كتاكيت لعبة وفكرة

يا أمهات لو طبقتوا القواعد دي مع أطفالكم هترتاحوا جدًّا وهتلاقوا أثر إيجابي مُمتاز.. أولًا: ١- أولادك ليسوا كل حياتك (إن فعلت ذلك خنقتهم وخنقت نفسك). ومقولة: حياتي لازم تكون كلها لأولادي انتِ كده بتقتلي نفسك في جوانب حياتك التانية وبتقتليهم. ٢- السماع مفتاحك لقلب طفلك. ٣ - اللعب مفتاحك لفكره. كان ابن سيرين يقول: اللعب ربيعهم فلا تُرهقهم بتركه. ٤- الصبر مفتاحك لتعليمه. ٥- الفطام والترك مفتاحك لنموه. ٦- هدوء واتزان البيت مفتاحك لصحته النفسية. ٧- منحه حق الكلام مفتاحك لبناء ثقته. ٨- إكرام أصحابه مفتاحك لبره. ومقولة: أنا بحبي وحناني هعوضه عن صحابه ده كلام غلط وكلام فارغ بل لازم تجتهدي توفري ليه أصدقاء جيدين. ٩- قوتك وصرامتك مفتاح لجديته. ١٠- حسن علاقتك مع ربك مفتاحك لتدينه. ولازم نبتعد عن الخرافات دي: * مينفعش أكلمه عن جهنم. * مش لازم أولادي يتعرضوا لمشاعر سلبية (انتا كده بتُضعف مرونتهم النفسيّة). * إن أحسنت التربية لا بُدّ أن يكون طفلك صالحًا (كلام خاطىء لأنك مش بتغسل الميت وتضمنله الجنة بل الأمر كله بيد الله أنت تجتهد بالأسباب وتدعي كثيرًا وتترك النتيجة لرب العباد). * لو طبقتي النقاط دي في حياتك وصححتي المفاهيم دي عندك هتلاقي أثرها السريع في تربية أولادك وأثرها الإيجابي على حياتك وحياتهم. عمّار سُليمان. #معلمة_صفاء 🌻 #ركن_صافي

قالت لي ابنتي سبع سنين وأنا ووالدها منفصلين وكنت قد قلت لها أن والدك مسافر والآن هو يريد رؤيتها بعد انقطاع طويل منذ الانفصال فماذا أفعل؟🥺😟 وهذا ردي عليها 👇👇 قولي لها كان في اتنين فاتحين محل مع بعض ، كانوا شركاء فيه ، وكانوا مش عارفين يتفقوا مع بعض ،  وكل شوية  يتخانقوا والزباين بدأت تقل ؟ ايه رايك يفضلوا شركاء متخانقين ولا كل واحد ياخد محل لوحده ؟🧐 هتقولك كل واحد محل لوحده😉 قولي لها طيب لو قابلوا بعض يسلموا على بعض ويعاملوا بعض كويس ولا يتخاصموا 🙅 هتقولك يسلموا ويتعاملوا 🌻 قوليلها اهو  الجواز كده شركة بين الزوج والزوجة لو معرفوش يتفقوا يفضوا الشركة يعني ( الطلاق) 🚶 لكن يفضلوا يعاملوا بعض كويس خاصة علشان ولادهم صح ؟😃 وبعد كده خديها ف حضنك وعرفيها انها تقدر تكلم والدها ف اي وقت وانهم هيتقابلوا مرة ف الاسبوع على الاقل 🥰 وادعي للبنت كتير وخليكي  دايما هادية ومبتسمة 🌹 الطلاق شرع الله لو حصل بضوابطه مفيش اي ضرر نفسي على الأولاد👌 الضرر النفسي لما الولاد يحسوا أن والديهم مضغوطين ومتعصبين فاحساسهم بالأمان بيروح 💔 لو الأب فضل يحترم طليقته وميذكرهاش بسوء قدام ولادها لو الأم فضلت تحترم طليقها ومتذكرهوش بسوء امام ولاده 🌟 لو كل واحد من الاتنين قام بدوره كاملا ناحية الأولاد رغم الطلاق مش ممكن الولاد يتازموا نفسيا 😉 صحيح الأمر ده صعب تنفيذه لان فيه مجاهدة    كبيرة للنفس لكن الثواب على قدر المشقة دايما باقولها أفضل الأحوال زواج مستقر فإن لم يكن فطلاق محترم والخيار الثاني أفضل بكثيييير من زواج مليء بالمشاحانات والاساءات وهذا هو المدمر الحقيقي لحياة الأبناء ومستقبلهم أعانك الله حبيبتي د.امينة خلف 🌷🌷🌷🌷🌷🌷 لحجز استشارة خاصة مع د امينة خلف 01093634656