𝙵𝚄𝚁𝚀𝙰𝙽✎𝚃𝚄𝙱𝙴

አንዳንዴ አላህ ሊመራህ ሲፈልግ ሳይንቲስት ያደርግህና በማትችለው ነገር ላይ እንድትመራመር ያደርግህና ቁዋውን አሳይቶ እጅ እንድሰጥ ያደርግሃል

ማን ይሆን ይህ ታላቅ ሰሃቢ? ዓቲካስ ይህን የጋብቻ ጥያቄ ትቀበል ይሆን? ዙቤይር ኢብኑል ዓዋም (ረዲየሏሁ ዐንሁ) ይባላል፡፡ ነገር ግን ዓቲካ ረዲየላሁ ዐ34 የመጣላትን የትዳር ጥያቄ ማመን አልቻለችም። አሁን ግልፅ የሆነላት ነገር ቢኖር ያገባት ሁሉ ሸሂድ ነው እንደሚሆን ነው፡፡ ገና ሳታገባው ለምታገባው ሰው ትሳሳለት ጀመር። አሁን አግብቶኝ ትንሽ ሳይቆይ ሸሃዳ ሊያገኝ እንዳይሆን ብቻ በማለት አሰበች። ዓቲካ የዙቤይር ኢብኑየል ዓዋምን ደረጃውን ታውቃለች። የረሱል የአክስት ልጅ፤ የነቢይ ሃዋሪይ፤ ታሪኩ ተወርቶ የማያልቅ ታላቅ ሰሃቢ መሆኑን ጠንቅቃ ታውቃለች። ኒካህ ከመደረጉ በፊት ዓቲካ አንድ ሸርጥ ታስቀምጣለች። ምንድነው ሸርጢሽ ዓቲካ ብለው ጠየቋት? የዓቲካ ሸርጧ አምስት ወቅት ሰለት መስጅድ ሄዳ መስገድ እንደምትፈልግና ዙቤይርም (ረዲየሏሁ ዐንሁም አጅማኢን) እንዳይከለክላት ነበር። ሰይዲና ዙቤይርም በዚህ ሸርጥ ተስማምተው ከዓቲካ ጋር ኒካህ አሰሩ፡፡ ሰይዲና ዙቤይር በየቀኑ ለዓቲካ ያላቸው ውዴታና ፍቅር እየጨመረ ይሄዳል። እንዴት አይጨምርም? አኽላቋ የሚረታ፤ ውበቷ የሚማርክ፤ ያገባችውን ባል በሙሉ አላህ የደነገገባትን ሀቆች አሳምራ ሰጥታ ማታ እጇን ወደ ሰማይ ዘርግታ ያረብ የባሌን ሐቅ አሟልቼ እንድሰጥ እርዳኝ ላጎደልኩትም ማረኝ የምትል ሴት ላይ እንዴት ውዴታ አይጨምርም። ከጊዜ ቡሃላም ሰይዲና ዙቤይር ረዲየላሁ አንሁ ላይ አዲስ ባህሪ ይታይባቸው ጀመር። ይህውም ዓቲካ ላይ መቅናት መጀመራቸው ነው፡ ሰይዲና ዙቤይር ረዲየሏሁ ዐንሁ በየቀኑ ቅናታቸው እየጎላና ከአንደበታቸው ማውጣት ጀመሩ። አንድ ቀን ዓቲካ መስጂድ ልትሄድ ስትወጣ፡፡ ያ ዓቲካ አሏት፤ «ወላሂ ከቤት የምትወጪው እኔ መውጣትሺን እየጠላሁ ነው፡፡» አሏት፤ እርሷም ከበር ተመልሳ፤ በተረጋጋ መልኩ ከፈለግክ አልሄድም አቆማለሁ በማለት ጠጋ ብላ ታባብላቸዋለች፤ ያ ሰላም...ያ አላህ አኽላቃችንን አሳምርልን ተመልከቱ እሳቸው ባላቤቷ ዙበይር የሚመልሱትን፤ እንዴት እከለክልሻለሁ ስታገቢኝ ሸርጥሽ ሆኖ ብለው ከቤት አውጥተው ወደ መስጂድ ይሸኟታል፡፡ ዓቲካ በረሱል ሰለላሁ አለይሂ ወሰለም የአክስት ልጅ ላይ እያሳደረች የነበረው ተጽኖ ወደር አልነበረውም፤ ሰዪዲና ዙቤይርም ግን መቋቋም አልቻሉም፤ ለሁለተኛ ጊዜ ዓቲካን መስጂድ መሄዳን መጥላታቸውን ሲገልጹላት፤ ዓቲካም ይህ ጥያቄያቸው በቅናት ላይ የተመሰረተና ሊቀይሩት ይችሉ ዘንድ በለዘብታ፤ የዓዋም ልጅ ሆይ (በዚያን ጊዜ የሚወዱትን ሰው ሲጠሩ በአባቱ ስም ነበር) ረሱል ሰለላሁ ወሰለም ጋር አቢበክርና ዑመር ጋር የሰገድኩበትን ሙሰላዬን ለቅናትህ ብዬ እንድተው ፈለግክ ወይ ብላ ጠየቀቻቸው፤ሰይዲና ዙቤይርም ላ ወላሂ አልከለክልሺም አሉ፤ነገር ግን ያደረባቸው ቅናት ቀላል አልነበረም፤ በጣም ያሳዝናሉ፤ ለሰላት ከወጣች የምትመለስ አይመስላቸውም፤ ልባቸው አልረጋ አለ፤ማስገደድ ባህሪያቸው አልነበረም፤ አትሂጂ ማለትም አይበቃላቸውም፤ ነገር ግን ይህ ቅናት ወደሚያስገርም ድርጊት ይመራቸዋል፤ ኢኽዋኒ ወአኸዋቲ ከዚህ በታች በምነግራቹህ የሰዪዲና ዙቤይር ድርጊት ተገርማችሁ ምንም አይነት ኔጌቲቭ ኮመንተ እንዳታደርጉ፤ ሲጀመር በሃሳባችሁም ውስጥ እንዳታመጡት፤ ምክንያቱም ከረሱል ሰለላሁ አሌይሂ ወሰለም ሰሃባዎች ጋር አደብ ሊኖረን ይገባል፤ ነብያችንም አለይሂ ሰላቱ ወሰላም አስጠንቅቀዋል፤ልብ ብለን እናንበው፤ አላህ አላህ በሰሃቦቼ (አላህን ፍሩ ሰሃባዎቼን በሚመለከት ) እኔ ከሞትኩ ቡሃላ እስልማናን ለመውጋት እነርሱን አላማ አታድርጋቸው እነርሱን የወደደ እኔ እንደምወደው ሆኖ ነው የሚወዳቸው እነርሱን ያስከፋ ያስቆጣ እኔ እንደምከፋበት እንደምቆጣበት ሆኖ ነው የሚያስቆጣቸው እነርሱን አዛ ያደርገ እኔን አዛ እንዳደረገ ነው እኔን አዛ ያደረገ አላህን አዛ እንዳደረገ ነው አላህን አዛ ያደረገ አላህ ክፉኛ ሊወስደው ተቃርቦዋል አሉ በሌላ ሐዲስ ላይ አስሃባዎቼን እንዳትሰድባቸው አስሃባዎቼን እንዳትሰድባቸው ነፍሴ በእጁ በሆነው እምላለሁ አንዳቹህ የእሁድን ተራራ የሚያክል ወርቅ ብታወጡ የአንዳቸውንም ደረጃ አትደርሱም ነበር ወላ ግማሹን አሉ ከዚህ አስፈሪ ማስጠንቀቂያ ቡሃላ እንግዲህ ሰሃቦችን በክፉ ማንሳት ወይም ሊያስብ የሚዳፈር ያለ አይመስለኛም ወደ ዓቲካ ታሪክ ስንመለስ፤ ሰዪዲና ዙቤይር ረዲየላሁ አንሁ ዓቲካ ላይ ከመቅናታቸው የተነሳ አንድ የሚያስገርም ነገር ይሰራሉ፤ አንድ ቀን የሱብህ ሰላትን ለመስገድ ወደ መስጂድ ስትሄድ፤ ሰዪዲና ዙቤይር ውዱእ አድርገው ቀድመዋት ወጡና በኒ ሰዐድ የሚባለው ቦታ ላይ አድፍጠው ጠብቀዋት፤ በዚያ ጨለማ ሰውነታን መታ አድርገዋት በፍጥነት ተሰወሩ፤ ዓቲካም ደንግጣ ዞር ብላ ስታይ ማንም ዬለም፤ ምን ሆነሃል አላህ እጅህን ይቁረጠው አለችና በጣም ተደናግጣ የነቢዩ አሌይሂ ወሰላም መስጂድ መሄዳን ትታ ወደ ቤታ ተመልሳ ትሄዳለች ሰላታንም እቤት ሰግዳ ሰዎች እንዲህ አደብ አጡ በማለት በጣም አዝና ስለደረሰባት ነገር እያሰላሰለች ሳለ ሰይዲና ዙበይር እቤት ተመልሰው ምነው መስጂድ አላየሁሽም ይላታል፤አላህ ይርሃመክ የአብደላ አባት ካንተ ቡሃላ ሰዎች ተበላሹ፤ ዛሬ ለሴት ልጅ መስጂድ ሄዳ ከመስገድ ጋዳ ውስጥ መስገዳ ይሻላታል በማለት ከዚያን ቀን ጀምሮ መስጂድ ሄዳ መስገድ አቆመች፤ ሰዪዲና ዙቤይር ድርጊታቸው ቢጸጽታቸውም ሊቋቋሙት ያልቻሉት ስሜት እዚህ አደረሳቸው፤ ይቀጥላል https://t.me/Furqan_Oficial https://t.me/Furqan_Oficial

በህይወትህ ካደረገከው ነገር ምን ይፀፅትሃል?ሲሉት #ባል:- "የሰርጌ ቀን የሚስቴ ቤተሰቦች አናስገባም ሰርገኛ እያሉ ሲጨፍሩ እሺ ብዬ አለመመለሴ" @Almutehabin እስኪ እናንተው መልስ ስጡበት እኔ አልቻልኩም 🤣

◾️አብደላህ ኢብኑ አባስ እንዳስተላለፈው የአላህ መልእክተኛ እንዲህ አሉ። ✅ አላህ ከኡመቶቼ ሶስት ነገሮች አልፎልኛል (ይቅር ብሏቸዋል)፦ ①) በተሳሳቱት ነገር ②) በሩሱት ነገርና ③) ተገደው በሰሩት ነገር 📚(በይሀቅይ ዘግቦታል)

▪️ሸይኹል ኢስላም ኢብኑ ተይሚያህ ረሒመሁላህ እንዲህ ብለዋል :– "ዲናዊ ዝምድና ከጭቃዊ ዝምድና የላቀ ነው። በልቦችና በሩሖች መካከል ያለው መቀራረብ በአካላት መካከል ካለው መቀራረብ የበለጠ ነው። (ሚንሃጁ አስሱንናህ: 7/78)

አይሻም ከሐዘኗና ከድንጋጤዋ የተነሳ ሳታመነታ " ዑመር የፈለገውን ነገር እንዴት አይሆንም ይባላል ማንስ ነው ለሱ አይሆንም የሚለው። ሂድና ለአባትህ ፍቃደኛ ነኝ በለው " አለች፡፡ ያ አላህ! ምን አይነት ወርቃማ ትውልድ ነው ያለፈው! ድሮስ ከዚህ ትውልድ ምን ይጠበቃል፡፡ አስተ ማሪያቸውና لى الله መሪያቸው ነብዩ ሙሐመድ ኢብኑ አብደላህ በጥሩ ስነምግባር ያሳደጓቸው ትውልዶች ናቸው፡፡ አብደላህ ኢብኑ ዑመር ይህን የምስራች ከአይሻ ለአባቱ ዑመር (ረዲየሏሁ ዐንሁም አጅማኢን) አምጥቶ ሲነግር የሰይዲና ዑመር ደም በጣም ፈሷቸው ሰከራተል ሞት ውስጥ ገብተው ስለነበር በደከመ አንደበታቸው የመጨረሻ ትንፋሻቸውን ሳይተነፍሱ በፊት። አሁንም አይሻን ላለማስከፋት " ልጄ አብደላ ምናልባት በህይወት እያለሁ እኔን ፈርታ እሺ ብላ ሊሆን ይችላል፤ እንደገና ሄደህ ያንኑ ጥያቄ ጠይቃትና አረጋግጥ " አሉት አላሁ አክበር፤ ሰይዲና ዑመር ረዲየላሁ ዓንሁ ይህን ካሉ ቡሃላ ሸሃዳቸውን ብለው የመጨረሻ ትንፋሻቸውን ተነፈሱ፤ እንደተመኙት አላህን ተማጽነው ሸሃዳን እንዲረዝቃቸው እንደለመኑት ሸሃዳን አገኙ። ዓቲካ ይህን የሆነውን ሁሉ አልሰማችም፡፡ አብዛኛው ሠው ይህን የዑመርን ግድያ ሰምቷል ከዓቲካ በስተቀር፤ እነዚህ ወሬውን የሰሙ ሰዎች የተፈጠረውን ነገር ሊነግሯት አልተዳፈሩም፡፡ ዓቲካ ይህንን መጥፎ ዜና ስትሰማ ምን ይሰማት ይሆን? ዓቲካም ልታመልጠው የማትችለውን ዜና ሰማች፤ " ዑመር ወዳጄ ምን ሆነብኝ፥ አልተሰናበትኩት፤ እንዴት እንደወጣ ይቀራል፤ ተመልሶ ሲመጣ እንዴት እንደምቀበለውና ምን አንደማበላው እንዴት እንደማስደስተው ነበር ሳስብ ያረፈድኩት። አቡ ሉእሉአ ማነው? ባሌ ምን አደርጎት ነው የሚገለው? " ዓቲካ እራሷን መቆጣጠር አቃታት፤ " ምን እየደረሰብኝ ነው፤ አግብቼ ወድጄ አፍቅሬ ትዳሬ ሞቆ በሸሃዳ ማህተም ይታሸጋል፤ አልሃምዱሊላህ አላኩሊ ሃል " አለች፤ ዓቲካ እንደወትሮዋ በብዙ ስንኞች የተቀናበረ ግጥሟን በመግጠም የሰይዲና ዑመርን ኢማን ጀግንነት ቆራጥነት እና ለርሳቸው የነበራትን ፍቅርና አብሯት የቀረውን ትዝታዋን በግጥሟ በማካተት የመዲና ሰዎችን አስለቀሰች። ዓቲካ ረዲየላሁ አንሃ ሰይዲና ዑመርን ረዲየላሁ አንሁ በድንገት ተለየቻቸው እሳቸውም በድንገት ተለዩዋት፡፡ ... እንደ አብደላ ለመናዘዝ፤ ከርሳቸው ቡሃላ ምን ማድረግ እንዳለባት ሳይነግሯት፣ ቃል ኪዳን የለ፤ አደራ የለ፤ ለሱብሂ ሰላት እንደወጡ ወደ ቤት ሳይመለሱ ቀሩ። የዓቲካ ሐዘን ከባለፈው እጅግ ከፋ። የሚገርመው ግን ዓቲካ ያገባቻቸው ወንዶች በሙሉ ሸሂዶች ብቻ ሳይሆኑ፤ ዓቲካን እንደወደዱ፤ እንዳፈቀሩ፤ ሐቃቸውን እንደጠበቀች፤ በዚያ ወደር በሌለው ቁንጅናዋ ሳትኩራራ፤ ለአሉባልታና ሐሜት የትዳር በሯን ሳትከፍት፤ የዓቲካን የትዳር የህይወት የቀመሱ ወንዶች ሁሉ በጀነት አላህ ባገናኘን እያሉ እየተመኙ ነበር የሸሂድ ሞት የሚሞቱት፤ ዓቲካን ያገባ ሁሉ ሸሂድ ነው፤ ሸሃዳን የተመኘ ዓቲካን ያገባል፡፡ የሚገርመው ሸሃዳን ፈልጎ ዓቲካን ማግባት ያልቻለ፤ ዓቲካን ተመኝቶ በዚሁ ምኞቱ ሸሃዳ ያገኛል፡፡ ዓቲካ ግን በዑመር መሞት የነበረባት ሐዘን አልወገድልሽ አላት። ለሰላት መስጂድ እየሄደች መመለስና በብቸኝነት ከሰው በመገለል አላህን መገዛት ተያያዘች። ትልቁ ችግር የማታው አስፈሪ ህልም ነበር፤ ዓቲካ ከዚያን ቀን ጀምሮ በህልማ አቡ ሉእሉዕ ሰይዲና ዑመርን ሊወጋቸው ሲል ሰይዲና ዑመርን አድናለሁ ብላ ስትወራጭና ስትጮህ በላብ ተጥለቅልቃ ጸጥ ረጭ ባለበት ሌሊት ከእንቅልፏ ሃይለኛው ጩኸቷ ያባንናታል፡፡ ዓቲካ ልዩ የፍቅር ተምሳሌት ናት፤ ዓቲካ ለባለትዳር ሴቶች ጥሩ አርዓያ ናት። በዚህ ሁኔታ ላይ እያለች ከቀን ወደ ቀን ትንሽ እያገገመች ሶስት የሃዘን ወራትን ትጨርሳለች። ይህቺን ውብ ሴት የትዳር ህይወት በቃት ይሆን? የዓቲካ የትዳር ጥያቄ አሁንም አላበቃም። እርሷንና ሀዛንን ለብቻቸው እንተዋት የሚል አልነበረም። ቢያገባት ወዲያው ሸሂድ እንደሚሆን ልቡ እያወቀ ዓቲካን ለትዳር ከመጠየቅ ወደ ኋላ አይልም ነበር. አሁን ደግሞ ማን ይሆን ዓቲካን ለትዳር የሚጠይቃት ዓቲካ ከሰይዲና ዑመር ረዲየላሁ አንሁ ቡሃላ ማንም ሰው ለትዳር ይፈልገኛል ብላ አላሰበችም። ድንገት አንድ የማትጠብቀው ሰሃባ ዓቲካን ለትዳር እንደሚፈልጋት በአንድ ሰው መልዕክት ላከባት። ስለዚህ ታላቅ ሰሀባ ነቢዩ ዐለይሂ ሶላቱ ወሰላም ሲናገሩ እንዲህ ብለዋል " ሁሉም ነቢያቶች ሐዋሪያ ነበራቸው፤ የኔ ሐዋሪይ እርሱ ነው " በማለት የተናገሩለት ውድ ሰሃቢ ነው፡፡ ሐዋሪይ ማለት ከነቢይ የማይለይ፤ የሚካድም፤ አማካሪ፤ መልዕክት የሚያስተላልፍ፤ ለነቢይ ቅርብ የሆነ ሰው ማለት ነው። ይህ አሁን ዓቲካን ለትዳር የጠየቀው ሰሃቢ በረሱል ሐዋሪይ የሚል ቅፅል ስም የተሰጠው ነው። እንዲሁም የረሱል አክስት የሶፊያ ልጅም ነው። በተጨማሪም ከአስሩ በጀነት ቃል ከተገባላቸው ከሰሃቦች አንዱ ሲሆን፡፡ ከስድስቱ የረሱል ሰለላሁ አለይሂ ወሰለም አማካሪዎች አንዱም ነው፡፡ ይህ አስሃባ እስልምና የገባው በስምንት ዓመቱ ህፃን ሆኖ አጎቱ በእሳት እያቃጠለው በሙሐመድ ክፈር እያለ ሲያሰቃየው የነበረ፤ በአስራ ስምንት ዓመቱ ከመካ ወደ መዲና የተሰደደ በርቅዬ ሰሃባ ነው። ይህ ታላቅ ሰሃቢይ ወደ ሃበሻ በመሰደድ እኛ ከጠጣነው ዉሃ የጠጣ እኛ ያደግንበትን አፈር የረገጠ ነው። በፍፁም ነቢያችን ጦርነት ወጥተው ተለይቷቸው የማያውቅ ሰሃቢ ነበር። ማን ይሆን ይህ ታላቅ ሰሃቢ? ይቀጥላል https://t.me/Furqan_Oficial https://t.me/Furqan_Oficial

የሙሐረም ወር ፆም ረሱል እንዲህ ብለዋል፦ ﴿أفضلُ الصِّيامِ بعدَ رمضانَ شَهْرُ اللَّهِ المُحرَّمُ﴾ “ከረመዳን በመቀጠል በላጩ ፆም የአላህ ወር የሆነው የሙሐረም ወር ፆም ነው።” ሙስሊም ዘግበውታል: 1123 ማስታወሻ፦ የሙሀረም ወር ፆም በኢትዮጵያየቀን አቆጣጠር ማክሰኞ ሐምሌ 9 ላይ ይሆናል። ከበፊቱ ወይም ከበስተኋላው ያለውን አንድ ቀን ጨምሮ መፆም መዘንጋት የለበትም።

ሙሐረም እና ዓሹራ- ~በቁርኣን ዉስጥ እንደተጠቀሰው የዓመቱ ወራት 12 ናቸው፡፡ ከነርሱ ዉስጥም አራቱ የተከበሩ ናቸው፡፡ ሦስቱ ተከታታይ ወራት ናቸው፡፡ ዙልቂዕዳ፣ ዙልሒጃ፣ ሙሐረም፡፡ ረጀብ ተነጥሎ ነው የሚገኘው፡፡ አሁን የተከበረው ሙሐረም ዉስጥ ነው ያለነው፡፡ ከተከበሩ እና ልቅና ከተሠጣቸው የዓመቱ ወራት ዉስጥ አንዱ ነው፡፡ በኢስላማዊው ጨረቃ አቆጣጠር የመጀመሪያው ወርም ነው፡፡ 1446 ዓመተ ሂጅራ ከገባ ዛሬ ሰኞ 2ኛ ቀናችን ይዘናል፡፡ የአላህ መልዕክተኛ (ሰለሏሁ ዓለይሂ ወሰለም) «ከረመዷን ቀጥሎ ምርጡ ፆም የአላህ ወር ሙሐረም ወር ፆም ነው፡፡ ከግዴታ ሶላት ቀጥሎ ምርጡ ሶላት የሌሊት ሶላት ነው፡፡» ብለዋል፡፡ ሙሐረም የአላህ ወር ነው መባሉ በራሱ ልቅናውን ከፍ ያደርገዋል፡፡ ሙሐረምን ጨምሮ በአራቱ የተከበሩ ወራት ዉስጥ ራሣችሁን አትበድሉ ተብለናል፡፡ በደል ሲባል ብዙን ጊዜ ለኃጢኣት ነው፡፡ አላህ ልቅና በሠጠው ወር ዉስጥ ወንጀል መፈፀም በትልቁ ራስን መበደል ነው፡፡ በርግጥ ወንጀል ሁሌም ክልክል ቢሆንም፤ በነኚህ ወራት ዉስጥ ክልክነቱ ጠብቋል፡፡ አላህ ይጠብቀን፡፡ የሙሐረም ወር አሥረኛው ቀን ዓሹራ ይባላል፡፡ በዚህ ቀን ዉስጥ ትልቅ ክስተት ተከስቷል፡፡ ትልቅ ድልም ተበስሯል፡፡ እውነት በዉሸት ነግሷል፡፡ ነቢያችን (ሰለሏሁ ዓለይሂ ወሰለም) ከመካ ተሰደው መዲና ሲደርሱ የመዲና አይሁዶች የዓሹራን ቀን ሲፆሙ አገኟቸው፡፡ «ምንድነው ይህ የምትፆሙት ቀን?» በማለትም ጠየቋቸው፡፡ «ይህ ቀን አላህ ሙሳን እና ህዝቦቹን ነጃ ያወጣበት ፈርዖንና ሠራዊቱን በዉሃ ያሠጠመበት ቀን ነው፡፡ ሙሳ አላህን ለማመስገን ብለው ፆሙት፡፡ እኛም ለዚያ ብለን ነው የምንፆመው፡፡» አሉ፡፡ የአላህ መልዕክተኛም «ከናንተ ይልቅ እኛ ነን ለሙሳ የምንቀርበው፡፡» አሉና ፆሙት፤ ተከታዮቻቸዉም እንዲፆሙት አዘዙ፡፡» አሉ፡፡ ከዚያን ጊዜ ጀምሮ ሙስሊሞች ይፆሙታል፤ ልጆቻቸዉንም ያስፆማሉ፡፡ በዚህ ወር ዉስጥ መልካም ሥራ የተባለን ሁሉ ማብዛት ይወደዳል፣ ፆም ከሥራዎች ሁሉ ምርጡ ሥራ ነው፡፡ ሰደቃ፣ ዱዓእ፣ ሶላት፣ አላህን ማውሳት ማብዛት እና ሌሎችም ብዙዎችን መጥቀስ ይቻላል፡፡ በአሥረኛው ቀን መፆም የተወደደ ነው፡፡ ሳያስበው አፍጥሮ ያነጋ ሰው እንኳን የተቀረዉን ቀኑን በፆም ቢያሳልፍ ይመረጣል፡፡ ነቢያችን ቀኑን ፆመውታል፤ ግና በሚመጣው ዓመት አላህ ካኖረኝ ዘጠነኘዉንም ቀን ጨምሬበት እፆማለሁ ብለው ነበር፡፡ በሌላም ሐዲሥ ዓሹራን አንድ ቀን ከፊቱ አሊያም ከኋላው ፁሙ ብለው ነበር፡፡ •አላህ ሆይ ወሩንና ዓመቱን ሁሉ መልካም አድርግልን፡፡ በረከትህንና ችሮታህንም ለግሰን፡፡ አላህ ሆይ ሙስሊም አድርገህ አኑረን፣ በእስልምና ላይም ግደለን፡፡ @AbuSufiyan_Albenan

አንት የሱና ወጣት የት ላይ ነው ያለህው⁉️ እየቀራህ ነው⁉️ እየተማርክ ነው⁉️ ቤትሰብ እየረደህ ነው⁉️ ትዳር እየመራህ ነው⁉️ ደዕዋ እያደክ ነው⁉️ እየነገድክ ነው⁉️ እያረስክ ነው⁉️ ሙያ እየለመድክ ነው⁉️ 👉ወይስ👈 ቦዝነሃል⁉️ ስራ ፈተሃል⁉️ ቂርአት ትተሃል⁉️ ከመስጊድ ቀርተሃል⁉️ ደዕዋ አቁመሃል⁉️ ማንበብ ትተሃል⁉️ መማር ትተሃል⁉️ ትዳር ፈተሃል⁉️ በጥቅሉ>= ጓደኛህ ማን ነው⁉️ ስራህ ምንድነው⁉️ መዋያህ የት ነው⁉️ ማደሪያህ የት ነው⁉️ አላማህ ምንድን ነው⁉️ መልስ ከሁላችንም ይጠበቅብናል አሁን ላይ ታውቃላቹህ ⁉️ የትምህርት ተቋማቶች ተዘግተው መድረሳዎች ተዘግተው አብዛኞቹ የስራ መስኮች ተዘግተው የመንግስት ቢሮዎች ተዘግተው ነው ያሉት ታዲያ በዚህ ጊዜ ቦዘኔው ስራ አጡ ሌባው አጭበርባሪው ይበዛል ያኔ ታዲያ አንተ ምን ማድረግ አለብህ⁉️ ጓደኛ መምረጥ ትንሽም ብትሆን ስራ መፍጠር ውስጥ ለውስጥም ቢሆን ደርሶችን አፈንፍነህ መከታተል ዒባዳ ላይ ትኩረት ማድረግ ወደ አሏህ የሚያቃርብህን ነገር ፈልገህ መስራት ባገኘህው አጋጣሚ ሱናን ለህዝብህ ለማድረስ ቀና ደፋ በል አሏህ በመልካም እንቅስቃሴዎች ሁሉ ይረዳሃል @furqan_oficial