Yurist_bloger_Hasan_Mamayusupov. ,,TWIN LAWYERS" jamoasi.

Daʼvo muddati joriy qilinmaydigan holatlarni bilasizmi? Daʼvo muddati — shaxs oʻzining buzilgan huquqini daʼvo qoʻzgʻatish yoʻli bilan himoya qilishi mumkin boʻlgan muddatdir. Umumiy daʼvo muddati 3 yil hisoblanadi. Shuningdek, ayrim turdagi talablar uchun qonunchilikda umumiy daʼvo muddatiga qaraganda qisqartirilgan yoki uzaytirilgan maxsus daʼvo muddatlari belgilanishi mumkin. Daʼvo muddati quyidagilarga joriy qilinmaydi (163-modda): 🔸shaxsiy nomulkiy huquqlarni va boshqa nomoddiy boyliklarni himoya qilish haqidagi talablarga; 🔸omonatchilarning oʻz omonatlarini berish toʻgʻrisida bankka qoʻyadigan talablariga; 🔸fuqaroning hayotiga yoki sogʻligʻiga yetkazilgan zararni toʻlash haqidagi talablarga; 🔸jinoyat tufayli yetkazilgan zararni toʻlash haqidagi talablarga; 🔸mulkdorning yoki boshqa egalik qiluvchining oʻz huquqini har qanday buzishlarni, garchi bu buzishlar egalik qilishdan mahrum etish bilan bogʻliq boʻlmasa ham bartaraf etish haqidagi talablariga; 🔸mamlakat mustaqilligi eʼlon qilinishidan oldin uning chegaralaridan tashqariga olib chiqib ketilgan tarixiy, madaniy va ilmiy-badiiy qiymatga ega boʻlgan mol-mulkni hamda boshqa qimmatbaho obyektlarni qaytarib berish haqidagi talablarga; 🔸qonunda belgilangan hollarda boshqa talablarga. 👉@Hasan_Mamayusupov_maslahati - eng muhim, huquqiy, rasmiy xabarlar kanaliga obuna boʻling

Assalomu alaykum xurmatli obunachilar. Koʻchma fotoradar va mobil komplekslar (Multiradar) orqali qayd etilgan jarimalar sud tomonidan bekor qilinmoqda. Bizga murojaat qilgan fuqarolarning murojaatlariga asosan multiradar boʻyicha jarimani bekor qilish toʻgʻrisida ariza namunasi va jarimalar bekor qilinganligi toʻgʻrisidagi bir nechta qaror nusxalarini qoldiryapman. Agarda sizlarda ham multiradar boʻyicha jarima boʻlsa, uni toʻlashga shoshilmang va yuqoridagi hujjatlar asosida jarimani bekor qildiring. 👉@Hasan_Mamayusupov_maslahati - eng muhim, huquqiy, rasmiy xabarlar kanaliga obuna boʻling

Ishsizlik tomonidan toʻlanishi kerak boʻlgan aliment miqdori oshirildi. Oila kodeksining 140-moddasida, agar aliment toʻlashi shart boʻlgan shaxs shu davrda ishlamagan boʻlsa yoki uning ish haqi yoki daromadini tasdiqlovchi hujjatlar taqdim qilinmagan boʻlsa, aliment qarzi undirilayotgan vaqtda Oʻzbekiston Respublikasidagi oʻrtacha oylik ish haqi miqdori boʻyicha hisoblab chiqiladi deb koʻrsatilgan. Ishsizlar tomonidan toʻlanishi kerak boʻlgan hozirgi aliment miqdorlari avvalgiga qaraganda farq qilmoqda.  Demak, Davlat statistika agentligi tomonidan Oʻzbekistondagi oʻrtacha oylik ish haqi qayta xisoblab chiqilgan va bu miqdor hozirgi kunda 5 519 392 soʻmni tashkil qilmoqda. Yuqoridagilarga koʻra, bugungi kun holatiga MIBning rasmiy mib.uz sayti orqali ishsiz boʻlgan aliment toʻlovchi uchun har oylik aliment miqdori, bolalar soniga qarab; Bir nafar bola uchun— 1 379 848 soʻm; Ikki nafar bola uchun— 1 839 797; Uch va undan ortiq bola uchun— 2 759 696 soʻmdan kam boʻlmagan miqdorida undiriladi. 👉@Hasan_Mamayusupov_maslahati- eng muhim, huquqiy, rasmiy xabarlar kanaliga obuna boʻling

“Telegram”, “Instagram”, “TikTok” va “You Tube”da kanallar ochib tadbirkorlik qilsam boʻladimi? Bu qonunga zid emasmi? ✅ Yoʻq bu faoliyat qonunan taqiqlanmagan. Ushbu faoliyatdan olayotgan daromadingizni qonuniylashtirish va soliq toʻlashdan qonuniy usulda qochish uchun oʻzini oʻzi band qilgan shaxs sifatida roʻyxatdan oʻtishni maslahat beramiz. Vazirlar Mahkamasining 2020-yil 23-dekabrdagi 806-son qaroriga 1-ilova bilan tasdiqlangan “Oʻzini oʻzi band qilgan shaxs sifatida faoliyatni amalga oshirish tartibi toʻgʻrisida”gi nizom 16-bandiga koʻra oʻzini oʻzi band qilgan shaxslar tomonidan mehnat staji hisoblanishi uchun qonun hujjatlarida belgilangan miqdorda ijtimoiy soliq toʻlanadi. Oʻzini oʻzi band qilgan shaxslar oʻziga pensiya hisoblanishi va ish stajiga ega boʻlishi uchun Pensiya jamgʻarmasiga ixtiyoriy ravishda ijtimoiy soliq toʻlashi mumkin. 💁‍♂ Demak, siz ham ish staji kerak boʻlsagina yilda bir marta BXM 1 baravari miqdorida ijtimoiy soliq toʻlaysiz xolos. Asosiysi Soliq kodeksining 369-moddasiga muvofiq oʻzini oʻzi band qilgan shaxslar jismoniy shaxslardan olinadigan daromad soligʻidan ozod etiladi. Oʻzbekiston Respublikasining 08.06.2020 – yildagi “Tadbirkorlik faoliyati va oʻzini oʻzi band qilishni davlat tomonidan tartibga solishni soddalashtirish chora-tadbirlari toʻgʻrisida”gi 4742 – son qarori 1 – ilovasida oʻzini oʻzi band qilganlik yuzasidan roʻyxatdan oʻtish mumkin boʻlgan mashgʻulotlar roʻyxati keltirilgan, unga koʻra: Ijtimoiy tarmoqlardagi faoliyat (PR-menedjer, internet-marketolog, ijtimoiy tarmoqlarda tovarlar (ishlar, xizmatlar)ni ilgari surish va reklama qilish (SMM), ijtimoiy tarmoq sahifalari administratori, akkaunt-menejer, marketolog, link-menejer, targetolog, kontekst-reklama boʻyicha mutaxassis, direktolog, media rejalashtiruvchi, SMO mutaxassisi) kiritilgan. ✅ Shunday ekan siz ham hududiy soliq organidan yoki soliq.uz ilovasidan roʻyxatdan oʻtib, shu faoliyat bilan shugʻullanishingiz mumkin. 👉@professional_yuristlar- энг муҳим, ҳуқуқий, расмий хабарлар каналига обуна бўлинг

YTT qanday tartibda roʻyxatdan oʻtkaziladi? Hozirda tadbirkorlik faoliyati yuritishning eng qulay va oson yoʻli bu YTTdir. YTT – yuridik shaxs tashkil etmasdan tadbirkorlik faoliyatini tashkil etish va olib borish usulidir. Yuridik shaxsga qaraganda YTT tashkil etish nisbatan oson. Tadbirkorlik subyektlarini davlat roʻyxatidan oʻtkazish tartibi toʻgʻrisidagi Nizomga asosan YTTni 2 usulda roʻyxatdan oʻtkazish mumkin. 1-usul. Davlat xizmatlari markaziga bevosita borgan holda ariza berishdir. Bu usulda DXM masʼul xodimi ariza beruvchidan tegishli maʼlumotlarni olgan holda soʻrovnomani toʻldiradi. Bunda yakka tartibdagi tadbirkor roʻyxatdan oʻtkazilganligi toʻgʻrisidagi guvohnomada jismoniy shaxsning fotosurati aks ettirilgan boʻlishi kerak. Davlat boji toʻgʻrisidagi qonunga muvofiq DXM orqali roʻyxatdan oʻtkazish uchun BHMning 1 baravari miqdorida davlat boji toʻlanadi. 2-usul. Elektron shakldagi interaktiv xizmatlar yordamida roʻyxatdan oʻtish. Bu usulda my.gov.uz yoki fo.birdarcha.uz platformasi orqali online ariza berish mumkin boʻladi. Elektron shaklda roʻyxatdan oʻtkazganlik uchun esa yuqoridagi qonunga binoan davlat boji BHMning 90 foizi miqdorida undiriladi. ❗️Har ikki usulda ham YTT roʻyxatdan oʻtkazilganda bank hisobravari ochish talab etiladi. Yuqoridagi nizom 19-bandiga koʻra davlat roʻyxatidan oʻtganidan soʻng tadbirkorlik subyekti qonun hujjatlarida belgilangan tartibda bank hisob raqamlarini ochish uchun banklarga murojaat qiladi. Bunda yakka tartibdagi tadbirkorlarni davlat roʻyxatidan oʻtkazish jarayonida ularga milliy va chet el valyutasidagi bank hisobvaraqlarini masofadan turib ochishi mumkin. 💁‍♂ Soddaroq aytganda, YATTni roʻyxatdan oʻtkazish jarayonida avtomatik ravishda elektron usulda bank hisobvaragʻi ochilishi mumkin. 👉@Hasan_Mamayusupov_maslahati - eng muhim, huquqiy, rasmiy xabarlar kanaliga obuna boʻling

❗️ALIMENT TOʻLASH MAJBURIYATINING TUGATILISHI. Oila kodeksining 147-moddasiga asosan, sud tartibida undiriladigan aliment toʻlash: ➖ bola voyaga yetganda yoki voyaga yetmasdan turib toʻla muomala layoqatiga ega boʻlganda; ➖ foydasiga aliment undirilayotgan bola farzandlikka olinganda; ➖ sud aliment oluvchining mehnatga layoqati tiklangan yoki uni yordamga muhtoj boʻlmay qolgan deb topganda; ➖ mehnatga layoqatsiz, yordamga muhtoj aliment oluvchi sobiq er yoki xotin yangi nikohga kirganda; ➖ aliment oluvchi yoki aliment toʻlashi shart boʻlgan shaxs vafot etganda tugatiladi. 👉@Hasan_Mamayusupov_maslahati - eng muhim, huquqiy, rasmiy xabarlar kanaliga obuna boʻling

Ota bolaga to'lagan alimentni vaqti kelib qaytarib olishi mumkinmi? Savol; Turmush oʻrtogʻim xozirda bir nafar farzandimga aliment toʻlaydi. U menga bola 18 yoshga toʻlganida uni alimentga berib toʻlagan pullarimni qaytarib olaman deyabdi. Javob: Shunday boʻlishi mumkinmi ? 👉 Toʻlagan alimentini qaytarib ololmaydiyu lekin oʻzi uchun taʼminot talab qilishi mumkin. Ota-ona uchun taʼminot berish tartibi Oila kodeksida belgilab qoʻyilgan. Faqat qonunda bu aliment emas taʼminot deb yuritiladi. Kodeksda nafaqat ota, ona xam ularni moddiy tomonlama ixtiyoriy taʼminlamay kelayotgan voyaga yetgan bolalaridan sud tartibida taʼminot talab qilishi mumkin. Xamma ota-ona xam bu taʼminotni talab qilsa bola toʻlayverishi kerakmi ? 👉 Bu taʼminotni tayinlashda sudlar ota-onaning mehnatga layoqatsizligi va yordamga muhtojlik darajasidan kelib chiqib ish koʻradi. Kim sudga taʼminot soʻrab ariza yozsa masala uning foydasiga xal boʻldi degani emas bu. Bunday taʼminot bolalarning nechtasidan undiriladi ? 👉 Ota-ona uchun aliment miqdorini belgilashda sud voyaga yetgan, mehnatga layoqatli bolalarning barchasini hisobga olgan holda qaror qabul qiladi. Masalan voyaga yetgan bola oʻqishda boʻlsa u taʼminotni toʻlashga imkoni boʻlmaydiku ? Shu sababli taʼminot miqdorini belgilashda sud bolalarning oilaviy va moddiy ahvolini hisobga olgan xolda ish koʻradi. Bu taʼminotni eng kam miqdori qancha boʻladi ? Voyaga yetgan, mehnatga layoqatli bolalardan undirilayotgan aliment miqdori qonun hujjatlarida belgilangan mehnatga haq toʻlash eng kam miqdori (1 050 000)ning 11,75 foizi ( 123 375 soʻm) dan kam boʻlmasligi kerak. Bu taʼminotni toʻlamasa xam boʻladimi ? Agar sud ota-onaning oʻz vaqtida bolalari oldidagi ota-onalik majburiyatini bajarishdan boʻyin tovlaganligini aniqlasa, bolalarni mehnatga layoqatsiz, yordamga muhtoj ota-onasiga xam taʼminot berish majburiyatidan ozod qilishi mumkin. Ushbu postni huquqshunos @Mamayusupov_KHusan tayyorladi. Savollar boʻlsa murojaat qilishingiz mumkin. Kanalga ulanish👇👇👇👇 https://t.me/Professional_yuristlar

Yoshlar daftariga kimlar kirishi va onlayn ariza berish haqida. Unda bu post aynan siz uchun😊 👉Yoshlar daftariga kimlar kirishi haqida batafsil 👉 Yoshlar daftariga ariza topshirish Ushbu postni huquqshunos @Mamayusupov_KHusan tayyorladi. Savollar boʻlsa murojaat qilishingiz mumkin. Kanalga ulanish👇👇👇👇 https://t.me/Professional_yuristlar

❗️YOSHLAR DAFTARIGA QANDAY TOIFADAGI YoSHLAR KIRITILADI ? 📄 Hukumatning 312-son qarori bilan tasdiqlangan nizomga koʻra, “Yoshlar daftari”ga 30 yoshdan oshmagan quyidagi toifadagi: ✅ oila aʼzosi “Temir daftar”, “Ayollar daftari” yoki “Ijtimoiy himoya yagona reyestri”ga kiritilgan; ✅ ijtimoiy himoyaga muhtoj boʻlgan; ✅ boquvchisini yoʻqotgan, yetim yoki ota-ona qaramogʻidan mahrum boʻlgan; ✅ oʻziga nisbatan vasiylik yoki homiylik belgilangan; ✅ oʻzgalar parvarishiga muhtoj boʻlgan ishga layoqatsiz; ✅ I yoki II guruh nogironligi boʻlgan; ✅ farzandida I yoki II guruh nogironligi boʻlgan; ✅ jismoniy yoki ruhiy rivojlanishida nuqsonlari boʻlgan; ✅ ota-onasidan birida I yoki II guruh nogironligi boʻlgan, ikkinchisi esa ish faoliyatini toʻxtatgan holda bemorga qarashga majbur boʻlgan yoxud ota-onasining har ikkisida I yoki II guruh nogironligi boʻlgan; ✅ yuzaga kelgan holatlar sababli ogʻir turmush sharoitida qolgan; ✅ zoʻravonlik va ekspluatatsiya, tabiiy ofatlar, halokatlar, yongʻinlar va boshqa favqulodda vaziyatlar oqibatida hayotiga, sogʻligʻiga, mulkiga zarar yetgan; ✅ “Mehribonlik” uyi, Bolalar shaharchasi yoki oilaviy bolalar uyida tarbiyalangan; ✅ haq toʻlanadigan ishga yoki ish haqi (mehnat daromadi) keltiradigan mashgʻulotga ega boʻlmagan; ✅ davolanishga muhtoj boʻlgan bemor yoshlar; ✅ jazoni ijro etish muassasalaridan qaytgan; ✅ muayyan yashash joyiga ega boʻlmagan; ✅ psixologik maslahatga muhtoj; ✅ nikohi qayd etilganiga uch yildan oshmagan yosh oila; ✅ dehqonchilik yoki tomorqa xoʻjaligini yuritayotgan; ✅ yosh tadbirkor yoki oʻzini oʻzi band qilgan shaxs sifatida soliq xizmati organlarida roʻyxatdan oʻtgan yoshlar kiritiladi. 👉 Yoshlar daftariga ariza topshirish 👉@Hasan_Mamayusupov_maslahati - eng muhim, huquqiy, rasmiy xabarlar kanaliga obuna boʻling