МАЙА СОНУННАРА

ХААН ТУТТАРАН – КИҺИ ОЛОҔУН БЫЫҺЫАҤ Билиҥҥи кэмҥэ арааһынай түгэннэр элбэхтэр, араас быһылаан тахсара, хомойуох иһин эмиэ аҕыйаҕа суох, онон хас биирдии хаапыла хаан ким эрэ олоҕун быыһыырын туһунан өйдүөх тустаахпыт. Ол курдук, Майа сэлиэнньэтин анал байыаннай дьайыы кыттыылаахтарын дьиэ кэргэттэрин «Харыстаана» түмсүүтэ бу күннэргэ хаан туттаран, ыарахан туруктаах, доруобуйаларынан хааччахтаах дьоҥҥо-сэргэҕэ күүс-көмө буолаллар. Ытыктабыллаах Майа сэлиэнньэтин олохтоохторо, биир дойдулаахтарбыт! Улуустааҕы киин балыыһаны кытта тэҥэ Майа сэлиэнньэтэ ыытар «Хааны туттарыы – эрэл суолун саҕыы» хаан туттарар аахсыйаҕа кыттыһаргытыгар ыҥырабыт! 🤩Хаан ылар пуун аадырыһа: Улуустааҕы киин балыыһа хаан кутар салаатыгар (киирии оҕоотделениетын уҥа уһугунан) 🤩Үлэлиир кэмэ: сарсыарда 9:00 чаастан 11:30 чааска диэри 📞Билсэр нүөмэр: 84114341740 #Биир киһи хаана үс киһини быыһыыр ❣️   Салгыы⏬️⏬️⏬️

Мэҥэ Хаҥалас улууһугар Майаҕа 2024 сыллаахха мелиоратордар түөлбэлэрэ Ил Дархан граныгар кыттан «Спорт уонна сынньалаҥ» диэн хайысханан 839 тыһ солк үптээх граны ылан дьон сынньанарыгар аналлаах былаһаакканы үлэҕэ киллэрбитэ https://vkvideo.ru/video-211137588_456267738?list=36a5b80b954ebb7972 nvk-online.ru 📲 Mакс | Telegram | ВК | VK Видео | Rutube

ТАПТАЛБЫТ КӨЛҮЧЧЭТИГЭР ҮӨРҮҮЛЭЭХ ТҮГЭН ТОСХОЙДО Куйаас сайыммыт күннэрэ түмүктэнэллэрэ кыра бириэмэ хаалла, ол да буоллар оҕо-аймах сөбүлээн сылдьар, куһу-хааһы кытта алтыһар сиригэр -  Таптал көлүччэтигэр уон кэриҥэ чыыбыгыраспыт кырачаан чоппуускалар самаан сайын чаҕылхай күнүгэр сыламныы, сири-дойдуну көрө-истэ, ууну таптаан умса оонньууллар.   Майа олохтоох дьаһалтата

Ытыктабыллаах Майа сэлиэнньэтин олохтоохторо! Бүгүн, о.э. от ыйын 31 күнүгэр, Майинскай уулусса 41/3 нүөмэрдээх уонна Докторова уулусса 12 нүөмэрдээх дьиэлэригэр гаас ситимэ тардылларынан сибээстээн айан суола быстах кэмҥэ сабылларын биллэрэбит. Сатыы сылдьар уонна тимир көлөнөн айанныыр биир дойдулаахтарбыт сэрэхтээх буоларгытыгар ыҥырабыт. Майа олохтоох дьаһалтата

ТУЙАХТААХХА, ТЫАТААҔЫГА КӨҤҮЛҮ БИЭРИИ СЭРЭБИЭЙЭ Булчуттар болҕомтолоругар‼️ Атырдьах ыйын 3 күнүгэр 11:00 чаастан И.М. Сосин аатынан оройуоннааҕы киин библиотекатыгар экологическай культуураны сырдатар киин арыллыыта буолуоҕа. Ону кытта Мэҥэ Хаҥалас улууһун сиригэр-уотугар туйахтаах кыылы уонна тыатааҕыны бултуурга көҥүлү түҥэтии сэрэбиэйэ ыытыллыаҕа. Охотничий билеккытын илдьэ кэлэргит булгуччулаах! Кэлиҥ, сылдьыҥ, байанайдаах көҥүлү мүччү тутумаҥ! Мэҥэ Хаҥалас улууһун дьаһалтатын пресс-сулууспата

От ыйын 29 күнүгэр, Майа сэлиэнньэтин олохтоох дьаһалтатын мунньахтыыр саалатыгар намыһах кыамталаах гаас ситимин тардыытын үлэтэ от ыйын 13 күнүгэр Маамыкаан түөлбэҕэ олоххо киирбитинэн, 22 ыалга гаас стояга тардыллыбытынан олохтоохторго сүбэ мунньах ыытылынна. Мунньаҕы «Майа сэлиэнньэтэ» тыа сирин түөлбэтин баһылыгын коммунаалынай уонна тутуу эйгэтигэр солбуйааччы Март Андреев иилээн ытытта. Итиэннэ тустаах тэрилтэлэр, ол курдук, улуустааҕы нэһилиэнньэ көмүскэллээх буолуутун кэлим киинин сүрүннүүр исписэлииһэ Петр Неустроев, «Сахатранснефтегаз» акционернай уопсастыба Мэҥэ Хаҥаластааҕы эксплуатационнай гаас учаастагын салайааччыта Анастасия Федорова, бырайыак оҥорооччу Александр Будикин кыттыыны ыллылар, олохтоохторго сүбэ-ама биэрдилэр. Маамыкаан түөлбэ олохтоохторо дьиэлэригэр гаас утаҕын тардыыга туох ыарахаттары көрсүөхтэрин сөбүн, гааһы тардыы быраабылаларын, бырайыагы судургутук оҥоруу, көмө харчы туһунан билистилэр, долгутар боппуруостарын ыйыттылар. Майа олохтоох дьаһалтата

Ытыктабыллаах Майа сэлиэнньэтин олохтоохторо! Бу күннэргэ Мегинострой уулусса 4 нүөмэрдээх, Докторова уулусса 12 нүөмэрдээх, Сэбиэскэй уулусса 59 нүөмэрдээх дьиэлэригэр гаас ситимэ тардылларынан сибээстээн сатыы сылдьар уонна тимир көлөнөн айанныыр биир дойдулаахтарбыт сэрэхтээх буоларгытыгар ыҥырабыт. Итиэннэ Партизанскай уулусса 10а нүөмэрдээх дьиэтин аттыгар айан суола быстах кэмҥэ сабылларын биллэрэбит. Майа олохтоох дьаһалтата

🛣🚙  Майа дьаһалтата сэлиэнньэ суолларыгар өрөмүөн үлэтин ситимнээхтик ыытар 👷‍♂  Быйыл Майа дьаһалтата СӨ Тырааныспарга уонна суол хаһаайыстыбатыгар министиэристибэтин нөҥүө суол пуондатыттан үбүлээһин ыланнар биир сүрүн Алданскай уулуссаны аспааллааһын үлэтэ саҕаламмыта. 🚛🚜  От ыйын 27 күнүн туругунан Александр Романов салайааччылаах олохтоох «Мэҥэ Хаҥаластааҕы массыына суоллара» суолу тутар, өрөмүөннүүр ХЭТ ииллээн-саҕалаан суолу саҥалыы оҥоро сылдьар. Ааспыт нэдиэлэҕэ бэдэрээтчит «Ресайклер» тиэхиньикэнэн эргэ аспаалы көтүрэн, суолу тэҥнээн биэрбиттэрэ. Бу нэдиэлэҕэ «холодный ресайклинг» ньыматынан саҥа аспаал тэлгэнэн үлэ түмүктэниэтээх. Сэлиэнньэ дьаһалтата суол-иис өттүгэр үлэлэһэн, ааспыт икки сылга Майинскай уонна Мүрү суоллары оҥотторбута. 🔷  Алексей Неустроев, «Майа сэлиэнньэтэ» тыа сирин түөлбэтин баһылыга: 🔸  – Майа олохтоохторун аатыттан биһиги СӨ Ил Дархаммытыгар Айсен Николаевка, СӨ Тырааныспарга уонна суол хаһаайыстыбатыгар министиэристибэтин бука бары исписэлиистэригэр, үлэһиттэригэр, улууспут салалтатыгар махтаныахпын баҕарабын. Бу маннык тэрээһиннэр, үлэ-хамнас, үбүлээһин баар буолан дьон-сэргэ олорор усулуобуйата тупсар, уулуссаларбыт оҥоһуллаллар, өрөмүөннэнэллэр. Майа олохтоохторо эһиилги сылга атын уулуссалары саҥардар, тупсарар үлэни ыытарга докумуоннары хомуйан сайаапка биэрбиппит. Сэбиэскэй, Комсомольскай уулуссаларбыт саҥалыы аспаалланыахтара диэн эрэнэбит. 🔹  Маны тэҥэ атын суолларбытыгар сыл ахсын ыытыллар күһүҥҥү өрөмүөн үлэтин субуотунньук күүһүнэн тэрийиэхпит. Билиҥҥи туругунан дьоммут сомоҕо күүстэринэн 30-тан тахса суолу өрөмүөннээтибит. Бүддьүөккэ сигэммэккэ, олохтоохтор көҕүлээһиннэринэн, өйөбүллэринэн улахан тиэхиньинэлэринэн өрүү күүс-көмө буолалларыгар махталбын тиэрдэбин, – диэн иһитиннэрдэ. @gazetaerkeii @ulusmedia

Майаҕа чөл олох бырааһынньыга: Татьяна Жиркова аатынан сүүрүү марафонугар 700 киһи кыттыаҕа   🏃🏻‍♀️🏃🏻 Атырдьах ыйын 22 күнүгэр Мэҥэ Хаҥалас улууһун Майа сэлиэнньэтигэр аатырбыт сүүрүүк Татьяна Жиркова аатынан сүүрүү марафона ыытыллар.   🏆 Марафон үгэскэ кубулуйан, быйыл номнуо үһүс төгүлүн спорду таптааччылары түмүөҕэ. Ол курдук, 2024 сыллаахха бастакы полумарафоҥҥа (21 км) 300 киһи кыттыбыт.

«Онно биһиги аатырбыт биир дойдулаахпыт Татьяна Юрьевна Жиркова тэрээһиммитин олус киэргэппитэ. Ол күн бу марафоҥҥа кини аатын иҥэриэххэ диэн биир санааҕа кэлбиппит. Ити гынан, 2025 сыллаахха Татьяна Жиркова аатынан марафоҥҥа 500 сүүрүүнү уонна чөл олоҕу сэҥээрээччи тахсан, бары биир киһи курдук сүүрбүттэрэ», — диир нэһилиэк баһылыга Алексей Неустроев

@ulusmedia 📲 Читайте нас в MAX

Атырдьах ыйын 22 күнүгэр, Мааны Майаҕа улахан спорт, чөл олох бырааһынньыга. Быйылгы сүүрэр суолга 700 киһи кыра оҕотуттан, ытык саастаах дьоммутугар тиийэ араас дистанцияларга сүүрэ тахсыахтара. Ол курдук, 42 км, 21 км, 10 км, 5 км, 3 км, 1 км уһуннаах сүүрүүлэр буолуохтара. Хас биирдии сүүрэ тахсар дьоммутугар стартовай пакет бэриллэрин умнумаҥ. Кытаатыҥ! Сыл бастыҥ сүүрүүтүн көтүтүмэҥ! #МайинскийМарафон #ЧөлМайа

Үһүс төгүлүн атырдьах ыйын 22 күнүгэр ыытыллар Аан дойду, Европа чөмпүйүөнэ, Арассыыйа успуордун үтүөлээх маастара, Арассыыйа уонна СӨ физическэй култууратын уонна успуордун туйгуна Татьяна Юрьевна Жиркова аатынан Майатааҕы марафон 700 слоттанан атыыга таҕыста. Быйыл марафоҥҥа эбии дистаницялар киирдилэр. Ол курдук, 🚩оҕолорго: - 500м (3 саастарыттан 7 саастарыгар дылы) - 50 слот; 🚩оҕолорго, аҕам саастаах дьоҥҥо: - 1000м (8 саастарыттан үөһэ) – 100 слот; 🚩улахан дьоҥҥо: - 3км (15 састарыттан үөһэ) – 100 слот, - 5км (15 саастарыттан үөһэ) – 250 слот, - 10км (18 саастарыттан үөһэ) – 150 слот, - 21,1км (18 саастарыттан үөһэ) – 30 слот, - 42,2км (18 саастарыттан үөһэ) – 20 слот. Бу ыйыллыбыт сигэнэн киирэн эрдэттэн атыылаһа туруоххутун сөп. 👉https://reg.place/events/mayinskiy-marafon-imeni-t-yu-zhirkovoy Чөл олох – дьол төрдө буоларын умнумаҥ! Майа олохтоох дьаһалтата

КЛЕЩТЭН СЭРЭНЭР КЭМ КЭЛЛЭ Сайыҥҥы куйаас күннэр кэлэннэр дьон-сэргэ сынньана, сэргэхсийэ, оттуу-мастыы, сир астыы айылҕаҕа тахсара үксүүр. Маны тэҥэ үөнҥэ-көйүүргэ ытыттарыыттан ким да харыстала суох, чуолаан клещкэ ытыттарыы куттала үөскүүр. Клещ ытырыыта «клещевой энцефалит» эбэтэр «клещевой борреолиз» диэн ыарыыларга тириэрдиэн сөп. Клещевой энцефалиты энцефалит вирустара көбүтэллэр. Инфекция үөнтэн-көйүүртэн уонна ыалдьар сүөһү үүтүн туһаныыттан бэриллэр. Ыарыы бэлиэлэрэ араастар, чопчу быһаара охсор уустуктардаах. Ол гынан бары көрүҥнэрэ ньиэрбэ систиэмэтин ыарыталларынан маарыннаһаллар. Инфекцияны, чуолаан, 15-тэн тахса араас иксодовай клещ тарҕатар. Бу клещ кыылы-сүөлү уонна киһини 5-6 миэтэрэ ыраахтан билэр. Үөн киһи тириитигэр сыстар уонна хааҥҥа клещевой энцефалит вируһун киллэрэр. Ыалдьыбыт киһи түөрт-алта күн устата температурата 38-40° тахсыан, төбөтө ыалдьыан, мэйиитэ эргийиэн, биир-икки күн устата хотуолуон, утуйбат буолан хаалыан, моонньун, үөһээ өттүнээҕи эттиктэр былчыҥнара ыалдьыан сөп. Сэниэ эстиэн, сылайыан, көһүйүөн, быччыҥнара тартарыан сөп. Оҕолор ардыгар өйдөрүн сүтэрэллэр, түлэкэдийэллэр, күүрэллэр, иҥиирдэрэ тардар. Конъюктивит көстүүтэ баар буолуон сөп. Салгыы⏬️⏬️⏬️

Бүгүн, от ыйын 27 күнүгэр, «Сэбиэскэй» түөлбэ үс этээптээх Ил Дархан граныгар кыттан кыайбыт, саҥа олох ирдэбилигэр эппиэттиир, кэрэхсэбиллээх көстүүлээх, Мааны Майабытын өссө киэргэтэн биэрэр бырайыага - МИН❤️МАЙАМ стела үөрүүлээх быһыыга арылынна. Кэрэ-бэлиэ күнүнэн «Майа сэлиэнньэтэ» тыа сирин түөлбэтин баһылыга Алексей Неустроев истиҥник эҕэрдэлээтэ, наҕарааданы туттарда. Итиэннэ «Сэбиэскэй» түөлбэ салайааччыта Людмила Пивоварова баһылыкка, дьаһалтаҕа махтал тылын анаата уонна Людмила Гаврильевна чугас-билэ дьоно кэлэн эҕэрдэлээтилэр. Ону тэҥэ түөлбэ олохтооҕо, уопсастыбанньык Андрей Решетников ис сүрэҕиттэн, бэйэ илиитинэн оҥорбут ыскамыйа-хачыалы стела арыллыытыгар дьоҥҥо-сэргэҕэ анаан бэлэх уунна. Тапталлаах сэлиэнньэбит күнтэн-күн тупсаҕай көстүүлэнэригэр туһаайыллар,  олохтоохторбут түбүктээх үлэлэрин кэннэ бириэмэлэрин сөпкө аттаран сынньаналларыгар аналлаах эбийиэктэр өссө да элбээтиннэр, төрөөбүт түөлбэбит инникитин да үүнэ-сайда турарыгар! Майа олохтоох дьаһалтата

Бүгүн, от ыйын 22 күнүгэр, Майа сэлиэнньэтин Хомсомуол болуоссатыгар чөл олоҕу уонна атырдьах ыйын 22 күнүгэр буолар Т.Ю. Жиркова аатынан Майатааҕы марафону көҕүлүүр «ЧӨЛФЕСТ» доруобуйа бэстибээлэ ыытылынна. Тэрээһини чөл олоҕу өрө тутааччы, марафону тэрийээччи, нарколог-быраас Александра Егоровна Мохначевская иилээн ыытта. Ыҥырыылаах ыалдьыттарынан буоллулар - Аан дойду, Европа чөмпүйүөнэ, Арассыыйа успуордун үтүөлээх маастара, Арассыыйа уонна СӨ физическэй култууратын уонна успуордун туйгуна Татьяна Юрьевна Жиркова дьоҥҥо-сэргэҕэ эти-сиини хайдах сөпкө, тыраамбата суох имитиигэ үөрэттэ, экстремал-сүүрүүктэр түмсүүлэрин салайааччыта, СӨ физическэй култууратын уонна успуордун үтүөлээх үлэһитэ, СӨ «Чөл олох» хамсааһын лиидэрэ Дмитрий Николаевич Горохов йогаҕа маастар кылааһы ыытта. Ону тэҥэ хас да былаһаакканан дьон-сэргэ этин сиинин чөлүгэр түһэрэр массаас, доруобуйаны бэрэбиэркэлиир диагностика, нутрицолог-быраас үлэлээтилэр. Итиэннэ Майабыт сэлиэнньэтин эдэр кэскиллээх волонтер-оҕолоро тэрээһини киэргэттилэр, куар коду дьоҥҥо-сэргэҕэ түҥэттилэр. Дьон-сэргэ бэйэлэрин доруобуйаларын көрүнэллэригэр, чэгиэн буолалларыгар сэлиэнньэбитигэр үгүс тэрээһин ыытылынна. Ытыктабыллаах биир дойдулаахтарбыт, сүүрүүнү сэҥээрээччилэр! Барыгытын үһүс төгүлүн атырдьах ыйын 22 күнүгэр ыытыллаары турар Т.Ю. Жиркова аатынан Майатааҕы марафоҥҥа күүтэбит уонна бэриллибит куар кодунан слоту 25% чэпчэтиилээх ыларгытыгар ыҥырабыт! Майа олохтоох дьаһалтата

🪖🎖  Алтан орто уопсай үөрэхтээһин оскуолатын үөрэнээччитэ Светослав Попов ааҕыытыгар — Мин саллаат сиэнэбин 📖📝  Ааптар: Мусьяна Сосина 📸: Иван Лукин @gazetaerkeii @ulusmedia

👨‍🍳  Майа сэлиэнньэтигэр бренд-шеф Николай Атласов ыалдьыттаата 🥞  От ыйын 19 күнүгэр Майа сэлиэнньэтигэр Саха кухнятын сайыннарааччы, бүтүн Арассыыйаҕа аатырбыт биир дойдулаахпыт, өрөспүүбүлүкэҕэ биллэр урбаанньыттар Валентина уонна Василий Атласовтар уоллара, Иннокентий Тарбахов үөрэнээччитэ, «Тыгын Дархан» ресторан бренд-шефэ Николай Атласов ыалдьыттаата. 🍱  Өрөбүл күҥҥэ «Күн» маркет ыҥырыытынан сэлиэнньэ олохтоохторугар уонна ыалдьыттарыгар Николай Васильевич «Вкус солнца на вашем столе» презентацияны көрдөрдө. Дьон көрүүтүгэр-истиитигэр бренд-шеф «Бэйэҥ оҥорон таһаарбыт сибиэһэй бурдук аһа», «Олохтоох эт бородууксуйата», «Олохтоох балык бородууксуйата», «Муора деликатестара», «Соус киэҥ ассортимена» маастар кылаастарга хайдах буһарары, туһанары кэпсээн, астаан көрдөрдө уонна амсатта. 🧇  «Күн» маркет аныгы көрүүлээх маҕаһыын, элбэх рестораҥҥа туттуллар аһы-үөлү, табаары атыыга аҕалар. Майа олохтоохторо уонна ыалдьыттара мантан атыылаһын бэйэлэрин күннээҕи олохторун киэргэтиэхтэрин сөп. 🔷  Николай Атласов: 🔹  – Майаҕа олус үчүгэй маҕаһыын арыллыбыт эбит. Бүгүн манна атыыга турар бэйэбит алааспыт астарынан, араас соустарынан, муора бородууктатынан киһи күннээҕи аһын хайдах ураты оҥоруохха сөбүн маастаар кылаас көрдөрө сылдьабын. Соустар дьайыылын, ас буһарар ньымалары бэйэм уопуппуттан үллэстэ, саҥаны аҕалыам диэн сыаллаах-соруктаах кэлэн турабын. «Күн» маркет ыҥырбыттарыгар махтанабын уонна салгыы күүстээх сайдыыны баҕарабын. Повардары ыҥыран, дьоҥҥо көрдөрөн, баар бородуукта хайдам амтаннаах буоларын билсиһиннэрэр мин санаабар олус сөптөөх суолу таллылар диэн саныыбын. Дьонум-сэргэм аскыт дэлэй буоллун, үчүгэй санааны, минньигэстик аһааҥ. @gazetaerkeii @ulusmedia

🚔 На территории Мегино-Кангаласского района проводится оперативно-профилактическое мероприятие "Автобус"‼️🚔 👮🚌В целях снижения количества дорожно – транспортных происшествий по вине водителей автобусов, направленное на профилактику нарушений Правил дорожного движения Российской Федерации и повышения правового сознания у должностных и юридических лиц пассажироперевозчиков по соблюдению действующего законодательства в области обеспечения безопасности дорожного движения с 20 по 24 июля 2026 года отделения Госавтоинспекции ОМВД России по Мегино-Кангаласскому району проводит оперативно-профилактическое мероприятие «Автобус». При проведении мероприятия особое внимание будет обращаться на наличие у водителей документов, необходимых для участия в дорожном движении, на организацию предрейсового медицинского осмотра водителей, и проверку технического состояния автобусов. Отделение Госавтоинспекции по Мегино-Кангаласскому району🚔

🌿🍃Мэҥэ Хаҥалас улууһугар от үлэтэ саҕаланна Быйыл улуус уопсайа 44 тыһ. тахса туонна оту былааннаан олороллор. Онтон Афанасий Борисов салайааччылаах бааһынай хаһаайыстыба ходуһаҕа от ыйын 14 күнүттэн хотууру түһэрэн от үлэтин саҕалаабыттар. Оттугунан хааччыллан үлэһит туруу дьон санаа хоту от үлэтин үгэнигэр сылдьаллар. nvk-online.ru 📲 Mакс | Telegram | ВК | VK Видео | Rutube

Ыччаттарбыт чөл туруктаах олоҕу тарҕаталлар 🌿☀️✊🏽😊 #ЧөлМайа