ကိုယ့်ကိုယ်ကိုလိုက် ပြုပြင်ခဲ့ဖူးတယ် တကယ်တော့ကိုယ်က ပျက်စီးနေတာမဟုတ်ပါဘူး ဟန်ဆောင်နေရတာတွေများလို ပင်ပန်းနွမ်းနယ်နေတာ သူများတွေလက်ခံလာဖို "ပိုကောင်းအောင်" ဆိုတဲ့ခေါင်းစဉ်အောက်မှာ ကိုယ်မကြိုက်တာတွေလုပ်နေတာတွေ ရပ်လိုက်မှ ကိုယ့်ကိုယ်ကိုပြန်တွေတော့တယ် * ကိုယ့်ရဲ့အားသာချက်ရော၊ အားနည်းချက်တွေကိုပါ အမှန်အတိုင်းလက်ခံဖိုကြိုးစားပါ ကိုယ့်ကိုယ်ကိုယ် သူများကြိုက်လာဖို ပြုပြင်ဖိုကြိုးစားနေမယ့်အစား ကိုယ့်ကိုယ်ကို လေးစားတန်ဖိုးထားပြီး ချစ်ခင်တဲ့အခါဘဝက ပိုပြီးလွယ်ကူ၊ ပေါ့ပါးလွတ်လပ်လာပါလိမ့်မယ်

ကိုယ်ဘာလိုချင်လဲမသိသေးရင် ကိုယ်ဘာတွေမလိုချင်ဘူးလဲအရင်ရှာလိုက် ဥပမာ - ငါမဆင်းရဲချင်ဘူး - အနှိမ်မခံချင်ဘူး - နေပူထဲမလုပ်ချင်ဘူး - လူတွေကို မလိမ်ချင်ဘူး - ပင်ပန်းတာမလုပ်ချင်ဘူး - ဝန်ထမ်းမလုပ်ချင်ဘူး - ဈေးမရောင်းချင်ဘူး - မျက်နှာမပြချင်ဘူး - ပွဲစားမလုပ်ချင်ဘူး စသည်ဖြင့်ပေါ့ ကိုယ်မလုပ်ချင်တာတွေကြီး အကုန်ချရေးလိုက် ဒါဆိုဒါတွေမဖြစ်အောင်ငါဘာလုပ်ရမလဲ ဆိုတာစဉ်းစားရတာလွယ်သွားလိမ့်မယ်