Law Tanta - level 4

{ دَعۡوَىٰهُمۡ فِیهَا سُبۡحَـٰنَكَ ٱللَّهُمَّ وَتَحِیَّتُهُمۡ فِیهَا سَلَـٰمࣱۚ وَءَاخِرُ دَعۡوَىٰهُمۡ أَنِ ٱلۡحَمۡدُ لِلَّهِ رَبِّ ٱلۡعَـٰلَمِینَ } ♥⚖️👩‍⚖️👩‍🎓🎓✨ حابة أقول كلمتين لاخواتي 🤍 مش أنت حاولت؟ مش أنت عملت إللي عليك؟ خلاص الباقي مش بتاعك أنت تذكر: { وَأَن لَّیۡسَ لِلۡإِنسَـٰنِ إِلَّا مَا سَعَىٰ (٣٩) وَأَنَّ سَعۡیَهُۥ سَوۡفَ یُرَىٰ (٤٠) ثُمَّ یُجۡزَىٰهُ ٱلۡجَزَاۤءَ ٱلۡأَوۡفَىٰ (٤١) } - ربنا شاهد علي مجهودنا وتعبنا وسهرنا ومذاكرتنا طول الاربع سنين ومعافرتنا اننا ننجح عشان أهالينا وعشان نعدى من الكلية علي خير، وأكيد ربنا مش هيضيع تعبنا أبدا وهيجازينا علي قد كرمه وتوفيقه وفضله🤍 شكرا لكل شخصية محترمة اتعرفت عليها ف الكلية، والناس الي كانت بتوقفني ومعرفهمش ويقلولي شرحك كويس وبنفهم منك، شكرا لكل كلمة منكم فرقت معايا كتير ف وقت صعب ووقت فيه محبطة ومش قادره اكمل ف الكلية ولا شرح والاقي دعم من ناس معرفهاش وأفرح من قلبي واكمل تاني🤍 عالرغم من ان قصرت معاكم ف آخر مادتين ومقدرتش اشرح بسبب ظروف عندى بس ربنا يعلم المجهود والتعب الي كان علي مدار ال4 سنين وكلمة من قلبي بجد انا عمرى ما استنيت مقابل لدا غير ان أساعد بس وربنا الي عالم وأحس ان بسهل عليكم وان سبب ف انكم تحلوا كويس ف الامتحان دة كان كل هدفي ، واستحملت كلام كتير اتقال بس مكنتش بسمع لحد لان كان ليا هدف معين من وانا ف ثانوي وبسبب موقف حصلي قررت ان عمرى ما هكون عارفة معلومة وأبخل بيها علي زمايلي وكنت بكون مبسوطة اما اطلع من الامتحان وحد يقولي والله انا حليت السؤال كذا عشان كنت فاهمه من شرحك دة بالدنيا بجد🤍 ف أنا هفتقد ذكريات كتير ف الكلية، وعالرغم من ان فترة الامتحانات صعبة جدااا بس هفتقد وقت الامتحانات والشرح وكل حاجه حرفيا، لكن ان شاءلله نتقابل كلنا علي خير وأنا شايفة صحابي وزمايلي ف أعلي المناصب وربنا يكرمكم وتبقوا محامين ومستشارين قد الدنيا وكل حد ينجح ف المكان الي ربنا هيحطه فيه ويكون خير ليه بإذن الله 🤍⚖️ وأنا معاكم ف اي حاجه الي محتاج مني اي حاجه مش هتأخر عنه، والجروب هيفضل موجود الي محتاج يستفسر عن اي حاجه يتفضل واحنا تحت أمره 🤍⚖️ *أستودعكم اللّٰه 👩‍⚖️👨‍⚖️*

كلمه من قلبي ♥️ كنت مبسوط اني كنت معاكم فالكليه واني طلعت بناس جدعان ومحترمين وان الكليه عرفتني بناس معايا العمر كله ان شاء الله♥️ فتره الكليه عدت علطول الواحد بجد زعلان ان في ناس مش هيقابلها بس ان شاء الله العلاقه بينا مستمره♥️♥️ اتمنى اني اكون قدرت افيدكم واساعدكم حتي لو بمعلومه بسيطه وقدرت اني اكون جمبكم في ال اربع سنين اللي فاتوا واكون سيبت اثر كويس معاكم وذكرى كويسه ♥️♥️ اتمنى التواصل بينا مينقطعش ولو حد احتاج حاجه مني انا تحت امره اللي هقدر اساعد بيه بجد هساعد وعمري مهتاخر ع حد فيكم♥️♥️ شكرا بجد لكل واحد بعتلي كلمه حلوه فوقت من الاوقات او ساعدني او ساب اثر كويس عندي ♥️♥️ اتمنى اننا نتخرج على خير وكل واحد فينا يحقق حلمه ويحقق اللي بيتمناه دايما واشوفكم بخير وكويسين دايما♥️♥️ متنسونيش في دعاءكم اخوكم/ محمود سلام♥️

بكده اكون خلصت شرح القسم التاني ♥️ بالتوفيق لينا كلنا وان شاء الله نطلع مجبورين الخاطر ومبسوطين لو قدرت اكمل شرح اهم الاسئله فالقسم الاول هشرح لا تنسوني فدعاءكم♥️♥️

صلاه الفجر ي شباب نصلي ولو قدرت اكمل هكمل ناقص اخر سؤال فالقسم التاني وهو اجراءات نزع الملكيه وكده اكون خلصت معاكم الجزء التاني هحاول ارجع من الصلاه واكملهولكوا باءن الله

من خيارات الحائز قضاء الدين وضح ذلك؟