رَفِيق

احذر ذنوب رجب 🚫 الأشهر الحرم مش مواسم زيادة ثواب للطاعة بس؛ ولكن كمان مواسم زيادة عقوبة للمعصية ‼️ صغائر الذنوب خارج الأشهر الحرم  يضاعف قدرها داخل الأشهر الحُرم. 📌 عدد السيئات لا يضاعف؛ ولكن يضاعف قدرها. فالصغائر في رجب ممكن تصل وتقترب من الكبائر؛ فلننتبه.

لا يُحسِن التربية إلا مَن ربَّى نفسَه أولًا ‏د. عبد الرحمن ذاكر

‏التحصين الوحيد لنفسك من الصدمات اللي كده كده هتيجي هتيجي هي النفحات الربانية اللي بتجيلك دايماً من وقت للتاني عشان تقول لك: كمل، لسه، وماتقعش دلوقتي.. فتح عينيك على وسعها عشان تشوف العوض.. الحاجة الأكيدة بنسبة مليون٪ هي إن كل فقد وراه عوض، وكل عوض أحلى من اللي اتفقد.

هاتتعود؛ هاتتعود على الحكايات اللي مبتكملش، والمواقف اللي بتجبرك الحياة عليها، وخط النهاية اللي مبتوصلوش مهما مشيت، هاتتعود تقول "عادي"، وتتقن إظهار قناعتك أنه فعلاً عادي مهما كان مش عادي، هاتتعود متسلمش بالقناعات، هاتتعود على الخذلان ومتاعب العمر والأيام، هاتتعود متتعودش على ثبات الناس ووجودهم.

"‏طلبت من الله الكثير ومنعه عني، وكان منعه قمة عطائه، فتعلمت أن أطلب ما أريد وأقبل بما يريد، فدائماً إرادته تأتي بالخير وإرادتي تسوقني إلى الشر، ولا زال يأخذ بيدي إلى الخير حيث تيقنت أنه هو الله أرحم الراحمين."

"الارتياح" فعل تلقائي ملهوش تفسير أو تحليل منطقي، فعل بنقف قدّامه وننسى الطريق اللي كنا متحركين من البداية علشانه، هو إنك متحاولش تعرف حاجه عن حد قاعد جنبك علشان تحكيله غير أنك بس ارتحتله، هو القعدة اللي بدأتها بـ "أنا ارتحتلك" وانتهت بـ "أنت ابن حلال"، الارتياح حتى مع الناس الكتير القريبة في حياتك اللي بيكون في من بينهم شخص تحديدًا بترتاح أكتر بوجودك وكلامك معاه، الارتياح فعل غير مُسبب، فعل بنبدأ تعبيرنا عنه بـ مش عارف؛ "مش عارف ليه ارتحتلك"، "مش عارف بس وشك في حاجه مريحة"، القبول اللي بيحصلنا مع الناس اللي بنرتاحلهم بيقين وثقة في القلوب بيختصر سنين ترتيب في الكلام والوصف والتفكير، بيختصر كل دا في إننا بس شوفناهم فـ "ارتحنا".

حاجات كتير فقدت معناها لما مجتش في الوقت المناسب، لما جت بعد ما فقدنا شغف انتظارها، كلمة اتقالت بعد تلميح علشان تتقال، فعل حصل بعد طلب، معنى كان عظيم وأصبح عابر على القلوب، كلمة كانت تهز أرواحنا وأصبحت تهز شفتانا فقط بابتسامة سخرية أو تعجب، أشياء فات وقتها ومعناها وفاتت من قلوبنا.

ليكن فِـ بيتنا مسجد🥺🌸💕

بصوا .. هو المذاكرة صعبة ، الشغل صعب ، والتعامل مع الناس صعب .. وإن الواحد يعمل فلوس صعب ، والجواز صعب .. وإن احنا نروح الشغل كل يوم، برضوا صعب .. 🤷‍♂️ بس: سيدنا عمر بن عبد العزيز قال جملة تكتب بماء الذهب..قال " لو أن الناس كلما استصعبوا أمرًا تركوه، ما قام للناسِ دنيا ولا دين. " ما ينفعش تبطل تعمل حاجة او تبطل تحاول عشان الحاجة دي صعبة

“أحيانا تُحِب أسمك من طريقه نُطق شخص له .”