Neomind | Live

Илм-фанга ўзини бағишлаган ёшларга Биринчи навбатда - изчиллик. Самарали илмий иш учун бу энг муҳим шарт ҳақида ҳеч қачон ҳис-туйғуларсиз гапира олмайман. Изчиллик, изчиллик ва яна изчиллик. Ишингизнинг бошиданоқ ўзингизни билим олишда қатъий изчил бўлишга ўргатинг Юқорига кўтарилишга ҳаракат қилишдан олдин фан асосларини ўрганинг. Ҳеч қачон олдингисини ўзлаштирмасдан кейингисини бошламанг. Ўзингизни вазминлик ва сабр-тоқатга ўргатинг. Илм-фандаги ҳар қандай ишларни қилишни ўрганинг. Фактларни ўрганинг, таққосланг, тўпланг. Қушнинг қаноти қанчалик мукаммал бўлмасин, ҳавога таянмасдан уни ҳеч қачон кўтаролмайди. Фактлар олимнинг ҳавосидир. Уларсиз сиз ҳеч қачон уча олмайсиз. Аммо ўрганаётганда, тажриба ўтказаётганда, кузатаётганда, фактлар юзасида қолмасликка ҳаракат қилинг. Уларнинг келиб чиқиши сирларига киришга ҳаракат қилинг. Уларни бошқарадиган қонунларни доимий равишда қидиринг. Иккинчиси - камтарлик. Ҳеч қачон ҳамма нарсани биламан деб ўйламанг. Улар сизни қанчалик мақташмасин, ҳар доим ўзингизга: "Мен жоҳилман" дейишга журъат топинг. Мағрурлик сизни эгаллашига йўл қўйманг. Бу сизнинг кўнишингиз керак бўлганда қатъий туриб олишингизга, фойдали маслаҳат ва дўстона ёрдамдан воз кечишингизга ва объэктивликка ишончингизни йўқотишингизга олиб келади Мен раҳбарлик қилишим керак бўлган жамоада атмосфера шундай: Биз ҳаммамиз битта умумий иш учун жамланганмиз ва ҳар ким уни ўз кучи ва имкониятларига қараб ҳаракатга келтиради. Биз билан сиз кўпинча нима "меники" ва нима "сизники" эканлигини айта олмаймиз, аммо буни келишиб олиш орқали умумий ишимиз бундан фақат фойда келтиради Учинчиси - иштиёқ. Эсда тутинг, фан инсондан бутун умрини талаб қилади. Агар икки ҳаётингиз бўлса, улар сизга барибир етарли бўлмайди. Илм-фан инсондан катта куч ва катта иштиёқни талаб қилади. Ишингизда ва изланишингизда иштиёқли бўлинг. - Иван Павлов - физиолог, нерв фаолияти фанининг асосчиси. "Ҳазм қилиш физиологияси бўйича иши учун" Нобел мукофоти лауреати (1904 йил)

"Яхши ҳаёт кечиринг. Агар худолар бўлсаю, улар адолатли бўлса, улар сизнинг қанчалик тақводор бўлганингизга аҳамият бермайдилар, балки сиз яшаган фазилатларга, яхшиликларингизга асосланиб, сизни кутиб олишади. Агар худолар бўлсаю, лекин адолатсиз бўлишса, унда сиз уларга бош эгишни ҳеч қачон хоҳламаслигингиз керак. Агар худолар бўлмаса, сиз йўқ бўласиз, лекин яқинларингиз хотирасида яшайдиган, олижаноб инсон сифатида яхши ҳаёт кечирган бўласиз Марк Аврелий - Рим императори, файласуф, стоицизм вакили, Эпиктетнинг издоши. Бешта энг яхши императорларнинг охиргиси

Психолог Ласло Полгар ҳар қандай бола эрта тайёргарлик билан танланган соҳада даҳога айланиши мумкин деган назарияни илгари суради. Ўзи педагогик психолог ва шахмат мураббийи бўлган Тажриба тақисадиа у учала қизларини 4 ёшидан шахматга ўргатади. Учаласи ҳам шахмат вундекинди бўлишди, энг кичиги Жудит эса тарихдаги энг яхши аёл шахматчи ҳисобланади. Машҳур шахмат қироличалари ҳисобланадиган опа-сингил Полгарлар: у шахмат вундеркиндлари этиб тарбиялаган қизлари Жужи, Жофии ва Жудитлар мос равишда дунёнинг энг яхши ва иккинчи энг яхши аёл шахматчиларига айланган. Жудит дунёдаги энг яхши аёл шахматчи ҳисобланади, у дунёдаги энг яхши 10 таликка кирган ягона аёл ҳисобланади, Жужа эса аёллар ўртасида шахмат бўйича жаҳон чемпиони бўлган

"The journey is what brings us happiness, not the destination" Бизни бахтли қиладиган нарса бу ўша мақсад орзусида босиб ўтилган йўл, мақсад эмас Агар сиз яхши формада бўлмасангиз, аммо ўз устингизда тўхтовсиз шуғулланишни давом этаётган бўлсангиз, табриклайман сиз ғолибсиз. Инсонларни фақат нимага эришганига қараб бахо беришдан кўра, у инсонни босиб ўтган йўлига ҳам қараш тўғрироқ бўлса керак. Кимдир финишга қараб йўлни пастроқдан, кимдир тепароқдан бошлайди, яъни финишга яқин жойдан бошлайди, тўғри пастроқдан бошлаган одам финишга кеч етиб келар, аммо у анча кўпроқ масофани босиб ўтди, кўпроқ меҳнат қилди, ана шу одам кўпроқ ҳурматга лойиқ бўлса керак Асосий диққатни мақсадга эмас, босиб ўтиладиган кейинги кичик босқичга қаратиш ҳаётни анча енгиллаштиради, ҳар бир ишни сифатли қилишга ёрдам беради

Брюс Лининг жанг санъати ҳақидаги фильмлари устида ишлаган таниқли фитнес ва бодибилдинг мутахассиси ва кино продюсери Жон Литтл, Ли ҳақидаги китоб устида ҳам ишлаган “Брюс Ли мени кунига уч километр югуришга мажбур қиларди, ҳақиқатан ҳам яхшигина тезликда югурардик. Йигирма бир ёки йигирма икки дақиқада уч км югурар эдик. Бир кмга саккиз дақиқадан озроқ вақт кетарди [1968 йилда ўзи югурганда, Ли ўз вақтини бир милга олти ярим дақиқагача қисқартирган]. Бугун эрталаб у менга «Биз бугун беш км югурамиз» деди. Мен: «Брюс, мен беш кмга бардош беролмайман. Мен сиздан анча каттаман ва мен беш км бардош беролмайман» дедим У: «Биз уч кмга етганимизда, тезликни ўзгартирамиз ва яна икки км қолади, сиз буни уддалайсиз» деди. Мен рози бўлдим. Тўртинчи кмга келганда мен уч-тўрт дақиқага ўзимни яхши ҳис қилдим, лекин кейин мен ҳақиқатан ҳам таслим бўла бошладим. Мен чарчадим, юрагим тез ура бошлади, бошқа бора олмаслигимни тушундим ва шунинг учун унга: «Брюс, агар яна югурсам - биз ҳали ҳам югуришни давом этябмиз - агар югурсам, мен юрак хуружи олиб, ўлиб кетаман», дедим. Брюс эса менга "Унда ўлақол" деди Бу мени шунчалик ғазаблантирдики, мен тўлиқ беш км югурдим. Сўнг мен душга бордим, кейин у билан бу ҳақда гаплашмоқчи бўлдим. Мен: «Брюс, нега бундай дедингиз?» дедим. У эса "Бундай натижа ва дунёқараш билан сиз аллақачон ўлсангиз ҳам бўлади. Ростан ҳам, агар сиз доимо жисмоний ёки бошқа имкониятларингизни чекласангиз, у бутун ҳаётингизга ёйилади. Бу ишингга, дунёқарашингга, бутун вужудингга тарқалади. Ҳеч қандай чекловлар йўқ. Доимийликлар бор, лекин у ерда қолиш керак эмас, улардан ошиб ўтиш керак” - Жон Литтл, «Инсон танасини ифодалаш санъати» (1998)

Брюсдан Хитойлик ёки Америкалик эканлигини сўрашганда у шунчаки инсонман деб жавоб берган Ли динларнинг таълимотларига, тўғрироғи догмаларга қарши чиққан. 1972-йилнинг ёзида журналист Алекс Бен Брюсдан қайси динга мансублиги ҳақида сўраганида, Ли: «Ҳеч қайси» деб жавоб берган

18 ёшли Брюс Ли ва унинг устози Ип Ман. 1958.