Marifatsari.uz

ҲОЖАТ НАМОЗИ Абдуллоҳ ибн Абу Авфо розияллоҳу анҳудан ривоят қилинади: «Пайғамбар соллаллоҳу алайҳи васаллам: «Кимнинг Аллоҳга ва Бани одамдан бирортасига ҳожати бўлса, яхшилаб таҳорат қилсин, сўнгра икки ракъат намоз ўқисин. Кейин Аллоҳга сано ва Пайғамбар соллаллоҳу алайҳи васалламга саловат айтсин. Сўнгра: «Ҳалийму Карим Аллоҳдан ўзга ҳеч илоҳи маъбуд йўқ. Улуғ Аршнинг Роббиси Аллоҳ покдир. Оламларнинг Роббиси Аллоҳга ҳамдлар бўлсин. Мен Сендан: раҳматингни вожиб қилувчи, мағфиратингни тақозо қилувчи нарсаларни ва ҳар бир яхшиликдан ғанийматни, ҳар бир ёмонликдан саломатни сўрайман. Менинг ҳеч бир гуноҳимни қўймай мағфират қилгин, ҳеч бир ғамимни қўймай кушойиш қилгин, Ўзинг рози бўлган ҳеч бир ҳожатимни қўмай, албатта, чиқаргин. Эй, Арҳамар Роҳимийн», десин», дедилар». Термизий ва Ибн Можа ривоят қилган. Аллоҳ билувчи. •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz

Пул билан топиб бўлмайдиган нарсалар ✅ Пулингга диван сотиб олишинг мумкин, аммо уйқуни сотиб ололмайсан. ✅ Пулингга соат сотиб олишинг мумкин, лекин вақтни сотиб ололмайсан. Пулингга дори сотиб олишинг мумкин, аммо шифони сотиб ололмайсан. ✅ Пулингга китоб сотиб олишинг мумкин, бироқ ахлоқни сотиб ололмайсан. ✅ Пулингга таом сотиб олишинг мумкин, аммо иштаҳа сотиб ололмайсан. ✅ Пулингга кенг уй сотиб олишинг мумкин, лекин сокинлик, хотиржамлик сотиб ололмайсан. Азизлар, пул билан топиб бўлмайдиган нарсалар қаторига ота-она, ака-ука, опа-сингил, қариндош-уруғ, содиқ дўст, меҳр-муҳаббат, ҳурмат, обрў, ишонч, вафоли ёр кабиларни ҳам топиб бўлмайди. Шу нарсаларга эга бўлган инсонлар уларнинг қадрига етишлари ва ҳурматини жойига қўйишлари керак. Эй Роббим! Бизга Сенга яқинлашишимизга, ризоингни топишимизга сабаб бўладиган ва Сенга ибодат қилишимиз учун бизга кўмак берадиган ҳалол мол ато этгин! Яқинларимизни паноҳингда асрагин! •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz

Ассалому алайкум ва раҳматуллоҳи ва баракатуҳ! ХАЙРЛИ ТОНГ! 🌿Аллоҳим, кўзларимизни уйқудан очганинг каби, қалбларимизни ҳам ғафлатдан уйғот! ☘️ Дунёни тонг нури ила ёритганинг каби, ҳаётимизни ҳам ҳидоят нури ила мунаввар қилгин! 🤲Амин йа роббал аламин! •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz

ЯХШИЛИК ҚИЛИНГ!!! Уруғни қаерга экканингизни эсдан чиқариб қўйсангиз, аниқки, тез кунда ёмғир уни қаерга экканингиздан хабар беради. Шунинг учун қаерда бўлса ҳам, яхшилик уруғини экаверинг. Кимга бўлса ҳам яхшилик қилаверинг. Чунки сиз қачон ва қаерда унинг манфаатини кўришингизни билмайсиз. Лекин албатта манфаатини кўрасиз. Яхшилик қилинг. Чунки яхшилик уруғи қаерга экилса ҳам, ҳеч қачон зое бўлмайди. Яхшилик улашиш қандаям яхши. Сиз унинг мукофотини дунёда ҳам оласиз ва охиратингизга ҳам захира бўлиб тураверади. Ҳа, хайрли ишга имзо қўйган киши, агарчи ўзи кўздан ғойиб бўлса ҳам, вафот этиб кетса ҳам, унинг гўзал имзоси сақланиб қолаверади. Жаннат сиз каби яхшилик қилувчиларга муштоқдир!!! "Ҳикматлар чашмаси"дан •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz

САВОЛ_ЖАВОБЛАР БИРОВНИНГ ЎРНИГА ИМЗО ЧЕКИШНИНГ ҲУКМИ CАВОЛ: Имзо чекувчи ўзи рухсат берса ўрнига имзосини қўйиш мумкинми? ЖАВОБ: Бисмиллаҳир Роҳманир Роҳим. Агар бу ҳолат бирор корхона ёки компанияда бўладиган бўлса, ўша жойнинг низомида бу ишга, яъни имзо чекувчининг розилиги билан ўрнига бошқаси имзо чекишга рухсат этилган бўлса ёки бу ишга раҳбарнинг ишончномаси мавжуд бўлса, бу иш жоиз. Акс ҳолда бундай қилиш жоиз эмас. Чунки мусулмонлар ўзаро тузилган шартномаларга амал қилишлари керак. Бу борада Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи васаллам бундай деганлар: المسلمون على شروطهم (رواه أبو داود عن أبي هريرة رضي الله عنه) “Мусулмонлар ўз шартларига кўра бўладилар” (Имом Абу Довуд ривоятлари). Агар бу иш савдо ишларида бўлса, имзо қўйувчининг вакили сифатида амалга ошириши мумкин бўлади. Лекин бу ўринда имзо чекувчи алдов ва хиёнатдан сақланишлиги зарур бўлади. Зеро Абу Ҳурайра розияллоҳу анҳудан қилинган ривоятда Пайғамбаримиз соллаллоҳу алайҳи васаллам: مَنْ غَشَّ فَلَيْسَ مِنِّي “Ким алдаса, мендан эмас”, деганлар (Имом Муслим ривоятлари). Валлоҳу аълам. Ўзбекистон мусулмонлари идораси Фатво маркази. •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz

Биласизми... Энг яхши, энг чиройли ризқ мол - мулк эмаc. Балки... 🌸Хотиржам қалб, 📚Равшан ақл, 🌿Тан сиҳатлиги, 💎Дил софлиги, 🍀Соғлом фикр, 🤲Онанинг дуоси, ☀️Отанинг меҳри, 💐Ака - уканинг борлиги, 👬Фарзандлар кулгуси, 🤝Дўстлар эътибори, 📿Аллоҳ учун яхши кўриб дуо қилувчи инсонларимиз борлигидир. 🤲🤲🤲 Аллоҳ таоло бу неъматларни ҳеч биримиздан мосуво этмасин! Қайси биридир узилган бўлса, ўрнини ундан яхшиси билан тўлдирсин. *** •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz

Аллоҳнинг меҳрибонлиги Расулуллоҳ соллаллоҳу алайҳи васаллам айтадилар: "Ким бир яхшиликни кўнгилга тугса-ю, уни қилмаса, Аллоҳ буни Ўз ҳузурида унга тўлиқ бир яхшилик деб ёзади. Агар шуни кўнгилга тугиб, кейин уни қилса, Аллоҳ буни Ўз ҳузурида унга ўнта яхшиликдан етти юз бараваргача қилиб, ундан ҳам бир неча баравар кўп қилиб ёзади. Ким бир ёмонликни кўнгилга тугса-ю, уни қилмаса, Аллоҳ буни Ўз ҳузурида унга тўлиқ бир яхшилик деб ёзади. Агар шуни кўнгилга тугиб, кейин уни қилса, Аллоҳ буни унга биргина ёмонлик деб ёзади" (Имом Бухорий, Имом Муслим ривояти). *** •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz

Ассалому алайкум ва раҳматуллоҳи ва баракатуҳ! ХАЙРЛИ ТОНГ! 🌿Аллоҳим, кўзларимизни уйқудан очганинг каби, қалбларимизни ҳам ғафлатдан уйғот! ☘️ Дунёни тонг нури ила ёритганинг каби, ҳаётимизни ҳам ҳидоят нури ила мунаввар қилгин! 🤲Амин йа роббал аламин!

Оиша розияллоҳу анҳодан ривоят қилинади: “Расулуллоҳ соллаллоҳу алайҳи васаллам тунги ётоқларига борсалар, икки кафтларини бирлаштириб, уларга дам уриб – “Ихлос”, “Фалақ”, “Нос” сураларини қироат қилардилар. Сўнгра икки кафтларини баданларининг қўллари етгарлик жойларига суртардилар. Бошларидан бошлаб, сўнгра юзлари ва кетма-кет бошқа аъзоларига. Бу ишни уч марта қилардилар”.  Имом Бухорий ривояти. •┈┈•┈┈•⊰✿🌿🌸🌿✿⊱•┈┈•┈┈• Бизни кўзатиб боринг: ✅https://t.me/marifatsariuz