ڤِينْكَا

" يا رب تمم لي أموري القادمة على خير وبشرني بما أنتظره منك فأنت خير المبشرين، اللهم أرح قلبي وهون علي ما أثقلني كتمانه واسقني صبرًا، يارب اجعل كل ما دعيته لك سرًا وجَهرًا تكتبه لي واقعًا يفرح قلبي، يارب إني وكلتك أمري وأنت خير وكيل فدبر لي أمري فإني لا أحسن التدبير، يارب بحق سورة يس والبقرة ومحمد وآل عمران أن تُسعد قلب كل من دخل وحوقل فإنها رافعة نافعة دافعة وكنز من كنوز الجنة " 🤲🏻

أدعولي ربنا يقربلي حلمي وأحقق اللي أنا بخططله ربنا يجازيكم خير محدش ينساني في دعاؤه فضلا 🥲❤️

وأنت طيب/ة يارب 🤍

«معلومات بستوتة» من خلال خبرتي العريقة في المطبخ اكتشفت إن الحاجة الوحيدة اللي تضيع ريحة ظفارة أي حاجة سمك أو فراخ أو غيره من غير أي مجهود هو الفلفل الأسمر . الملح أو الخل أو الليمون بيزودوا الريحة وبيتعمل معاهم مجهود كبير .

لا يا حبيبتي هي مش بتتقاس كدا خالص هو ممكن يكون في نسبة تأثير شوية عند البعض وليس الكل . بس الفكرة كلها بتبقى إحساس أنا بدخل نفسي جوا الحالة وبعيش لحظتها سواء حب أو فراق أو خوف أو أي كان كتبته ونزلته علشان يطلع صادق . أو مش شرط أعيش دا ساعات ببقى نايمة وأصحى أكتب كل حاجة وأكمل نوم هو شعور كدا من عند ربنا لا إرادي بس . فهمتيني؟🤍

بما إني سنجل فأنا بقبل الهدايا بتاعة العيد عادي يعني مثلا عدية، بوكس الخروف بالشكولاتات، ٥ كيلو لحمة! بسنت سيد .

لتركت كل شيء وراء ظهري وركضت إليه مسرعة حتىٰ أختبئ بين ضلوعه، فلا مكانٍ آمن سواه . بسنت سيد .

يومًا ما سنواجه كل مَن كان عائق في طريقُنا وسنقول لقد فعلناها وأصبحنا معًا . بسنت سيد .

dear my crush . ما تيجي هنا وأنا أحبك . - طب ولو مجيتش! هحبك برضو علشان أنت قمر وتتحب . بسنت سيد .

تجربة شخصية . وأنا صغيرة كان نفسي جدا أتعلم عود لأني غاوية مزيكا جدا بس والدي رفض وإلى الآن أنا معرفش السبب وضاع مني فرص كتير كويسة كان ممكن تخليني في مكان تاني خالص، زعلت جدا وكرهت كل حاجة لدرجة إني ضيعت برضو فرص كتير بالنسبة لكرة السلة . «أنا بحب كرة السلة من وأنا صغيرة وبلعب كويس واتضربت كتير» - رفض والدي إني أتعلم العود خلاني مشاركش في أي مسابقة لكرة السلة لا في مدرسة ولا في نادي فضاع عليا كتلة فرص من مجالين مختلفين، كان فكري وقتها إني بضايقهم مثلا بس الحقيقة لقيتني إني عاقبت نفسي . - لما كبرت أتعلمت: 1- إني موقفش حياتي لمجرد رفض على حاجة . 2- مزعلش على أي فرصة ضاعت مني سواء بعمد أو غير عمد . 3- مخلطش الزعل ببعضه وأخلي كل حاجة تأثر على بعضها . 4- أي حاجة بحبها برفضها أو بعاند فيها زعلها بيرجع ليا مش لغيري يعني العقاب ليا مش لحد . - فكرت إني لو كنت دخلت سكة الآلات الموسيقية هقع في أخطاء كتير وهنحدر عن نطاقي بحكم إني بعشق أي حاجة كلاسيكية فدا خير ليا . - ولو دخلت المسابقات وخسرت كنت هتدمر بجد بحكم إني بكره الهزيمة فربنا عفاني من الشعور دا فقولت الحمدلله . «العبرة من دا كله إن مع مرور الوقت والأيام هتعرف إن كل حاجة كنت عاوزها ومبقتش من نصيبك أكيد في وراها سبب مش شرط تعرفه المهم أنت تبرر لنفسك بسبب مقنع علشان ترضي نفسك وتقدر تواجه الحياة تاني بشكل طبيعي والأهم إنك متبنيش حياتك على حلم أو طموح واحد لو فشلت فيه تيأس وتسيب الدنيا تلطش فيك ولو نجحت فيه تفضل مكانك مطوروش، لازم تتقبل كل الأفكار وتفضل تدور على الإنسان اللي مليان قدرات جواك لحد ما توصل للمكانة اللي تستحقها .

متنسوش تنووا الصيام حتى لو مش لازم الخميس والجمعة مع بعض . خدوا الثواب الأيام دي مبتتعوضش . كل سنة وأنتم طيبين والأمة الإسلامية كلها بألف خير🤍🤍

مش معنى إنك بتاخد رأي حد إنك لازم تعمل بالرأي دا . أنت اللي في الموقف يعني أنت الوحيد اللي تقدر تحدد رد الفعل بتاعك ودا ميمنعش إنك تستشير كذا حد . اسمع رأي واتنين وتلاتة متمشيش من دماغك وخلاص في قرارات كتير بتتطلب أراء ولكن القرار الأول والأخير هيبقى منك والمناسب للموقف مش مجاملة لصاحب الرأي على حساب الباقيين . بسنت سيد .

أنت بتنجذبي مش بتحبي في فرق كبير جدا ودا نتيجة نقص المشاعر والحب اللي عندك فلا إرادي بتنجذبي بتعلق لأي حد كتعويض للي أنت فقداه جواك مش أكتر . بلاش تعيشي مخك في وهم الحب وتديله الإشارة ينعزل لمجرد إنك مش هتشوفي الشخص تاني . حبي أنت نفسك الأول بدرجة كافية وزودي ثقتك في نفسك وفوقي من الدايرة السلبية اللي أنت عايشة جواها دي وأختاري صح وشوفي الدنيا بألوان مش باللون البهتان وهتلاقي إن في ناس بتحبك ولو افترضنا أن مفيش ربنا هيخسرلك ناس في طريقك تحبك . «مقصدش أبدا إن أقسي عليك بالكلام أو ألومك في حاجة لأن أنا معرفكيش، بس أنا درست وشوفت كتير أوي أوي ومن طريقة الكلام بعرف أحدد شخصية الشخص حتى لو مش قدامي ومش بعظم في نفسي أكيد اللي دارسين زيي ويمكن أكتر،، الكلام دا ليك أنت ولمصلحتك أنت علشان تمحي الزعل من حياتك» . طول ما أنت في مكانك وسايبة نفسك لأفكارك هتشوفي إن مفيش أي حد بيحبك بس لو قررتي تحبي نفسك الأول بالطريقة الصحيحة وتلقي نظرة صحيحة على اللي قدامك هتلاقي إنك كنت فاهمة غلط في حاجات كتير 🤍🤍 وكمان مفيش بنت مبتتحبش علشان بنات جميلات 🤍🤍

..

أنا أسفة يا كوكب الشرق بس حتى لو همسلي وقالي إن الحق عليه عمري ما هنسى إحنا زعلنا ليه . بسنت سيد .

لا يمكن لأحد أن يشعر بما تشعر به أنت؛ فقلبك بداخلك أنت وليس بداخلهم . بسنت سيد .

لما هي كلها بقت ماشية بغض النظر عن الحلال والحرام أومال هتقيموا الصح والغلط إزاي من اتجاه الرياح! بسنت سيد .

أنا فعلا معنديش شغف لأي حاجة؛ إلا لحُبك . بسنت سيد .

إن الله غفور رحيم . محدش فينا كامل ومجرد من الأخطاء كلنا بنغلط وكل واحد بياخد عقابه حسب غلطه . أهم حاجة الاستغفار الكتير ومهما كان المعصية دي إيه صلي وأنت ساجدة كلمي ربنا يساعدك تتوبي لو نفسك غالبة عليكي أدعيله يكفيكي شر نفسك . أنوي التوبة من كل قلبك وأدعي بخشوع ربنا هينجيكي وهيقف جمبك وادعي لنفسك كتير ربنا يصلح حالك وحال الجميع يارب 🤍

بسنت صاحية آه 😂💞